ລິ້ງ ສຳຫລັບເຂົ້າຫາ

ສະບາຍດີແຟນລາຍການ​ທຸກຖ້ວນ​ໜ້າ​ ບັດນີ້​ກໍ​ຢ່າງ​ເຂົ້າ​ເດືອນ​ມິຖຸນາ-ກາງ​ປີ​ແລ້ວ
ຫວັງ​ວ່າເຄິ່ງປີທີ່ຜ່ານມານີ້ ທ່ານຜູ້ຟັງຄົງຈະປະສົມຜົນສຳເລັດທຸກປະການ ແລະຂໍ
ໃຫ້ເຄິ່ງປີ ຂ້າງໜ້ານີ້ ​ເປັນ​ຊ່ວງ​ເວລາ​ແຫ່ງ​ຜົນ​ສໍາ​ເລັດສຳລັບ​ທຸກໆທ່ານ ຂໍຈັດເພງ
"​ເສິກ ທາງ​ໃຈ" ​ຂອງ ມະລີຈັນສຸກ ທີ່​ທາງ​ຍາ​ເອື້ອຍ​ບຸນ​ວຽງ ສິນລະປິນລາວ​ຈາກ​ຝຣັ່ງ
​ໄດ້​ສົ່ງ CD ມາ​ໃຫ້ ແລະ​ວັນນະ​ສອນ ກໍ​ໄດ້​ນຳ​ສະ​ເໜີ​ຜົນງານ​ຂອງ​ສິນລະປິນ​ຫຼາຍໆ
​ທ່ານ​ມາ​ແດ່​ແລ້ວ​ ​ແລະ​ຄົງບໍ່​ຕ້ອງ​ອະທິບາຍ​ຫຼາຍ​ສຳ​ຫຼັບສິນລະປິນ​ທ່ານ​ນີ້ ຂໍ​ເຊີນ​ໄປ​
ຟັງ​ເພງ "​ເສິກ ທາງ​ໃຈ"ພ້ອມໆ​ກັນ​ເລີຍ.

ສ່ວນ​ເພງ ຢ່າ​ລືມ ຄຶດ​ເຖິງ​ກັນ ຕໍ່​ໄປ​ນີ້ ​ເປັນ​ຜົນງານ​ເພງ​ຄູ່ ຂອງ​ສິນລະປິນ ນັກ​ດົນຕີ
ນັກ​ແຕ່ງ​ເພງ ຈາກ​ກາ​ນາ​ດາ ກ໊ອກ ສຸລິຍະ​ເດດ ​ແລະ​ສິນລະປິນສາວ​ງາມ​ຈາກ​ຝຣັ່ງ
ຈັນດາຣາ ​ແລະເນື້ອ​ໄນຂອງເພງ​ນີ້ ກໍ​ບອກ​ແລ້​ວວ່າ ຢ່າ​ລືມ ຄຶດ​ເຖິງ​ກັນ ​ວັນນະ​ສອນ
ກໍ​ຫວັງ​ເຊັ່ນ​ນັ້ນ ​ເຊັ່ນ​ກັນ​ວ່າ ທ່ານ​ຜູ້ຟັງ ທີ່​ຄອຍ​ຕິດຕາ​ມລາຍການ​ສຽງ​ເພງ​ຈາກ​ແດນ​ໄກ
​ຂອງ​ພວກ​ເຮົາ ຄົງ​ຈະ​ມີ​ຄວາມ​ຮູ້ສຶກ​ແບບ​ດຽວ​ກັນ ທີ່​ວ່າ ຢາກ​ມາ​ຫາ​ທຸກ​ວັນ...ຢາກ​ເຫັນ​ໜ້າ ​ເພາະຄຶດ​ເຖິງ​ກັນ...

ວັນນະ​ສອນ ຂໍສົ່ງ​ທ້າຍ​ລາຍການດ້ວຍ​ເພງ “ຢືມ ຊົ່ວຄາວ” ຜົນງານ​ເພງຂອງ​ສິນລະປິນ
​ສາວ ສຸດ​ໃຈ ພູ​ເຮືອງ​ຫົງ ​ແລະ​ຫວັງ​ວ່າ ສຽງ​ຫວານໆ​ຂອງສຸດ​ໃຈ ຄົງ​ຈະ​ພາ​ໃຫ້​ທ່ານ​ຜູ້​
ຟັງຫຼັບ​ສະບາ​ຍ ​ແລະ​ພົບ​ກັນ​ໃໝ່ ​ໃນ​ສັບປະ​ດາ​ໜ້າ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG