ຂ່າວ

ວົງດົນຕີ Oak Ridge Boys ຍັງສ້າງຜົນງານຢູ່ ຫລັງຈາກຕັ້ງຂຶ້ນມາໄດ້ 70​ ປີ (ເບິ່ງວີດີໂອລາວແລະຮຽນພາສາອັງກິດ)

ມີວົງດົນຕີບໍ່ເທົ່າໃດວົງ ທີ່ຕັ້ງຂຶ້ນມາໃນລະຫວ່າງຊຸມປີ 1940 ແລະປັດຈຸບັນນີ້ ກໍຍັງອັດເພງ ອອກເຜີຍແຜ່ຢູ່. ນຶ່ງໃນນັ້ນກໍຄືວົງດົນຕີ ລູກທົ່ງ The Oak Ridge Boys ທີ່ຫາກໍເປີດໂຕ ຜົນງານຊຸດໃໝ່. ໃນຕອນເລີ້ມຕົ້ນພວກເຂົາເຈົ້າໃສ່ຊື່ວົງວ່າ the Oak Ridge Quartet ຫລື ສີ່ສິນລະປິນໜຸ່ມແຫ່ງເມືອງ Oak Ridge ຊຶ່ງເປັນເມືອງນຶ່ງໃນລັດເທັນເເນສຊີ ທີ່ໄດ້ມີສ່ວນ ຮ່ວມໃນການດໍາເນີນຄວາມພະຍາຍາມຢ່າງຂະໜານໃຫຍ່ ເພື່ອພັດທະນາລະເບີດປາລະມະນູ ໃນລະຫວ່າງສົງຄາມໂລກຄັ້ງທີສອງນັ້ນ. ນັບຕັ້ງແຕ່ນັ້ນມາ ວົງດົນຕີຄະນະນີ້ກໍໄດ້ຮັບລາງ ວັນຫລາຍໆອັນ ແລະມີເພງຕິດອັນດັບຍອດ ນິຍົມຈົນນັບບໍ່ຖ້ວນ. ຜູ້ສື່ຂ່າວວີໂອເອ Larry London ໄດ້ລົມກັບ Joe Bonsall ນັກຮ້ອງນໍາຂອງວົງ ແລະ William Lee Golden ນັກຮ້ອງສຽງສູງ ກ່ຽວກັບຜົນງານຊຸດໃໝ່ຫລ້າສຸດຂອງເຂົາເຈົ້າ ທີ່ມີຊື່ວ່າ “It’s only Natural” ຊຶ່ງດາຣາມີລາຍລະອຽດມາສະເໜີທ່ານ.

ວົງດົນຕີ Oak Ridge Boys ຍັງສ້າງຜົນງານຢູ່ ຫລັງຈາກຕັ້ງຂຶ້ນມາໄດ້ 70​ ປີ (ເບິ່ງວີດີໂອລາວແລະຮຽນພາສາອັງກິດ)
ວົງດົນຕີ Oak Ridge Boys ຍັງສ້າງຜົນງານຢູ່ ຫລັງຈາກຕັ້ງຂຶ້ນມາໄດ້ 70​ ປີ (ເບິ່ງວີດີໂອລາວແລະຮຽນພາສາອັງກິດ)

ມຸນທີມີເດຍ

ສຽງ
  • ວົງດົນຕີ Oak Ridge Boys ຍັງສ້າງຜົນງານຢູ່ ຫລັງຈາກຕັ້ງຂຶ້ນມາໄດ້ 70​ ປີ (ເບິ່ງວີດີໂອລາວແລະຮຽນພາສາອັງກິດ)

ລິງຄ໌ຕ່າງໆ

ດາຣາ ບັກຄໍາ


ເບິ່ງວີດີໂອຂອງພະແນກພາສາອັງກິດພິເສດ ເພື່ອຮຽນຟັງແລະອ່ານ
ພາສາອັງກິດໄປພ້ອມ:

ເບິ່ງວີດີໂອພາສາລາວ:

