ລາວ

ເມືອງໄຊທານີ ຖືກເລືອກ ເປັນທີ່ຕັ້ງແຫ່ງໃໝ່ຂອງ ສູນກາງລັດຖະບານລາວ

ພິທີເປີດເສັ້ໜທາງສະຫລອງວັນຄົບຮອບ 450 ປີທີ່ນະຄອນວຽງຈັນ
ພິທີເປີດເສັ້ໜທາງສະຫລອງວັນຄົບຮອບ 450 ປີທີ່ນະຄອນວຽງຈັນ

ມຸນທີມີເດຍ

ສຽງ
ຫຍໍ້ຫລືຂະຫຍາຍໂຕອັກສອນ - +
ທາງການລາວຈະພັດທະນາເມືອງໄຊທານີໃຫ້ເປັນເຂດສູນ
ກາງແຫ່ງໃໝ່ຂອງນະຄອນຫລວງວຽງຈັນ ໂດຍຈະຍົກຍ້າຍ
ບັນດາກະຊວງຕ່າງໆໄປຢູ່ໃນເຂດດັ່ງກ່າວພາຍໃນປີ 2030.
 
ເຈົ້າໜ້າທີ່ຂັ້ນສູງໃນສະຖາບັນວິໄຈຊັບພະຍາກອນດິນແຫ່ງ
ຊາດເປີດເຜີຍໃຫ້ຮູ້ວ່າ ຄະນະລັດຖະບານລາວໄດ້ມອບໝາຍ
ໃຫ້ ອໍານາດການປົກຄອງເຂດນະຄອນວຽງຈັນ ເປັນພາກ
ສ່ວນຮັບຜິດຊອບໃນການປະຕິບັດຈັດຕັ້ງແຜນການຂະຫຍາຍ
ຕົວເມືອງອອກໄປຍັງເຂດຮອບນອກ ຂອງນະຄອນວຽງຫລວງ
ຈັນຢ່າງເປັນທາງການເມື່ອບໍ່ດົນມານີ້.
 
ພື້ນທີ່ເປົ້າໝາຍທີ່ຈະຮອງຮັບແຜນການດັ່ງກ່າວກໍຄື ເມືອງໄຊ
ທານີ ເມືອງນາຊາຍທອງ ເມືອງຫາດຊາຍຟອງ ເມືອງສັງທອງ
ແລະເມືອງປາກງື່ມ ໂດຍສະເພາະແມ່ນເມືອງໄຊທານີນັ້ນ ຖືເປັນເຂດທີ່ມີຄວາມສໍາຄັນ
ທີ່ສຸດ ເນື່ອງຈາກວ່າຈະຖືກພັດທະນາໃຫ້ເປັນ ເມືອງສູນກາງການບໍລິຫານການເມືອງ
ແລະການປົກຄອງຂອງຊາດ ໂດຍຈະມີການຍົກຍ້າຍບັນດາກະຊວງແລະໜ່ວຍງານ ຕ່າງໆຂອງລັດຖະບານ ໄປລວມສູນຢູ່ໃນພື້ນທີ່ດຽວກັນ ທີ່ມີເນື້ອທີ່ລວມ  600 ກວ່າ
ເຮັກຕ້າ ຢູ່ ຖະໜົນວຽງຈັນ 450 ປີ.

ຖະໜົນໃນວຽງຈັນທີ່ມີບັນຫາການຈາລະຈອນຄັບຄັ່ງຖະໜົນໃນວຽງຈັນທີ່ມີບັນຫາການຈາລະຈອນຄັບຄັ່ງ
x
ຖະໜົນໃນວຽງຈັນທີ່ມີບັນຫາການຈາລະຈອນຄັບຄັ່ງ
ຖະໜົນໃນວຽງຈັນທີ່ມີບັນຫາການຈາລະຈອນຄັບຄັ່ງ

ທັງນີ້ໂດຍໜ່ວຍງານທີ່ໄດ້ທໍາພິທີວາງສີລາເລິກເພື່ອເລີ່ມ
ການກໍ່ສ້າງອາຄານສໍານັກງານໃໝ່ເປັນໜ່ວຍງານທໍາອິດ
ໄປແລ້ວເມື່ອບໍ່ດົນມານີ້ ກໍຄືກະຊວງຖະແຫຼງຂ່າວ-ວັດທະ
ນະທໍາແລະທ່ອງທ່ຽວ ທີ່ເປັນການກໍ່ສ້າງອາຄານສູງ 5 ຊັ້ນ
ເທິງເນື້ອທີ່ 2 ເຮັກຕ້າຢູ່ຖະໜົນວຽງຈັນ 450 ປີ ດັ່ງກ່າວ
ຊຶ່ງຄິດເປັນມູນຄ່າເກີນກວ່າ 12 ລ້ານໂດລ່າ ທີ່ເປັນການ
ລົງທຶນທັງ 100% ໂດຍບໍລິສັດດາວເຮືອງ.
 
