ມາຮອດເວລານີ້ ປະຊາຊົນ 48 ຄົນໄດ້ຮັບການຢືນຢັນວ່າເສຍ
ຊີວິດໄປແລ້ວ ຫຼັງຈາກເຮືອບິນໂດຍສານລຳນຶ່ງໄດ້ເກີດອຸບັດ
ເຫດຕົກ ຍ້ອນດິນຟ້າອາກາດປັ່ນປ່ວນ ໃນເກາະແຫ່ງນຶ່ງ ນອກ
ຝັ່ງທະເລທາງພາກຕາເວັນຕົກຂອງເກາະໄຕ້ຫວັນ.
ຖ້ຽວບິນຂອງສາຍການບິນ TransAsia Airways ໄດ້ພະຍາ
ຍາມລົງຈອດຄັ້ງທີສອງໃນແລງວັນພຸດວານນີ້ ເວລາມັນເກີດ
ອຸບັດເຫດ ຕົກລົງໃສ່ຄຸ້ມທີ່ປະຊາຊົນອາໄສຢູ່ແຫ່ງນຶ່ງໃກ້ໆກັບ
ເດີ່ນເຮືອບິນ Magong ເທິງເກາະ Penghu.
ປະຊາຊົນ 10 ຄົນໃນເຮືອບິນ ATR-72 ສອງໝາກປິ່ນ ໄດ້
ຮັບບາດເຈັບ ແລະສົ່ງໄປຍັງໂຮງໝໍແຫ່ງນຶ່ງໃນທ້ອງຖິ່ນ. ປະຊາຊົນຕື່ມອີກ 5 ຄົນຢູ່ພາກພື້ນດິນ ກໍໄດ້ຮັບບາດເຈັບເຊັ່ນກັນ.
ທ່ານ Li Wan-li ຮອງລັດຖະມົນຕີ ອົງການຄຸ້ມຄອງການບິນພົນລະເຮືອນໄຕ້ຫວັນ ກ່າວວ່າ ເວລານີ້ ກຳລັງທຳຄວາມພະຍາຍາມເພື່ອຢັ້ງ ຢືນຊື່ ຂອງພວກສົບຜູ້ທີ່ໄດ້ຮັບເຄາະ
ຮ້າຍທັງໝົດໃນຄັ້ງນີ້.
ທ່ານ Li Wan-li ກ່າວວ່າ “ໃນເວເລານີ້ ພວກເຮົາຢືນຢັນວ່າ ພວກເຮົາໄດ້ອອກ
ໃບຢັ້ງຢືນການເສຍຊີວິດຂອງປະຊາຊົນ 14 ຄົນແລ້ວ. ມາຮອດປັດຈຸບັນນີ້ ເຮົາຈະຕ້ອງມີການຢືນຢັນປະຊາຊົນຕື່ມອີກ 30 ຄົນ ແລະພວກຈຸບິນອີກ 4 ຄົນວ່າເສຍຊີວິດ ຊຶ່ງນີ້ໝາຍຄວາມວ່າ ມີ ປະມານ 34 ຄົນ ຍັງບໍ່ທັນໄດ້ຮັບການຢືນຢັນເທື່ອ.”
ບັນດາເຈົ້າໜ້າທີ່ກ່າວວ່າ ພວກນັກສຶກສາການແພດຝຣັ່ງ 2 ຄົນແມ່ນຮວມຢູ່ໃນຈຳນວນພວກທີ່ເສັຍຊີວິດໄປນັ້ນ. ສ່ວນພວກທີ່ໄດ້ຮັບເຄາະຮ້າຍອື່ນໆ ແມ່ນຄົນໄຕ້ຫວັນ. ສາຍການບິນ Trans Asia Airways ສະເໜີໃຫ້ເງິນ 33 ພັນດອນລາເປັນຄ່າຫົວຊົດເຊີຍສຳລັບແຕ່ລະຄອບ ຄົວຂອງພວກທີ່ເສຍຊີວິດໄປນັ້ນ.
ປະທານາທິບໍດີ Ma Ying-jeou ແຫ່ງໄຕ້ຫວັນ ເອີ້ນເຫດການດັ່ງ ກ່າວນີ້ວ່າ “ເປັນມື້
ທີ່ໂສກເສົ້າໃນປະຫວັດສາດການບິນຂອງໄຕ້ຫວັນ.”
ປະທານປະເທດຈີນ ທ່ານ Xi Jinpeng ຊຶ່ງເວລານີ້ກຳລັງທຳການ ຢ້ຽມຢາມປະເທດ
ໃນເຂດອາເມຣິກາລາຕິນ ກໍໄດ້ກ່າວເຊັ່ນກັນວ່າ ທ່ານມີຄວາມຮູ້ສຶກ “ໂສກເສົ້າເສຍ
ໃຈຢ່າງເລິກເຊິ່ງ” ນຳອຸບັດເຫດດັ່ງກ່າວ.
ເຮືອບິນ ATR-72 ທີ່ມີ 70 ບ່ອນນັ່ງລຳນີ້ກຳລັງບິນຈາກສະໜາມບິນລະຫວ່າງຊາດ Kaohsiung ໃນພາກໃຕ້ຂອງເກາະໄຕ້ຫວັນ ຫຼັງຈາກໄດ້ຊັກຊ້າມາເກືອບ 2 ຊົ່ວໂມງ ຍ້ອນຝົນຕົກໜັກ ແລະພາຍຸຝົນໃນຂົງເຂດ ຈາກລົມໄຕ້ຟຸ່ນ Matmo ທີ່ໄດ້ປະທະໄຕ້
ຫວັນໃນວັນພຸດວານນີ້.