ລິ້ງ ສຳຫລັບເຂົ້າຫາ

ວັນອັງຄານ, ໒໓ ເມສາ ໒໐໒໔

ຄົນຮ້າຍສົ່ງລະເບີດຫໍ່ໂຈມຕີ ທີ່ກຸງຈາກາຕາ


ຕໍາຫລວດເກັບກູ້ລະເບີດ ກວດກາເບິ່ງບ່ອນລະເບີດທີ່ແຕກ
ຂຶ້ນຈາກຫໍ່ປຶ້ມ ໃນຫ້ອງການຂອງກຸ່ມມຸສລິມ ນິຍົມແນວທາງພໍປານ
ກາງທີ່ກຸງ Jakarta, ວັນທີ 15 ມີນາ 2011
ຕໍາຫລວດເກັບກູ້ລະເບີດ ກວດກາເບິ່ງບ່ອນລະເບີດທີ່ແຕກ ຂຶ້ນຈາກຫໍ່ປຶ້ມ ໃນຫ້ອງການຂອງກຸ່ມມຸສລິມ ນິຍົມແນວທາງພໍປານ ກາງທີ່ກຸງ Jakarta, ວັນທີ 15 ມີນາ 2011

ຕໍາຫລວດ​ອິນ​ໂດ​ເນ​ເຊຍ​ກ່າວ​ວ່າ ​ເຂົາ​ເຈົ້າ​ສົງ​ໄສ​ວ່າ ມີຄົນຜູ້​ດຽວ​ຫລື​ອົງການ​ດຽວ​ເປັນ​ຜູ້​ຮັບຜິດຊອບ​ໃນ​ການ​ສົ່ງ​ລະ​ເບີດ 3 ລູກໂດຍປອມ​ແປງ​ເປັນ​ຫໍ່​ເຄື່ອງ​ທໍາ​ມະ​ດາ ​ໃນ​ວັນ​ອັງຄານ​ວານ​ນີ້ ​ໄປ​ຍັງ​ເຂດ​ຕ່າງໆ​ໃນ​ນະຄອນ​ຫລວງ​ກຸງ​ຈາ​ກາ​ຕາ.

ທາງ​ການ​ອິນ​ໂດ​ເນ​ເຊຍ​ກ່າວ​ວ່າ ຫໍ່​ລະ​ເບີດ​ຫໍ່​ນຶ່ງ​ທີ່ໄດ້ສົ່ງ​ໄປ​ໃຫ້​ນັກ​ຊ່ຽວຊານ​ມຸສລິ​ມຫົວ​ເສລີ​ທ່ານ​ນຶ່ງ ​ໄດ້​ລະ​ເບີດ​ຂຶ້ນ​ເວລາ​ເຈົ້າ​ໜ້າ​ທີ່​ຕໍາຫລວດພະຍາຍາມ​ປົດ​ກະນວນ​ລະ​ເບີດ
ຊຶ່ງ​ໄດ້​ເຮັດ​ໃຫ້​ມື​ຂອງ​ເຈົ້າ​ໜ້າທີ່ຕໍາຫລວດ​ຄົນ​ນີ້​ຂາດ​
ໄປ​ເບື້ອງນຶ່ງ​ແລະ​ເຮັດ​ໃຫ້ຕື່ມ​ອີກ 3 ຄົນ​ໄດ້​ຮັບ​ບາດ​ເຈັບ.

ຕໍາຫລວດ​ກ່າວ​ວ່າ ຫໍ່​ຂອງ​ທີ່​ວ່າ​ນີ້​ແມ່ນ​ສົ່ງ​ໄປໃຫ້​ທ່ານ Ulil
Abshar Abdalla ​ເຄືອ​ຂ່າຍ​ມຸສລິ​ມ​ເສລີ. ທ່ານ Abdella
ເປັນ​ນັກ​ຊ່ຽວຊານທີ່​ໄດ້​ຮັບ​ການ​ສຶກສາ​ຈາກ​ສະຫະລັດ​ອາ
ເມ​ລິ​ກາ ​ແລະ​ຜູ້​ຄົນຮູ້​ຈັກ​ທ່ານ​ດີທີ່ຮຽກຮ້ອງ​ໃຫ້​ມີ​ການ​ອະນຸ
ໂລມຜ່ອນຜັນທາງ​ດ້ານ​ສາສະໜາ​ນັ້ນ.

ແຕ່​ຫໍ່​ເຄື່ອງ​ອີກ 2 ຫໍ່​ນັ້ນ​ບໍ່​ໄດ້​ລະ​ເບີດ​ຂຶ້ນ ຮວມທັງ​ຫໍ່​ນຶ່ງ​ທີ່​ຕໍາຫລວດກ່າວ​ວ່າ ສົ່ງ​ໄປ​ຫາ​
ອົງການ​ປາບ​ຢາ​ເສບ​ຕິດ​ແຫ່ງ​ຊາດ​ນັ້ນ.ອິນໂດ​ເນ​ເຊຍ​ເປັນ​ປະ​ເທດ​ທີ່​ນັບຖືສາສະໜາອິສ
ລາມທີ່ໃຫຍ່​ທີ່​ສຸດ​ຂອງ​ໂລກ ​ແລະ​ມີ​ຊື່​ສຽງ​ທີ່​ວ່າ​ມີ​ການ​ອະນຸໂລມຜ່ອນຜັນ​ທາງ​ດ້ານ​ສາສະ
ໜາ​ນັ້ນ. ​ແຕ່​ພວກ​ກຸ່ມ​ນິຍົມ​ສາສະໜາ​ຫົວ​ແຂງ​ກະດ້າງ​ນ້ອຍໆໄດ້​ທໍາ​ການ​ໂຈມ​ຕີ​ຢ່າງ​ແຂງ​
ຂັນ​ເພີ່ມ​ຂຶ້ນ​ເລື້ອຍໆ​ຕໍ່​ທັງ​ພວກ​ນັບຖືສາສະໜາ​ຄຣິດ ແລະພວກ​ມຸສລິ​ມຊົນ​ກຸ່ມນ້ອຍ​ຕ່າງໆ​ນັ້ນ.

XS
SM
MD
LG