ທາງການລາວວາງເປົ້າໝາຍທີ່ຈະຄວບຄຸມລະດັບການຕິດເຊື້ອ
HIV-AIDS ໃຫ້ຢູ່ໃນ ອັດຕາສະເລ່ຍ ຕໍ່າກວ່າ 1% ຂອງປະຊາ
ກອນທັງໝົດ ເພື່ອໃຫ້ບັນລຸເປົ້າໝາຍ ສະຫັດສະວັດ ການພັດ
ທະນາໃນປີ 2015.
ທ່ານ ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາ
ທາລະນະສຸກ ແລະປະທານຄະນະກໍາມະການແຫ່ງຊາດຕ້ານເອດສ໌ ຖະແຫຼງຢືນຢັນວ່າ ເປົ້າໝາຍສໍາຄັນທີ່ສຸດ ຂອງການຕ້ານໂຣກເອດສ໌ໃນລາວ ກໍຄືການທີ່ຈະຕ້ອງດໍາເນີນມາດຕະການປ້ອງກັນ ການແຜ່ລະບາດຂອງເຊື້ອໂຣກເອດສ໌ ໃນລາວ ໃຫ້ໄດ້ຕາມເປົ້າ ໝາຍສະຫັດສະວັດການພັດທະນາໃນປີ 2015 ດ້ວຍການຄວບຄຸມການຕິດເຊື້ອໂຣກເອດສ໌ຂອງປະຊາຊົນລາວໃຫ້ມີອັດຕາສະເລ່ຍທີ່ຕໍ່າກວ່າ 1% ຂອງຈໍານວນປະຊາກອນທັງໝົດໃນປະທດ.
ໂດຍການດໍາເນີນງານໃນລະຍະທີ່ຜ່ານມາ ກໍປາກົດວ່າ ສາມາດຄວບຄຸມການຕິດເຊື້ອໂຣກເອດສ໌ໄດ້ດີພໍສົມຄວນ ເພາະລາຍງານລ່າສຸດ ຂອງທາງການລາວ ກໍໄດ້ລະບຸວ່າມີປະຊາຊົນຕິດເຊື້ອໂຣກເອດສ໌ ໃນຊ່ວງປີ 1990-2013 ຈໍານວນທັງໝົດ 6,172 ຄົນ ແລະໃນນີ້ກໍໄດ້ເສຍຊີວິດໄປແລ້ວເຖິງ 1,494 ຄົນ ຈຶ່ງຍັງຄົງເຫຼືອ 4,678 ຄົນ ທີ່ຈະຕ້ອງໄດ້ຮັບການຊ່ວຍເຫຼືອໃນການປິ່ນປົວຕໍ່ໄປ ຊຶ່ງຖືເປັນອັດຕາສະເລ່ຍທີ່ຕໍ່າກວ່າ 1% ຂອງ ຈໍານວນປະຊາກອນລາວທັງໝົດ 6.5 ລ້ານກວ່າຄົນໃນປັດຈຸບັນນີ້.
ແຕ່ຢ່າງໃດກໍຕາມ ສູນຕ້ານໂຣກ HIV-AIDS ແລະພະຍາດຕິດຕໍ່ໃນລາວ ກໍລາຍງານວ່າ ໃນປັດຈຸບັນ ມີປະຊາກອນລາວ 3 ກຸ່ມ ດ້ວຍກັນ ທີ່ຖືວ່າເປັນກຸ່ມປະຊາກອນທີ່ມີຄວາມສ່ຽງສູງທີ່ຈະຕິດເຊື້ອໂຣກ HIV-AIDS ເພີ່ມຂຶ້ນຢ່າງຕໍ່ເນື່ອງ ຊຶ່ງປະກອບດ້ວຍກຸ່ມແມ່ຍິງລາວທີ່ຂາຍບໍລິການທາງເພດ ກຸ່ມຮັກຮ່ວມເພດດຽວກັນ ແລະກຸ່ມທີ່ຊົມໃຊ້ຢາເສບຕິດດ້ວຍການສີດເຂົ້າເສັ້ນເລືອດ.
