ລາວ

ລາຍງານປະຈຳປີຂອງ ກະຊວງຕ່າງປະເທດ ສຫລ ວ່າດ້ວຍການຄ້າມະນຸດ ກ່ຽວກັບລາວ ຕອນທີ 1

ໃນເດືອນມີຖຸນາຜ່ານມາ ກະຊວງການຕ່າງປະເທດສະຫະລັດ ໄດ້ອອກລາຍງານປະຈໍາປີ 2012 ວ່າດ້ວຍການ ຄ້າມະນຸດ ຢູ່ໃນທົ່ວໂລກ ຊຶ່ງໃນແລງມື້ນີ້ ໄພສານຈະນຳເອົາຕອນທີ 1 ໃນ ພາກສ່ວນທີ່ກຽວກັບ ສປປ ລາວ ຊຶ່ງຈະເວົ້າເຖິງສະພາບການ ໂດຍລວມ ມາສະເໜີທ່ານ.

ລັດຖະມົນຕີກະຊວງຕ່າງປະເທດສະຫະລັດ ທ່ານນາງ Hilary Clinton ຍົກປືມລາຍງານ ວ່າດ້ວຍການຄ້າມະນຸດ ປະຈຳປີ 2012 ໃຫເບິ່ງ ທີ່ກະຊວງການຕ່າງປະເທດສະຫະລັດ (19 ມິຖຸນາ 2012)
ລັດຖະມົນຕີກະຊວງຕ່າງປະເທດສະຫະລັດ ທ່ານນາງ Hilary Clinton ຍົກປືມລາຍງານ ວ່າດ້ວຍການຄ້າມະນຸດ ປະຈຳປີ 2012 ໃຫເບິ່ງ ທີ່ກະຊວງການຕ່າງປະເທດສະຫະລັດ (19 ມິຖຸນາ 2012)

ມຸນທີມີເດຍ

ສຽງ
Phaysarn Vorachak
ສປປ ລາວ ຍັງຖືກຈັດໄວ້ໃນກຸ່ມທີ 2 ຊຶ່ງມີທັງໝົດ 3 ກຸ່ມຂອງລາຍ
ງານປະຈຳປີ 2012 ຂອງກະຊວງການຕ່າງປະເທດສະຫະລັດ.

ພາຍໃນກຸ່ມທີ 2 ນີ້ ລາຍງານຂອງກະຊວງການຕ່າງປະເທດສະ
ຫະລັດ ເວົ້າວ່າ ສປປ ລາວ ແມ່ນເປັນແຫຼ່ງທີ່ມາແລະກໍເປັນທັງ
ທາງຜ່ານພ້ອມທັງປາຍທາງໃນຂອບເຂດທີ່ຫຼຸດລົງມາຂອງພວກ
ແມ່ຍິງ ເດັກນ້ອຍແລະຜູ້ຊາຍ ທີ່ຕົກເປັນເຫຍື່ອຂອງການຄ້າປະ
ເວນີ ແລະຕົກຢູ່ໃນສະພາບ ຖືກບີບບັງຄັບໃຊ້ແຮງງານ ຢູ່ຕາມ
ໂຮງຈັກໂຮງງານ. ພວກທີ່ຕົກເປັນເຫຍື່ອຂອງການຄ້າມະນຸດຢູ່
ລາວມັກຈະເປັນພວກທີ່ພາກັນຫຼົບໜີໄປຫາວຽກການເຮັດຢູ່ໃນ
ຕ່າງປະເທດ ຊຶ່ງໄດ້ປະເຊີນກັບສະພາບບີບບັງຄັບສວຍໃຊ້ ຫຼັງ
ຈາກເຂົາເຈົ້າໄປຮອດ ປະເທດປາຍທາງແລ້ວ ທີ່ສ່ວນໃຫຍ່ກໍ
ແມ່ນປະເທດໄທ.

ພວກຄົນລາວ ທີ່ພາກັນໄປຊອກວຽກ ໂດຍສະເພາະແລ້ວແມ່ນພວກແມ່ຍິງ ໄດ້ຈ່າຍຄ່າ ນາຍໜ້າເພື່ອໃຫ້ໄດ້ວຽກການເຮັດທີ່ປະເທດໄທ ຊຶ່ງຕາມປົກກະຕິແມ່ນໄດ້ຈ່າຍເງິນໃນ ລະຫວ່າງ 70 ຫາ 200 ໂດລາ ແຕ່ຕໍ່ມາພາຍຫຼັງ ໄດ້ຕົກຢູ່ໃນສະພາບເປັນຂ້າທາດທາງ ເພດໃນອຸດສາຫະກຳຄ້າປະເວນີຂອງໄທແລະໃນບາງກໍລະນີ ກໍຖືກບັງຄັບ ໃຊ້ແຮງງານ ເປັນຄົນຮັບໃຊ້ຢູ່ຕາມບ້ານເຮືອນ ຕາມໂຮງງານຕັດຫຍິບ ຫຼືອຸດສາຫະກຳ ການກະເສດ ຂອງໄທ.

ພວກຜູ້ຊາຍ ແລະເດັກນ້ອຍຜູ້ຊາຍລາວ ກໍໄດ້ຕົກຢູ່ໃນສະພາບ ຖືກບີບບັງຄັບ ໃຊ້ແຮງ
ງານຢູ່ໃນອຸດສາຫະກຳປະມົງແລະກໍ່ສ້າງຂອງໄທ. ພວກຊົນຊາດຊົນເຜົ່າກຸ່ມນ້ອຍຂອງ ລາວແມ່ນມີຄວາມຫລໍ່ແຫລມເປັນພິເສດ ຕໍ່ການຕົກເປັນເຫຍື່ອຂອງການຄ້າມະນຸດ ຢູ່ ໄທຍ້ອນພວກເຂົາເຈົ້າບໍ່ຮູ້ຈັກພາສາໄທແລະບໍ່ລຶ້ງເຄີຍຫຼືຮອບຮູ້ກ່ຽວກັບສັງຄົມໄທເລີຍ.

