ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ໄທຮັບຜ່ານ ມາດຕະການ ຕໍ່ຕ້ານການຄ້າມະນຸດ ທີ່ ເຂັ້ມງວດຂຶ້ນ


ຄົນງານຕ່າງດ້າວ ຈາກມຽນມາ ເຮັດວຽກປະມົງ ຢູ່ເທິງ
ເຮືອຫາປາລຳນຶ່ງ ຫລັງຈາກກັບຈາກທເລ ທີ່ບ້ານ ນ້ຳເຄັມ. ປະເທດໄທ, ວັນທີ 14 ທັນວາ 2014.
ຄົນງານຕ່າງດ້າວ ຈາກມຽນມາ ເຮັດວຽກປະມົງ ຢູ່ເທິງ ເຮືອຫາປາລຳນຶ່ງ ຫລັງຈາກກັບຈາກທເລ ທີ່ບ້ານ ນ້ຳເຄັມ. ປະເທດໄທ, ວັນທີ 14 ທັນວາ 2014.

ສະພາ​ແຫ່ງ​ຊາດ​ໄທ ​ໄດ້​ຮັບ​ຜ່ານ​ຂໍ້​ດັດ​ແປງ​ແກ້​ໄຂ ​ຕໍ່​ກົດໝາຍ
ຕໍ່ຕ້ານ​ການ​ລັກລອບ​ຄ້າມະນຸດ ດ້ວຍ​ການເພິ້ມລົງ​ໂທດ​ທີ່​ເຂັ້ມ​
ງວດ. ຜູ້​ສື່​ຂ່າວ​ວີ​ໂອ​ເອ Ron Corben ລາຍ​ງານ​ວ່າ ການ​ຮັບ
​ຜ່ານຂໍ້​ແກ້​ໄຂ​ດັ່ງກ່າວມີ​ຂຶ້ນ​ ໃນ​ຂະນະ​ທີ່​ສື່ມວນ​ຊົນ​ອາ​ເມຣິກັນ​
ອອກ​ລາຍ​ງານ​ຂ່າວ ທີ່​ເນັ້ນ​ເຖິງ​ສະພາບ​ການ​ປະຕິບັດ​ຕໍ່​ພວກ​
ແຮງ​ງານ​ໃນ​ເຮືອ​ປະມົງ​ໄທ ​ຄື​ກັນກັບ​ພວກ​ຂ້າ​ທາດ ຊຶ່ງ​ໄດ້​ກະ
​ຕຸ້ນໃຫ້​ມີ​ການ​ຮຽກຮ້ອງ​ໃຫ້​ໄທ ​ທຳ​ການ​ປາບ​ປາມ​ການ​ສວຍເອົາ​
ປະ​ໂຫຍ​ດຈາກພວກ​ແຮງງານ ​ໂດຍ​ສະ​ເພາະ​ໃນ​ວົງ​ການ​ອຸດສາ
ຫະກຳ​ອາຫານ​ທະ​ເລ​ນັ້ນ ຊຶ່ງ​ສິງມີ​ລາຍ​ລະອຽດ ມາສະ​ເໜີທ່ານ.

​ມາດ​ຕະການ​ໃໝ່​ທີ່​ເຂັ້ມ​ງວດ​ຂຶ້ນ​ຂອງ​ໄທ ​ເພື່ອ​ຕໍ່ຕ້ານ​ການ​ລັກລອບ​ຄ້າມະນຸດ ​ໄດ້ຖືກຮັບ
ຜ່ານ​ເອົາ​ຢ່າງ​ຖ້ວມ​ລົ້ນ​ ​ເມື່ອ​ທ້າຍ​ເດືອນ​ມີນາ​ຜ່ານ​ມາ​ນີ້ ​ໂດຍ​ສະພາ​ນິຕິບັນຍັດແຫ່ງ​ຊາດ
​ທີ່​ໄດ້​ຮັບການ​ສະໜັບສະໜຸນ​ຈາກ​ທະຫານ ຊຶ່ງ​ຈະອຳນວຍ​ໃຫ້​ພວກໄອ​ຍະ​ການ​ສາມາ​ດ
ຮ້ອງຂໍ​ເອົາ​ໂທດ​ຈຳ​ຄຸກ​ຕະຫຼອດ​ຊີວິດ ​ໃຫ້​ພວກ​ທີ່​ສານ​ເຫັນ​ວ່າ​ ມີ​ຄວາມ​ຜິດ​ໃນ​ການ​ລັກ
ລອບ​ຄ້າຂາຍ​ມະນຸດ​ນັ້ນ.

