ຂ່າວ

    ພວກກະບົດ ຊີເຣຍ ກໍານົດເສ້ນຕາຍ ໃຫ້ ປ. ອັສສັດ

    ພັນເອກ Qassim Saadeddine ແຫ່ງກອງທັບເສລີຊີເຣຍ.
ວັນທີ 31 ພຶດສະພາ 2012
    ພັນເອກ Qassim Saadeddine ແຫ່ງກອງທັບເສລີຊີເຣຍ. ວັນທີ 31 ພຶດສະພາ 2012
    ສິງ ບູຣົມມະວົງ












    ຜູ້​ບັນຊາ​ການ​ກຸ່ມ​ກະບົດ​ຊີ​ເຣຍກ່າວ​ວ່າ ກໍາລັງ​ຂອງ​ທ່ານ​ຈະຍົກ​ເລີກ​ຂໍ້ຕົກລົງ​ຢຸດ​ຍິງ​ກັບ​ຝ່າຍ​ລັດຖະບານ​ໃນ​ວັນ​ສຸກ​ມື້​ອື່ນ​ນີ້ ຖ້າ​ປະທານາທິ ບໍດີ Bashar al-Assad ​ບໍ່​ປະຕິບັດ​ຕາມ​ຂໍ້​ຕົກລົງ​ຢຸດ​ຍິງ​ແລະ​ເງື່ອນ​ໄຂ​ອື່ນໆຂອງ​ແຜນການ​ສັນຕິພາບສະຫະ​ປະຊາ​ຊາດ​ນັ້ນ.

    ​ໃນ​ຖະ​ແຫຼ​ງການ​ສະບັບ​ນຶ່ງ​ທີ່​ພິມເຜີຍ​ແຜ່​ທາງ​ອິນ​ເຕີ​ແນັດ​ໃນ​ວັນ​ພະຫັດ ມື້​ນີ້ ພັນ​ເອກ Qassim Saadeddine ແຫ່ງ​ກອງທັບຊີ​ເຣຍ​ເສລີ​ໄດ້ຍື່ນ​ກໍານົດ​ເວລາ​ເສ້ນຕາຍ​ໃຫ້​ທ່ານ​ອັສສັສ​ໃນ​ຕອນ​ທ່ຽງ​ວັນ​ສຸກ​ມື້​ອື່ນຕາມ​ເວລາ​ໃນ​ທ້ອງ​ຖິ່ນ​ເພື່ອ​ໃຫ້​ເລີ້ມ​ທໍາ​ການ​ເຄື່ອນ​ໄຫວປະຕິບັດ​ຕາມ​ຄໍາໝັ້ນ​ສັນຍາ​ຂອງ​ຕົນ​ທີ່​ໄດ້​ໃຫ້​ໄວ້​ກັບ​ທ່ານ​ໂກ​ຟີ ອັນ​ນັນ ​ທູດ​ພິ​ເສດສະຫະ​ປະຊາ​ຊາດ​ນັ້ນ. ຜູ​ບັນຊາ​ການ​ກອງທັບ​ຝ່າຍ​ກະບົດ​ກ່າວ​ຕື່ມວ່າ​ກໍາລັງ​ຂອງ​ທ່ານ​ຈະ​ບໍ່​ປະຕິບັດ​ຕາມ​ແຜນການ​ສັນຕິພາບຂອງ​ທ່ານ​ອັນ​ນັນ​ອີກ​ ຖ້າ​ປະທານາທິບໍດີ​ຊີ​ເຣຍຫາ​ກບໍ່ໃຫ້ການ​ເຄົາລົບຂໍ້​ຕົກລົງ​ດັ່ງກ່າວ.

