ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຊາວລາວ ແລະກຳປູເຈຍ ປະທ້ວງ ການຈະມາຢ້ຽມຢາມ ຂອງທ່ານ Nguyen Phu Trong


ຊາວລາວ ແລະກຳປູເຈຍ ສີ່ຮ້ອຍກວ່າຄົນ ປະທ້ວງຢູ່ຕໍ່ໜ້າ ຕຶກສະພາສູງ ທີ່ນະຄອນຫລວງ ວໍຊິງຕັນ ຄັດຄ້ານ ການມາຢ້ຽມຢາມ ສະຫະລັດ ຂອງ ເລຂາທິການໃຫຍ່ ພັກຄອມມິວນິສ ຫວຽດນາມ.
ຊາວລາວ ແລະກຳປູເຈຍ ສີ່ຮ້ອຍກວ່າຄົນ ປະທ້ວງຢູ່ຕໍ່ໜ້າ ຕຶກສະພາສູງ ທີ່ນະຄອນຫລວງ ວໍຊິງຕັນ ຄັດຄ້ານ ການມາຢ້ຽມຢາມ ສະຫະລັດ ຂອງ ເລຂາທິການໃຫຍ່ ພັກຄອມມິວນິສ ຫວຽດນາມ.

ໃນລາຍການ​ຊີວິດ​ຊາວ​ລາວ​ມື້​ນີ້ ​ເຮົາ​ຈະສະເໜີ ​ການ​ສຳພາດ
ກັບທ່ານ​ສັນຕິ ເສຣີ ​ແລະ ທ່ານນາງ​ບຸນ​ຈັນ ເສນ​ທະ​ວົງ ສັງກັດ
ຢູ່​ໃນ​ປະຊາຄົມ​ລາວ ອາ​ເມຣິກັນ​ ທີ່​ໄດ້​ເຂົ້າ​ຮວມກັບ ປະຊາ
​ຄົມ​ກຳປູ​ເຈຍ ທີ່​ມາ​ຈາກ ຫົກ​ອົງການ​ຈັດ​ຕັ້ງ ​ເພື່ອປະ​ທ້ວງໃນ​
ວັນ​ສຸກ ທີ່ 26 ຢູ່​ຕໍ່ໜ້າ ສະພາ​ສູງ​ ສຫລ ຮຽກຮ້ອງ​ໃຫ້ ສະພາ
​ແຫ່​ງຊາດ ​ແລະ ປະທານາທິບໍດີ ກົດ​ດັນ ລັດຖະບານ ຫວຽດ
ນາມ ​ໃຫ້​ຄວາມ​ເຄົາລົບເສຣີພາບ ​ໃນ​ການ​ນັບຖື​ສາສະໜາ
ການ​ປາກ​ເວົ້າ ຂອງ​ຊາວ​ພື້ນເມືອງ ​ຢູ່ໃນ​ຫວຽດນາມ ​ແລະ
ສົ່ງສານ​ການຈະເດີນທາງມາ​ຢ້ຽມຢາມ ສຫລ ​ຂອງເລຂາທິ
ການ​ໃຫຍ່ ພັກ​ຄອມມິ​ວນິສ ຫວຽດນາມ ໃນ​ວັນ​ທີ່ 10 ​ເດືອນ​
ກໍ​ລະກົດ​ ຄື​ວັນ​ສຸກສັປດາ​ໜ້ານີ້. ​ເຊີນ​ທ່ານ​ພົບ​ກັບ ​ກິ່ງ​ສວັນ
​ໄດ້​ເລີຍ.

ຊາວລາວ ແລະກຳປູເຈຍ ຖືປ້າຍຄຳຂວັນ ປະທ້ວງ
ຊາວລາວ ແລະກຳປູເຈຍ ຖືປ້າຍຄຳຂວັນ ປະທ້ວງ

ນັ້ນ​ແມ່ນ​ສຽງ​ຮ້ອງ​ໂຮ​ຂອງ​ ບັນດາຊາ​ວກຳປູເຈຍ ​ແລະ​ຊາວລາວ-
ອາ​ເມຣິກັນ ຈຳນວນ 400 ຮ້ອຍ​ກວ່າຄົນ ທີ່​ໄດ້​ມາ​ເຕົ້າ​ ໂຮ​ມກັນ​ຢູ່
​ຕໍ່ໜ້າ ສະພາ​ສູງ​ແຫ່ງ​ຊາດ ສຫລ ທີ່​ນະຄອນຫລວງ ວໍ​ຊິງ​ຕັນ ​ໃນ​
ວັນສຸກ ທີ 26 ຜ່ານ​ມາ. ຈຸດປະສົງ​ກໍແມ່ນເພື່ອເປັນການສົ່ງ​ສານ​
ເຖິງລັດຖະບານ ສະຫະລັດ ​ແລະການ​ມາ​ຢ້ຽມຢາມ ​ເລຂາທິການ
​ໃຫຍ່ຂອງ ພັກ​ຄອມມິ​ວນິສ ຫວຽດນາມ ໃນ​ວັນ​ທີ່ 10 ​ເດືອນ​ກໍ​ລະ​
ກົດຈະ​ມາ​ເຖິງ​ນີ້.

