ປະທານາທິບໍດີ ສະຫະລັດ ທ່ານບາຣັກ ໂອບາມາ ໄດ້ເປີດເຜີຍ
ແຜນ ການໃຊ້ຈ່າຍ 4 ພັນ 1 ຮ້ອຍຕື້ໂດລາ ໃນວັນອັງຄານວານ
ນີ້ ສຳລັບສົກປີ ທີ່ຈະເລີ້ມໃນເດືອນຕຸລາຈະມາເຖິງນີ້ ແຕ່ວ່າ
ພັກຣີພັບບລິກັນ ທີ່ຄວບຄຸມສະພາ ຕຽມພ້ອມທີ່ຈະສົ່ງສັນຍານ
ຂອງຕົນຈະບໍ່ເອົາຫົວຊາກັບຂໍ້ເລີ້ມໃໝ່ຫຼາຍໆຢ່າງຂອງທ່ານໃນ
ລະຫວ່າງປີສຸດທ້າຍຂອງທ່ານ ທີ່ຢູ່ໃນຕຳແໜ່ງ.
ຢູ່ໃນປີການເລືອກຕັ້ງເອົາ ປະທານາທິບໍດີ ທີ່ຈະເຂົ້າມາຮັບຕຳ
ແໜ່ງ ແທນນັ້ນ ປະທານາທິບໍດີພັກເດໂທແຄຣັດ ໄດ້ສະເໜີໂຄງ
ການຕ່າງໆ ທີ່ແນ່ນອນວ່າ ເປັນທີ່ໜ້າສົນໃຈໃຫ້ແກ່່ບັນດາຜູ້ສະ
ໜັບສະໜູນ ໃນທີ່ສຸດ ຜູ້ທີ່ຖືກສະເໜີໃຫ້ເປັນປະທານາທິບໍດີພັກ
ເດໂມແຄຣັດ ແລະອາດຈະຖືກຄັດຄ້ານ ຢ່າງໜ້ອຍກໍແມ່ນໂດຍ ຜູ້ສະມັກຂອງພັກຣີພັບບລິກກັນ.
ງົບປະມານສົກປີ 2017 ຂອງປະທານາທິບໍດີ Obama ເພີ້ມຂື້ນ 5 ເປີເຊັນຈາກລະດັບ
ຂອງປີນີ້ີ້ ໂດຍຮຽກຮ້ອງໃຫ້ເພີ້ມການໃຊ້ຈ່າຍ ໃນການຕໍ່ສູ້ກັບພວກລັດອິສລາມ ຢູ່ທົ່ວ
ພາກຕາເວັນອອກກາງ ເພີ້ມການເກັບພາສີນ້ຳມັນດິບ 10 ໂດລາຕໍ່ຖັງ ເພື່ອໃຫ້ສະໜັບ
ສະໜຸນ ໂຄງ ການຄົມມະນາຄົມຕ່າງໆ ທີ່ “ສະອາດ” ການລິເລີ້ມຄົ້ນຄວ້າໃໝ່ເພື່ອປິ່ນ
ປົວມະເຮັງ ແລະ ເພີ້ມຊ່ວຍເຫລືອດ້ານການເງິນແກ່ ບັນດານັກຮຽນ ມະຫາວິທະຍາໄລ
ທີ່ມີລາຍໄດ້ຕໍ່າ.
ທ່ານ Obama ຕ້ອງການເງິນ 7 ພັນ 5 ຮ້ອຍລ້ານໂດລາ ເພື່ອຕໍ່ສູ້ກັບກຸ່ມລັດອິສລາມ
ເພີ້ມຂື້ນ 50 ເປີເຊັນ ຮວມທັງເງິນທີ່ໃຊ້ຈ່າຍສຳ ລັບຊື້ ລະເບີດນຳທິດທາງທີ່ສະຫລາດ
ຫລາຍກວ່າ 45,000 ລູກ.
ເຈົ້າໜ້າທີ່ອະວຸໂສ ຄົນໜຶ່ງຈາກ ກະຊວງຕ່າງປະເທດ ກ່າວໃນວັນອັງ ຄານວານນີ້ວ່າ
ທ່ານ Obama ຍັງຊອກຫາເງິນ 50 ພັນ 1 ຮ້ອຍ ລ້ານໂດລາ ໃນປີຈະມານີ້ ເພື່ອສະໜັບ
ສະໜູນການທູດ ແລະຄວາມພະຍາຍາມຊ່ວຍເຫລືອ ທີ່ຈະສ້າງຄວາມກ້າວໜ້າດ້ານ
ຄວາມປອດໄພ ແລະຮັບມືກັບໄພຂົ່ມຂູ່ໃໝ່ຢູ່ທົ່ວໂລກ ຮວມທັງຊັບພະຍາກອນ ເພື່ອຕໍ່ສູ້
ກັບພວກຫົວຮຸນແຮງຈັດ.