    ກອງທັບຊີ​ເຣຍ​ເສລີ ຫຼື FSA ​ເປັນ​ກອງທັບ​ກຸ່ມ​ກະບົດ ​ທີ່​ມີ​ການຈັດ​ຕັ້ງກັນ​ຂຶ້ນ​ທີ່​ບໍ່​ແໜນໜາ ​ແລະ​ປະກອບ​ອາວຸດ​ເລັກ​ນ້ອຍ ​ສ່ວນ​ໃຫຍ່ແມ່ນ ປະກອບດ້ວຍພວກ​ທະຫານ​ຊີ​ເຣຍທີ່​ໂຕນ​ໜີ​ຈາກ​ລັດຖະບານ ​ແລະ​ໄດ້​ນໍາພາ​ໃນ​ການ​ລຸກ​ຮື​ຂຶ້ນມາ​ໄດ້ 15 ​ເດືອນ​ແລ້ວ ​ເພື່ອ​ຢຸດຕິ​ການ​ຄອງ​ອໍານາດ​ຂອງ​ທ່ານ​ອັສສັສມາ​ໄດ້ 11 ປີ​ແລ້ວ​ນັ້ນ. ລັດຖະບານ​ຊີ​ເຣຍ ແລະ​ພວກ​ກະບົດ​ໄດ້​ຕົກລົງຢຸດ​ຍິງ​ກັນພາຍ​ໃຕ້​ການ​ໄກ່​ເກ່ຍ​ຂອງທ່ານ​ໂກ​ຟີ ອັນ​ນັນ ​ໃນ​ເດືອນ​ແລ້ວ​ນີ້ ​ແຕ່​ການ​ສູ້​ລົບ​ກັນ​ຍັງ​ດໍາ​ເນີນຢູ່​ຕໍ່​ມາ ຊຶ່ງ​ແຕ່ລະ​ຝ່າຍ​ຕ່າງ​ກໍກ່າວ​ຫາ​ອີກ​ຝ່າຍ​ນຶ່ງວ່າ​ ລະ​ເມີດ​ຂໍ້​ຕົກລົງ​ຢຸດ​ຍິງນັ້ນ.

    ບັນດາ​ນັກ​ເຄື່ອນ​ໄຫວ​ດ້ານ​ສິດທິ​ມະນຸດ​ຊີ​ເຣຍ ກ່າວ​ວ່າ ທະຫານ​ຂອງ​ຝ່າຍ​ລັດຖະບານ​ໄດ້​ຍິງ​ປືນ​ໃຫຍ່​ແລະ​ປືນ​ກົນ​ໃສ່​ເມືອງ ຮູ​ລາ ​ໃນ​ພາກ ກາງຂອງ​ຊີ​ເຣຍ​ໃນ​ວັນ​ພະຫັດ​ມື້​ນີ້ ​ໂດຍ​ສັງຫານ​ປະຊາຊົນ​ຄົນ​ນຶ່ງ ​ໃນ ເວລາ​ເກືອບ 1 ສັບປະດາ​ຫຼັງ​ຈາກ​ພວກ​ພົນລະ​ເຮືອນ 108 ຄົນຖືກ​ສັງຫານ​ໝູ່​ຢູ່ໃນ​ຂົງ​ເຂດ ​ໃນ​ການ​ໂຈມ​ຕີ​ບັ້ນ​ນຶ່ງ​ທີ່​ໄດ້​ກະ​ຕຸ້ນ​ໃຫ້ນາໆ​ຊາດ​ເກີດ​ຄວາມໂກດ​ແຄ້ນ​ແລະ​ປະນາມ​ເຫດການ​ດັ່ງກ່າວ​.

