ລິ້ງ ສຳຫລັບເຂົ້າຫາ

ວັນເສົາ, ໓໐ ມີນາ ໒໐໒໔

ສຫລ ສົ່ງທະຫານມາຣີນ ທີ່ສົງໄສຄົນນຶ່ງ ໃຫ້ຟິລິບປີນ ເພື່ອສືບສວນ


ບັນດາສະມາຊິກພັກ Gabriela ຜູ້ຍິງຟິລິບປີນ ພາກັນປະທ້ວງ ຮຽກຮ້ອງເອົາສິດທິຜູ້ຍິງ ແກ່ນາງ Jeniffer Laude ທີ່ຖືກສັງຫານ
ບັນດາສະມາຊິກພັກ Gabriela ຜູ້ຍິງຟິລິບປີນ ພາກັນປະທ້ວງ ຮຽກຮ້ອງເອົາສິດທິຜູ້ຍິງ ແກ່ນາງ Jeniffer Laude ທີ່ຖືກສັງຫານ

ທະຫານມາຣິນ ສະຫະລັດ ຄົນ​ນຶ່ງ ທີ່​ສົງ​ໄສ​ວ່າ ​ໄດ້ສັງຫານ​ຜູ້
ຍິງ​ທີ່​ໄດ້ປ່ຽນ​ເພດ​ຄົນ​ນຶ່ງ ​ໃນ​ຕົ້ນ​ເດືອນ​ນີ້ ​ໄດ້​ຖືກຍົກຍ້າຍ​ໄປ
​ກອງ​ບັນຊາ​ການທະຫານຟິລິບ​ປີນ ​ໃນ​ນະຄອນຫຼວງ​ມາ​ນິລາ
ທ່າມກາງ​ຄວາມ​ກົດ​ດັນ ຂອງສາທາລະນະຊົນ ​ຢາກໃຫ້ຍ້າຍ​
ລາວ​ອອກ​ຈາກ​ກຳ​ປັ່ນ​ລົບສະຫະລັດ.

ຈົນ​ກກວ່າ​ວ່າ​ມີ​ການ​ຍົກຍ້າຍ​ໃນ​ວັນ​ພຸດ​ມື້​ນີ້ ສິບ​ຕີ​ປະ​ຈຳ​ການ
Joseph Scott Pemberton ​ໄດ້​ຖືກ​ກັກ​ຂັງ​ໄວ້ເທິງກຳປັ່ນລົບ
ສະຫະລັດ ຫລັງ​ຈາກ​ໄດ້​ຖືກ​ກ່າວ​ຫາ​ວ່າ ລາວ​ໄດ້​ສັງຫານ ນາງ
Jennifer Laude ອາຍຸ 26 ປີ ລຸນຫລັງ​ທີ່​ໄດ້​ພົບ​ນາງ​ຢູ່​ບາ.

ທະຫານ​ມາຣິນຄົນນີ້ ຈະ​ຖືກ​ຍາ​ມ​ຄຸ້ມກັນໂຕ ໂດຍທະຫານ​ສະຫະລັດ ຢູ່ໃນ​ເຂດນະຄອນ
​ຫລວງຟີລິບປິນ ​ໃນ​ຂະນະ​ທີ່​ການ​ສື​ບສວນຍັງດຳເນີນຢູ່.

ບັນດາ​ຜູ້​ເຫັນ​ເຫດການ​ກ່າວ​ວ່າ ສິບ​ຕີ​ປະ​ຈຳ​ການ Pemberton ​ແລະ​ນາງ Laude ​ໄດ້​ເຂົ້າ
​ໄປ​ໃນໂຮງ​ແຮມແຫ່ງນຶ່ງ ຢູ່​ເມືອງທ່າ Olongapo ​ໃນ​ວັນ​ທີ 11 ​ເດືອນ​ຕຸລາ​ທີ່​ຜ່ານ​ມາ. ສົບ​
ຂອງ​ນາງ Laude ​ຕໍ່​ມາໄດ້​ຖືກ​ພົບ​ເຫັນ ຢູ່​ໃນຫ້ອງ​ນໍ້າ.

ສິບ​ຕີ​ປະ​ຈຳ​ການ Pemberton ​ແມ່ນປະຈຳການ​ຢູ່​ໃນໜ່ວຍຍົກພົນຂຶ້ນບົກຂອງ ກຳ​ປັ່ນ​
ລົບ ທີ່ພວມເຂົ້າຮ່ວມ​ການ​ຊ້ອມ​ລົບກັບ​ທະຫານຟິລິບ​ປີນ ຈົນ​ກວ່າ​ມື້ນຶ່ງ ກ່ອນທີ່ຖືກກ່າວ​
ຫາ​ວ່າທຳການຄາດ​ຕະກຳ.

ພາຍ​ໃຕ້​ຂໍ້​ຕົກລົງການ​ຢ້ຽມຢາມຂອງ​ກຳລັງ​ທະຫານ ລະຫວ່າງ ມາ​ນິລາ ​ແລະ ວໍຊິງ​ຕັນນັ້ນ
ຟິລິບ​ປີນ ມີ​ສິດອຳນາດໃນການດຳເນີນ​ຄະດີຕ່າງໆ ​ແຕ່​ສະຫະລັດ ເປັນຜູ້ຄວບຄຸມໂຕ​ຜູ້​
ຖືກ​ກ່າວ​ຫາ.

ສິບ​ຕີ​ປະ​ຈຳ​ການ Pemberton ບໍ່ໄດ້ໄປ​ປາກົດ​ໂຕ ເພື່ອໃຫ້ການຕໍ່ສານໃນ​ວັນ​ອັງຄານ​
ວານ​ນີ້ ທີ່​ໄດ້ສ້າງ​ຄວາມ​ເປັນ​ຫ່ວງ​ແກ່ຄອບຄົວ​ຜູ້​ເຄາະ​ຮ້າຍວ່າ ລາວ​ຈະ​ຖືກດຳເນີນຄະດີ
ຫຼືບໍ່.

PHILIPPINES US KILLING VO
please wait

No media source currently available

0:00 0:01:03 0:00

XS
SM
MD
LG