ພວກແຜ່ນເກັບພະລັງແສງອາທິດ ໃນປັດຈຸບັນນີ້ ແມ່ນຍັງ
ຖືກຜະລິດອອກມາ ຈາກໂຮງງານຢູ່ ດ້ວຍການນຳໃຊ້ສານ
ບາງສ່ວນທີ່ເປັນພິດໄພສູງ ເຊັ່ນ ສານ cadmium chloride.
ແຕ່ນັກຄົ້ນຄວ້າ ທ່ານນຶ່ງ ຢູ່ທີ່ ວິທະຍາໄລ St. Mary ໃນລັດ
ແມຣີແລນ ກ່າວວ່າ ພວກເຮົາ ໃກ້ຈະສາມາດ ປະດິດພວກ
ແຜ່ນເກັບພະລັງແສງອາທິດ ດ້ວຍການໃຊ້ສານ ທີ່ບໍ່ເປັນພິດ
ທາໃສ່ແຜ່ນພື້ນ ທີ່ເຫັນວ່າເໝາະສົມ. ຜູ້ສື່ຂ່າວ ວີໂອເອ
George Putic ໄດ້ເດີນທາງໄປຢ້ຽມຢາມ ຫ້ອງທົດລອງ
ຂອງນັກຄົ້ນຄວ້າດັ່ງກ່າວນັ້ນ ເພື່ອຫາລາຍລະອຽດຕື່ມອີກ
ຊຶ່ງໄຊຈະເລີນ ສຸກ ຈະນຳມາສະເໜີທ່ານ ໃນອັນດັບຕໍ່ໄປ.
ວິວັດທະນາການ ດ້ານເຊລເກັບພະລັງແສງອາທິດ ກຳລັງຂະຫຍາຍ ຕົວຢ່າງວ່ອງໄວ ໃນປັດຈຸບັນນີ້ ມັນໄດ້ກາງຕໍ່ ວັດຖຸເຊລເກັບພະລັງແສງອາທິດ ທີ່ມີລາຄາແພງ ເຊັ່ນ
silicon ຊຶ່ງເປັນສານເຄມີຊະນິດນຶ່ງ ຫຼື cadmium telluride ເພາະສະນັ້ນແລ້ວ ຄ່າ
ໃຊ້ຈ່າຍ ໃນການຜະລິດ ການຕິດຕັ້ງ ແລະ ການບຳລຸງຮັກສາ ຈຶ່ງຍັງມີລາຄາສູງຢູ່.
ຜູ້ຊ່ວຍອາຈານ ຂອງວິທະຍາໄລ St. Mary ທ່ານ Troy Townsend ກ່າວວ່າ ມັນມີປະສິດທິພາບຕ່ຳ ແຕ່ລາຄາຖືກຫຼາຍ ພວກວັດຖຸບໍ່ມາຈາກທຳມະຊາດ ອາດນຳມາໃຊ້ໄດ້
ເພື່ອສ້າງພວກເຊລເກັບພະລັງແສງຕາເວັນ ທີ່ທາສີໃສ່ໄດ້.
ເພື່ອທີ່ຈະທົດແທນ ປະສິດທິພາບທີ່ຕົກຕ່ຳນັ້ນ ວັດຖຸທີ່ບໍ່ແພງນີ້ ອາດຈະນຳມາໃຊ້ເພື່ອ
ປົກຄຸມພື້ນທີ່ກວ້າງຂວາງ ເຊັ່ນວ່າ ພວກຫຼັງຄາເຮືອນທັງໝົດ ຂອງຊຸມຊົນຕ່າງໆ.
ທ່ານ Townsend ເວົ້າວ່າ “ໂດຍປົກກະຕິແລ້ວ ພວກເຊລເກັບພະລັງແສງອາທິດ
ທີ່ເຮັດດ້ວຍ silicon ມີປະສິດທິພາບ ລະຫວ່າງ 16 ຫາ 18 ເປີເຊັນ. ຍັງມີ
ພວກເຊລເກັບພະລັງແສງອາທິດ ທີ່ເຮັດດ້ວຍ cadmium telluride ທີ່ຜະລິດ
ເປັນສິນຄ້າ ຈຳໜ່າຍ ຈາກບໍລິສັດ First Solar ທີ່ມີປະສິທິພາບສູງເຖິງ 20
ເປີເຊັນ. ອຸປະກອນຂອງພວກເຮົາ ປັດຈຸບັນນີ້ ມີປະສິດທິພາບ ລະຫວ່າງ 5
ຫາ 12 ເປີເຊັນ.”