ລາຍງານ ເວົ້າຕື່ມວ່າ ເນື່ອງຈາກມີຊາຍແດນ ທີ່ຍັງບໍ່ມີການຄວບຄຸມຢ່າງເຄັ່ງຄັດ ລາວ
ຈຶ່ງໄດ້ກາຍເປັນທາງຜ່ານຫຼາຍຂຶ້ນນັບມື້ສຳລັບພວກແມ່ຍິງຫວຽດນາມຈີນແລະມຽນມາ ທີ່ຖືກບັງຄັບໃຫ້ຄ້າປະເວນີແລະຖືກບັງຄັບໃຊ້ແຮງງານຢູ່ໃນບັນດາປະເທດເພື່ອນບ້ານ. ມີແມ່ຍິງຫວຽດນາມ ແລະຈີນຈຳນວນນຶ່ງ ໄດ້ຖືກບັງຄັບ ໃຫ້ເປັນໂສເພນີຢູ່ລາ ຊຶ່ງຕາມ ປົກກະຕິແລ້ວແມ່ນຢູ່ໃນບໍລິເວນທີ່ຕັ້ງຢູ່ໃກ້ໆ ກັບບ່ອນຫຼິ້ນກາຊີໂນຫຼືເຂດເສດຖະກິດພິ ເສດ. ເຖິງແມ່ນໄດ້ມີລາຍງານ ໃນຈຳນວນທີ່ຫຼຸດລົງກໍຕາມ ແຕ່ການຄ້າແມ່ຍິງແລະຍິງ ສາວຢູ່ພາຍໃນລາວເອງ ກໍຍັງສືບຕໍ່ເປັນບັນຫາ.

ລາຍງານຂອງກະຊວງຕ່າງປະເທດສະຫະລັດກ່າວວ່າ ລັດຖະບານລາວບໍ່ໄດ້ປະຕິບັດ ຢ່າງຄົບຖ້ວນ ຕາມມາດຕະຖານທີ່ຕໍ່າສຸດ ໃນການລຶບລ້າງການຄ້າມະນຸດ ແຕ່ແນວໃດ
ກໍຕາມ ລາວ ກໍໄດ້ດຳເນີນຄວາມພະຍາຍາມ ທີ່ສຳຄັນ ເພື່ອໃຫ້ບັນລຸ ມາດຕະຖານດັ່ງ
ກ່າວ. ໃນໄລຍະຂອງລາຍງານນີ້ ລັດຖະບານລາວລາຍງານວ່າ ໄດ້ສືບສວນຄະດີການ
ຄ້າມະນຸດ 49 ກໍລະນີແລະໄດ້ຕັດສິນລົງໂທດພວກມີຄວາມຜິດໃນການຄ້າມະນຸດ 37
ຄົນ. ໃນຂະນະທີ່ຜູ້ຕົກເປັນເຫຍື່ອ ຈຳນວນນຶ່ງ ໄດ້ຮັບການບໍລິການ ຢ່າງເປັນການຊົ່ວ ຄາວຈາກລັດຖະບານກໍຈິງແຕ່ກົດໝາຍຕໍ່ຕ້ານການຄ້າມະນຸດບໍ່ໄດ້ໃຫ້ຄວາມຄຸ້ມຄອງ ຢ່າງເຕັມທີ່ ແກ່ພວກຕົກເປັນເຫຍື່ອທັງໝົດ. ຍັງບໍ່ທັນມີການດຳເນີນການຢ່າງໝັ້ນໃຈ ທັງມາດຕະການລະບຸໂຕແລະການຈັດຕັ້ງປະຕິບັດການດຳເນີນຄວາມພະຍາຍາມເພື່ອ ຕິດຕາມເບິ່ງພວກເຄາະຮ້າຍຢ່າງເປັນລະບົບໃນໄລຍະຂອງລາຍງານນີ້. ຕຳຫຼວດກວດ ຄົນເຂົ້າເມືອງ ທີ່ຄວບຄຸມໜ່ວຍຕໍ່ຕ້ານການຄ້າມະມຸດຢູ່ຕາມບໍລິເວນຊາຍແດ ລາວກັບ ໄທນັ້ນກໍບໍ່ມີລາຍງານຫຍັງຫຼາຍກ່ຽວກັບການລະບຸໂຕພວກທີ່ຕົກເປັນເຫຍື່ອໃນໝູ່ພວກ ຊາວລາວທີ່ເດີນທາງ ກັບຄືນມາຫຼືຖືກຜັກດັນຈາກປະເທດໄທ.

