ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອົງການ ອະນາໄມໂລກ ຈະທົດລອງ ປົວພວກຕິດເຊື້ອ ອີໂບລາ ແບບໃໝ່ (ວີດີໂອ ພາສາລາວ)


ຜູ້ອຳນວຍການອົງການອະນາໄມໂລກ ທ່ານນາງ Margaret Chan (ຊ້າຍ) ແລະເຈົ້າໜ້າທີ່ສະຫະປະຊາຊາດ ທ່ານ David Nabarro.
ຜູ້ອຳນວຍການອົງການອະນາໄມໂລກ ທ່ານນາງ Margaret Chan (ຊ້າຍ) ແລະເຈົ້າໜ້າທີ່ສະຫະປະຊາຊາດ ທ່ານ David Nabarro.

ອົງການ​ອະ​ນາ​ໄມ​ໂລກກ່າວ​ວ່າ ຕົນ​ຈະ​ເລັ່ງລັດ ການ​ນຳໃຊ້
ການປິ່ນປົວພວກຕິດເຊື້ອໄວຣັສອີໂບລາແບບທົດ​ລອງ ​ໃນ​
ຂະນະ​ທີ່​ຈຳນວນ​ຜູ້​ເສຍ​ຊີວິດຍ້ອນການລະ​ບາດ​ໃນເຂດອາ
ຟຣິກາ​ຕາ​ເວັນ​ຕົກ ກະ​ໂດດ​ຂື້ນເປັນ​ຫຼາຍ​ກວ່າ 2,000 ຄົນ.

ອົງການ​ອະ​ນາ​ໄມ​ໂລກກ່າວ​ໃນ​ວັນ​ສຸກ​ວານ​ນີ້ວ່າ ​ເລືອດ​ຂອງ​
ບັນດາ​ຜູ້​ລອດ​ຊີວິດມາໄດ້ ສາມາດ​ນຳ​ໃຊ້​ໃນ​ທັນ​ທີ​ເພື່ອ​ປິ່ນ
ປົວ ພວກ​ທີ່​ຕິດ​ກັບເຊື້ອ​ໄວຣັສ. ການ​ຄົ້ນ​ຄວ້າ​ສະ​ແດງ​ໃຫ້
​ເຫັນ​ວ່າ ການນຳເອົາເລືອດຂອງ​ຜູ້​ລອດ​ຊີວິດ​ຈາ​ກອີ​ໂບລາ
ມາໃຊ້ ອາດ​ຈະ​ຊ່ວຍ​ບັນດາ​ຄົນ​ເຈັບ​ອື່ນໆ​ ທີ່ພວມຕໍ່ສູ້​ກັບ​ເຊື້ອໄວຣັສນີ້.

ນອກນັ້ນ ອົງການອະນາໄມໂລກຍັງ​ກ່າວ​ວ່າ​ ຢາວັກ​ຊິນທີ່​ໃຫ້​ຄວາມ​ຫວັງໃນການ​ປົວອີ​ໂບ
ລາ ຈະ​ເປັນບູລິມະສິດໃນ​ການ​ພັດທະນາ​ໃນ​ຫ້ອງ​ທົດ​ລອງ ​ແລະ​ອາດ​ຈະ​ຖືກ​ນຳອອກໃຊ້​
ໃນ​ທ້າຍ​ປີ​ນີ້. ຮອງຜູ້ອຳນວຍການ​ທົ່ວ​ໄປ​ຂອງ ອົງການອະນາໄມໂລກ ທ່ານ​ນາງ Marie-Paule Kieny ກ່າວ​ວ່າ ການ​ທົດ​ສອບ​ຂັ້ນ​ຕົ້ນຂອງ ​ຢາ​ວັກ​ຊິນນີ້ ອາດ​ຈະ​ເປັນ​ທີ່
​ຮຽບຮ້ອຍ​ ພາຍໃນ​ເດືອນ​ພະຈິກ ຈະ​ມາ​ເຖິງ​ນີ້.

ເບິ່ງວີດີໂອ ພາສາລາວ ກ່ຽວກັບການຄົ້ນຄ້ວາ ຢາທົດລອງປົວເຊື້ອອີໂບລາ:

ໃນຕ​ອນ​ເຊົ້າ​ວັນ​ສຸກ​ວານ​ນີ້ ລາຍ​ງານ​ກ່ຽວກັບສະຖານະ​ການ​ຈາກ ອົງການອະນາໄມໂລກ
ແຈ້ງວ່າ ການ​ແຜ່​ລະບາດຂອງອີ​ໂບລາກຳລັງ​ທະວີ​ຄວາມຮ້າຍແຮງຂຶ້ນ​ໃນກີນີ ​ໄລ​ບີເຣຍ ​
ແລະ​ຊີແອຣາ ລີອອນ. ລາຍ​ງານ​ຍັງ​ກ່າວ​ວ່າ ​ໄລ​ບີ​ເລຍມີຜູ້ຕິດເຊື້ອໃໝ່​ ຫລາຍກ່ວາ 200
ກໍລະນີ ຕໍ່​ອາທິ​ດ ​ໃນ​ຂະນະ​ທີ່ ຊີ​ແອ​ຣາ​ ລີ​ອອນ ແມ່ນຫລາຍ​ກວ່າ 150 ກໍລະນີ ​ແລະ​ກີ​ນີ
ຫລາຍ​ກວ່າ 100 ກໍລະນີ.

ອົງການອະນາໄມໂລກໄດ້ຕັ້ງໂຕເລກກໍລະນີ​ຜູ້ຕິດເຊື້ອທັງໝົດຢູ່​ໃນ​ສາມ​ປະ​ເທດ ແມ່ນ
ຕ່ຳກວ່າ 4,000 ຄົນໜ້ອຍນຶ່ງ ​ແຕ່ບັນດາ​ເຈົ້າ​ໜ້າ​ທີ່​ສາທາລະນະສຸກເວົ້າ​ວ່າ ​ໂຕ​ເລກ​ທີ່
ແທ້ຈິງ​ນັ້ນ ​ອາດ​ຈະ​ສູງ​ກວ່ານີ້.

EBOLA CNPK
please wait
Embed

No media source currently available

0:00 0:01:38 0:00

XS
SM
MD
LG