ແຕ່ຢ່າງໃດກໍຕາມ ການລົງທຶນດັ່ງກ່າວຂອງບໍລິສັດດາວ
ເຮືອງ ກໍເພື່ອເປັນການແລກປ່ຽນກັບອາຄານສໍານັກງານ ຂອງອົງການການທ່ອງທ່ຽວ ແຫ່ງຊາດລາວ ຫຼັງປັດຈຸບັນ ທີ່ຕັ້ງຢູ່ທີ່ຖະໜົນລ້ານຊ້າງ ທັງນີ້ໂດຍກຸ່ມບໍລິສັດດາວເຮືອງ ຈະດໍາເນີນການກໍ່ສ້າງໃຫ້ສໍາເລັດແລະສົ່ງມອບໃຫ້ເປັນທີ່ທໍາການແຫ່ງໃໝ່ ຂອງກະ
ຊວງຖະແຫຼງຂ່າວ-ວັດທະນະທໍາແລະທ່ອງທ່ຽວ ພາຍໃນ ປີ 2015 ດັ່ງທີ່ ທ່ານບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງຖະແຫຼງ ຂ່າວ-ວັດທະນະທໍາແລະທ່ອງທ່ຽວ ໄດ້ຖະແຫຼງຊີ້ແຈງວ່າ:
 
ບໍລິສັດດາວເຮືອງ ຊຶ່ງຖືວ່າເປັນບໍລິສັດທີ່ມີມາດຕະຖານຢ່າງຄົບຖ້ວນເປັນ
ຜູ້ຕອບສະໜອງທຶນກໍ່ສ້າງພ້ອມເນື້ອທີ່ດິນ 20 ຕາລາງແມັດ ຊຶ່ງຄິດເປັນມູນ
ຄ່າປະມານ 120 ຕື້ກີບ ໂດຍການແລກປ່ຽນກັບທີ່ດິນແລະອາຄານຂອງຕຶກ
ທ່ອງທ່ຽວຫຼັງເກົ່າ ອາຄານດັ່ງກ່າວນີ້ຈະສ້າງເປັນຕຶກ 5 ຊັ້ນ ຄາດໝາຍວ່າ
ການກໍ່ສ້າງໂຄງການດັ່ງກ່າວນີ້ຢູ່ໃນກໍານົດ 2 ປີ ຊຶ່ງກໍໝາຍຄວາມວ່າຮອບປີ
2015 ການກໍ່ສ້າງນີ້ກໍຈະສໍາເລັດຢ່າງຮຽບຮ້ອຍ.

 
ສ່ວນອາຄານສໍານັກງານຂອງອົງການການທ່ອງທ່ຽວແຫ່ງຊາດລາວນັ້ນ ກຸ່ມບໍລິສັດ
ດາວເຮືອງກໍຈະທໍາການທຸບທໍາລາຍ ແລ້ວສ້າງເປັນອາຄານສູງ 7 ຊັ້ນ ເພື່ອໃຊ້ເປັນ
ສໍານັກງານໃຫຍ່ແຫ່ງໃໝ່ຂອງກຸ່ມບໍລິສັດດາວເຮືອງໃນໃຈກາງນະຄອນວຽງຈັນຕໍ່ໄປ.
 
ນອກຈາກການຍົກຍ້າຍໄປຢູ່ອາຄານໃໝ່ຕາມແຜນການດັ່ງກ່າວແລ້ວ ກະຊວງຖະແຫຼງ ຂ່າວ-ວັດທະນະທໍາ ກໍຍັງໄດ້ຕົກລົງໃຫ້ບໍລິສັດ TK ກໍ່ສ້າງຂົວທາງຈໍາກັດ ຂອງເອກກະ
ຊົນເປັນຜູ້ລົງທຶນກໍ່ສ້າງອາຄານສໍານັກງານແຫ່ງໃໝ່ ຂອງໜັງສືພິມປະຊາຊົນແລະໜັງ
ສືພິມ Vientiane Times ຢູ່ຖະໜົນກໍາແພງເມືອງ ໃນເຂດເມືອງສີສັດຕະນາກ.  ສ່ວນ
ຖະໜົນປາງຄໍານັ້ນ ກໍຈະຍົກໃຫ້ແກ່ບໍລິສັດດັ່ງກ່າວ ຫຼັງຈາກທີ່ໄດ້ດໍາເນີນການກໍ່ສ້າງອາ
ຄານຫຼັງໃໝ່ສໍາເລັດແລ້ວ ພາຍໃນປີ 2015 ເຊັ່ນດຽວກັນ.
 