ລັດຖະບານລາວຍັງສືບຕໍ່ຮັກສາແລະບໍລິຫານສູນພັກເຊົາຊົ່ວຄາວທີ່ນະຄອນຫຼວງວຽງ
ຈັນ ສໍາລັບພວກໄດ້ຮັບເຄາະ ແລະໃຫ້ເງິນຊ່ອຍເຫຼືອແກ່ສູນກາງສົງເຄາະຂອງສະຫະ ພັນແມ່ຍິງລາວ ແຕ່ກໍຍັງສືບຕໍ່ກາງຕໍ່ຢ່າງໜັກນຳການຊ່ອຍເຫຼືອຂອງຕ່າງປະເທດເພື່ອ ໃຫ້ຄວາມສະໜັບສະໜຸນໄລຍະຍາວຕໍ່ພວກເຄາະຮ້າຍນັ້ນ. ໃນກາງປີ 2011 ກະຊວງ ຮັກສາຄວາມສະຫງົບຂອງລາວ ໄດ້ຍົກລະດັບໜ່ວຍຕໍ່ຕ້ານການຄ້າມະນຸດຂຶ້ນເປັນກົມ ເພື່ອໃຫ້ມີຄວາມສຳຄັນຕື່ມຂຶ້ນ. ແຕ່ແນວໃດກໍຕາມ ການຂາດປະສິດທິຜົນ ຢູ່ພາຍໃນ ລະບົບການບໍລິຫານງານຂອງລາວຍັງສືບຕໍ່ເຮັດໃຫ້ມີການຊັກຊ້າກ່ຽວກັບການໃຫ້ການ ອະນຸມັດຕໍ່ໂຄງການຕໍ່ໂຄງການຕໍ່ຕ້ານການຄ້າມະນຸດແລະຂໍ້ຕົກລົງຕ່າງໆ ຂອງບັນດາ ອົງການຈັດຕັ້ງທີ່ບໍ່ຂຶ້ນກັບລັດຖະບານໃນເຂດທ້ອງຖິ່ນແລະຈາກນາໆຊາດ. ນາຍົກລັດ
ຖະມົນຕີຍັງບໍ່ທັນໃຫ້ການອະນຸມັດເທື່ອ ຕໍ່ຮ່າງແຜນການປະຕິບັດງານແຫ່ງຊາດ ໃນ
ການ ຕໍ່ຕ້ານການຄ້າມະນຸດ. ກ່ຽວກັບການລົງໂທດພວກຄ້າມະນຸດນັ້ນ ລາຍງານຂອງ
ກະຊວງການຕ່າງປະເທດສະຫະລັດກ່າວວ່າ ລັດຖະບານລາວໄດ້ທໍາຄວາມກ້າວໜ້າ ໃນປີກາຍນີ້ ໃນການດຳເນີນຄວາມພະຍາຍາມ ກ່ຽວກັບການປະຕິບັດກົດໝາຍ ເພື່ອ ປາບປາມການຄ້າມະນຸດນັ້ນ. ລາວໄດ້ຫ້າມທຸກຮູບແບບຂອງການຄ້າມະນຸດຜ່ານການ ດັດແປງແກ້ໄຂມາດຕາ 134 ຂອງກົດໝາຍອາຍາໃນປີ 2006 ຊຶ່ງໄດ້ລະບຸໂທດຈຳຄຸກ ຕັ້ງແຕ່ 5 ປີ ເຖິງຕະຫຼອດຊີວິດ ການປັບໄໝ ທຽບເທົ່າກັບ 1,250 ໂດລາ ຫາ 12,500 ໂດລາແລະການຢຶດຊັບສິນ ທີ່ຖືວ່າໜັກພໍແລະທຽບເທົ່າກັນກັບໂທດສຳລັບຄວາມຜິດ ທາງອາຍາອື່ນໆເຊັ່ນການຂົ່ມຂືນສຳເລົາເປັນຕົ້ນ. ໃນລະດູໃບໄມ້ຫຼົ່ນ ປີກາຍນີ້ ລັດຖະ ບານໄດ້ໃຫ້ການອະນຸມັດ ຕໍ່ການສ້າງຕັ້ງຄະນະກຳມະການນຶ່ງຂຶ້ນເພື່ອຊັ່ງຊາຕີລາຄາ ເບິ່ງກົດໝາຍຕໍ່ຕ້ານການຄ້າມະນຸດສະບັບປັດຈຸບັນເພື່ອຢາກຮູ້ຈັກວ່າມີຊ່ອງຫວ່າງຢູ່ ບ່ອນໃດແລະຈະແກ້ໄຂແນວໃດ.

ລາຍງານເວົ້າຕື່ມວ່າການດຳເນີນຄະດີຂອງສານແມ່ນຂາດກະບວນການຍຸຕິທຳແລະ ຄວາມໂປ່ງໃສ ພ້ອມນີ້ຂະແໜງຍຸຕິທຳຂອງລາວ ກໍຍັງບໍ່ມີຄວາມເຂັ້ມແຂງ ແລະບໍ່ມີ ປະສິດທິພາບພຽງພໍ. ຄວາມລັງເລໃຈໂດຍທົ່ວໄປຂອງປະຊາຊົນ ທີ່ຈະດຳເນີນງານ ຮ່ວມກັບພວກເຈົ້າໜ້າທີ່ປະຕິບັດກົດໝາຍໄດ້ເປັນອຸບປະສັກຂັດຂວາງຕໍ່ຄວາມສາ ມາດຂອງລັດຖະບານໃນການຕິດຕາມຄະດີການຄ້າມະນຸດຢ່າງມີປະສິດທິພາບ ທັງ ຢູ່ພາຍໃນປະເທດຫຼືຂ້າມຊາຍແດນ. ການສໍ້ລາດບັງຫຼວງຍັງສືບຕໍ່ເປັນບັນຫາຊໍ້າເຮື້ອ ຢູ່ລາວ. ບັນດາອົງການຕໍ່ຕ້ານການຄ້າມະນຸດລາຍງາມວ່າ ເຈົ້າໜ້າທີ່ໃນບາງບ້ານໄດ້ ຮັບເງິນເພື່ອອຳນວຍຄວາມສະດວກໃຫ້ແກ່ການຄ້າມະນຸດ ຫຼືສົ່ງຍິງສາວລາວໄປຍັງ ປະເທດໄທ. ແຕ່ແນວໃດກໍຕາມ ລັດຖະບານລາວ ບໍ່ເຄີຍລາຍງານວ່າ ໄດ້ມີການສືບ
ສວນດຳເນີນຄະດີຫຼືລົງໂທດເຈົ້າໜ້າທີ່ຄົນໃດໃນຂໍ້ຫາພົວພັນກັບການຄ້າມະນຸດ.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 2 ໜ້າຄວາມເຫັນ
    ຕໍ່ໄປ 
ໂດຍ: ຄົນໄກບ້ານ ຈາກ: ສະຫັວນນະເຂດ
29.08.2012 23:20
ເຖິງຜູ້ດຳເນີນລາຍການເບີໂທທີ່ນ້ອງສົ່ງໃຫ້ນັ້ນຄືອອກຄືກັບແຕ່ລະຄຳຄຶດເຫັນຕີ່ເນາະຖ້າເປັນໄປໄດ້ນ້ອງກະບໍ່ຢາກໃຫ້ເອົາອອກ ເພາະກະຢ້ານອັນຕະລາຍຄືດັ່ງທີ່ພວກທ່ານຮູ້ຫັນແລະການປົກຄອງປະເທດລາວເປັນແນວໃດ ຂໍຂອບໃຈຫຼາຍໆເດີ
ຄໍາຕອບ