ຂໍ້​ດັດ​ແປງ​ແກ້​ໄຂ​ກົດໝາຍ​ຕໍ່ຕ້ານ​ການ​ລັກລອບ​ຄ້າມະນຸດ ​ແມ່ນຈະ​ເປີດ​ຊ່ອງ​ທາງ​ໃຫ້​ມີ​ການ​ກວດກາໂຮງງານ​ແລະ​ອຸດສາຫະກຳ ຢ່າງ​ແຂງແຮງຂຶ້ນ​ ​ໂດຍ​ສະ​ເພາະ​ໃນດ້ານ​ການ​ປະມົງ ​ແລະ​ອຸດສາຫະກຳ​ອາຫານ​ທະ​ເລ ທີ່​ອາດ​ສາມາດພາ​ໃຫ້​ມີ​ການ​ງົດ​ໃບ​ອະນຸຍາດ
ປະກອບ​ການ​ໄດ້ ນັ້ນ.

​ໄທ​ກຳລັງຕົກ​ຢູ່​ພາຍ​ໃຕ້​ຄວາມ​ກົດ​ດັນ​ຂອງ​ນາໆ​ຊາດ​ຢ່າງ​ເຄັ່ງ​ຄັດ ​ໂດຍ​ສະ​ເພາະ​ຈາກ
ສະຫະລັດ ​ເພື່ອໃຫ້ຍັບ​ຍັ້ງ​ການ​ລັກລອບ​ຄ້າ​ມະນຸດ ​ແລະການປະຕິບັດ​ເກີນ​ຂອບ​ເຂດ
ຕ່າງໆ ຕໍ່​ພວກ​ແຮງ​ງານຕ່າງ​ດ້າວ.

ທ່ານ​ດົນ ປຣະມຸດ​ວິ​ໄນ ຮອງ​ລັດຖະມົນຕີ​ຕ່າງປະ​ເທດ​ໄທ ກ່າວ​ວ່າ ລັດຖະບານ​ແມ່ນ​ເອົາ​ຈິງ​ເອົາ​ຈັງ ​ກ່ຽວ​ກັບ​ການ​ປາບ​ປາມ​ພວກ​ເຄືອ​ຂ່າຍຄ້າ​ມະນຸດ ໃນ​ວົງ​ເງິນ​ຫຼາຍ​ລ້ານ​ດອນ​ລານັ້ນ.

ທ່ານ​ດົນ​ ປຣະມຸດ​ວິ​ໄນ ກ່າວ​ວ່າ ພວກ​ເຮົາ​ມີ​ຄວາມ​ໝັ້ນ​ໃຈ​ຫລາຍ​ທີ່​ສຸດວ່າ ຈາກ​
ເດືອນ​ທັນວາ​
ປີ​ກາຍ ມາ​ຮອດ​ປັດຈຸບັນນີ້ ພວກ​ເຮົາ​ໄດ້​ດຳ​ເນີນ​ການ​ມາ​ດີ​ຫຼາຍ
​ແລະ​ດີ​ພຽງພໍ. ບໍ່​ແມ່ນ​ພຽງ​ແຕ່
​ໄດ້​ປ່ຽນ​ແປງ​ໂຄງ​ສ້າງ​ເທົ່າ​ນັ້ນ ​ແຕ່ໃນກົດໝາຍ​
ໃໝ່
ນີ້​ກໍ​ເຊັ່ນ​ກັນ. ກົດໝາຍ​​ທີ່ປະກອບດ້ວຍມາດ​ຕະການ​ໃໝ່ນີ້ ​ແມ່ນສາມາດ
ແກ້​ໄຂ​ຄວາມ​ເປັນ​ຫ່ວງ​ກັງວົນ​ຕ່າງໆ​ຂອງ​ທຸກ​ພັກ​ຝ່າຍ​ໄດ້.”