ທັງນີ້ໂດຍຈາກການເກັບກໍາຂໍ້ມູນພາກສະໜາມ ໃນຂັ້ນເບື້ອງຕົ້ນ ເມື່ອບໍ່ດົນມານີ້ ກໍເຮັດໃຫ້ ທາງການລາວໄດ້ປະເມີນສະພາບການວ່າມີແມ່ຍິງລາວຫຼາຍກວ່າ 11,000 ຄົນ ທີ່ຂາຍບໍລິການທາງເພດເປັນອາຊີບ ໃນຂະນະດຽວກັນ ກໍມີຜູ້ຊາຍຫຼາຍກວ່າ 50,000 ຄົນ ທີ່ຮັກຮ່ວມເພດດຽວກັນ ແລະອີກຫຼາຍກວ່າ 50,000 ຄົນ ກໍຢູ່ໃນກຸ່ມທີ່ຊົມໃຊ້ຢາເສບຕິດເປັນປະຈໍາ ໂດຍສະເພາະແມ່ນກຸ່ມ ທີ່ຊົມໃຊ້ຢາເສບຕິດດ້ວຍການສີດເຂົ້າເສັ້ນເລືອດນັ້ນ ກໍນັບເປັນກຸ່ມປະຊາກອນທີ່ຕິດເຊື້ອ HIV-AIDS ເພີ່ມຂຶ້ນຢ່າງວ່ອງໄວອີກ ດ້ວຍ.
ການສະແດງລະຄອນ ປຸກລະດົມ ຕ້ານໂຣກເອດສ໌
ຊຶ່ງດ້ວຍສະພາບການດັ່ງກ່າວນີ້ ຈຶ່ງເຮັດໃຫ້ສູນຕ້ານໂຣກ HIV
-AIDS ແລະພະຍາດຕິດຕໍ່ ໃນສັງກັດກະຊວງສາທາລະນະສຸກ
ຂອງລາວ ໄດ້ໃຫ້ຄວາມສໍາຄັນເປັນພິເສດ ທີ່ຈະດໍາເນີນໃນທຸກ
ມາດຕະການເພື່ອລົດຈໍານວນຜູ້ຕິດເຊື້ອ HIV-AIDS ໃນທັງ 3
ກຸ່ມດັ່ງກ່າວ ໃຫ້ມີປະສິດທິພາບສູງຂຶ້ນນັບຈາກປັດຈຸບັນໄປຈົນ
ເຖິງປີ 2015 ດັ່ງທີ່ເຈົ້າໜ້າທີ່ຂັ້ນສູງໃນສູນຕ້ານໂຣກ HIV-
AIDS ແລະພະຍາດຕິດຕໍ່ໃນລາວ ໄດ້ໃຫ້ການຢືນຢັນວ່າ:
“ພາຍໃນປີ 2015 ນີ້ ລັດຖະບານແຫ່ງສາທາລະນະລັດປະຊາທິປະໄຕປະຊາ ຊົນລາວ ຈະໄດ້ສຸມໃສ່ການປ້ອງກັນ ການຕິດເຊື້ອໃນກຸ່ມຜູ້ທີ່ມີການສ່ຽງສູງສຸດ ໂດຍສະເພາະແລ້ວ ໃນກຸ່ມສາວບໍລິການ ກຸ່ມຊາຍທີ່ມີເພດສໍາພັນກັບຊາຍ ແລະກຸ່ມຜູ້ໃຊ້ຢາເສບຕິດທາງເສັ້ນເລືອດ.”
ກ່ອນໜ້ານີ້ ກະຊວງສາທາລະນະສຸກຂອງລາວ ໄດ້ລາຍງານຜົນການສຸ່ມກວດເລືອດປະຊາຊົນທີ່ ສະມັກໃຈຈົນເຖິງກາງປີ 2013 ວ່າ ມີປະຊາຊົນລາວຕິດເຊື້ອ HIV ຈໍາ ນວນທັງໝົດ 5,890 ຄົນ ໂດຍໃນນີ້ກໍມີຢູ່ເຖິງ 3,595 ຄົນ ທີ່ເປັນໂຣກ AIDS ສ່ວນທີ່ເສຍຊີວິດຍ້ອນໂຣກເອດສ໌ ໄປແລ້ວ ກໍມີເຖິງ 1,453 ຄົນ ໂດຍມີປະຊາຊົນລາວສະມັກໃຈໃຫ້ກວດເລືອດ 367,749 ຄົນ ໃນຊ່ວງປີ 1990 ເຖິງກາງປີ 2013.