ໂດຍ: ຜູ້ດຳເນີນລາຍການ
31.08.2012 16:25
ບໍ່ໄດ້ເອົາອອກໃຫ້ ຕາມທີ່ຂໍຮ້ອງ ແລ້ວເດີ້. ອີເມລບອກຊື່ບອກສຽງແດ່ ທີ່ lao@voanews.com

ໂດຍ: ລາວ ລາວ ຈາກ: ສປປ ລາວ
27.08.2012 13:01
ພາຍຫຼັງທີ່ພວກພະນັກງານຂອງລັດບາງທ່ານ ກິນເງິນສິນບົນຈາກພວກຄ້າ
ໄມ້ເຖື່ອນ , ພວກຂາຍຢາບ້າ , ແລ້ວກໍ່ໄປສະແຫວງຫາຄວາມສຸກຕາມຮ້ານ
ໄຟແສງສີຕາມແຄມທາງຊື່ງເຕັມໄປດ້ວຍສາວບໍລິການທາງເພດຢ່າງຫຼວງ
ຫຼາຍ ມັນເປັນການສົ່ງເສີມທາງອ້ອມ ຊື່ງ ທາງພັກແລະລັດແກ້ໄຂບໍ່ຕົກ
ຍ້ອນເພີ່ນມັກເອງ ທາງແຂວງສະຫວັນນະເຂດມີຫຼາຍ ສັງຄົມເປື່ອຍເຍື່ອຍ
ແບບນີ້ ໜ້າອາຍແທ້ໆ ...

ໂດຍ: ຄົນໄກບ້ານ ຈາກ: ສະຫັວນະເຂດ
27.08.2012 04:36
ເຖິງຜູ້ດຳເນີນລາຍການຈັ່ງແມ່ນເວົ້າມ່ວນຫລາຍເນາະຕ້ອງຂໍໂທດນ້ອງຄິດວ່າສະຖານີດຽວກັນເນາະ ຢາກຂໍຂອບໃຈທຸກລາຍການທີ່ນ້ອງໄດ້ອ່ານໄດ້ຟັງຫັນແລະອ້າຍເອີຍ,ເອືອຍເອີຍ
ຄໍາຕອບ

ໂດຍ: ຜູ້ດຳເນີນລາຍການ
27.08.2012 21:57
ກະຂໍໂທດຄືກັນເດີ້ ຖ້າຄິດວ່າເວົ້າບໍ່ມ່ວນ. ເວົ້າຢອກຊື່ໆດອກ ເພາະນ້ອຍໃຈທີ່ຟັງວີໂອເອ ແລ້ວຊໍ້າພັດໄປຊົມຄົນລະສະຖານີ! ຂໍເບີໂທລະສັບແດ່ ເມືອລາວເທື່ອໜ້າ ຄິດວ່າຈະໄດ້ໄປສະຫວັນນະເຂດຢູ່ ຈະເອົາຂອງທີ່ລະນຶກເມືອຕ້ອນ.

ໂດຍ: ບໍ່ຂໍອອກຊື່
24.08.2012 14:55
The Lao govt. will do not nothing about this problem. choumaly and his dogs will pimp out their own mothers, wives, and daughters just to make money because they are so corrupted and have no moral. They only care about begging for money from Western countries, and selling the countries to viet and chinese.

ໂດຍ: ບໍ່ຂໍອອກຊື່
24.08.2012 04:12
ເລື່ອງການຄ້າປະເວນີນີ້ກໍເປັນບັນຫາໃນທົ່ວໂລກ, ຶຖ້າບໍ່ມີຜູ້ໃຊ້ບໍລິການກໍບໍມີຜູ້ຂາຍແມ່ນບໍ? ກະໂຕທ່ານເຈົ້ານາຍທັງຫລາຍລິນເຫລົ້າໃສ່ຈອກເອງກໍຍັງບໍ່ເປັນ ຕ້ອງໃຫ້ຍິງສາວລິນໃຫ້ກິນ ຜູ້ຍິງມີອາຍຸແດ່ກໍໃກ້ເພິ່ນບໍໄດ້ ມັນຕ້ອງແກ້ຕົ້ນເຫດບໍແມ່ນແກ້ປາຍເຫດ. ແມ່ຍິງກໍຄວນຮູ້ຮັກນວນສະຫງວນຕົວ ວິທີຫາເງິນມີບໍອຶດພັດບໍເຮັດຂີ້ຄ້ານມັກງ່າຍ ສຳຄັນກໍແມ່ນການສັ່ງສອນກັນ ໃນຄອບຄົວ, ໃນໂຮງຮຽນ, ການອຳນວຍໃນສັງຄົມກໍຄວນເບິ່ງຄືນການອະນຸມັດສ້າງຕັ້ງແຫລ່ງບັນເທິງແດ່$ ອີກອັນໜຶ່ງຫລັກສູດການຮຽຮວິຊາທັມມະຈາຮິຍາ ກໍຄວນເອົາເຂົ້າສອນ ໃນໂຮງຮຽນແດ່

