ລັດຖະມົນຕີຕ່າງປະເທດສະຫະລັດ ທ່ານ John Kerry ກ່າວໃນ
ວັນພຸດວານນີ້ວ່າ ຈົດໝາຍເປີດຊອງສະບັບນຶ່ງ ທີ່ໄດ້ຖືກສົ່ງໄປໃຫ້
ບັນດາຜູ້ນຳອີຣ່ານ ໂດຍບັນດາສະມາຊິກສະພາສູງ ສັງກັດພັກ
ຣີພັບບລີກັນ ຈຳນວນ 47 ທ່ານນັ້ນ ໄດ້ເຮັດໃຫ້ທ່ານ ຕົກຢູ່ໃນ
ສະພາບ “ບໍ່ໜ້າເຊື່ອເລີຍ” ແລະ ວ່າ ບັນດາສະມາຊິກສະພາ
ສູງດັ່ງກ່າວ ບໍ່ມີອຳນາດຕາມກົດໝາຍ ທີ່ເຮັດດັ່ງນັ້ນໄດ້.
ທ່ານ Kerry ກ່າວຖະແຫລງຕໍ່ຄະນະກຳມະການຄວາມສຳພັນກັບ
ຕ່າງປະເທດຂອງສະພາສູງ ວ່າ ຈົດໝາຍທີ່ຂຽນໂດຍສະມາຊິກ
ສະພາສູງນ້ອງໃໝ່ ຈາກລັດ Arkansas ທ່ານ Tom Cotton ນັ້ນ
ບ່ອນທຳລາຍຕໍ່ນະໂຍບາຍການຕ່າງປະເທດ ຂອງສະຫະລັດ ແລະ
ບໍ່ຫົວຊາຕໍ່ປະຫວັດສາດທີ່ມີມາຫຼາຍກວ່າ 200 ປີ ແລ້ວນັ້ນ.
ຈົດໝາຍດັ່ງກ່າວ ເຕືອນວ່າ ປະທານາທິບໍດີສະຫະລັດ ຄົນຕໍ່ໄປອາດຈະຍົກເລີກຂໍ້ຕົກລົງ
ນິວເຄລຍກັບອີຣ່ານໄດ້ທຸກໆເວລາ ແລະ ວ່າ ລັດຖະສະພາ ຍັງອາດສາມາດທຳການປ່ຽນແປງ ຂໍ້ຕົກລົງໄດ້ເຊັ່ນກັນ.
ທ່ານ Kerry ກ່າວວ່າ ລັດຖະສະພາ ບໍ່ມີສິດທີ່ຈະດັດແກ້ຂໍ້ຕົກລົງ
ທີ່ໄດ້ບັນລຸໄປແລ້ວລະຫວ່າງບັນດາຜູ້ນຳ ຂອງບັນດາປະເທດ
ກ່ຽວຂ້ອງ. ທ່ານ Kerry ເອີ້ນຈົດໝາຍ ຂອງພັກຣີພັບບລີ ກັນນັ້ນ
ວ່າ ຂາດຄວາມຮັບຜິດຊອບ.
ສະຫະລັດ ແລະບັນດາປະເທດພາຄີຂອງຕົນ ເຊັ່ນ ອັງກິດ ຈີນ
ຝຣັ່ງ ເຢຍຣະມັນ ແລະ ຣັດເຊຍ ແມ່ນມີວັນເສັ້ນຕາຍຄື ໃນທ້າຍ
ເດືອນມີນານີ້ ເພື່ອໃຫ້ບັນລຸໂຄງຮ່າງ ຂໍ້ຕົກລົງ ເພື່ອໃຫ້ອີຣ່ານ
ຫລຸດການກັ່ນທາດຢູເຣນຽມຂອງຕົນ ໃນການແລກປ່ຽນສຳຫລັບ
ການຍົກເລີກການລົງ ໂທດຕ່າງໆ ທີ່ໄດ້ສ້າງຄວາມເສຍຫາຍໃຫ້
ແກ່ເສດຖະກິດຂອງອີຣ່ານ.
ບັນດາຝ່າຍຕໍ່ຕ້ານຂໍ້ຕົກລົງຈາກພັກຣີພັບບລີກັນ ກ່າວວ່າ ອີຣ່ານ ບໍ່ສາມາດເຊື່ອຖືໄດ້.
ອີຣ່ານຢືນຢັດວ່າ ຕົນບໍ່ມີແຜນການໃດໆ ທີ່ຈະສ້າງອາວຸດນິວເຄລຍເລີຍ ແລະວ່າ ໂຄງການ ນິວເຄລຍຂອງຕົນ ແມ່ນເພື່ອສຳຫລັບໃຊ້ໃນດ້ານພົນລະເຮືອນເທົ່ານັ້ນ.
U.S. Secretary of State John Kerry said Wednesday an open letter sent to Iranian leaders by 47 Republican senators left him in "utter disbelief," and that the senators have no legal authority to do so.
Kerry told the Senate Foreign Relations Committee that the letter written by Arkansas freshman Senator Tom Cotton undermines U.S. foreign policy and ignores more than 200 years of history.
It warns that the next U.S. president could revoke a nuclear deal with Iran at any time, and that Congress also could make changes to the deal.
Kerry said Congress does not have the right to modify an agreement reached between leaders of countries. He called the Republican letter irresponsible.
The United States and its partners -- Britain, China, France, Germany, and Russia -- have an end-of-March deadline to reach a framework deal for Iran to cut back on its uranium enrichment program in exchange for lifting sanctions that have destroyed its economy.
Republican opponents of the deal say Iran cannot be trusted.
Iran insists it has no plans to build nuclear weapons and that its nuclear program is strictly for civilian uses.