    ທ່ານ​ນາງ Sausan Ghosheh ​ໂຄສົກ​ຂອງ​ສະຫະ​ປະຊາ​ຊາດປະຈຳ​ກຸງ​ດາ​ມັສກັສກ່າວ​ຕໍ່​ວີ​ໂອ​ເອວ່າພວກ​ນັກສັງ​ເກດ​ການ​ສະຫະ​ປະຊາ​ຊາດ​ ທີ່​ປະຕິບັດ​ງານ​ຢູ່​ໃກ້ໆ​ກັບ​ເມືອງ Homs ພວມ​ເດີນທາງ​ໄປ​ຍັງ​ເມືອງຮູ​ລາ ​ເພື່ອ​ພິສູດ​ຄວາມ​ຈິງຕໍ່​ລາຍ​ງານທີ່​ວ່າ​ມີ​ການ​ໂຈມ​ຕີ​ກັນ​ຄືນ​ອີກ​ນັ້ນ.

    ທ່ານ​ພັນ​ກິ​ມູນ ​ເລຂາທິການ​ໃຫຍ່​ສະຫະ​ປະຊາ​ຊາດ ກ່າວ​ໃນ​ວັນ​ພະຫັດ​ມື້​ນີ້​ວ່າ ທ່ານ​ໄດ້​ຮຽກຮ້ອງ​ໃຫ້​ລັດຖະບານ​ຊີ​ເຣຍຈັດ​ຕັ້ງ​ປະຕິບັດຕາມ​ຄໍາ​ໝັ້ນ​ສັນຍາ​ທີ່​ໄດ້​ໃຫ້​ໄວ້​ໃນ​ແຜນການ​ສັນຕິພາບ​ນັ້ນ. ​ໃນ​ການຖະ​ແຫຼ​ງຕໍ່​ກອງ​ປະຊຸມ​ໂຟຣອມທີ່​ນະຄອນ​ອິສຕັງ​ບູລ ທ່ານພັນ​ກິ​ມູນກ່າວ​ວ່າ ພວກນັກ​ສັງ​ເກດ​ການ​ທະຫານ​ເກືອບ 300 ຄົນ​ຂອງ​ສະຫະ​ປະຊາ​ຊາດ​ໃນ​ຊີ​ເຣຍ ບໍ່​ໄດ້​ໜາຍ​ຄວາມ​ວ່າ ​ເປັນ​ນັກ​ສັງ​ເກດ​ການທີ່​ມີ​ບົດບາດ​ແບບ​ເສີຍ​ເມີ​ຍ​ຕໍ່ການ​ກໍ່​ໂທດ​ກຳ​ທີ່ໂຫດຮ້າຍ​ຊົ່ວ​ຊ້າ​ເຫຼົ່າ​ນີ້ ​ແລະກ່າວ​ຕໍ່​ໄປ​ວ່າ ການ​ສົ່ງ​ພວກ​ນັກສັ​ງ​ເກດ​ການ​ເຫຼົ່າ​ນີ້​ໄປ ກໍ​ແມ່ນ​ເພື່ອ​ວ່າ ພວກ​ກໍ່​ໂທດ​ກຳ​ເຫຼົ່າ​ນີ້​ອາດ​ຈະຕ້ອງ​ເປັນ​ຜູ້​ຮັບຜິດຊອບ​.

    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ການລຽງລຳດັບ ຄວາມເຫັນ
    ຄວາມເຫັນ
         