ໂດຍ: ຄົນໄກບ້ານ ຈາກ: ສະຫວັນະເຂດ
23.08.2012 04:19
ຕ້ອງຂໍຂອບໃຈກັບທີມງານຂອງວີໂອເອຫລາຍໆທີ່ເອົາຂໍ້ມູນໃໝ່ໆລົງ ໃຫ້ຄົນລາວທີ່ມີບາງສ່ວນໄດ້ຕິດຕາມການລາຍງານຂອງພວກທ່ານຢູ່ ໂດຍສະເພາະແມ່ນຂ້າພະເຈົ້າເອງແມ່ນໄດ້ຕິດຕາມ ການລາຍງານຂ່າວທີ່ທາງທີມງານຂອງພວກທ່ານເອົາອອກມາແບບນີ້ ແລະ ນອກຈາກນີ້ແລ້ວຍັງໄດ້ຮັບຟັງວິທະຍຸທຸກໆຕອນເຊົ້າຂອງທີມງານພວກທ່ານອີກ,ພິເສດມື້ເຊົ້ານີ້ ໄດ້ຟັງການຕອບຈົດໝາຍຂອງເອື້ອຍໄມສຸລີນັ້ນກະໄດ້ຮູ້ວ່າມີຫຼາຍໆຢ່າງທີ່ແຟນລາຍການຕອບຈົດໝາຍໄດ້ເວົ້າໃສ່ກັນໄປໃສ່ກັນມາຢ່າງໃດກໍ່ຕາມນ້ອງກະຈະເປັນກຳລັງໃຈໃຫ້ທີມງານຂອງ ພວກທ່ານທຸກຄົນໃນການເຮັດວຽກຖ້າມີໂອກາດນ້ອງກະຢາກເປັນຜູ້ໜື່ງທີ່ອ່ານຂ່າວ ໂດຍສະເພາະເລື່ອງລາວຕ່າງໆໃນລາວໃຫ້ຄົນລາວຢູ່ທຸກມູມຂອງໂລກໄດ້ຮັບຮູ້ວ່າການປົກຄອງຂອງ ຄົນລາວ ເປັນແນວໃດ ເວົ້າຫຼາຍແລ້ວຂອບໃຈເດີທີ່ມີລາຍການດີໆແບບນີ້ອອກມາໃຫ້ຟັງ,ອ່ານນຳ
ຄໍາຕອບ

ໂດຍ: ຜູ້ດຳເນີນລາຍການ
24.08.2012 15:53
ກະໂພດດອກເນາະ ຂອບໃຈວີໂອເອ ແຕ່ໄປເວົ້າເຖິງເອື້ອຍໄມໂຊລີ! ເພິ່ນຢູ່ສະຖານີ ເອເຊຍເສລີ ພຸ້ນເດີ້ ບໍ່ແມ່ນວີໂອເອ ແລະວີໂອເອກໍບໍ່ໄດ້ອອກອາກາດຕອນເຊົ້າ ມີແຕ່ຕອນແລງ.

ໂດຍ: ລາວແທ້ ຈາກ: USA
22.08.2012 17:41
This is worse than other country on southEastAsia ,
Let me tell the truth , my neice has graduated from M.B from
DongDok University and she speak both Lao, Thai and English fluently ,in the middle part of 2011 she applied for work which is Banking Institude to work in office at Phonsavanh, XiengKhuang
they told her have to pay up front $ 4000. or 120,000 Baht thai Moneys otherwide they will give to other people that willing to pay.the Degree or any knowledge does not matter they will train for you.
I think in future people in lao , just say poor people don't have that kind of money , how they will manage > ແລ້ວຊິເຮັດຈັ່ງໃດຈຶ່ງຈະມີເງິນມີຄຳສົ່ງໃຫ້ລູກເຂົ້າຮ່ຳຮຽນໃນອະນາຄົດ
ແຕ່ກ່ອນວ່າຣັຖບານເກົ່າຂູດຮີດ ບາດດຽວນີ້ຣັຖບານໃໝແມ່ນບີບຮີດ
ຖ້າໃຜອ່ານແລ້ວລອງຄິດເບິ່ງແມ້ ຂ້ອຍເຄີຍຮູ້ແລະເຄີຍເຫັນມາຫຼາຍ
ເພາະວ່າຂ້ອຍໄປເມືອງລາວປີໝຶ່ງ 5 - 6 ເທືອ ເພາະຂ້ອຍເຮັດວຽກໄປນຳເຮືອບິນ

ໂດຍ: Smart Lao
22.08.2012 10:46
This is what Lao people from over seas bragging about so much? Laos is known for drugs and prostitutions. The government is running the show no one will be able to change anything about this situation. Most of Lao govt. officials are the ones that own or run the brothels as well as human traffickings/drugs into Thailand. There you go my friends that visited Laos look at what you gone there to support.

ໂດຍ: ກໍລະກັນ ຈາກ: ທ່ານາແລ້ງ
22.08.2012 08:04
ຄອບໃຈ VOA ອອກຂ່າວຄວາມເປັນຈິງທັນເຫດການ,ທຸກຢ່າງຖືກຕ້ອງ, ເມາະສົມແລະແຈ່ມແຈ້ງດີເຮັດໃຫ້ຊາວປະຊາທີ່ຮູ້ເທົ່າບໍ່ເຖິງການ, ໄດ້ເຫັນບັນຫາດີຂຶ້ນກ່ວາເກົ່າ.