ການດໍາເນີນການປະຕິບັດແຜນການຍົກຍ້າຍ ບັນດາກະຊວງແລະໜ່ວຍງານຕ່າງໆ
ດັ່ງກ່າວນີ້ ລັດຖະບານລາວໄດ້ວາງເປົ້າໝາຍ ທີ່ຈະດໍາເນີນການໃຫ້ສໍາເລັດສົມບູນໃຫ້
ໄດ້ ພາຍໃນປີ 2030 ໂດຍນອກຈາກຈະເປັນການແກ້ໄຂບັນຫາການຈະລາຈອນທີ່ແອ
ອັດຫຼາຍຂຶ້ນນັບມື້ແລ້ວ ກໍຍັງຖືເປັນການປະຕິບັດນະໂຍບາຍ ວ່າດ້ວຍການແປງຊັບສິນ
ຂອງລັດຖະບານ ໃຫ້ເປັນເງິນທຶນອີກດ້ວຍ.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ຄວາມເຫັນ
     
ໂດຍ: ຄັນທະບູລີທາມ ຈາກ: ສະຫວັນນະເຂດ
28.06.2013 14:05
ການຫັນສິນຊັບເປັນທຶນ...ຄວນໂປ່ງໃສ...ລາຄາທີ່ດິນໃນເມືອງ ກັບນອກເມືອງມັນຕ່າງກັນ...ຜ່ານມາເຫັນຫລາຍບ່ອນ
ປ່ຽນກັນໂລດ..ເອົາເງິນສ່ວນເກີນແບ່ງກັນ...ຍົກຕົວຢ່າງ: ດິນແຄມຂອງ ຫໍພິພິຕະພັນເກົ່າ ເປັນດິນລັດ...ໂຮງແຮມດາວ
ສະຫັວນມາຕັ້ງໃສ່...ເອົາດິນປ່ຽນເອົາແຖວນອກເມືອງ..ຂ້າງມະຫາວິຍາໄລ ສະຫວັນນະເຂດ ໂອນໃຫ້ສ້າງໂຮງຮຽນ...
ແຕ່ຂັ້ນເທິງບໍໄດ້ເປີດເຜີຍ ໃນການແລກປ່ຽນ..ຕີມູນຄ່າເທົ່າໃດ? ດິນແຄມຂອງເປັນດິນລັດ...ຢ່າງຕ່ຳກໍ່ປະມານ 3 ລ້ານ
ໂດລາ.. ແຕ່ລູກຜູ້ມີອຳນາດ ເອົາດິນນອກເມືອງມາປ່ຽນ ຄາດຄະເນມູນຄ່າຈະປະມານ 1 ລ້ານໂດລາ..ສ່ວນເກີນມັນໄປ
ເຂົ້າຖົງໃຜ?..ປະຊາຊົນເຂົາຮູ້ ..? ຈະກີນຈົນທ້ອງແຕກຕາຍພຸ້ນບໍ? ນ້ຳປະປາກໍ່ຂາຍກິນ..! ຕາມໄດ້ຍິນຈະສືບຕໍ່ຂາຍປ່າ
ສະຫງວນດົງໜອງໂຫລ່ມ-ນາຕາດອີກ..ໃຫ້ນາຍທຶນເຮັດສະໜາມກ໊ອບ..ຕາໃຫຍ່ກວ່າທ້ອງນໍ..ນາຍົກເຮັດຄືໝີກິນເຜີ້ງນີ້...!

