ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ສະຫະລັດ ​ແລະ ຄິວ​ບາ ຈະ​ທຳການ​ ເຈລະຈາ​ກັນ​ ຮອບ​ທີ​ສອງ ຢູ່ທີິ່ວໍຊິງຕັນ


ເຈົ້າໜ້າທີ່ສະຫະລັດ ທ່ານນາງ Roberta Jacobson (ຂວາ) ແລະທ່ານ Jeffrey DeLaurentis ເຂົ້າຮ່ວມການເຈລະຈາກັບ ບັນດາເຈົ້າໜ້າທີ່ຄິວບາ ໃນນະຄອນຫລວງ Havana ປະເທດ Cuba, ວັນທີ 22 ກຸມພາ 2015.
ເຈົ້າໜ້າທີ່ສະຫະລັດ ທ່ານນາງ Roberta Jacobson (ຂວາ) ແລະທ່ານ Jeffrey DeLaurentis ເຂົ້າຮ່ວມການເຈລະຈາກັບ ບັນດາເຈົ້າໜ້າທີ່ຄິວບາ ໃນນະຄອນຫລວງ Havana ປະເທດ Cuba, ວັນທີ 22 ກຸມພາ 2015.

ບັນດ​າ​ເຈົ້າໜ້າ​ທີ່​ຂອງ ສະຫະລັດ ​ແລະ ຄິວ​ບາ ຈະ​ທຳການ​
ເຈລະຈາ​ກັນ​ຮອບ​ທີ​ສອງ ​ໃນ​ວັນ​ສຸກ​ມື້​ອື່ນ​ນີ້ ​ເພື່ອ​ປຶກສາ​ຫາລື
ວິທີ​ການ​ຟື້ນ​ຟູ​ສາຍສຳ​ພັນ​ທາງ​ການ​ທູດ​ຄືນ. ຫຼັງຈາກ​ທີ່​ໄດ້​ເຂົ້າ
ປະຊຸມ​ກັນ​ມາ​ແລ້ວ​ ໃນ​ເບື້ອງ​ຕົ້ນ ຢູ່​ນະຄອນຫລວງ Havana
​ເມື່ອເດືອນ​ມັງກອນ​ປີ​ນີ້ ທັງ​ສອງຝ່າຍ​ ບັດ​ນີ້ຈະ​ພົບ​ປະກັນ​ຢູ່​ທີ່​
ວໍ​ຊິງ​ຕັນ ​ເພື່ອ​ການ​ເຈລະຈາ ກ່ຽວ​ກັບ​ບັນ​ຫາ​ຕ່າງໆ ທີ່​ລວມທັງ
​ ຂັ້ນຕອນໃນການ​ເປີດ​ສະຖານທູດ​ ຄືນ ໃໝ່ນັ້ນ.

​ໃນ​ຂະນະ​ທີ່​ທັງ​ສອງຝ່າຍ​ກຽມພ້ອມ​ທີ່​ຈະ​ປຶກສາ​ສາ​ລື ​ເລື້ອງ​
ຄວາມ​ສຳພັນ​ທາງ​ການ​ທູດນັ້ນ ຍັງ​ມີ​ຄຳ​ຖາມ​ຕ່າງໆ​ຢູ່​ຕໍ່​ມາ
ກ່ຽວ​ກັບປະ​ຫວັດ​ສິດທິ​ມະນຸດ​ຂອງ​ຄິວ​ບາ ​ຕະຫລອດທັງ ​ເລື້ອງການລະບຸ​ຄິວ​ບາ​ເປັນ​ປະ​ເທດ​ທີ່ສະໜັບສະໜຸນການ​ກໍ່​ການ​ຮ້າຍ ໂດຍ​ສະຫະລັດ.

