ບັນດາປະທານາທິບໍດີ ຂອງຫລາຍປະເທດອາຟຣິກາຕາເວັນ
ຕົກທີ່ໄດ້ຖຶກຄຸກຄາມໂດຍການລະບາດຂອງເຊື້ອໄວຣັສ ອີໂບ
ລາ ນັ້ນກຳລັງປະຊຸມກັບ ຫົວໜ້າອົງການອານະໄມໂລກ
(WHO) ເພື່ອຈະເລີ້ມແຜນຕອບໂຕ້ການແຜ່ລະບາດ ມູນຄ່າ
100 ລ້ານໂດລາ.
ບັນດາຜູນຳຂອງປະເທດ ກີນີ ຊິແອຣາ ລີອອນ ແລະໄລບີເຣຍ
ກຳລັງປະຊຸມກັບ ຜູ້ອຳນວຍການໃຫຍ່ຂອງອົງການອານາໄມ
ໄລກ ທ່ານນາງ ດຣ Margaret Chan ທີ່ Conakry ເມືອງ
ຫລວງຂອງກີເນຍ ເພື່ອຈັດແຈງເລື້ອງການຈັດສົ່ງ ພະນັກງານ
ການແພດຫລາຍຮ້ອຍຄົນ ໄປຍັງປະເທດເຫລົ່ານັ້ນ. ແຜນ
ການດັ່ງກ່າວ ຍັງຮວມທັງການເພີ້ມທະວີ ລະບົບການຕຽມພ້ອມ
ຢູ່ໃນບັນດາປະເທດເພື່ອນບ້ານ ນຳ.
ທ່ານນາງ Chan ກ່າວວ່າ ລະດັບຂອງການແຜ່ລະບາດ ແລະ “ໄພຂົ່ມຂູ່ທີ່ມີຢູ່ຢ່າງບໍ່ລົດລະ” ເຮັດໃຫ້ WHO ແລະບັນດາປະເທດທີ່ຖຖືກກະທົບ “ຕ້ອງຍົກການຕອບໂຕ້ຂື້ນ ຂຶ້ນສູ່ລະດັບໃໝ່.”
ໃນຂະນະດຽວກັນ ພະນັກງານຊ່ວເຫລືອອາເມຣິກັນຄົນນຶ່ງ ທີ່ເກີດເຈັບປ່ວຍ ຈາກເຊື້ອໄວຣັສ ອີໂບລາ ຢູ່ອາຟຣິກາຕາເວັນຕົກ ກໍຈະເດີນທາງກັບຄືນມາ ສະຫະລັດ ໃນສອງສາມມື້ຂ້າງໜ້ານີ້ ເພື່ອຮັບການປີ່ນປົວ.