ໂດຍ: ບໍ່ຂໍອອກຊື່
27.06.2013 04:14
good

ໂດຍ: ທ້າວ ຄໍາແສນ ຈາກ: ສປປ ລາວ
24.06.2013 23:46
ທຸກໆທ່ານທີ່ອອກຄໍາເຫັນກໍ່ດີກັນໄປຄົນລະຢ່າງ ທັງເວົ້າຮ້າຍລັດຖະບານ ທັງຍ້ອງລັດຖະບານ ເຖິງຢ່າງໃດກໍ່ດີ
ຄິດວ່າລັດຖະບານບໍ່ຮູ້ເລື່ອງທີ່ເກີດຂຶ້ນຢູ່ກັບ ວີໂອເອ່ ດ້ອກ ເພາະເພິ່ນບໍ່ມີເວລາ ວຽກເພິ່ນຫລາຍ ຄິດວ່າຢາກ
ສົ່ງຂ່າວທາງສ້າງສັນ ເພື່ອປັບປຸງກັນໃຫ້ດີ ຕອນເພິ່ນປະຊຸມສະພາ ເພິ່ນກໍ່ເປີດສາຍດ່ວນໃຫ້ໂທເຂົ້າສອງສາຍ
ຄິດວ່າໂທລະສັບຕອນນັ້ນຈະໄດ້ຮັບຜົນ ດີກວ່າທີ່ຈະມາຖຽງມາດ່າກັນ ແບບຄົນບໍ່ມີມາລະຍາດ.

ໂດຍ: ເສນາໝາກຂີ້ກາ ຈາກ: ວຽງຈັນ
23.06.2013 10:55
ຂ້າຜູ້ນ້ອຍ ຄິດວ່າການຍ້າຍສຳນັກງານຂອງລັດ ອອກໄປແບບບໍ່ມີການວາງແຜນຜັງເມືອງ ຢ່າງລະອຽດ ແລະ ດຳເນີນການແບບ
ຊຸດ ຍິ່ງຈະສ້າງຄວາມຫຍຸ້ງຍາກຂຶ້ນຕື່ມຊ້ຳແລະ ຈະບໍ່ຊ່ວຍແກ້ໄຂບັນຫາ ການອັ່ງອໍຂອງ ຍານພາຫະນະ ຕາມເສັ້ນທາງ 13 ໃຕ້
ດັ່ງທີ່ມີຄວາມເຊື່ອກັນ. ກະຊວງຖະແຫລງຂ່າວ ວັດທະນາທຳ ໄປຢູ່ເສັ້ນທາງ 450 ປີ, ສອງສາມກະຊວງ ໄປຢູ່ເມືອງໄຊທານີ ແຕ່
ສຳນັກງານນາຍົກ, ສະພາແຫ່ງຊາດ ແລະ ກະຊວງອື່ນຈຳນວນໜຶ່ງ ຍັງຢູ່ຄືເກົ່າ. ໃນເມື່ອສຳນັກງານ ຂອງ ລັດຢູ່ຄົນລະທືບ, ມີ
ໄລຍະຫ່າງໄກກັນ ຈະເຮັດໃຫ້ການໄປມາຫາກັນຫຍຸ້ງຍາກ ແລະປະຊາຊົນຜູ້ໃຊ້ບໍລິການ ຈະຕ້ອງໄດ້ເດີນທາງໄກແລະເສັຍເວລາ
ຫລາຍ. ຂໍສະເໜີໃຫ້ອາຍາເຈົ້ານາຍ ເບິ່ງຕົວຢ່າງ ຂອງປະເທດອື່ນແດ່ໄດ້ບໍ ວ່າເພີ່ນເຮັດແນວໃດ ເຊັ່ນຢູ່ເມືອງ ປູຕຣາຢາຢາ
ຂອງ ອິນໂດເນເຊັຍ ຫລື ນາປີດໍ ຂອງ ພະມ້າ ຫລື ວ່າທີ່ດີເລີດ ກໍຄືນະຄອນຫລວງ ແຄນເບີຣາ ຂອງ ອົດສຕຣາລີ.
ຄໍາຕອບ

ໂດຍ: ບໍ່ຂໍອອກຊື່
24.06.2013 00:56
Dont ask anybody to see ປູຕຣາຢາຢາ ຂອງ ອິນໂດເນເຊັຍ ຫລື ນາປີດໍ ຂອງ ພະມ້າ
ຫລື ວ່າທີ່ດີເລີດ ກໍຄືນະຄອນຫລວງ ແຄນເບີຣາ ຂອງ ອົດສຕຣາລີ. Just you back to
read the news more clearly before drop a comment.
ຄໍາຕອບ