    ໂດຍ: ທ່ານ ນວນຕາ ແກ້ວມະນີ
    01.06.2012 10:29
    ຜ່ານມາຂ້າພະເຈົ້າໄດ້ສົ່ງEmail ໄປຫາລາຍການຂ່າວເອເຊຍເສລີພາກພາສາລາວ ເພື່ອ ຂໍລາງວັນແຕ່ມາຮອດປັດຈຸບັນແມ່ນຍັງບໍ່ທັນໄດ້ຮັບລາງຫຍັງເລີຍ; ຖ້າຫາກລາງວັນຍັງ
    ເຫລືອຊ່ວຍກະລຸນາສົ່ງມາໃຫ້ຂ້າພະເຈົ້າດ້ວຍເພາະຄອບຄົວຂ້າພະເຈົ້າຕິດຕາມຟັງລາຍ
    ການວິທະຍຸຂອງພວກທ່ານເປັນປະຈຳທຸກວັນສ່ວນຫລາຍແມ່ຍຟັງຕອນຄ່ຳ ຕອນກີນ
    ເຂົ້າແລງຖ້າພວກທ່ານໄດ້ຮັບຄຳເຫັນຂອງຂ້າພະເຈົ້າແລ້ວຊ່ວຍຕອບຜ່ານລາຍການຂ່າວ
    ຕອນຄ່ຳດ້ວຍຈາກ ທ ນວນຕາ ແກ້ວມະນີ ບ່ອນສັງກັດ ທະນາຄານແຫ່ງ ສປປ ລາວຕູ້
    ປນ 19 ຖນົນ ຢອນເນ ນະຄອນຫລວງວຽງຈັນ. VOA: ຂະໜາດຟັງທຸກມື້ ກໍຍັງເວົ້າຊື່
    ສະຖານີບໍ່ຖືກເນາະ. ຊິເປັນຕາໃຫ້ຢູ່ບໍ່ລາງວັນນີ້? ເອເຊຍເສລີ ແມ່ນ RFA ພຸ້ນເດີ້ ບໍ່ແມ່ນ
    VOA. ແນວໃດກໍຕາມ ທາງຫ້ອງການທີ່ໄທ ບອກວ່າໄດ້ເລີ່ມສົ່ງລາວັນອອກແລ້ວວ່າຊັ້ນ.
    ຄັນບໍ່ໄດ້ ກໍຂໍໃຫ້ອົດໃຈຖ້າ ທ້າຍປີເດີ້ ຈະເອົາໄປຕ້ອນດອກ.
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມ ວີດີໂອ ເລື່ອງ ເຖິງຈະມີ ຄວາມກ້າວໜ້າ ໃນການຕໍ່ສູ້ ມາເລເຣຍ ແຕ່ ຕ້ອງໄດ້ ທຳງານ ຫຼາຍຂຶ້ນຕື່ມ.i
    X
    08.02.2016
    ໂລກ​ເຮົາ​ໄດ້​ມີ​ຄວາມ​ກ້າວໜ້າ ​ໃນ​ການ​ຕໍ່ຕ້ານໄຂ້ຍຸງ ຫຼືມາ​ເລ​ເຣຍ ຢ່າງ​ບໍ່​ໜ້າ​ເຊື່ອ ​ແຕ່ໃນຂະນະທີ່ ຜູ້ສື່ຂ່າວ ວີໂອເອ ລາຍງານ ກ່ຽວ ກັບເລື້ອງນີ້ຢູ່ ບັນ​ດາ​ນັກ​ຊ່ຽວຊານ ກໍກ່າວ​ວ່າ ຍັງ​ຕ້ອງໄດ້​ທຳ​ງານ ຫຼາຍຂຶ້ນອີກ ​ໂດຍ​ສະ​ເພາະ ​ຢູ່​ໃນ​ເຂດໃຕ້​ທະ​ເລ​ຊາຍ ຊາຮາຣາ ​ໃນ​ທະວີບອາ​ຟຣິກາ ບ່ອນ​ໂຣກດັ່ງກ່າວ ທີ່ເກີດຈາກ​ຍຸງ​ນັ້ນ ​ແມ່ນ ​ແຜ່​ລະບາດ ​ແລະມີປະຊາຊົນເປັນ​ໄ​ຂ້ຍຸງ ທຸກໆ​ປີ. ໄຊຈະເລີນສຸກ ຈະນຳເອົາເລື້ອງນີ້ ມາສະເໜີທ່ານ ເປັນພາສາລາວ ໃນອັນດັບຕໍ່ໄປ.