ດົນຕີທໍານອງ​ລູກ​ທົ່ງມີ​ຊື່​ສຽງ​ກໍຍ້ອນ​ສຽງດົນຕີ​ທີ່​ບໍ່​ຄືທໍານອງ​ອື່ນໆ ​ແລະ ​ບໍ່​ມີ​ວົງດົນ​ຕິີລູກ​ທົ່ງ​ວົງໃດ ທີ່​ລື້ງຫູ​ລື້​ງຕາ​ແຟນ​ເພງລູກ​ທົ່ງ​ຫລາຍໄປ​ກວ່າ ຄະນະ The Oak Ridge Boys. ວົງ​ດົນຕີສີ່ຊາຍຄະນະ​ນີ້ ​ປັດ​ຈຸ​ບັນ​ແມ່ນຍັງ​ສືບ​ຕໍ່​ປະ​ເພນີ​ທີ່​ເຂົາ​ເຈົ້າໄດ້​ປະ​ຕິ​ບັດ​ກັນມາ​ເປັນ​ເວລາ 60 ກວ່າ​ປີ​ແລ້ວ ພ້ອມ​ກັບ​ການນໍາ​ອອກ​ເຜີຍ​ແຜ່​ຜົນງານ​ຊຸດທີ 31 ຂອງ​ເຂົາ​ເຈົ້າ ທີ່​ເອີ້ນ​ວ່າ “It’s Only Natural” ​ແປ​ວ່າ “ມັນ​ເປັນ​ເລື່ອງ​ທໍາ​ມະດາ ເທົ່າ​ນັ້ນ​ເອງ”. Joe Bonsall ນັກ​ຮ້ອງ​ນໍາ ​ກ່າວ​ກັບ​ວີ​ໂອ​ເອວ່າ:

ຄະນະ Oak Ridge Boys ຍັງ​ຢູ່ ຢູ່ ຍັງ​ພາກັນມີ​ຄວາມມ່ວນ​ຊຶ່ນ ​ແລະເຮັດ ເພງ​ໃໝ່ໆອອກ​ມາ. ສິ່ງ​ທີ່​ດີ ກໍາລັງ​ເກີດ​ຂື້ນເລື້ອຍໆ ​ແລະມັນ​ເປັນ​ກຽດ ທີ່​ໄດ້​
ໂອ້​ລົມ​ກັບ​ທ່າ​ນ.

ຄະນະ Oak Ridge Boys ກໍາລັງ​ສ​ະຫລອງ​ຄົບຮອບ 30 ປີ ຂອງ​ເພງ​ຍອດ​ນິຍົມ​ເພງ
ນຶ່ງ ​ໃນ​ຈໍານວນ​ຫລາຍໆ​ເພງທີ່​ດັງທີ່​ສຸດ​ຂອງ​ເຂົາ​ເຈົ້າ ດ້ວຍ​ການ​ອອກ​ຜົນງານ​ໃໝ່​ຊຸດນີ້.
ເພງ​ນັ້ນ​ກໍ​ຄື​ເພງ Elvira.

William Lee Golden ສະມາຊິກ​ອີກ​ຄົນ​ນຶ່ງ​ຂອງ​ວົງ ກ່າວ​ວ່າ:

CD ຊຸດ​ນີ້ ມີຫົກ​ເພງ ທີ່ ເປັນ​ເພງ​ທີ່​ພວກ​ເຮົາ ເຄີຍ​ຮ້ອງ​ມາກ່ອນ ແລະໄດ້​
ສ້າງ
ຊື່​ສຽງ ໃຫ້ຄະນະ Oak Ridge Boys ໂຮມ​ທັງ​ເພງ Elvira ແລະມີ​
ເພງ​ໃໝ່
ອີກ​ຫ້າ​ເພງ.
Elvira ​ໄດ້ເປັນເພງ​ຍອດນິຍົມ ອັນ​ດັບ​ນຶ່ງຂອງດົນ
ຕີ
ລູກ​ທົ່ງ ເມື່ອ 30 ປີ​ກ່ອນ ແລະ​ຍັງ​ໄດ້ຕິດ​ຍອດ​ນິຍົມອັນ​ດັບນຶ່ງ​ຂອງເພງທໍາ
ນອງ
pop ກັບ rock ​and roll ນໍາ. ທຸກໆ​ຄົນ​ໃນ​ອາ​ເມຣິກາແມ່ນພາກັນ​
ຮ້ອງ​ເພງ
ນີ້ ໄປກັບ Joe ​ແລະ ຄະນະ Oak Ridge Boys ​ໃນ​ປີ 1981 ນັ້ນ.”