ໂດຍ: ບໍ່ຂໍອອກຊື່
24.06.2013 00:53
almost ministry will go there, not only a few ones as you understand, including
Lao natinal assemly. READ AGAIN ໂດຍຈະມີການຍົກຍ້າຍ ບັນດາກະຊວງ ແລະໜ່ວຍ
ງານຕ່າງໆຂອງ ລັດຖະບານ ໄປລວມສູນຢູ່ໃນພື້ນທີ່ດຽວກັນ ທີ່ມີເນື້ອທີ່ລວມ 600 ກວ່າ ເຮັກຕ້າ
ຢູ່ຖະໜົນວຽງຈັນ 450 ປີ.
ຄໍາຕອບ

ໂດຍ: Yojo ຈາກ: Vientiane
25.06.2013 04:23
How can you make sure that the statement is accurate? I think Mr. Sena is right
and there won't be 600 hectares of state owned land available at one location.

ໂດຍ: ສົມສັກ ຈາກ: ເມືອງ Nice, FRANCE
22.06.2013 05:04
ສະບາຍດີ ລາວ VOA, ຂໍໃຫ້ພິຈາລະນາຫົວຂໍ້ຂ່າວ “ເມືອງໄຊທານີ ແຂວງວຽງຈັນ ...." ບໍ່ແມ່ນຜິດບໍ?
"ເມືອງໄຊທານີ ນະຄອນຫລວງວຽງຈັນ ...." ຄົງຈະຖືກກ່ວາແມ່ນບໍ່ ເພາະເມືອງໄຊທານີ ຂື້ນກັບ ນະຄອນຫລວງວຽງຈັນ!
ແຂວງວຽງຈັນ # ນະຄອນຫລວງວຽງຈັນ! (ມັນຕ່າງກັນ ຄົນລະແຂວງ) ອ່ານຫົວຂໍ້ ຂ່າວ ກັບ ເນື້ອໃນຂ່າວ ແລ້ວ ງົງ!
ຂອບໃຈ ລາວ VOA ທີ່ແບ່ງປັນ
ຄໍາຕອບ

ໂດຍ: ຜູ້ດຳເນີນລາຍການ
22.06.2013 07:51
ຂອບໃຈທ່ານສົມສັກຫລາຍໆ ທີ່ບອກມາໃຫ້ຮູ້ ຢ່າງນຸ່ມນວນ ແບບມີມາລະຍາດ ບໍ່ຄືບາງຄົນ.
ແມ່ນຄວາມທ່ານຫັ້ນແຫລະ ຢູ່ໃນລາຍງານກໍບໍ່ໄດ້ເວົ້າເຖິງແຂວງວຽງຈັນເລີຍ. ຂໍອະໄພນໍາ.
ຄວາມຜິດຂອງຂ້າພະເຈົ້າເອງທີ່ບໍ່ catch the mistake ທັ້ງໆທີ່ກໍຄວນຮູ້ ເພາະໄປເມືອງລາວ
ທຸກໆປີ. ຖ້າມີເວລາຕິດຕໍ່ຫາແດ່ ເພື່ອຈະໄດ້ສໍາພາດກ່ຽວກັບຄວາມເປັນຢູ່ທາງເມືອງ Nice
ມີນ້ອງສາວຢູ່ແຖວມາກໄຊ ຖ້າໄດ້ໄປແຖວນັ້ນຢາມ ຈະແວ່ໄປຢາມເດີ້.
ຄໍາຕອບ

ໂດຍ: Lao people
06.07.2013 14:19
To VOA Staff
Misspell about city of Laos ( Hat sai thong or hat sai fong ) ?
Thank you.
ຄໍາຕອບ

ໂດຍ: ຜູ້ດຳເນີນລາຍການ
06.07.2013 16:29
Thank you very much for alerting us to the mistake. It has been corrected. Thanks again.
ຄໍາຕອບ