ໂດຍ: Kham ຈາກ: Vientiane
22.08.2012 00:48
Laos is corruption country and the leadership is dictator. No jobs at all, every Laotians need to find some thing to daily survival. The men have obliged to be slave for neighboring countries. Women have no choice to be prostitute every were, over 35 years in power, Lao people were still in the real hell.
ໜ້າ ໃນ 2 ໜ້າຄວາມເຫັນ
    ຕໍ່ໄປ 
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ກອງທັບເຮືອສະຫະລັດ ມີ ນາຍພົນສີ່ດາວ ແມ່ຍິງ ຄົນທຳອິດi
X
17.08.2014
ກອງທັບ​ເຮືອ​ສະຫະລັດ​ ໄດ້​ມີນາ​ຍທະຫານ​ຍິງ ​ເປັນ​ຜູ້​ບັນ​ຊາ​ການ ສູງ​ສຸດ​ອັນ​ດັບສອງຂອງ​ຕົນ​ ເປັນ​ເທື່ອ​ທຳ​ອິດ​ໃນ​ປະຫວັດສາດ 236 ປີ. ພົນ​ເຮື​ອ​ໂທ Michelle Howard ​ໄດ້​ຖືກ​ເລື່ອ​ນຊັ້ນ​ຂຶ້ນ ເປັນນາຍ​ພົນ​ສີ່​ດາວ ຫລື​ພົນ​ເຮືອ​ເອກ ​ເມື່ອ​ວັນ​ທີ 1 ​ເດືອນກໍລະ ກົດນີ້.
ວີດີໂອ

ວີດີໂອ ກອງທັບເຮືອສະຫະລັດ ມີ ນາຍພົນສີ່ດາວ ແມ່ຍິງ ຄົນທຳອິດ

ກອງທັບ​ເຮືອ​ສະຫະລັດ​ ໄດ້​ມີນາ​ຍທະຫານ​ຍິງ ​ເປັນ​ຜູ້​ບັນ​ຊາ​ການ ສູງ​ສຸດ​ອັນ​ດັບສອງຂອງ​ຕົນ​ ເປັນ​ເທື່ອ​ທຳ​ອິດ​ໃນ​ປະຫວັດສາດ 236 ປີ. ພົນ​ເຮື​ອ​ໂທ Michelle Howard ​ໄດ້​ຖືກ​ເລື່ອ​ນຊັ້ນ​ຂຶ້ນ ເປັນນາຍ​ພົນ​ສີ່​ດາວ ຫລື​ພົນ​ເຮືອ​ເອກ ​ເມື່ອ​ວັນ​ທີ 1 ​ເດືອນກໍລະ ກົດນີ້.
ວີດີໂອ

ວີດີໂອ ລາຍງານເລື້ອງເສລີພາບ ທາງສາສະໜາຂອງ ສຫລ ເນ້ນໜັກໃສ່ ການປາບປາມ ໃນປະເທດຕ່າງໆ

ທ່ານJohn Kerry ກ່າວ​ວ່າ ພວກ​ປະ​ເທດທີ່​ບັ່ນ​ທອນ​ເສລີ​ພາບ​ທາງ ​ສາສະໜາ​ນັ້ນ ​ໃນ​ບັ້ນ​ສຸດ ​ທ້າຍ​ແລ້ວ ກໍ​ແມ່ນ​ຈະ​ຂົ່ມຂູ່​ຕໍ່​ຄວາມ​ໝັ້ນຄົງ ​ຂອງ​ຕົນ​ເອງ. ທ່ານແຄຣີ​​ກ່າວ​ເຊັ່ນ​ນັ້ນ ​ໃນ​ວາລະ​ນຳ​ສະ​ເໜີ​ລາຍ​ງານ ປະຈຳ​ປີ​ຂອງ​ສະຫະລັດ ວ່າ​ດ້ວຍເສລີ​ພາບ​ທາງ​ສາສະໜາຢູ່​ໃນ​ນາໆ​ ປະ​ເທ​ດ ເມື່ອເດືອນກໍລະກົດຜ່ານມາ.
ວີດີໂອ

ວີດີໂອ ASEAN ຫາລືກັນ ເລື້ອງທະເລຈີນໃຕ້ ແລະ ບັນຫາອື່ນໆ ຢູ່ມຽນມາ

ບັນດາ​ລັດຖະມົນຕີ​ຕ່າງປະ​ເທດ​ ຂອງ​ເຫລົ່າ​ປະ​ເທດ​ເອ​ເຊຍຕາ​ເວັນອອກ ສຽງ​ໃຕ້ ຕະຫລອດ​ທັງຄູ່​ຕຳ​ແໜ່​ງຈາກ ສະຫະລັດ​ອາ​ເມຣິກາ ຈີນ ​ແລະອີກ ຫລາຍ​ປະ​ເທດ ​ໄປ​ເຕົ້າ​ໂຮມ​ກັນ​ຢູ່​ນະຄອນຫລວງ​ເນ​ປີ​ຕໍ ຂອງ​​ມຽນມາ ​ໃນ ​ອາທິດ​ນີ້ ​ເພື່ອ​ເຂົ້າຮ່ວມກອງ​ປະຊຸມ​ສຳຄັນ​ສອງ​ບັ້ນ.
ວີດີໂອ

ວີດີໂອ ກອງປະຊຸມໂຣກ AIDS ສິ້ນສຸດລົງ ດ້ວຍການເພັ່ງເລັງໃສ່ ການຄົ້ນຄ້ວາ ແລະຄວາມກ້າວໜ້າ

ໃນ​ໄລຍະ 20 ປີ ກອງ​ປະຊຸມ​ໂຣກ​ AIDS ສາກົນ ໄດ້ຂະຫຍາຍ​ໂຕ​ ໃຫຍ່ຂຶ້ນ ຈາກກອງ​ປະຊຸມນັດ​ທຳ​ອິດ ​ທີ່​ມີ​ນັກວິທະຍາສາດປະມານ 2000 ຄົນ ​ເຂົ້າຮ່ວມໃນ​ປີ 1985 ມາ​ເປັນ​ກອງ​ປະຊຸມ ທີ່​ມີ​ທັງ​ນັກ ວິທະຍາສາດ, ນັກ​ເຄື່ອນ​ໄຫວ​ ​ແລະ​ພວກ​ທີ່​ຕິດ​ເຊື້ອ​ໄວຣັສ HIV ຫລືເຊື້ອ​ໂຣກ AIDS ​ເຂົ້າ​ຮ່ວມ​ເຖິງ 12,000 ຄົນ​ໃນ​ປີ​ນີ້.
ວີດີໂອ

