ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຄາດວ່າ ຈະມີ ການສົນທະນາກັນ ເລື້ອງຢູເຄຣນ ນອກກອງປະຊຸມ ກ່ຽວກັບອີຣັກ ທີ່ປາຣີ ໃນວັນຈັນ (ວີດີໂອ)


ທະຫານພົນຮົ່ມ ຢູເຄຣນ ຂີ່ລົດຫຸ້ມເກາະໄປ ຢູ່ໃກ້ເມືອງ Debaltseve, ວັນທີ 13 ກັນຍາ 2014.
ທະຫານພົນຮົ່ມ ຢູເຄຣນ ຂີ່ລົດຫຸ້ມເກາະໄປ ຢູ່ໃກ້ເມືອງ Debaltseve, ວັນທີ 13 ກັນຍາ 2014.

ຄາດ​ກັນ​ວ່າ​ ຈະ​ມີ​ການ​ໂອ້​ລົມ​ສົນທະນາ​ກັນ​ເລື້ອງ​ຢູ​ເຄຣນ ຢູ່​
ຂ້າງ​ນອກກອງ​ປະຊຸມ​ກ່ຽວ​ກັບ​ອີຣັກ ທີ່​ນະຄອນ​ຫລວງປາຣີ ​
ໃນ​ວັນ​ຈັນ​ມື້​ອື່ນ.

​ເຈົ້າ​ໜ້າ​ທີ່​ຂັ້ນ​ອາວຸ​ໂສ​ຂອງ​ກະຊວງ​ການ​ຕ່າງປະ​ເທດ​ສະ​ຫະ
ລັດ​ທ່່ານນຶ່ງ​ກ່າວ​ວ່າ ລັດຖະມົນຕີ​ການ​ຕ່າງປະ​ເທດ John
Kerry ຈະທຳ​ການ​ໂອ້​ລົມ​ສົນທະນາ​ກັນ​ຢູ່ນອກກອງ​ປະຊຸມ
​ກັບ​ລັດຖະມົນຕີ​ຕ່າງປະ​ເທດ​ຂອງ​ຫລາຍ​ປະ​ເທດ ​ເພື່ອທົບ​
ທວນ​ຄືນເບິ່ງ​ການ​ເຄື່ອນ​ໄຫວ​ຕ່າງໆ​ທີ່​ເກີດ​ຂຶ້ນ. ​ເຈົ້າໜ້າ​ທີ່
​ທ່ານ​ນີ້ກ່າວ​ຕໍ່​ບັນດາ​ນັກ​ຂ່າວທີ່​ເດີນທາງ​ໄປ​ນຳ​ທ່ານ​ Kerry
​ວ່າ “ປາກົດ​ວ່າ ຣັດ​ເຊຍກຳລັງ​ປະຕິບັດຕໍ່​ຊາຍ​ແດນ Donetsk ຄື​ກັນ​ກັບ​ເປັນ
​ຊາຍ​ແດນ​ຂອງ​ຕົນ​ເອງ​.”