ໂດຍ: ສົມສັກ ຈາກ: ເມືອງ Nice, FRANCE
24.06.2013 05:18
ສະບາຍດີ,
ກ່ອນອື່ນ ຂໍຂອບໃຈນໍາ ຜູ້ດຳເນີນລາຍການ ທີ່ເສຍສະຫຼະເວລາ ແລະ ຄວາມຮູ້ຄວາມສາມາດ
ໃນການນໍາສະເໜີຂ່າວ ອັນເປັນປະໂຫຍດ ໃຫ້ແກ່ ຊາວລາວທົ່ວທຸກມູມໂລກ ໄດ້ຮັບຮູ້ເຫດການ
ອັນພົ້ນເດັ່ນຕ່າງໆ ທັງພາຍໃນແລະນອກປະເທດ.ບາງຄັ້ງການນໍາສະເໜີຂ່າວກໍ່ອາດມີການຂາດ
ຕົກບົກຜ່ອງ ນັ້ນເປັນເລື້ອງທໍາມະດາ ບໍ່ວ່າແຕ່ ສໍານັກຂ່າວໃຫ່ຍໆ ແລະ ມີຊື່ສຽງ ກໍ່ມີການຂາດຕົກ
ບົກຜ່ອງ ເຊັ່ນກັນ. ແນວໃດກໍ່ຕາມ ການຊ່ວຍເຫຼືອກັນ ດ້ວຍຄວາມຈິງໃຈ ແລະ ໃຫ້ຄວາມເຫັນໃນ
ທາງສ້າງສັນ ກໍ່ເປັນວິທີໜື່ງ ທີ່ໃຫ້ກໍາລັງໃຈ ເຊີ່ງກັນແລະກັນ ໃນການປະຕິບັດພາລະກິດຕ່າງໆ.
ເຖິງຢ່າງໃດກໍ່ຕາມ ການທີ່ຜູ້ອ່ານ ຜູ້ຟັງ ຊ່ວຍກັນປະກອບຄໍາເຫັນ ກໍ່ເປັນເລື້ອງດີ ເພື່ອເຮັດໃຫ້
ລາຍການມີສີສັນ ແລະ ມີຄວາມນິຍົມຊົມຊອບ ຫຼາຍຂື້ນ, ທັງນີ້ທັງນັ້ນ ກໍ່ເພຶ່ອເປັນການສົ່ງເສີມ
ລາວ VOA ໃຫ້ກາຍເປັນ ກະບອກສຽງ ທີ່ຄຽງຄູ່ຊາວລາວຕະຫຼອດໄປ ແລະ ທັນຍຸກ ທັນສະໄໜ.
ຄໍາຕອບ

ໂດຍ: ຜູ້ດຳເນີນລາຍການ
24.06.2013 17:35
ສະບາຍດີ. ຂອບໃຈອີກເທື່ອນຶ່ງໃນຄວາມເຂົ້າໃຈຂອງທ່ານ. ຂ້າພະເຈົ້າກໍດີໃຈທີ່ຜູ້ອ່ານຊ່ວຍ
ບອກມາເວລາມີການຜິດພາດ ບໍ່ວ່າຈະເປັນຂໍ້ມູນຫລືການຕີພິມ. ພວກເຮົາກໍພະຍາຍາມຢ່າງ
ເຕັມທີ່ທີ່ຈະໃຫ້ຜົນງານອອກມາດີ ແຕ່ກໍຄືທ່ານເວົ້າຫັ້ນແຫລະ ຄວາມຜິດພາດມັນກໍຍ່ອມເກີດ
ຂຶ້ນໄດ້ສະເໝີ. ແຕ່ຖ້າທ້ວງມາແບບສ້າງສັນ ຂ້າພະເຈົ້າກໍດີໃຈແລະມີຄວາມຮູ້ສຶກດີໆກັບທ່ານ
ທີ່ຂຽນມາ. ເວທີນີ້ ເປີດໄວ້ກໍເພື່ອໃຫ້ທ່ານຜູ້ອ່ານແລກປ່ຽນຄວາມຄິດຄວາມເຫັນກັນ ແລະຂ້າ
ພະເຈົ້າກໍເຊື່ອໃນການສົນທະນາກັບຜູ້ອ່ານ ແບບລົມກັນຫລິ້ນໆ ແຕ່ມັນກັບ backfire ພາໃຫ້
ຖືກດູຖູກຊໍ້າ. ເພາະຕໍ່ໄປນີ້ກໍເລີຍຕັ້ງໃຈວ່າ ຈະບໍ່ຕໍ່ປາກຕໍ່ຄໍາ. ຂອບໃຈທີ່ຕິດຕາມວີໂອເອ.
ຄໍາຕອບ

ໂດຍ: ບໍ່ຂໍອອກຊື່
22.06.2013 22:19
Dear Moderator,
Your recent response not only reflects your unprofessional conduct as a journalist
but you are abusing your privilege as an VOA employee to insult the VOA audience
to pursuit your personal vendetta toward some of the VOA listeners.