ພາຍ​ໃຕ້​ດິນ​ຟ້າ​ອາກາດ​ອັນ​ແຈ່ມ​ໃສ ​ຢູ່ຕໍ່ໜ້າ​ສະພາ​ສູງ​ແຫ່ງ​ຊາດ
ສຫລ ​ໄດ້​ມີ​ຊາວກຳປູ​ເຈັຍ ແລະ​ຊາວ​ລາວ-ອາ​ເມຣິກັນ ທີ່ມ​າຈາກ​ຫົກ ​ອົງການຈັດ​ຕັ້ງດັ່ງຕໍ່
ລົ​ງ​ໄປ​ນີ້ຄື ​ມູນ​ນິທິກູ້​ໄພ​ແຫ່ງ​ຊາດ, ​ເຄຶ່ອຂ່າຍ​ປະຊາຊົນ​ກຳປູ​ເຈຍ, ມູນ​ນິທິ ກຳປູ​ເຈຍ ກຣົມ, ພະລັງ​ຮວມຊາດ​ລາວ, ສະພາ​ສິດທິ​ມະນຸດ​ລາວ ​ແລະ Degar Foundation ຊຶ່ງ​ເປັນ​ອົງ
ການ​ຈັດ​ຕັ້ງ​ຂອງ​ຊາວມົງຕາ​ຍາ​ ທີ່​ມາ​ຈາກ ຫວຽດນາມ. ​ອ້າງ​ອີງ​ຕາມຖະ​ແຫລງການຂ່າວ
ສານສະບັບນຶ່ງ​ແມ່ນ​ວ່າ ເຂົາ​ເຈົ້າ​ໄດ້ພາກັນ​ຮຽກຮ້ອງ​ໃຫ້ ສະພາ​ແຫ່​ງຊາດ ​ແລະປະທານາ
ທິບໍດີ ​ກົດ​ດັນລັດ ຖະບານຜະ​ເດັດ​ການຫວຽດນາມ ​ໃຫ້​ຄວາມ​ເຄົາລົບ​ເສຣີພາບ ​ໃນ​ການ
ນັບຖື​ສາສະໜາ ການປາກ​ເວົ້າ ຂອງ​ຊາວ​ພື້ນເມືອງ ​ຢູ່ໃນ​ຫວຽດນາມ ຫ້າມການ​ຂາຍ​ອາ
ວຸດ ​ໃຫ້​ແກ່​ລັດຖະບານ ຜະ​ເດັດ​ການຫວຽດນາມ ຫ້າມລັດຖະບານ ຜະ​ເດັດ​ການ​ຫວຽດ
ນາມ ບໍ່​ໃຫ້​ເຂົ້າ​ຮວມ​ໃນຂໍ້ຕົກລົງການ​ຄ້າ​ຂ້າມ​ທະ​ເລ ຫລື (TTP) ຍຸຕິຫວຽດນາມ ບໍ່​ໃຫ້ສີດ
ຝຸ່ນ​ເຄມີທຳລາຍເຄື່ອງປູກຂອງ​ຝັງຂອງ​ຊາວສວນ ຢູ່ໃນ​ດິນ​ແດນ​ກຳປູ​ເຈຍດັ່ງ​ນີ້​ເປັນ​ຕົ້ນ.

