ທີ່ປຶກສາຄວາມໝັ້ນຄົງແຫ່ງຊາດຂອງສະຫະລັດ ທ່ານນາງ
Susan Rice ໄດ້ເດີນທາງໄປເຖິງປັກກິ່ງ ບ່ອນທີ່ທ່ານນາງ
ຈະພົບປະກັບ ນັກການທູດຂັ້ນສູງ ຊຶ່ງເປັນທີ່ປຶກສາຂອງ
ລັດຖະບານຈີນ ທ່ານ Yang Jiechi ໃນວັນຈັນມື້ນີ້ ເປັນການ
ລິເລີ້ມການເດີນທາງລະຍະ 3 ມື້ ເພື່ອແຜ້ວທາງໃຫ້ແກ່ ປະທາ
ນາທິບໍດີ ບາຣັກ ໂອບາມາ ຊຶ່ງຈະເດີນທາງໄປຢ້ຽມຢາມໃນ
ເດືອນພະຈິກນີ້.
ທ່ານນາງ Rice ກ່າວວ່າບັນຫາຕ່າງໆທັງໝົດ ທີ່ສະຫະລັດ
ກຳລັງປະເຊີນໜ້າຢູ່ ໃນຂະນະນີ້ ທ່ານໂອບາມາ ເຫັນວ່າ ຈີນ
ເປັນບຸລິມະສິດ ແລະ ເປັນເຫດຜົນເບື້ອງຕົ້ນ ສຳຫລັບການ
ໄປຢ້ຽມຢາມຂອງທ່ານນາງ Rice ໃນການຖາກຖາງ ລາຍການປະຊຸມ ສຳຫລັບການພົບ
ປະລະຫວ່າງ ທ່ານໂອບາມາ ແລະ ປະທານປະເທດ ຈີນ ທ່ານ ສີ ຈິ່ນປິງ ໃນລະຫວ່າງ
ກອງປະຊຸມສຸດຍອດການຮ່ວມມືເສດຖະກິດເອເຊຍປາຊີຟິກ ຫຼື APEC.
ທ່ານນາງ Susan Rice ເວົ້າວ່າ “ຄືກັບທ່ານຮູ້ຈັກຢູ່ແລ້ວວ່າ ສາຍພົວພັນລະຫວ່າງ
ສະຫະລັດ ກັບຈີນ ແມ່ນມີຄວາມສຳຄັນສູງ ຕໍ່ສະຫະລັດ ແລະ ເມື່ອມີການພົບ
ປະກັນໃນລະດັບຂັ້ນສູງ ແລະສືບຕໍ່ການເຈລະຈາກັນນັ້ນ ແມ່ນຈະຊ່ວຍສະ
ໜອງໃຫ້ພວກເຮົາສືບຕໍ່ຄວາມສຳພັນ ທີ່ມີໝາກຜົນແບບເລິກເຊິ່ງ ແລະ ການ
ປະສານງານທີ່ດີ ຊຶ່ງຈຳເປັນສຳຫລັບຜົນປະໂຫຍດຂອງສະຫະລັດ ແລະຂອງຈີນ
ແລະສຳຫລັບຜົນປະໂຫຍດ ຂອງປະຊາຄົມໂລກທັງມວນ.”
ທ່ານນາງ Rice ແມ່ນມີກຳນົດທີ່ຈະພົບປະກັບລັດຖະມົນຕີປ້ອງກັນປະເທດ ແລະ
ລັດຖະມົນຕີຕ່າງປະເທດຂອງຈີນ ໃນວັນອັງຄານມື້ອື່ນນີ້ ກ່ອນທີ່ຈະເດີນທາງກັບ
ຄືນປະເທດໃນວັນພຸດ.
ຈີນຈະເປັນເຈົ້າພາບຈັດ ກອງປະຊຸມສຸດຍອດການຮ່ວມມືເສດຖະກິດເອເຊຍປາຊີຟິກ
ຫຼື APEC ໃນວັນທີ 10 ແລະ 11 ເດືອນພະຈິກ ຢູ່ນະຄອນຫລວງປັກກິ່ງ. ບັນດາຜູ້ນຳ ລັດຖະບານ ຈາກ 21 ປະເທດ ຈະເຂົ້າຮ່ວມ ໃນກອງປະຊຸມດັ່ງກ່າວນີ້. ປັກກິ່ງຍັງໄດ້ເຊື້ອ
ເຊີນຜູ້ນຳຈາກອິນເດຍ ແລະ ມົງໂກເລຍ ອີກດ້ວຍ.