    ຂ່າວຫລ້າສຸດ

    ສຽງ ສະຫະພາບຢູໂຣບ ໃຫ້ທຶນຊ່ວຍເຫຼືອ ແກ່ລາວ 550 ລ້ານ ຢູໂຣ ເພື່ອລົບລ້າງບັນຫາ ຄວາມຍາກຈົນ

    ໂດຍການຊ່ວຍເຫຼືອໃນຄັ້ງນີ້ ຈະຢືນຢູ່ບົນຫຼັກການລວມ ຂອງບັນດາປະເທດ ແລະອົງການສາກົນ ທີ່ໃຫ້ການຊ່ວຍເຫຼືອ ແກ່ ສປປ. ລາວ.
    ອ່ານຕື່ມ

    ວີດີໂອ ເຄື່ອງພິມ 3 ມິ​ຕິ ສາ​ມາດ​ສ້າງອະໄວຍະວະ ເພື່ອນຳໄປໃຊ້ ທາງການແພດ ສຳລັບຊ່ອຍ ມວນມະນຸດໄດ້

    ການໃຊ້​ແບບ ​ທີ່​ຄ້າຍຄື​ກັນ​ນີ້ ກັບ​ຫຼອດ​ເລືອດ ​ຂອງ​ພວກ​ເຮົາ​ ​ຫຼັງຈາກ​ນັ້ນ ພວກ​ເຮົາ​ກໍສາມາດ​ສຶກສາເບິ່ງ​ວ່າ ​ ແຊ​ລມະ​ເຮັງ ​ຈະສາມາດ​ເຄື່ອນ​ຍ້າຍ ອອກ​ຈາກ​ຕ່ອມ​ເນື້ອ​ງອກ ​ເຂົ້າ​ໄປ​ໃນ​ເສັ້ນເລືອດ​ແບບ​ໃດ.
    ອ່ານຕື່ມ

    ວີດີໂອ ຣັດເຊຍ​ ແລະຝຣັ່ງ ຖົກຖຽງກັນ ກ່ຽວກັບ ການຖິ້ມລະເບີດ ໃສ່ພົນລະເຮືອນ ຢູ່ຊີເຣຍ

    ຝຣັ່ງກ່າວວ່າ ຣັດເຊຍໂຈມຕີ ທາງອາກາດ ໃສ່ພົນລະເຮືອນ ແຕ່ນາຍົກ Medvedev ໄດ້ປະຕິເສດວ່າ ຣັດເຊຍບໍ່ໄດ້ໂຈມຕີ.
    ອ່ານຕື່ມ

    Multimedia ພະສັນຕະປາປາ Francis ປະພາດເມັກຊິໂກ ຫຼັງຈາກ ໄດ້ພົບປະ ກັບພະສັງຄະຣາດ Kirill

    ຫລາຍ​ພັນ​ຄົນ​ ໄດ້​ພາກັນ​ຮ້ອງ​ໂຮ ​ແລະ​ໃຫ້ການ​ຕ້ອນຮັບ ​ຢ່າງ​ອົບ​ອຸ່ນ​ແກ່ ພະ​ສັນ​ຕະ​ປາປາ Francis ​ເວລາ​ພະ​ອົງ​ໄດ້​ສະ​ເດັດ​ອອກ​ມາ​ຈາກ​ເຮືອບິນ ທີ່​ນະຄອນ Mexico City.
    ອ່ານຕື່ມ

    ສະຫະລັດ ສົ່ງລະບົບ ລູກສອນໄຟ Patriot ໄປຍັງເກົາຫຼີໃຕ້ ເພີ້ມຕື່ມ

    ວໍຊິງຕັນ ແລະໂຊລ ປະກາດຢ່າງເປັນທາງການ ໃນອາທິດແລ້ວນີ້ວ່າ ຈະສົ່ງລະບົບລູກສອນໄຟ ລະດັບສູງ THAAD ໄປຕິດຕັ້ງ ຢູ່ເກົາຫຼີໃຕ້.
    ອ່ານຕື່ມ
    ຕື່ມອີກ