ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກອງທັບເຮືອ ສະຫະລັດ ແລະ ກຳປູເຈຍ ຮ່ວມກັນ ຊ້ອມຮົບ ໃນອ່າວ ໄທ


Cambodia US Navy
please wait
Embed

No media source currently available

0:00 0:02:00 0:00

ຊົມວິດີໂອ ກ່ຽວກັບ ຂ່າວນີ້

ກອງທັບ​ເຮືອສະຫະລັດ ໄດ້ສົ່ງໜຶ່ງໃນກຳປັ່ນທີ່ໃໝ່ທີ່ສຸດ ແລະ ກໍ ທັນສະໄໝທີ່ ສຸດໄປປະເທດ ກຳປູເຈຍ ເພື່ອ​ເຂົ້າຮ່ວມການຊ້ອມ ຮົບທາງ​ທະ​ເລໃນອ່າວໄທ. ​ການ ​ແລ່ນຮຽງຂ້າງກັນ ກັບກຳປັ່ນຂອງ ກຳປູເຈຍ ລູກເຮືອຂອງກຳປັ່ນ USS Fort Worth ແມ່ນກຳລັງປະ ຕິບັດການຝຶກຊ້ອມຮ່ວມທາງດ້ານການທະຫານ ທີ່ຈະຊ່ວຍ​ເສີມ ສ້າງສາຍພົວພັນ ໃນພາກພື້ນເອເຊຍຕາເວັນອອກສຽງໃຕ້. ຜູ້ສື່ ຂ່າວ David Boyle ມີລາຍງານສຳລັບວີໂອເອ ຈາກແຂວງ ເພຣຍ ສີຫານຸກ ປະເທດ ກຳປູເຈຍເຊິ່ງ ພຸດທະສອນ ຈະນຳລາຍລະອຽດ ມາສະເໜີທ່ານ.

ໃນອ່າວໄທ, ເຈົ້າໜ້າທີ່ກອງທັບເຮືອ ສະຫະລັດ ແລະ ກຳປູເຈຍ ກະກຽມທີ່ຈະ​ໂຈມ​ຕີເປົ້າໝາຍ ທີ່ມີຊື່ຫຼິ້ນວ່າ ໝາກເລັ່ນນັກຂ້າ ຫຼື Killer Tomato.

ການຝຶກຊ້ອມຍິງ​ໂດຍ​ໃຊ້​ລູກປືນແທ້ແມ່ນສ່ວນໜຶ່ງຂອງໂຄງການໆຮ່ວມມື ກຽມພ້ອມທາງເຮືອ ແລະ ການຝຶກຊ້ອມຂອງທະຫານເຮືອ ສະຫະລັດ ທີ່​ເອີ້ນວ່າ CARAT, ເຊິ່ງຈັດຂຶ້ນໃນປີນີ້ເປັນ ຄັ້ງທີ 6 ກັບ ກຳປູເຈຍ.

ໂຄງການ CARAT ແມ່ນໄດ້ອອກແບບມາເພື່ອຮອງຮັບກັບຄວາມສາມາດຂອງ ສະຫະລັດ ທີ່ ເປັນຄູ່ຮ່ວມກັບທະຫານເຮືອຂອງປະເທດອື່ນ ເພື່ອຕໍ່ສູ້ກັບໄພຂົ່ມຂູ່ ທາງນ້ຳ ແລະ ສະໜອງ ການຊ່ວຍເຫຼືອສຸກເສີນຫຼັງຈາກ​ເກີດໄພພິບັດທຳມະຊາດ.

ແລະ ເຖິງແມ່ນວ່າຝ່າຍໃດຝ່າຍໜຶ່ງຈະເວົ້າກ່ຽວກັບມັນໂດຍກົງ, ມັນກໍຍັງຊ່ວຍໃຫ້ ສະຫະລັດ ພັດທະນາແຜນຍຸດທະສາດການເປັນພັນທະມິດກັນ ໃນໜ້ານ້ຳບ່ອນ ທີ່ມີຄວາມເຄັ່ງຕຶງກັບ ຈີນ ​ໃນທະເລຈີນໃຕ້ ເພີ່ມສູງຂຶ້ນນັ້ນ.