ປະຊາກອນ​ແຮງ​ງານ​ຕ່າງ​ດ້າວ​ຂອງ​ໄທ ​ແມ່ນມີ​ຢູ່​ປະມານ 3 ລ້ານ​ຄົນ ​ໂດຍ​ສະ​ເພາະ​ໃນ​ພາກສ່ວນການ​ກໍ່ສ້າງ ການ​ກະ​ເສດ​ ແລະ​ການ​ຜະ​ລິດ ຫຼື​ໂຮງ​ຈັກໂຮງງານ ຊຶ່ງ​ຫລາຍ​ຄົນ
ເປັນ​ພວກ​ແຮງ​ງານ​ທີ່​ບໍ່​ມີ​ເອກະສານ​ເຮັດ​ວຽກ​ຢ່າງ​ຖືກຕ້ອງ​ຕາມກົດໝາຍ ຈາກ ມຽນມາ
ສປປ ລາວ ກຳປູ​ເຈຍ ​ແລະ​ຫວຽດນາມ.

ຄວາມ​ສົນ​ໃຈ​ຂອງ​ນາໆ​ຊາດ​ໄດ້​ເພ່ງ​ເລັງ​ໄປ​ໃສ່​ໄທ​ອີກ ​ໃນ​ທ້າຍ​ເດືອນ​ແລ້ວ​ນີ້ ພ້ອມ​ກັບ​ການ​ພິມເຜີຍ​ແຜ່ລາຍງານລະອຽດ​ຂອງ​ອົງ​ຂ່າວ AP ທີ່​ມີສຳນັກງານຢູ່ສະ​ຫະລັດ ທີ່​ເວົ້າ​ວ່າ ມີຜູ້​ຊາຍ​ຫຼາຍຮ້ອຍ​ຄົນເຮັດ​ວຽກ ​ໃນ​ສະພາບແບບ​ຂ້າ​ທາດ ​ໃນ​ວົງ​ການ​ອຸດສາຫະກຳ​ການ​ປະ​ມົງ ​ແລະ​ຖືກ​ກັກກັນໄວ້​ຢູ່​ໃນ​ເກາະດອນສອກຫຼີກ​ຫ່າງ​ໄກ​ແຫ່ງ​ໜຶ່ງ ຂອງ​ອິນໂດ​ເນ​ເຊຍ​. ​ໃນ​ເວລາຕໍ່​ມາ ອົງການ​ຂ່າວ​ AP ໄດ້​ຕິດຕາມ​ພວກ​ອາຫານ​ທະ​ເລ​ທີ່ຜູ້​ຊາຍພວກນັ້ນ​ຫາ​ມາ​ໄດ້ ​ແລະ​ພົບ​ວ່າ ມັນ​ມາ​ຈາກ​ພວກ​ບໍລິສັດ​ສົ່ງ​ອອກ​ ແລະ​ໂຮງງານ​ແປ​ຮູບ​ປາຂອງໄທ​. ຫຼັງ​ຈາກ​ມີ​ລາຍ​ງານ​ຂ່າວ​ນີ້​ ບໍລິສັດ​ຜະລິດ​ອາຫານ​ທະ​ເລໃຫຍ່​ທີ່​ສຸດ​ຂອງ​ໄທ ຄື​ບໍລິສັດ Thai Union Frozen Products ຊຶ່ງມີ​ຍອດ​ຂາຍ​ປະຈຳ​ປີ 3500 ລ້ານ​ດອນ​ລາ​ສະຫະລັດ ກໍ​ໄດ້​ອອກ​ມາປະກາດ​ວ່າ ຕົນໄດ້​ຕັດ​ສາຍ​ພົວພັນ​ກັບ​ບໍລິສັດ​ປ້ອນ​ອາຫານ​ທະ​ເລ​ໃຫ້​ຕົນ ທີ່​ມີ​ຊື່​ຢູ່​ໃນ​ຂ່າວ​ຂອງ AP ນັ້ນ​ແລ້ວ.