ບັນດາຊາວລາວ-ອາເມຣິກັນ ເຂົ້າຮວມການປະທ້ວງ
ບັນດາຊາວລາວ-ອາເມຣິກັນ ເຂົ້າຮວມການປະທ້ວງ

ບັນດາ​ຜູ້​ປະ​ທ້ວງ​ພາກັນຖື​ທຸງອະດີດ ພະ​ລາ​ຊາ​ອານາຈັກ​ລາວ
​ທຸງ​ກຳປູເຈຍ ​ທຸງ​ຊາວ​ມົງຕາ​ຍາ ແລະ​ທຸງ​ສະຫະລັດ ຮ້ອງ​ໂຮ​ເປັນ​
ສຽງ​ດຽວ​ກັນອອກ​ມາ​ເປັນ​ພາສາ​ອັງກິດ​ວ່າ ​“ເປັນຫຍັງ​ເຮົາ​ມາຢູ່​
ທີ່​ນີ້​ໃນ​ມື້​ນີ້” ​ແລະ​ມີ​ສຽງ​ຕອບ​ອອກ​ມາ​ວ່າ “​ຫວຽດນາ​ມ ຈົ່ງເອົາ
ປະ​ເທດ​ຂອງ​ພວກ​ເຮົາ​ຄືນ​ມາ​, ​ຈົ່ງ​ສົ່ງ​ເສຣີພາບຄືນ​ມາ​ໃຫ້​ພວກ
​ເຮົາ.” ເປົ້າ​ໝາຍ​ອັນ​ສຳຄັນ​ຂອງການປະ​ທ້ວງ​ຄັ້ງ​ນີ້​ອີກ​ອັນ​ນ່ຶງ
ກໍ​ແມ່ນ​ເພື່ອ​ ສົ່ງສານເຖິງການມາ​ຢ້ຽມຢາມ ນະຄອນຫລວງ ວໍ​ຊິງ​
ຕັນ ຢ່າງ​ເປັນ​ທາງ​ການ​ຂອງ ເລຂາທິການ​ໃຫຍ່ ພັກ​ຄອມມິ​ວ
ນິສ ຫວຽດນາມ ທ່ານ Nguyen Phu Trong ຊຶ່ງ​ຄາດ​ວ່າ​ຈະ
ເດີນທາງ​ມາເຖິງໃນ​ວັນ​ທີ່ 10 ກໍລະ​ກົດ​ອາທິດ​ໜ້າ​ນີ້.

ຊາວລາວ ແລະກຳປູເຈຍ-ອາເມຣິກັນ
ຊາວລາວ ແລະກຳປູເຈຍ-ອາເມຣິກັນ


ພາກສ່ວນສຳຄັນ​ຂອງ​ການ​ຢ້ຽມຢາມ ສະຫະລັດ ຂອງ​ທ່ານ
Trong ກໍ​ຄື ​ເຮັດ​ໃຫ້ຄວາມ​ພະຍາຍາມຂອງ ລັດຖະບານ​
ສະຫະ​ລັດ ທີ່​ຈະ​ເຄື່ອນ​ຍ້າຍ​ໄປ​ໜ້າ​ສູ່ ການ​ປອງ​ດອງກັນ​ ​
ແລະ ສ້າງສຳພັນ​ທະ​ໄມຕີໃຫ້ເປັນ​ປົກກະ​ຕິ​ກັບ ຫວຽດນາມ
​ແລະ​ສ້າງ​ຕັ້ງ​ພື້ນຖານ “ເສົາຄ້ຳ​ຂອງເອ​ເຊຍ” ​ໃນ​ນະ​ໂຍ
ບາຍ​ຕ່າງປະ​ເທດ ​ແລະ​ຕົກລົງ​ການ​ຄ້າ​ຢູ່​ເອ​ເຊຍ ແຄມ​ຝັ່ງ​
ມະຫາ​ສະມຸດປາຊິ​ຟິກ. ​ໃນ​ຂະນະ​ທີ່​ປົວ​ແປງ​ບາດແຜສົງ
ຄາມ​ຫວຽດນາມ ຮວມທັງ​ຄວາມ​ເສຍ​ຫາຍ ທີ່​ເກີດ​ມາຈາກ
ຝົນ​ສີ​ເຫລືອງ​ທີ່ ກອງ​ທັບສະຫະລັດ ​ໄດ້​ວ່າ​ນລົງ​ໃນ​ປາງສົງຄາມວຽດນາມ ອັນ​ເປັນ
ຄວາມ​ປາດ​ຖະໜາ ​ແລະເປົ້າ​ໝາຍທີ່​ຈຳ​ເປັນ ​ໂດຍບໍ່ກ່າ​ວ​ເຖິງ​ການ​ທຳຮ້າຍ​ສິດທິ​ມະນຸດ​ອັນສຳຄັນ ທີ່​ລັດຖະບານ​ຫວຽດນາມ ກຳລັງປະຕິບັດຢູ່​ ​ຕະຫຼອດທັງຄວາມ​ພະຍາຍາມ
ຂອງ​ເຂົາ​ເຈົ້າ ທີ່​ຈະຄວຍຄຸມ​ເສດຖະກິດ ແລະ​ການ​ເມືອງຢູ່​ໃນ​ເຂດ​ເອ​ເຊຍ​ຕາ​ເວັນ​ອອກ
ສຽງ​ໃຕ້ ຜ່ານ​ວິ​ທີ່​ກາ​ນ​ທຳຮ້າຍ ຮວມທັງ​ສີດ​ເຄມີ​ ໃສ່ຜົນ​ປູກໃນ​ດິນ​ແດນ​ກຳປູ​ເຈຍ ​ເພື່ອ
​ຄັບ​ໄລ່​ຊາວ​ປູກ​ຝັງ ອອກ​ຈາກ​ເຂດ​ທີ່​ມີ​ການ​ໂຕ້​ແຍ້​ງກັນນັ້ນ.