ພວກ​ລົດ​ບັນທຸກ​ຈຸ​ທຳ​ອິດ​ໃນ​ຂະ​ບວນລົດ​ຊ່ອຍ​ເຫຼືອ​ຂອງຣັດ​ເຊຍ ​ໄດ້​ຂ້າມຊາຍ​ແດນ​ເຂົ້າ
​ໄປ​ໃນ​ພາກ​ຕາ​ເວັນ​ອອກ​ຂອງ​ຢູ​ເຄຣນ​ໃນ​ເຊົ້າ​ວັນ​ເສົາ​ວານ​ນີ້ ​ໂດຍ​ບັນທຸກ​ຂອງ​ຊ່ອຍ​ເຫຼືອ
ບັນ​ເທົາ​ທຸກ​ໄປ​ຍັງ​ເມືອງ Luhansk ທີ່​ມີການ​ສູ້​ລົບ​ກັນ​ນັ້ນ. ອົງການ​ເພື່ອ​ຄວາມ​ປອດ​ໄພ​ແລະ​ການ​ຮ່ວມ​ມື​ໃນ​ຢູ​ໂຣບ ຫຼື OSCE ຊຶ່ງ​ມີ​ພວກ​ນັກສັງ​ເກດ​ການ​ຢູ່​ໃນ​ພາກ​ຕາ​ເວັນ​ອອກ
ຂອງຢູ​ເຄຣນ​ ແຈ້ງ​ໃຫ້​ຊາບ​ວ່າ ລົດ​ບັນທຸກ​ຈຳນວນ​ບໍ່​ເທົ່າ​ໃດ​ຄັນຂອງຂະ​ບວນລົດ​ຂົນ​ສົ່ງ 216 ຄັນ​ໄດ້​ຮັບ​ການ​ກວດກາ​ແບບ​ລວບໆ​ໄປ ໂດຍ​ພວກ​ຍາມ​ຊາຍ​ແດນ​ແລະ​ເຈົ້າ​ໜ້າ​ທີ່​ພາສີຣັດ​ເຊຍ ​ແລະ​ພວກ​ລົດບັນທຸກ ​ສ່ວນເຫຼືອ​ນັ້ນ ບໍ່​ໄດ້​ຮັບ​ການ​ກວດກາ​ແຕ່​ຢ່າງ​ໃດ​ເລີຍ.
ບໍ່​ມີ​ເຈົ້າ​ໜ້າ​ທີ່ຢູ​ເຄຣນ ຫຼື​ສະພາກາ​ແດງ ທຳ​ການ​ກວດກາ​ຂະ​ບວນລົດດັ່ງກ່າວ. ພວກ​ລົດ​ບັນທຸກ​ທັງ​ໝົດ​ໄດ້​ແລ່ນ​ກັນ​ຄືນ​ໄປ​ຍັງຣັດ​ເຊຍ​ໃນ​ແລງ​ວັນ​ເສົາ​ວານ​ນີ້.

ທະຫານ​ຢູ​ເຄຣນ ກ່າວ​ວ່າ ຕົນ​ໄດ້ຂັບ​ໄລ່​ການ​ໂຈມ​ຕີ​ຂອງ​ພວກ​ກະບົດ​ທີ່​ເດີ່ນ​ບິນ​ເມືອງ Donetsk ​ແລະ​ຕໍ່​ມາ​ໃນ​ແລງ​ວັນ​ເສົາວານ​ນີ້ ບັນດາ​ນັກ​ຂ່າວ​ຝ່າຍ​ຕາ​ເວັນ​ຕົກ​ໄດ້​ຢືນຢັນ
​ວ່າ ມີ​ການ​ສູ້​ລົບ​ກັນ​ຢ່າງ​ໜັກຢູ່​ເດີ່ນບິນ​ດັ່ງກ່າວ. ບັນ​ດາ​ເຈົ້າ​ໜ້າ​ທີ່ຢູ​ເຄຣນກ່າວ​ວ່າ ​ເດີ່ນ
​ບິນ​ໄດ້​ໄດ້​ຖືກພວກ​ກະ ບົດ​ຍິງ​ປືນ​ໃຫຍ່​ໃສ່ຄັ້ງ​ທຳ​ອິດ ​ໃນ​ແລງ​ວັນ​ສຸກ​ແລ້ວ​ນີ້ ອັນ​ເປັນ​ການ​ເຄື່ອນ​ໄຫວ​ທີ່​ເປັນ​ໄພ​ຂົ່ມຂູ່​ຕໍ່​ຂໍ້​ຕົກລົງ​ຢຸດ​ຍິງ​ທີ່ບໍ່​ທຸ່ນ​ທ່ຽງ ທີ່​ໄດ້​ລົງ​ນາມ​ກັນ ​ໂດຍພວກ​ຜູ້
ຕາງໜ້າ​ຈາກ​ຂະ​ບວນການ​ຝ່າຍ​ກະບົດ ລັດຖະບານ Kyiv ພວກ​ນັກ​ສັງ​ເກ​ດການຈາກ​ສະຫະພາບ​ຢູ​ໂຣບ ​ແລະຣັດ​ເຊຍ.

ukraine14september14
please wait
Embed

No media source currently available

0:00 0:01:36 0:00

XS
SM
MD
LG