ພົນເຮືອຈັດຕະວາ H.B. Le ທີ່​ບັງຄັບ​ເຮືອພິຄາດກຸ່ມ​ທີ 7 ກ່າວວ່າ “ຂ້າພະເຈົ້າ ຄິດວ່າສາຍ ພົວແມ່ນສາເຫດທີ່ເຮັດໃຫ້ພວກເຮົາມາຢູ່ທີ່ນີ້. ສ່ວນໃຫຍ່ຂອງ ສາເຫດທີ່ເຮືອພິຄາດກຸ່ມ​ທີ 7 ໄດ້ຖືກສົ່ງມາພາກພື້ນເອເຊຍປາຊີຟິກ, ດັ່ງນັ້ນ ພວກເຮົາຈິ່ງສາມາດພັດທະນາແຜນຍຸດ ທະສາດສາຍພົວພັນພວກນີ້ ກັບປະ ເທດທີ່ມີຄວາມສຳຄັນໆຢູ່ໃນພາກພື້ນ.”

ຮ້ອຍໂທ Joshua Root ແມ່ນທະນາຍຄວາມ ຂອງ​ກອງທັບ​ເຮືອສະຫະລັດ ໄດ້ໃຊ້ຄວາມຖະ ໜັດໃນການໃຊ້ພາສາຂະເໝນ ທີ່ລາວໄດ້ຮຽນມາໃນອົງການ​ອາສາ​ສະ ໝັກ​ເພື່ອສັນຕິພາບ ເຮັດໃຫ້ການສື່ສານກັນດຳເນີນໄປດ້ວຍຄວາມ ນິ້ມນວນ.

ຮ້ອຍໂທ Joshua Root ກ່າວວ່າ “ກອງທັບເຮືອ ສະຫະລັດ ຕ້ອງເຮັດວຽກກັບ ກອງທັບເຮືອ ຫຼາຍປະເທດ ແລະ ເບິ່ງວິທີຂອງວັດທະນະທຳອື່ນບັນລຸເປົ້າ ໝາຍ, ເປັນອີກທາງໜຶ່ງຂອງ ການສື່ສານກັນ, ມັນມີຄວາມສຳຄັນຫຼາຍສຳລັບ ກອງທັບເຮືອ ສະຫະລັດ ເພື່ອ​ໃຫ້ມີປະສິດ ທິຜົນເພາະວ່າ ພວກເຮົາປະຕິບັດ ການກັບຫຼາຍປະເທດຫຼາຍຄັ້ງມາ​ແລ້ວ, ການປະຕິບັດ ການຂອງອົງການ ສະຫະປະຊາຊາດ, ເຊິ່ງມັນມີຄວາມສຳຄັນ, ມັນບໍ່ແມ່ນສິ່ງທີ່ເປັນໄປ ໃນທາງ ດຽວເລີຍ.”

ຮ້ອຍເອກທະຫານ​ເຮືອ In Sokhemra, ຜູ້ບັນຊາການເຮືອລາດຕະເວນໜ່ວຍທີ 6 ກຳປູ​ເຈຍ ກ່າວວ່າ “ໃນເວລາທີ່ທະຫານ ອາເມຣິກາ ມາ, ທຳອິດພວກເຮົາບໍ່ ໄດ້ເຂົ້າໃຈແນວຄິດຂອງ ພວກເຂົາເຈົ້າ. ແຕ່ວ່າຕອນນີ້ ພວກເຮົາເຂົ້າໃຈມັນ ແລະ ມັນເຮັດໃຫ້ການສື່ສານນຳພວກ ເຂົາເຈົ້າງ່າຍຂຶ້ນ.”

​ໃນ​ການເດີນທາງໄປກັບ ເຮືອລາດຕະເວນປະເພດ Stenka ສະໄໝ ໂຊວຽດ ສອງລຳຂອງ ກຳປູເຈຍ, ສະຫະລັດ ໄດ້ສົ່ງກຳປັ່ນທີ່ໃໝ່ທີ່ສຸດຂອງຕົນ, ກຳປັ່ນ ປະເພດປະຕິບັດການໃກ້ຝັ່ງ USS Fort Worth ​ໄປ​ຮ່ວມ ໃນຂະນະທີ່ ສະຫະລັດ ພະຍາຍາມທີ່ຈະສ້າງຄູ່​ຮ່ວມ​ງານທີ່ແຂງ ແກ່ນຂຶ້ນຢູ່ໃນພາກພື້ນ, ເຮືອພວກນີ້, ເຊິ່ງເໝາະສົມໂດຍສະເພາະກັບໜ້ານ້ຳ ເອເຊຍຕາເວັນ ສຽງໃຕ້ ພ້ອມດ້ວຍເຮືອທີ່​ກິນ​ນ້ຳຕື້ນຂອງພວກເຂົາເຈົ້າ, ແມ່ນຄາດວ່າຈະແບກຮັບບົດ ບາດທີ່​ເພີ້ມເພີ່ມທະວີຂຶ້ນ.

XS
SM
MD
LG