ອະດີດນາຍົກລັດຖະມົນຕີ ໄທ ທ່ານນາງ ຍິ່ງລັກ ຊິນນະວັດ
ໄດ້ໄປປາກົດໂຕຢູ່ສານ ເພື່ອປະເຊີນໜ້າກັບຂໍ້ກ່າວຫາທາງ
ອາຍາ ໃນການບໍລິຫານງານ ທີ່ຜິດພາດ ກ່ຽວກັບໂຄງການ
ຈຳນຳເຂົ້າ ທີ່ເຮັດໃຫ້ປະເທດຕ້ອງສູນເສຍເງິນໄປຫຼາຍພັນ
ລ້ານໂດລາ.
ທ່ານນາງຍິ່ງລັກ ທີ່ໄດ້ຖືກຂັບໄລ່ອອກຈາກຕຳແໜ່ງນາຍົກ
ລັດຖະມົນຕີ ໃນປີກາຍນີ້ ໄດ້ຖືກຕ້ອນຮັບໂດຍບັນດາຜູ້ສະ
ໜັບສະໜູນຫລາຍສິບຄົນ ທີ່ພາກັນຮ້ອງຊື່ທ່ານນາງ ໃນຂະ
ນະທີ່ທ່ານນາງໄປເຖິງ ສານສູງສຸດທີ່ບາງກອກ ໃນວັນອັງ
ຄານມື້ນີ້.
ອະດີດນາຍົກລັດຖະມົນຕີ ກ່າວຕໍ່ບັນດານັກຂ່າວວ່າ ທ່ານນາງມີຄວາມໝັ້ນໃຈວ່າ ທ່ານ
ນາງຈະຖືກບໍ່ພົບເຫັນວ່າ ມີຄວາມຜິດກ່ຽວກັບການກ່າວຫາທີ່ອາດຈະມີໂທດຖືກຕັດສິນ
ຕິດຄຸກ 10 ປີນັ້ນ.
ທ່ານນາງຍິ່ງລັກໄດ້ກ່າວໃນຂະນະທີ່ທ່ານນາງໄປເຖິງສານສູງສຸດ ທີ່ບາງກອກ ວ່າ “ຂ້າ
ພະເຈົ້າ ຕ້ອງການຢາກກ່າວວ່າ ພວກເຮົາມີຄວາມໝັ້ນໃຈທີ່ສຸດ ໃນຄວາມໄຮ້ດຽງສາ
ຂອງຂ້າພະເຈົ້າ ແລະໝັ້ນໃຈທີ່ຈະສະເໜີຕໍ່ສານ ກ່ຽວກັບຫລັກຖານແລະພິຍານ”
ໃນການຮັບຟັງຄຳໃຫ້ການ ໃນວັນອັງຄານມື້ນີ້ ທ່ານນາງຍິ່ງລັກ ກ່າວຕໍ່ສານວ່າ ທ່ານນາງ
ບໍ່ມີຄວາມຜິດ ແລະໄດ້ຖືກປ່ອຍດ້ວຍການປະກັນໂຕ. ການຮັບຟັງຄຳ ໃຫ້ການເທື່ອຕໍ່ໄປ
ແມ່ນກຳນົດໃສ່ວັນທີ 21 ເດືອນກໍລະກົດ.
ທ່ານນາງຍິ່ງລັກ ໄດ້ຖືກກ່າວຫາວ່າ ປ່ອຍປະລະເລີຍຕໍ່ໜ້າທີ່ເຮັດໃຫ້ບໍ່ສາມາດ ຢຸດຢັ້ງ
ການສໍ້ລາດບັງຫລວງ ພາຍໃນໂຄງການຈຳນຳເຂົ້າ ທີ່ໄດ້ຈ່າຍເງິນໃຫ້ພວກພໍ່ນາປະມານ
ສອງເທົ່າຂອງລາຄາເຂົ້າໂຕຈິງໃນທ້ອງຕະຫລາດ.
ທ່ານນາງກ່າວອ້າງວ່າ ການດຳເນີນຄະດີຕໍ່ທ່ານນາງ ແມ່ນມີຈຸດປະສົງທາການເມືອງ
ແລະຢືນຢັດວ່າ ໂຄງການດັ່ງກ່າວໄດ້ຊ່ອຍປັບປຸງຄຸນນະພາບຊີວິດຂອງພວກຊາວນາ. ພວກຄັດຄ້ານຕໍ່ທ່ານນາງກ່າວວ່າ ໂຄງການດັ່ງກ່າວ ແມ່ນເປັນຄວາມພະຍາຍາມເອົາ|
ໃຈພວກພໍ່ນາເພື່ອໃຫ້ໄດ້ຮັບການສະໜັບສະໜຸນທາງດ້ານ ການເມືອງຈາກເຂົາເຈົ້າ.