ໃນບັນດາ​ສະມາຊິກ​ສັງຄົມ​ລາວ​ຈຳນວນ​ນຶ່ງ ​ໃນຂົງ​ເຂດ​ນະຄອນຫລວງ ວໍ​ຊິງ​ຕັນ ​ແລະ​ລັດ
​ຕ່າງໆ ຜູ້​ນຶ່ງ​ກໍ​ແມ່ນ ຍານາງບຸນ​ຈັນ ເສນ​ຖະ​ວົງ ສະຕີ​ລາວ-ອາ​ເມຣິກັນ ຊຶ່ງໄດ້ໃຫ້​ຂໍ້​ຄິດ​ເຫັນ
​ກ່ຽວ​ກັບ​ການ​ມາ​ຮ່ວ​ມປະ​ທ້ວງຄັ້ງ​ນີ້ ທີ່​ທ່ານ​ນາງ​ໄດ້​ກ່າວ​ຕໍ່ ວີ​ໂອ​ເອວ່າ :

ທ່ານນາງບຸນຈັນ ເສນທະວົງ (ຊ້າຍ)
ທ່ານນາງບຸນຈັນ ເສນທະວົງ (ຊ້າຍ)

ຄວາມ​ເປັນ​ຫ່ວງ​ທີ່​ຍານາງ​ບຸນ​ຈັນ​ໄດ້​ກ່າວ​ມານີ້​ ​ແມ່ນ​ໄດ້​ອ້າງ​ອິງ ​ແລະ​ໄດ້​ຮັບ​ຂໍ້​ມູນ​ມາ​ຈາກ​ໃສ?

ຊາວລາວ ແລະກຳປູເຈຍ-ອາເມຣິກັນ
ຊາວລາວ ແລະກຳປູເຈຍ-ອາເມຣິກັນ

ສຳລັບ​ພວກ​ທີ່ຕັ້ງໜ້າ​ຕັ້ງຕາເດິ​ນທາງ​ມາ​ແຕ່ກວາ​ງ​ໄກຈາກຕ່າງ​ລັດ ​ເຊັ່ນ​ລັດ Texas ຢູ່​ທາງ​ທິດ​ໃຕ້​ຂອງ ສະຫະລັດ ​ກໍມີ​ຄືທ່ານສັນຕິ ​ເສຣີ ​ຊຶ່ງ​ທ່ານຜູ້​ນີ້​ໄດ້​ໃຫ້​ຂໍ້​ຄິດ​ເຫັນ​ຕໍ່ ວີ​ໂອ​ເອວ່າ:

ທ່ານສັນຕິ ເສຣີ ຈາກລັດເທັກຊັສ
ທ່ານສັນຕິ ເສຣີ ຈາກລັດເທັກຊັສ

ທີ່​ທ່ານ​ໄດ້​ຟັງ​ສິ້ນ​ສຸດ​ລົງ​ໄປ ​ແມ່ນການ​ສຳພາດ ທ່ານ​ສັນຕິ ​ເສຣີ ນຶ່ງໃນຈຳ​ນວ​ນ ບັນດາ​ຊາວ​ກຳປູ​ເຈຍ ​ແລະ​ຊາວ​ລາວ ກວ່າ 400 ຄົນ ທີ່​ໄ​ດ້ພາກັນ​ມາປະ​ທ້ວງ​ຢູ່​ຕໍ່ໜ້າ​ຕຶກ​ສະພາ ສະຫະລັດ ທີ່​ນະຄອນຫລວງ ວໍ​ຊິງ​ຕັນ ​ແລງ​ວັນ​ພະຫັດ​ໜ້າ ​ເຮົາ​ຈະ​ນຳ​ເອົາ ຊີວິດ​ຊາວ​ລາວ​ເລື້ອງ​ໃໝ່ມາສະ​ເໜີ​ທ່ານ ກະ​ລຸ​ນາ​ຕິດຕາມ​ຮັບ​ຟັງ.

ຟັງການສຳພາດ ຍານາງບຸນຈັນ ເສນທະວົງ
please wait

No media source currently available

0:00 0:03:11 0:00

XS
SM
MD
LG