ຊຶ່ງຕໍ່ກໍລະນີດຽວກັນນີ້ ທ່ານພອນເທບ ພົນເສນາ ສະມາຊິກສະພາແຫ່ງຊາດລາວ ກໍໄດ້ໃຫ້ການອະທິບາຍວ່າ ເຖິງແມ່ນວ່າອັດຕາການຕິດເຊື້ອ HIV –AIDS ໃນລາວຈະຍັງຄົງຢູ່ໃນລະດັບທີ່ຕໍ່າກໍຕາມ ແຕ່ສະຖານະການກໍໜ້າເປັນຫ່ວງທີ່ສຸດ ກໍຄືລະບົບໃຫ້ບໍລິ ການດ້ານການປິ່ນປົວແລະການຮັກສາສຸຂະພາບຂອງລັດຖະບານຍັງບໍ່ສາມາດທີ່ຈະໃຫ້ ການເບິ່ງແຍງບັນດາ ຄົນລາວທີ່ຕິດເຊື້ອໂຣກດັ່ງກ່າວນີ້ ໄດ້ຢ່າງທົ່ວເຖິງ.
ໂດຍເມື່ອປະກອບກັບການທີ່ລາວກໍເປັນປະເທດທີ່ມີຈຸດທີ່ຕັ້ງຢູ່ເຂດສູນກາງ ທີ່ສາມາດເຊື່ອມຕໍ່ການຄົມມະນາຄົນ ແລະຂົນສົ່ງກັບທຸກປະເທດ ທີ່ຢູ່ໃນລຸ່ມແມ່ນໍ້າຂອງດ້ວຍກັນໄດ້ໃນທຸກທິດທຸກທາງດ້ວຍແລ້ວ ຈຶ່ງນັບເປັນເງື່ອນໄຂສໍາຄັນ ທີ່ຈະເຮັດໃຫ້ປະຊາຊົນລາວ ມີຄວາມສ່ຽງ ຢ່າງສູງ ທີ່ຈະຕິດເຊື້ອໂຣກເອດສ໌ຫຼາຍຂຶ້ນ.
HIV-AIDS ໃຫ້ຢູ່ໃນ ອັດຕາສະເລ່ຍ ຕໍ່າກວ່າ 1% ຂອງປະຊາ
ກອນທັງໝົດ ເພື່ອໃຫ້ບັນລຸເປົ້າໝາຍ ສະຫັດສະວັດ ການພັດ
ທະນາໃນປີ 2015.
ທ່ານ ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາ
ທາລະນະສຸກ ແລະປະທານຄະນະກໍາມະການແຫ່ງຊາດຕ້ານເອດສ໌ ຖະແຫຼງຢືນຢັນວ່າ ເປົ້າໝາຍສໍາຄັນທີ່ສຸດ ຂອງການຕ້ານໂຣກເອດສ໌ໃນລາວ ກໍຄືການທີ່ຈະຕ້ອງດໍາເນີນມາດຕະການປ້ອງກັນ ການແຜ່ລະບາດຂອງເຊື້ອໂຣກເອດສ໌ ໃນລາວ ໃຫ້ໄດ້ຕາມເປົ້າ ໝາຍສະຫັດສະວັດການພັດທະນາໃນປີ 2015 ດ້ວຍການຄວບຄຸມການຕິດເຊື້ອໂຣກເອດສ໌ຂອງປະຊາຊົນລາວໃຫ້ມີອັດຕາສະເລ່ຍທີ່ຕໍ່າກວ່າ 1% ຂອງຈໍານວນປະຊາກອນທັງໝົດໃນປະທດ.