ວັດຖຸເຊລເກັບພະລັງແສງອາທິດ ສາມາດນຳມາສັງເຄາະໄດ້ ດ້ວຍການປົນພວກເມັດ
ແກ້ວໃສຂະໜາດນ້ອຍ ໃສ່ກັບສານລະລາຍທຳມະຊາດ.
ທ່ານ Townsend ເວົ້າວ່າ “ຊັ້ນຕ່າງໆທັງໝົດເຫຼົ່ານີ້ ທີ່ພວກເຮົາສາມາດ ຜະລິດ
ໃຫ້ເປັນຄືກັບນ້ຳມຶກ. ຊຶ່ງມັນສາມາດພິມໄດ້ ຊະເປໄດ້ ຫຼື ເຄືອບໃນຂະນະທີ່ປິ່ນ
ຢູ່ໄດ້ ເພື່ອເຮັດໃຫ້ອຸປະກອນ ຜ່ານຂະບວນການເຄືອບສານລະລາຍນີ້ ຈົນທົ່ວ.”
ໃນເມື່ອຕິດຕັ້ງໃສ່ພື້ນຜິວທີ່ເໝາະສົມແລ້ວ ເຊັ່ນແຜ່ນແກ້ວນັ້ນ ເຊລຫຼາຍຊັ້ນທີ່ມີຄວາມ
ອ່ອນໄຫວຕໍ່ແສງອາທິດ ຕ້ອງໄດ້ຜ່ານການອົບດ້ວຍຄວາມຮ້ອນ ເຂົ້າກັນກັບສານກະຕຸ້ນ
ອັນນຶ່ງ. ແທນທີ່ຈະໃຊ້ສານຕ່າງໆ ທີ່ເປັນພິດສູງ ທີ່ໃຊ້ກັນທົ່ວໄປນັ້ນ ທ່ານ Townsend
ໄດ້ຄົ້ນພົບວ່າ ມັນສາມາດເຮັດໄດ້ ດ້ວຍເກືອທີ່ປອດພິດ.
ເຊລແຕ່ລະອັນ ສາມາດຕິດຕໍ່ກັນໄດ້ ໃຫ້ເປັນຫຼາຍແຖວ ຫຼື ຂະໜານ ກັນ ເພື່ອເພີ້ມກຳລັງ
ຫຼື ກະແສໄຟຟ້າ ຂຶ້ນ.
ທ່ານ Townsend ຫວັງວ່າ ມື້ໃດມື້ນຶ່ງ ການຕິດຕັ້ງແຜ່ນເກັບພະລັງແສງອາທິດດັ່ງກ່າວ ຈະມີລາຄາຖືກລົງ ເຮັດໃຫ້ສ່ວນບຸກຄົນສາມາດ ຊົມໃຊ້ໄດ້ຫຼາຍຂຶ້ນ.
ທ່ານ Townsend ເວົ້າອີກວ່າ “ເປົ້າໝາຍຂອງການຄົ້ນຄວ້ານີ້ ກໍເພື່ອເຮັດໃຫ້
ພວກຄົນທຳມະດາທົ່ວໄປ ສາມາດນຳມັນມາໃຊ້ໄດ້. ພວກເຂົາເຈົ້າ ມີເຄື່ອງມື
ທັງໝົດ ທີ່ຕ້ອງການ ເພື່ອສ້າງພວກອຸປະກອນດັ່ງກ່າວ ແມ່ນກະທັງຢູ່ໃນເຮືອນ
ຄົວຂອງພວກເຂົາເຈົ້າ.”
ນອກນັ້ນທ່ານຍັງມີຄວາມໝັ້ນໃຈວ່າ ການຄົ້ນຄວ້າຕື່ມອີກ ກໍຈະນຳໄປສູ່ ການເພີ້ມປະສິດ
ທິພາບ ຂອງເຊລເກັບພະລັງແສງອາທິດທີ່ທາສີໃສ່ໄດ້ນີ້.