ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຄະນະຕຸລາການ ເມືອງ Ferguson ຍັງຈະບໍ່ອອກ ຄຳຕັດສິນເທື່ອ


ລົດຄັນນຶ່ງຈອດຢູ່ດ້ານໜ້າ ກອງບັນຊາການຕຳຫລວດ ໃນເມືອງ Ferguson ລັດ Missouri ທີ່ມີຄຳຂວັນ ຂອງຕົນເອງ ທີ່ສະເປລົງໃສ່ລົດຄັນດັ່ງກ່າວ ທີ່ສົ່ງຜ່ານທາງ tweet ຂອງນັກຂ່າວ, ວັນທີ 21 ພະຈິກ 2014.
ລົດຄັນນຶ່ງຈອດຢູ່ດ້ານໜ້າ ກອງບັນຊາການຕຳຫລວດ ໃນເມືອງ Ferguson ລັດ Missouri ທີ່ມີຄຳຂວັນ ຂອງຕົນເອງ ທີ່ສະເປລົງໃສ່ລົດຄັນດັ່ງກ່າວ ທີ່ສົ່ງຜ່ານທາງ tweet ຂອງນັກຂ່າວ, ວັນທີ 21 ພະຈິກ 2014.

ຄຳ​ຕັດສິນ ຂອງຄະນະ​ຕຸລາການ ຍັງບໍ່​ຄາດວ່າຈະ​ມີຂຶ້ນເທື່ອ
ຢ່າງນ້ອຍ ຈົນ​ຮອດ​ວັນ​ຈັນ​ມື້​ອືນ ​ໃນ​ຄະດີ​ ການສັງຫານ​ໜຸ່ມ
ນ້ອຍອາ​ເມຣິກັນ​ເຊື້ອສາຍ​ອາ​ຟຣິກາທີ່​ບໍ່​ມີ​ອາວຸດ​ຕິດ​ໂຕ ​ໂດຍ
​ເຈົ້າໜ້າ​ທີ່​ຕຳຫລວດຜິວ​ຂາວຄົນ​ນຶ່ງໃນ​ເມືອງ​ Fergusonລັດ
Missouri ທາງພາກ​ກາງຂອງ​ສະ ຫະລັດ.

ສື່​ມວນຊົນ​ຫຼາຍໆອົງການ ​ລາຍ​ງານ​ວ່າ “​ແຫ​ລ່ງຂ່າວຕ່າງໆ”
ໄດ້​ແຈ້ງໃຫ້​ເຂົາ​ເຈົ້າຊາບວ່າ ຄະນະ​ຕຸລາການ ຈະ​ບໍ່​ກັບ​ຄືນ​ມາ​
ປະຊຸມ​ກັນ ຈົນ​ກວ່າ​ວັນ​ຈັນ​ມື້​ອື່ນ ຊຶ່ງ​ເຮັດ​ໃຫ້ການ​ປະກາດຄຳ​
ຕັດສິນ ເປັນ​ໄປ​ບໍ່​ໄດ້​ ກ່ອນ​ໜ້ານັ້ນ.

ຄະນະ​ຕຸລາການ ​ໄດ້​ເລີ້ມ​ປະຊຸມກັນ ນັບຕັ້ງ​ແຕ່​ທ້າຍ​ເດືອນ​ສິງຫາ ຜ່ານ​ມາ ​ເພື່ອ​ພິຈາລະນາ ວ່າ ຈະຟ້ອງຮ້ອງ ຫຼືຈະໃຫ້​ເຈົ້າໜ້າ​ທີ່ຕຳຫລວດ Darren Wilson ພົ້ນຈາກ​ຂໍ້​ກ່າວ​ຫາ​.

Law Enforcement, Activists in Ferguson Agree to Keep Peace
please wait

No media source currently available

0:00 0:02:19 0:00

ເປັນທີ່​ຄາດ​ກັນ​ຢ່າງ​ກວ້າງຂວາງວ່າ ຄຳ​ຕັດສິນ ​ແລະການປະ​ກາດດັ່ງ ກ່າວ ​ຈະ​ມີ​ຂຶ້ນໃນ​ວັນ​ອາທິດ​ມື້​ນີ້ ​ແຕ່​ຄະນະ​ຕຸລາການ ລາຍ​ງານ​ວ່າ ຍັງ​ລວ​ບລວມຂໍ້​ມູນ ກ່ຽວ​ກັບ​ເຫດ​ຮ້າຍ ທີ່ເກີດຂຶ້ນ​ເມື່ອຕົ້ນ​ເດືອນສິງຫາ​ຜ່ານ​ມານັ້ນຢູ່.

​ເຄື່ອງ​ກີດຂວາງ​ຕ່າງໆ ​ໄດ້​ຖືກ​ນຳ​ມາຕັ້ງໄວ້ ຢູ່​ອ້ອມ​ແອ​ມ ພະແນກຍຸດ ຕິ​ທຳ​ ແລະກອງ​ບັນຊາ​ການ​ຕຳຫລວດ ຂອງເມືອງດັ່ງກ່າວ ​ເພື່ອ​ກຽມ ພ້ອມຮັບມືກັບຄວາມ​ຮຸນ​ແຮງ​ທີ່​ອາດ​ເກີດ​ຂຶ້ນ ຫຼັງຈາກ​ມີ​ການ​ປະ​ກາດ​ຄຳ​ຕັດສິນນີ້ແລ້ວ.

​ເລື້ອງ​ລາວຕ່າງໆ ແມ່ນ​ແຕກ​ຕ່າງ​ກັນໄປ ກ່ຽວ​ກັບ​ເຫດການ​ທີ່ໄດ້​ເກີດ​ຂຶ້ນໃນ​ວັນ​ທີ 9 ​ເດືອນ​ ສິງຫາ ເວລາ​ເຈົ້າໜ້າ​ທີ່ຕຳ​ຫລວດ Wilson ຍິງ ທ້າວ Michael Brown. ທະນາຍຄວາມ ຂອງ​ຄອບຄົວ​ທ້າວ Brown ກ່າວ​ວ່າ ທ້າວ Brown ​ໄດ້​ພະຍາຍາມ​ທີ່​ຈະ​ມອບ​ໂຕ ​ເວລາເຈົ້າໜ້າ​ທີ່ຕຳ​ຫລວດ Wilson ຍິງ​ລາວ. ພວກ​ສະໜັບ​ໜຸນ ​ເຈົ້າໜ້າ​ທີ່ຕຳ​ຫລວດ Wilson ກ່າວ​ວ່າ ລາວ​ຍິງ​ທ້າວ Brown ເພື່ອປ້ອງ​ກັນໂຕ​.

Excessive Police Force Cases Spark Racial Violence
please wait

No media source currently available

0:00 0:02:55 0:00

XS
SM
MD
LG