ໂດຍການດໍາເນີນງານໃນລະຍະທີ່ຜ່ານມາ ກໍປາກົດວ່າ ສາມາດຄວບຄຸມການຕິດເຊື້ອໂຣກເອດສ໌ໄດ້ດີພໍສົມຄວນ ເພາະລາຍງານລ່າສຸດ ຂອງທາງການລາວ ກໍໄດ້ລະບຸວ່າມີປະຊາຊົນຕິດເຊື້ອໂຣກເອດສ໌ ໃນຊ່ວງປີ 1990-2013 ຈໍານວນທັງໝົດ 6,172 ຄົນ ແລະໃນນີ້ກໍໄດ້ເສຍຊີວິດໄປແລ້ວເຖິງ 1,494 ຄົນ ຈຶ່ງຍັງຄົງເຫຼືອ 4,678 ຄົນ ທີ່ຈະຕ້ອງໄດ້ຮັບການຊ່ວຍເຫຼືອໃນການປິ່ນປົວຕໍ່ໄປ ຊຶ່ງຖືເປັນອັດຕາສະເລ່ຍທີ່ຕໍ່າກວ່າ 1% ຂອງ ຈໍານວນປະຊາກອນລາວທັງໝົດ 6.5 ລ້ານກວ່າຄົນໃນປັດຈຸບັນນີ້.
ແຕ່ຢ່າງໃດກໍຕາມ ສູນຕ້ານໂຣກ HIV-AIDS ແລະພະຍາດຕິດຕໍ່ໃນລາວ ກໍລາຍງານວ່າ ໃນປັດຈຸບັນ ມີປະຊາກອນລາວ 3 ກຸ່ມ ດ້ວຍກັນ ທີ່ຖືວ່າເປັນກຸ່ມປະຊາກອນທີ່ມີຄວາມສ່ຽງສູງທີ່ຈະຕິດເຊື້ອໂຣກ HIV-AIDS ເພີ່ມຂຶ້ນຢ່າງຕໍ່ເນື່ອງ ຊຶ່ງປະກອບດ້ວຍກຸ່ມແມ່ຍິງລາວທີ່ຂາຍບໍລິການທາງເພດ ກຸ່ມຮັກຮ່ວມເພດດຽວກັນ ແລະກຸ່ມທີ່ຊົມໃຊ້ຢາເສບຕິດດ້ວຍການສີດເຂົ້າເສັ້ນເລືອດ.
ທັງນີ້ໂດຍຈາກການເກັບກໍາຂໍ້ມູນພາກສະໜາມ ໃນຂັ້ນເບື້ອງຕົ້ນ ເມື່ອບໍ່ດົນມານີ້ ກໍເຮັດໃຫ້ ທາງການລາວໄດ້ປະເມີນສະພາບການວ່າມີແມ່ຍິງລາວຫຼາຍກວ່າ 11,000 ຄົນ ທີ່ຂາຍບໍລິການທາງເພດເປັນອາຊີບ ໃນຂະນະດຽວກັນ ກໍມີຜູ້ຊາຍຫຼາຍກວ່າ 50,000 ຄົນ ທີ່ຮັກຮ່ວມເພດດຽວກັນ ແລະອີກຫຼາຍກວ່າ 50,000 ຄົນ ກໍຢູ່ໃນກຸ່ມທີ່ຊົມໃຊ້ຢາເສບຕິດເປັນປະຈໍາ ໂດຍສະເພາະແມ່ນກຸ່ມ ທີ່ຊົມໃຊ້ຢາເສບຕິດດ້ວຍການສີດເຂົ້າເສັ້ນເລືອດນັ້ນ ກໍນັບເປັນກຸ່ມປະຊາກອນທີ່ຕິດເຊື້ອ HIV-AIDS ເພີ່ມຂຶ້ນຢ່າງວ່ອງໄວອີກ ດ້ວຍ.