This type of behavior ought not to be condoned by VOA. VOA management must take
corrective actions to eliminate this type of unprofessional behavior from its employees.
ຄໍາຕອບ

ໂດຍ: ຜູ້ດຳເນີນລາຍການ
23.06.2013 11:10
Thank you for your comment. The audience is always right of course!

ໂດຍ: Koumkham ຈາກ: France
21.06.2013 23:44
ຜູ້້ຂ້າຂໍຂອບໃຈ ວີໂອເອ ທີ່ເປິດໂອກາດໃຫ້ອອກຄວາມຄິດເຫັນການຍົກຍ້າຍເມືອງເອກເປັນເລືອ້ງລະດັບຊາດ ເພາະ
ສະນັ້ນຄວນມອບໜາຍການຮັບຜິດຊອບສູງກວ່ານີ້ສະຖານທີ່ໃໜ່ ນີ້ເປັນຈຸດຍຸດທະສາດໄກ້ພົມແດນໄທ ປະຫວັດ
ສາດສອນໃຫ້ເຮົາມາແລ້ວ ວຽງຈັນຖືກເຜົາໃນອະດິດ ເພາະສະນັນ ສະຖານທີ່ໃໜ່ຄວນຈະຢູ່ໄກພົມແດນຊາດອືນ່ໆ

ໂດຍ: ບໍ່ຂໍອອກຊື່
21.06.2013 15:55
ເປັນແນວຄິດທີ່ດີ ທີ່ວາງໂຄງການພັດທະນາ ແບບໄລຍະຍາວ ຄືກັນກັບຕ່າງປະເທດ ເຂົາກະວາງແຜນເພື່ອອານາຄົດກັນທັງນັ້ນ
ຖ້າວາງແນວນີ້ແລ້ວວາງໄວ້ທຸກໆອັນເຊັ່ນຖະຫນົນ ນ້ຳໄຟ ແກັສ ລະບົບໂຮງຮຽນໂຮງຫມໍ ຫ້າງຮ້ານຄ້າຂາຍຕ່າງໆ ວາງໄວ້ຫມົດ
ບາດສ້າງແທ້ໆມັນເປັນລະບຽບຈົບງາມ ແລະບໍແອອັດ ເຫັນດີນຳຜູ້ທີ່ຄິດແຜນນີ້ ສະແດງວ່າເປັນຄົນມີວິໃສທັດໃນການບໍລິຫານ
ຄໍາຕອບ

ໂດຍ: Lao people
25.06.2013 16:20
Congratulation to all Lao people, If you have good Idea...please! post in here, see it, snap it,
type it, share it, for all Lao better the life.i have good song from youtube.com/Sam I;m sorry...
ຄໍາຕອບ

ໂດຍ: ຜູ້ດຳເນີນລາຍການ
22.06.2013 08:03
ຂ້າພະເຈົ້າກໍດີໃຈນໍາ ທີ່ທາງລັດຖະບານລາວໄດ້ຕັດສິນໃຈແນວນັ້ນ ເພາະຢາກໃຫ້ເຮັດ
ມາດົນແລ້ວ. ມຽນມາກໍຍັງເຮັດໄດ້ ລາວເຮົາກໍຄວນເຮັດໄດ້ຄືກັນເນາະ. ແຕ່ບໍ່ຮູ້ວ່າຈະໄດ້
ເຫັນຫລືບໍ່ ຍັງຕັ້ງອີກ 17 ປີ!

ຂ່າວຫລ້າສຸດ

ວີດີໂອ ແຜນການ​ເປີດ​​ໃຊ້​ຄືນ​​ໃໝ່ ​ໂຮງ​ໄຟຟ້າ​ຖ່ານ​ຫິນ ຂອງໄທ ສ້າງຄວາມແຕກແຍກ (ວີດີໂອ ລາວ/ອັງກິດ)

ແຜນການດັ່ງກ່າວ ໄດ້​ກໍ່ໃຫ້ ເກີດ​ຄວາມ​ຮຸນ​ແຮງ​ຂຶ້ນ​ແລ້ວ ລະຫວ່າງ ​ພວກ​ທີ່​ສະໜັບ​ສະໜຸນ ​ແລະ​ພວກ​ທີ່​ຄັດ​ຄ້ານ.
ອ່ານຕື່ມ

Multimedia ຕຳຫຼວດເກົາຫຼີໃຕ້ ຈັບກຸມ ກັບຕັນແລະລູກເຮືອ 2 ຄົນ ຂອງເຮືອຂ້າມຟາກ ທີ່ຂວ້ຳ (ວີດີໂອ)