ວີດີໂອ ວີດີໂອ ພາສາລາວ: ອາດມີຢາວັກຊີນໃໝ່ ທີ່ສາມາດຄວບຄຸມ ໄຂ້ເລືອດອອກໄດ້ ໃນໄວໆນີ້

ໄດ້ມີ​ຄວາມ​ຫວັງ​ໃໝ່​ຂຶ້ນ​ມາ ສຳ​ຫລັບ​ພວກ​ທີ່​ເປັນ​ໄຂ້​ເລືອດ​ອອກ ທີ່​ເກີດ​ຈາກ​ເຊື້ອ​ໄວຣັສ ທີ່​ພາ​ໃຫ້​​ໃຫ້​ເຈັບຫົວ​ຢູ່​ບໍ່​ເຊົາ ມີ​ໄຂ້​ສູງ ​ແລະເຈັບປວດຕົນໂຕ​. ນັ້ນກໍຄື​ຢາ​ວັກ​ຊີ​ນ ຫລືຢາ​ປ້ອງ​ກັນ​ເຊື້ອ ​ໂຣກ ຊະນິດໃໝ່ທີ່​ອາດ​ເປັນ​ໄປ​ໄດ້.
ວີດີໂອ

ວີດີໂອ ວີດີໂອ ພາສາລາວ: ໄທ ປະຕິບັດການຕ້ານ ການກົດ​ຂີ່ ແຮງງານຕ່າງດ້າວ

ບັນດາເຈົ້າໜ້າທີ່ທະຫານ​ໄທ ຍອມຮັບວ່າ ການທຸຈະລິດ ຄໍ​ຣັບຊັ່ນ​ ໃນ​ບັນດາເຈົ້າໜ້າທີ່ປົກຄອງ ແລະພວກຄົນກາງ ຫລື​ນາຍ​ໜ້າ ພ້ອມທັງ ການຂາດການບັງຄັບ​ໃຊ້ກົດໝາຍ ຕໍ່ຕ້ານການຄ້າມະນຸດ ໄດ້ເຮັດໃຫ້ ລາດຊະອານາຈັກ​ໄທ ຖືກຈັດໃຫ້ເປັນປະເທດໜຶ່ງ ທີ່ກະທຳຜິດຢ່າງ ຮ້າຍແຮງ ທີ່​ສຸດ ​ໃນ​ເລື້ອງການກົດ​ຂີ່ແຮງງານຕ່າງດ້າວ.
ວີດີໂອ

ວີດີໂອ ນັກວິທະຍາສາດ ກຳລັງ ຄົ້ນຄ້ວາພັດທະນາ ລໍ້ນັ່ງ​ ທີ່ບັງຄັບ ດ້ວຍ​ສາຍຕາ

ນັກວິທະຍາສາດກຸ່ມ​ນຶ່ງ ​ທີ່​ນະຄອນຫລວງ​ລອນ​ດອນ ກຳລັງ​ພະຍາຍາມ ​ພັດທະນາຕັ່ງ​ອີ້ ຫລື​ລໍ້ນັ່ງສຳ​ຫລັບ​ຄົນ​ພິການ ທີ່​ຜູ້​ນັ່ງ​ສາມາດ​ຄວບຄຸມ​ແລະ ບັງຄັບມັນດ້ວຍ​ການ​ພຽງ​ແຕ່​ໃຊ້​ສາຍຕາ ​ເບິ່​ງ​ໄປ​ຍັງ​ທິດ​ທາງ​ທີ່​ຕົນ​ຢາກ​ໃຫ້ ​ລໍ້​ພາ​ໄປ ​ໂດຍ​ບໍ່​ຕ້ອງ​ໃຊ້​ມື​ບັງຄັບ​ມັນ.
ວີດີໂອ

ວີດີໂອ ວີດິໂອ ພາສາລາວ: ອິຣ່ານຫັນປ່ຽນ ຮູບແບບ ທາດຢູເຣນຽມ ຂອງຕົນ

ອິຣ່ານ​ໄດ້​ຫັນປ່ຽນ ທາດ​ຢູ​ເຣນຽມ​ຂອງ​ຕົນ​ ທີ່​ໄດ້​ຮັບ​ປັບປຸງໃຫ້​ເປັນ ​ເກຣດຜະລິດ​ອາວຸດ​ໄດ້​ນັ້ນ ມາ​ເປັນ​ເກຣດທີ່​ຍາກ​ຂຶ້ນ ​ທີ່​ຈະ​ນຳ​ໄປ ​ໃຊ້ຜະລິດ​ອາວຸດນິວ​ເຄລຍໄດ້ ໃນການ​ປະຕິບັດຕາມ ຂໍ້​ຕົກລົງຊົ່ວ ຄາວ ທີ່​​ໄດ້​ບັນລຸ​ກັບບັນດາ​ອຳນາດ​ຕາ​ເວັນ​ຕົກ .
ວີດີໂອ

ວີດີໂອ ວີດີໂອ ພາສາລາວ: ອຸດສາຫະກຳ ອາຫານທະເລໄທ ປະຕິເສດ ຂໍ້ກ່າວຫາຄ້າມະນຸດ

ໄທ​​ເປັນ​ປະ​ເທດ​ສົ່ງ​ອອກ​ອາຫານ​ທະ​ເລ ລາຍ​ໃຫຍ່​ອັນ​ດັບ​ສາມ ​ຂອງ​ໂລກ. ​ແຕ່​ອຸດສາຫະກຳດັ່ງກ່າວໄດ້ມີຊື່​ສຽງບໍ່​ດີ​ ຍ້ອນ​ຖືກ ​ເອົາ​ໄປ​​ເຊື່ອມ​ໂຍງ​ກັບ​ການ​ລັກລອບ​ຄ້າຂາຍ​ມະນຸດ. ບັນດາ​ຜູ້ ນຳອຸດສາຫະກຳສົ່ງ​ອອກ​ ກຸ້ງ​ແລະ​ປາທູ​ນາ ກ່າວ​ວ່າ ພວກ​ເຂົາ ​ເຈົ້າໄດ້​ຖືກ​ໃສ່​ຮ້າຍ​ຢ່າງ​ບໍ່​ຍຸດຕິ​ທຳ.
ວີດີໂອ