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry ​ໄດ້​ໃຫ້ການ​ຕໍ່ຄະນະກຳມະການ
ຂອງສະພາ​ຕ່ຳ ​ໃນ​ວັນ​ພຸດ​ວາ​ນນີ້ ຊຶ່ງ ຜູ້​ແທນ​ສັງກັດ​ພັກຣີພັບ​ບລິ​ກັນ ທ່ານ​ນາງ Ileana
Ros-Lehtinen ກ່າວ​ວ່າ ລັດຖະບາ​ນຄິວ​ບາ ​ໄດ້​ຈັບ​ກຸມ​ບັນດາ​ນັກ​ເຄື່ອນ​ໄຫວ​ຕໍ່ຕ້ານ​
ລັດຖະບານ​ຈຳນວນ ຫຼາຍກວ່າ 300 ຄົນ ພາຍ​ໃນ​ສອງ​ອາທິດ​ທີ່​ຜ່ານ​ມາ​ນີ້.

ທ່ານ Kerry ກ່າວ​ວ່າ ຄິວ​ບາ​ຄວນ​ຖືກ​ພິຈາ​ລະນາ​ ຕໍ່​ການ​ກະທຳ​ຕ່າງໆ​ຂອງ​ຕົນ ໃນ
​ອະນາຄົດ.

​ເຈົ້າໜ້າ​ທີ່​ກະຊວງ​ການ​ຕ່າງປະ​ເທດອາວຸ​ໂສຄົນ​ນຶ່ງ ກ່າວ​ວ່າ ປະຫວັດ​ສິດທິ​ມະນຸດ ​ຂອງ
ຄິວ​ບາ ​ແມ່ນ​ບໍ່​ຄາດວ່າ ຈະ​ເປັນ​ຈຸດ​ເພັ່ງ​ເລັງ ຂອງ​ການ​ເຈລະຈາ​ກັນ​ໃນ​ວັນ​ສຸກ​ມື້​ອື່ນ​ນີ້ ​
ແຕ່​ສະຫະລັດ​ຫວັງ​ວ່າ​ ຈະ​ກຳນົດ​ວັນ​ເວລາ ສຳ​ຫລັບ​ການ​ໂອ້​ລົມ​ກັນ​ກ່ຽວ​ກັບ​ບັນຫາ​
ດັ່ງກ່າວ​ນັ້ນ.

ເຈົ້າໜ້າ​ທີ່​ອາວຸ​ໂສ ຍັງ​ກ່າວ​ອີກ​ວ່າການ​ທີ່​ມີການ​ໂອ້​ລົມ​ກັນ ​ແມ່​ນມັກຈະເກີດ​ຜົນ​ປະ​ໂຫຍ​ດ ຫຼາຍກວ່າ ຫຼັງຈາກທີ່​ທັງ​ສອງ​ປະ​ເທດ​ເຄື່ອນ​ໄຫວ​ໄປ​ຂ້າງ​ໜ້າ​ດ້ວຍການ​ເປີດ​ຄືນ​ໃໝ່ ສະຖານທູດ​ຂອງ​ພວກ​ຕົນ ​ແລະການ ຟື້ນ​ຟູ​ສາຍສຳພັນ​ທາງ​ການ​ທູດ.

ສ່ວນ​ບັນດາ​ເຈົ້າໜ້າ​ທີ່ຄິວບາ ກໍ​ໄດ້​ສະ​ແດງ​ເຈດ​ຕະນາວ່າ ພວກ​ເຂົາຕ້ອງການ​ໃຫ້​ເອົາ​
ຊື່ປະ​ເທດ​ຕົນ ​ອອກ​ຈາກບັນຊີລາຍ​ຊື່ ຂອງ​ປະ​ເທດ​ທີ່ສະໜັບສະໜຸນ ພວກ​ກໍ່​ການ​
ຮ້າຍນັ້ນ​ ​ກ່ອນຈະ​ສ້າງຕັ້ງສາຍສຳພັນ ດ້ານການທູດຄືນໃໝ່. ​ເຈົ້າໜ້າ​ທີ່ກະຊວງ​ການ​
ຕ່າງປະ​ເທດ​ສະຫະລັດ ກ່າ​ວວ່າ ສຳ​ຫລັບ​ເວລາ​ນີ້ ​ຂັ້ນຕອນ​ທັງ​ສອງນີ້ ​ແມ່ນ​ຍັງ​ຄົງ​ແຍກ
​ອອກ​ຈາກ​ກັນຢູ່.

US-Cuba Normalization Talks Resume Friday
please wait

No media source currently available

0:00 0:02:46 0:00

XS
SM
MD
LG