ໃນຂະນະດຽວກັນ ຮອງຫົວໜ້າ ໂຮງຮຽນມັດທະຍົມ ທີ່ເປັນຜູ້ນຳພາ ພວກນັກສຶກສາ ໄປທັດສະນະສຶກສາ ນຳເຮືອລຳນັ້ນ ໄດ້ຂ້າໂຕເອງຕາຍ ຍ້ອນຮູ້ສຶກຜິດ.
ອ່ານຕື່ມ

ວີດີໂອ ປ. ພູຕິນ ກ່າວວ່າ ການເຮັດໃຫ້ ສາຍພົວພັນເປັນປົກກະຕິນັ້ນ ຂຶ້ນຢູ່ກັບ ຝ່າຍຕາເວັນຕົກ (ວີດີໂອ)

ຄວາມ​ເຫັນ​ດັ່ງກ່າວຂອງ​ທ່ານ​ພູ​ຕິນໄດ້​ຖືກ​ເປີດ​ເຜີຍ​ໃຫ້​ຮູ້ ​ໂດຍ​ພວກ​ອົງການ​ຂ່າວ​​ຂອງຣັດ​ເຊັຍ ​ ຈາກ​ການ​ໃຫ້​ສຳພາດ​ ທາງ​ໂທລະພາບ ​ທີ່ກຳນົດ​ຈະ​ນຳ​ອອກ​ອາກາດ​ ໃນ​ວັນ​ເສົາ​ມື້​ນີ້.
ອ່ານຕື່ມ

Multimedia ນັກຂ່າວຝຣັ່ງ 4 ຄົນ ທີ່ຖືກ ກັກຂັງໄວ້ ຢູ່ຊີເຣຍ ເກືອບ 1 ປີ ຖືກປ່ອຍໂຕແລ້ວ

ປະທານາທິບໍດີຝຣັ່ງ ກ່າວວ່າ ພວກໜັກຂ່າວທັງ 4 ມີສຸຂະພາບດີ ແລະຈະເດີນທາງ ກັບຄືນຝຣັ່ງ ໃນອີກຫຼາຍຊົ່ວໂມງຂ້າງໜ້ານີ້.
ອ່ານຕື່ມ

ວີດີໂອ ປ.ໂອບາມາ ລົງນາມ ໃນກົດໝາຍ ຫ້າມນັກການທູດອີຣ່ານ ມາເປັນທູດ ປະຈຳສະຫະປະຊາຊາດ ( ວີດີໂອ)

ສະຫະລັດກ່າວຫາວ່າ ນັກການທູດອິຣ່ານ ທ່ານ Hamid Abutalebi ໄດ້ມີສ່ວນ​ພົວພັນ ນຳ​ການ​​ເຂົ້າ​ຍຶດ​ເອົາ ສະຖານທູດສະຫະລັດ ​ທີ່​ນະຄອນຫຼວງ​ເຕຫະຣ່ານ​ ໃນ​ປີ 1979.
ອ່ານຕື່ມ
ຕື່ມອີກ
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ວີອີໂອ ພາສາລາວ: ວິກິດການໃນຢູເຄຣນ ສ້າງຄວາມເສຍຫາຍ ແກ່ເສດຖະກິດຣັດເຊຍi
X
16.04.2014
ເຖິງແມ່ນຜູ້​ນຳ​ຣັດເຊຍ​ໄດ້​ຖື​ເບົາວ່າ ການ​ລົງ​ໂທດ​ທີ່ສະຫະລັດ ແລະສະຫະພາບຢູໂຣບ ​ໄດ້​ນຳ​ໃຊ້​ຕໍ່​ຢູ​ເຄຣນ​ ຈະ​ບໍ່​ມີ​ຜົນ​ກະທົບຫຍັງ​ຫລາຍກໍ​ຕາມ ​ແຕ່ບັນດານັກວິເຄາະກ່າວວ່າ ເງິນທຶນໄດ້ເລີ້ມຫຼັ່ງໄຫຼອອກຈາກປະເທດ ຂະນະ​ທີ່ພວກນັກລົງທຶນທີ່​ບໍ່​ຢາກ​ສ່ຽງ ພາກັນ ​​ເອົາ​ເງິນ​ໄປ​ລົງ​ທຶນ ຢູ່ບ່ອນທີ່ປອດໄພກວ່າ.