ວີດີໂອ ວີດີໂອ ພາສາລາວ: Google ເປີດຕົວ ຕົ້ນແບບລົດຂັບເອງ

ບໍລິສັດ​ເທັກ​ໂນ​ໂລ​ຈີ​ຍັກ​ໃຫຍ່​ຂອງ​ສະຫະລັດ Google ​ໄດ້​ກ້າວ​ໄປຂ້າງໜ້າ​​ ບາດກ້າວ​ນຶ່ງ ​ ໃນການ​ດຳ​ເນີນ​ຄວາມ​ພະຍາຍາມ​ເພື່ອ​​ໃຫ້​ມີລົດ​ທີ່​ຂັບ​​ໄປ​ເອງ​ ແລ່ນ​ຢູ່​ຕາມ​ທ້ອງ​ຖະໜົນ ​ໂດຍ​ການ​ເປີດ​​ໂຕລົດ​​ຕົ້ນ​ແບບຂັບເອງ ທີ່​ບໍ່​ຕ້ອງ​ໃຊ້​ ມື​ຄວບ​ຄຸມ ​​ເມື່ອ​ທ້າຍ​​ເດືອນພຶດສະພາ​ຜ່ານ​ມາ​ນີ້.

ຂ່າວຫລ້າສຸດ

ສຽງ ລາວ​ຕັ້ງ ໜ່ວຍສະ​ເພາະ​ກິດ ​ຢູ່​ດ່ານຊາຍ​ແດນ ເພື່ອ​ຂຶ້ນ ທະບຽນ​ ​ແຮງ​ງານ​ລາວ

ທາງ​ການ​ລາວ ​ສ້າງຕັ້ງໜ່ວຍ​ສະ​ເພາະ​ກິດ ຈະ​ປະຈຳ​ຢູ່ ​ທີ່​ດ່ານ​ຊາຍ​ແດນ ທີ່​ຕິດ​ກັບ​ໄທ​ 8 ແຫ່ງ​ດ້ວຍ​ກັນ ເພື່ອຂຶ້ນທະບຽນ ແລະຊ່ວຍເຫຼືອ ແຮງງານລາວ.
ອ່ານຕື່ມ

ວີດີໂອ ທ່ານ Kerry ວ່າ ມີແຕ່ກົດໝາຍ ຈະນຳໄປສູ່ ການແກ້ໄຂ ບັນຫາຂັດແຍ້ງ ໃນທະເລຈີນໃຕ້ (ວີດີໂອ)

ລັດຖະມົນຕີການຕ່າງປະເທດ ສຫລ ທ່ານ John Kerry ກ່າວວ່າ ກົດໝາຍ ບໍ່ແມ່ນການຂົ່ມຂູ່ ທີ່ຈະນຳໄປສູ່ ການແກ້ໄຂບັນຫາຂັດແຍ້ງ ໃນທະເລຈີນໃຕ້.
ອ່ານຕື່ມ

ວີດີໂອ ສະຫະລັດ ກວດສອບ ເບິ່ງຂ່າວ ກຸ່ມລັດອິສລາມ ຕັດຫົວ ນັກຂ່າວ ອາເມຣິກັນ (ວີດີໂອ)

​ເຈົ້າ​ໜ້າ​ທີ່ສະຫະລັດ ກຳລັງ​ດຳເນີນງານ ​ເພື່ອ​ໃຫ້ການຢືນ​ຢັນ ກ່ຽວກັບຄວາມໜ້າເຊື່ອຖື ​ຂອງວິ​ດີ​ໂອ ທີ່​ກຸ່ມຫົວ​ຮຸນແຮງ​ ອອກຂ່າວ ກ່ຽວກັບການ​ຕັດ​ຫົວ ນັກ​ຂ່າວ​ອາ​ເມຣິກັນ​ຄົນ​ນຶ່ງ​.
ອ່ານຕື່ມ

Multimedia ທ່ານ Hollande​ ​​ຮຽກຮ້ອງ ໃຫ້​ຈັດ​ກອງ​ປະຊຸມ ​ນາໆ​ຊາດ​ ​ເພື່ອ​ຫາລື ​​ເລື້ອງ ​ລັດ​ອິສລາມ (ສະໄລດ໌/ວີດີໂອ)

ທ່ານ Hollande ກ່າວວ່າ ມີ​ຄວາມ​ຈຳ​ເປັນ​ ສຳ​ຫລັບແຜນ​ຍຸ​ທະ​ສາດ​ຂອງ​ໂລກ ​ເພື່ອ​ຮັບ​ມື ກັບກຸ່ມຫົວ​ຮຸນ​ແຮງ​ ລັດ​ອິສລາມນີ້.
ອ່ານຕື່ມ

Multimedia ອິສຣາແອລ ແລະກຸ່ມຫົວຮຸນແຮງ ຮາມັສ ເລີ້ມໂຈມຕີກັນ ຮອບໃໝ່ (ສະໄລດ໌/ວີດີໂອ)

ອິສຣາແອລ ແລະກຸ່ມຮາມັສ ເລີ້ມໂຈມຕີກັນອີກ ຫລັງ​ຈາ​ກການ​ເຈ​ລະ​ຈາ​ຢຸດ​ຍິງ​ ທີ່ນະຄອນໄຄໂຣ ໄດ້​ພັງທະລາຍລົງ.
ອ່ານຕື່ມ
ຕື່ມອີກ