ຢ່າງ​ໃດ​ກໍ​ຕາມ ບັນດາ​ກຸ່ມ​ປົກ​ປ້ອງ​ສິດທິ​ມະນຸດ ກ່າວ​ວ່າ ຍັງມີ​ຄວາມ​ສົງ​ໄສຢູ່​ວ່າ ມາດ​ຕະ
ການ​ໃໝ່​ທີ່​ຖືກ​ຮັບ​ຜ່ານ​ນັ້ນ ຈະສາມາດແກ້​ໄຂ​ບັນຫາ​ນີ້ ​ໄດ້​ສຳ​ເລັດ​ຫຼືບໍ່?

​ທ່ານ​ອານຸບ ສຸ​ກຸ​ພະຣັນ ຜູ້​ປະສານ​ງານ​ຂອງເຄືອ​ຂ່າຍສິດທິ​ຂອງ​ພວກ​ອົບ​ພະຍົບ​ໃນ​ເຂດ
ເອ​ເຊຍ​ປາຊີ​ຟິກ ກ່າວ​ວ່າ ກົດໝາຍ​ວ່າ​ດ້ວຍ​ການ​ຕໍ່ຕ້ານ​ການ​ລັກລອບ​ຄ້າຂາຍ​ມະນຸດ ​ມີ
ທາງ​ວ່າ ຈະ​ສົ່ງ​ຜົນ​ກະທົບຕໍ່​ ພວກ​ທີ່​ກຳລັງຖືກ​ລັກລອບ​ເຂົ້າ​ມາ​ໃນ​ປະ​ເທດ​ນັ້ນ ຫຼາຍ​ກ່ວາ.​

ທ່ານ​ອານຸບ ສຸ​ກຸ​ມະຣັນ ກ່າວ​ວ່າ “​ມີ​ຢູ່​ເລື້ອຍໆ ທີ່​ການ​ເຮັດ​ໃຫ້ການ​ຕໍ່ສູ້​ ກັບ​ພວກ​
ຄົນ​ລັກລອບ​ແລະ​ການຕໍ່ສູ້​ກັບ​
ການຄ້າ​ມະນຸ​ດ ມີ​ຄວາມ​ປອດ​ໄພ​ນັ້ນ ​​ໃນ​ທີ່​ສຸດ​ແລ້ວ ​ແມ່ນຍຸດຕິ​ລົງ​ດ້ວຍ​ການ​ເຮັດ​ໃຫ້​ພວກ​ທີ່​ຕົກ​ເປັນ​ຜູ້​ຮັບ​ເຄາະນັ້ນ ​ເຄາະ​ຮ້າຍ​ຍິ່ງ​ຂຶ້ນ
​ໄປ​ອີກ
ຫຼາຍ​ກວ່າ​ທີ່​ສາມາດ​ແກ້​ໄຂ​ສາຍ​ເຫດ​ ຫຼື​ພວກ​ຫົວ​ໂປ່ຂອງ​ພວກ​ທີ່​ລັກລອບ
ສົ່ງ​ຄົນ ​ແລະ​ພວກ​ຄລັກ​ຄ້າມະນຸດເອງ​ ທີ່ມັກ​ຈະ​ຖືກ​ປ່ອຍ​ໂຕ​ໄປໂດຍບໍ່​ໄດ້​ຖືກລົງ
​ໂທດ​
​ແຕ່​ຢ່າງໃດ​.

ສະມາຄົມອາ​ຊຽນ ​ໄດ້​ຍົກ​ເອົາ​ເລື້ອງ​ການ​ລັກລອບສົ່ງ​ແລະຄ້າມະນຸດ ​ຂຶ້ນ​ມາອະພິປາຍ​ກັນ
ແຕ່​ບັນດາ​ນັກ​ສັງ​ເກດ​ການ​ນາໆ​ຊາດ ກ່າວ​ວ່າ ຈຳ​ເປັນ​ຕ້ອງ​ມີການ​ຕົກລົງ​ໃຈ​ທາງ​ດ້ານ​ການ
ເມືອງ​ຫຼາຍ​ຂຶ້ນ ສຳ​ຫລັບການແກ້​ໄຂບັນຫາລະດັບ​ພາກ​ພື້ນ ໃນ​ຂອບ​ເຂດ​ທີ່ກວ້າງຂວາງ​ນັ້ນ.

XS
SM
MD
LG