ຊຶ່ງດ້ວຍສະພາບການດັ່ງກ່າວນີ້ ຈຶ່ງເຮັດໃຫ້ສູນຕ້ານໂຣກ HIV
-AIDS ແລະພະຍາດຕິດຕໍ່ ໃນສັງກັດກະຊວງສາທາລະນະສຸກ
ຂອງລາວ ໄດ້ໃຫ້ຄວາມສໍາຄັນເປັນພິເສດ ທີ່ຈະດໍາເນີນໃນທຸກ
ມາດຕະການເພື່ອລົດຈໍານວນຜູ້ຕິດເຊື້ອ HIV-AIDS ໃນທັງ 3
ກຸ່ມດັ່ງກ່າວ ໃຫ້ມີປະສິດທິພາບສູງຂຶ້ນນັບຈາກປັດຈຸບັນໄປຈົນ
ເຖິງປີ 2015 ດັ່ງທີ່ເຈົ້າໜ້າທີ່ຂັ້ນສູງໃນສູນຕ້ານໂຣກ HIV-
AIDS ແລະພະຍາດຕິດຕໍ່ໃນລາວ ໄດ້ໃຫ້ການຢືນຢັນວ່າ:
“ພາຍໃນປີ 2015 ນີ້ ລັດຖະບານແຫ່ງສາທາລະນະລັດປະຊາທິປະໄຕປະຊາ ຊົນລາວ ຈະໄດ້ສຸມໃສ່ການປ້ອງກັນ ການຕິດເຊື້ອໃນກຸ່ມຜູ້ທີ່ມີການສ່ຽງສູງສຸດ ໂດຍສະເພາະແລ້ວ ໃນກຸ່ມສາວບໍລິການ ກຸ່ມຊາຍທີ່ມີເພດສໍາພັນກັບຊາຍ ແລະກຸ່ມຜູ້ໃຊ້ຢາເສບຕິດທາງເສັ້ນເລືອດ.”
ກ່ອນໜ້ານີ້ ກະຊວງສາທາລະນະສຸກຂອງລາວ ໄດ້ລາຍງານຜົນການສຸ່ມກວດເລືອດປະຊາຊົນທີ່ ສະມັກໃຈຈົນເຖິງກາງປີ 2013 ວ່າ ມີປະຊາຊົນລາວຕິດເຊື້ອ HIV ຈໍາ ນວນທັງໝົດ 5,890 ຄົນ ໂດຍໃນນີ້ກໍມີຢູ່ເຖິງ 3,595 ຄົນ ທີ່ເປັນໂຣກ AIDS ສ່ວນທີ່ເສຍຊີວິດຍ້ອນໂຣກເອດສ໌ ໄປແລ້ວ ກໍມີເຖິງ 1,453 ຄົນ ໂດຍມີປະຊາຊົນລາວສະມັກໃຈໃຫ້ກວດເລືອດ 367,749 ຄົນ ໃນຊ່ວງປີ 1990 ເຖິງກາງປີ 2013.
ຊຶ່ງຕໍ່ກໍລະນີດຽວກັນນີ້ ທ່ານພອນເທບ ພົນເສນາ ສະມາຊິກສະພາແຫ່ງຊາດລາວ ກໍໄດ້ໃຫ້ການອະທິບາຍວ່າ ເຖິງແມ່ນວ່າອັດຕາການຕິດເຊື້ອ HIV –AIDS ໃນລາວຈະຍັງຄົງຢູ່ໃນລະດັບທີ່ຕໍ່າກໍຕາມ ແຕ່ສະຖານະການກໍໜ້າເປັນຫ່ວງທີ່ສຸດ ກໍຄືລະບົບໃຫ້ບໍລິ ການດ້ານການປິ່ນປົວແລະການຮັກສາສຸຂະພາບຂອງລັດຖະບານຍັງບໍ່ສາມາດທີ່ຈະໃຫ້ ການເບິ່ງແຍງບັນດາ ຄົນລາວທີ່ຕິດເຊື້ອໂຣກດັ່ງກ່າວນີ້ ໄດ້ຢ່າງທົ່ວເຖິງ.
ໂດຍເມື່ອປະກອບກັບການທີ່ລາວກໍເປັນປະເທດທີ່ມີຈຸດທີ່ຕັ້ງຢູ່ເຂດສູນກາງ ທີ່ສາມາດເຊື່ອມຕໍ່ການຄົມມະນາຄົນ ແລະຂົນສົ່ງກັບທຸກປະເທດ ທີ່ຢູ່ໃນລຸ່ມແມ່ນໍ້າຂອງດ້ວຍກັນໄດ້ໃນທຸກທິດທຸກທາງດ້ວຍແລ້ວ ຈຶ່ງນັບເປັນເງື່ອນໄຂສໍາຄັນ ທີ່ຈະເຮັດໃຫ້ປະຊາຊົນລາວ ມີຄວາມສ່ຽງ ຢ່າງສູງ ທີ່ຈະຕິດເຊື້ອໂຣກເອດສ໌ຫຼາຍຂຶ້ນ.
