ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຕະຫຼາດຮຸ້ນ ອັດຕາຄົນຫວ່າງງານ ແລະເງິນເດືອນ ໃນ ສຫລ ຫລຸດລົງ


ອັດຕາຄົນຫວ່າງງານ ໃນແຕ່ລະເດືອນ ຢູ່ໃນສະຫະລັດ ແຕ່ເດືອນມັງກອນ ປີ 2004 ຫາເດືອນ ທັນວາ ປີ 2014.
ອັດຕາຄົນຫວ່າງງານ ໃນແຕ່ລະເດືອນ ຢູ່ໃນສະຫະລັດ ແຕ່ເດືອນມັງກອນ ປີ 2004 ຫາເດືອນ ທັນວາ ປີ 2014.

ຕະຫລາດ​ຮຸ້ນສະຫະລັດ ໄດ້ສິ້ນສຸດ​ການ​ຊື້ຂາຍຮຸ້ນ ໃນ​ອາທິດ​
ທຳ​ອິດ​ຂອງ​ປີໃໝ່ ໂດຍທີ່ຮຸ້ນມີການຕົກລາຄາປະມານ​ເຄິ່ງ​ເປີ
​ເຊັນ ​ທັງໆທີ່ມີ​ຂ່າວ​ດີ ​ກ່ຽວ​ກັບ​ເລື່ອງ ວຽກ​ເຮັດງານທຳ.

ອັດຕາ​ການ​ຫວ່າງງານ ​ໃນສະຫະລັດ ​ຫລຸດ​ລົງ​ສອງ​ສ່ວນ​ສິບ
​ຂອງ​ເປີ​ເຊັນ ​ໃນ​ເດືອນ​ທັນວາຜ່ານມາ ​ຊຶ່ງຕ່ຳສຸດໃນຮອບຫົກ​
ປີ ເປັນ 5.6 ​ເປີ​ເຊັນ.

ລາຍງານຊຶ່ງໄດ້ມີການຕິດຕາມເບິ່ງ​ຢ່າງ​ໃກ້​ຊິດ​ໃນ​ວັນ​ສຸກ​ວານ
ນີ້ ​ຈາກກະຊວງ​ແຮງ​ງານຍັງກ່າວ​ວ່າ ​ເສດຖະກິດ​ໄດ້ເຮັດ​ໃຫ້​ມີ
ວຽກ​ການເພີ້ມຂື້ນ​ 252,000 ໜ້າ​ວຽກ.

​ທັງ​ສ​ອງ​ໂຕ​ເລກ ແມ່ນດີ​ກວ່າທີ່ບັນດາ​ນັກ​ເສດຖະສາດ ​ໄດ້​ທຳນາຍ​ໄວ້ ​ແລະເປັນ​ປີ​ທີ່ແຂງ
​ແຮງ​ທີ່ສຸດ​ ໃນ​ການ​ເຕີບ​ໂຕ​ຂອງວຽກ​ງານ ໃນຮອບ 15 ປີ.

ແຕ່​ວ່າຂໍ້​ມູນຂອງ​ວັນ​ສຸກ​ວານ​ນີ້ ຍັງ​ສະ​ແດງ​ໃຫ້​ເຫັນ​ວ່າ ການຂຶ້ນເງິນ​ເດືອນໃນປີ​ 2014
ແມ່ນພໍ​ແຕ່​ລື່ນລະດັບເງິນເຟີ້ພຽງໜ້ອຍດຽວເທົ່ານັ້ນ ​ແລະ​ສຳຫລັບ​ເດືອນ​ທັນວາຜ່ານມາ
ເງິນເດືອນສະ​ເລ່ຍ​ຂອງພວກທີ່ກິນເງິນເປັນ​ຊົ່ວ​ໂມງ ຄວາ​ມຈິງແລ້ວໄດ້​ຫລຸ​ດລົງ.

ບັນດາ​ນັກວິ​ເຄາະມີ​ຄວາມເປັນ​ຫ່ວງ ​ວ່າ ​ໂຕ​ເລກ​ເງິນເດືອນທີ່ຂຶ້ນຍາກ ອາດ​ເຮັດ​ໃຫ້ການ
ໃຊ້ຈ່າຍຂອງ​ຜູ້​ບໍລິ​ໂພ​ກອ່ອນແອ​ລົງ ຊຶ່ງເປັນ​ການ​ຂັບດັນທີ່​ສຳຄັນ​ຂອງເສດຖະກິດສະຫະ ລັດນັ້ນ.

​ໃນ​ຂະນະ​ ທີ່​ອັດຕາ​ຫວ່າງ​ງານ​ ໄດ້​ຫລຸດລົງເຕັມນຶ່ງ​ເປີ​ເຊັນ​ ຈາກ​ປີ​ກາຍ​ນີ້ ແຕ່ 8 ລ້ານ 7
ແສນ​ຄົນ ​ຍັງ​ບໍ່ມີວຽກ​ງານເຮັດແລະ​ອີກ 6 ລ້ານ 8 ​ແສນ​ຄົນຕ້ອງການ​ຢາກເຮັດວຽກ​ເຕັມ
​ເວລາ ແຕ່​ກໍສາມາດຊອກ​ໄດ້​ແຕ່ວຽກ​ທີ່​ບໍ່​ເຕັມ​ເວ​ລາ​ເທົ່າ​ນັ້ນ.

US Unemployment Drops to 6-Year Low
please wait

No media source currently available

0:00 0:02:01 0:00

XS
SM
MD
LG