Elvira ​ໄດ້​ນໍາ​ລາງວັນ ​Grammy ສໍາລັບຜົນງານ​ເພງ​ລູກ​ທົ່ງ​ຍອດ​ຍ້ຽມຂອງ​ສິນລະປິນ​ກຸ່ມ
ມາ​ໃຫ້ວົງ Oak Ridge Boys ​ໃນ​ປີ 1982 ແລະເປັນ​ພຽງ​ເພງນຶ່ງ​ໃນ​ຈໍານວນ​ຫລາຍສິບ
ເພງ​ຍອດ​ນິຍົມຂອງ​ວົງ ​ຕະຫລອດ​ໄລຍະ​ຫລາຍ​ສິບ​ປີຜ່າ​ນມາ. ດ້ວຍຜົນ​ສໍາ​ເລັດ​ແລະ​ຜົນ
ງານ​ຍອດ​ຍ້ຽມຂອງ​ເຂົາ​ເຈົ້າທັງ​ໜົດນັ້ນ ມັນຄົງ​ຈະເປັນ​ການຍາກ​ທີ່ຈະ​ເລືອກ​ເອົາເພງໃດ
ເພງ​ນຶ່ງ ຫລືຈຸດໃດຈຸດນຶ່ງ ເປັນຈຸດສຸດ​ຍອດ​ເນາະ? Joe Bonsall ​ເວົ້າ​ວ່າ:

“ຂ້າພ​ະ​ເຈົ້າຢາກ​ຈະ​ເວົ້າວ່າ ການ​ໄດ້​ຖືກ​ຮັບ​ເອົາ​ເຂົ້າໃນ Grand Ole Opry
ໂຮງ​ມະຫໍລະສົບ​ດົນຕີ
ລູກ​ທົ່ງອັນ​ສູງ​ສົ່ງຂອງອາ​ເມຣິກາ ຫວ່າງບໍ່​ນານມາ​ນີ້
ແມ່
ນ​ເປັນກຽດ​ອັນ​ສູງ​ສົ່ງ. ແນ່ນອນ​ວ່າ ພວກ​ເຮົາໄດ້​ຖືກເລື່ອນ​ຊັ້ນ​ຂື້ນ​ມາ​ຢູ່​
ໃນ​ລ​ະດັບ​ສູງ​ສຸດ ​ແລະ
ນັ້ນ​ກໍ​ແມ່ນ​ລວມຢູ່​ໃນ​ບັນດາ ສິ່ງ​ທີ່ປະ​ເສີດ​ສຸດທີ່​ພວກ​
ເຮົາ​ໄດ້​ພົບ​ພໍ້​ມາ
ໃນອາ​ຊີບ​ຂອງ​ພວກເຮົາ.”

ເບິ່ງວີດີໂອ ພາສາອັງກິດ:

ເຮັດ​ຈັ່ງໃດ ​ວົງ​ດົນ​ຕີວົງ​ນຶ່ງຈຶ່ງ​ສາມາດ​ຢູ່​ນໍາ​ກັນ​ມາໄດ້​ເຖິງ 70 ປີ? William Lee Golden ​ເວົ້າ​ວ່າ:

ຂ້າພະ​ເຈົ້າ​ຄິດ​ວ່າ ດົນ​ຕີ​ມີພະລັງໃນ​ການ​ປີ່​ນປົວ. ຂ້າ​ພະ​ເຈົ້າ​ຄິດ​ວ່າ ​ເວລາພວກ​
ເຮົາ​ມີ​ຄວາມສາມາດຮ້ອງ​ເພງ
ໄດ້​ຫລາຍ ເຮັດ​ວຽກໄດ້​ຫລາຍ ແລະ​ເດີນທາງ​ໄດ້
ຫລາຍ
ຄື​ກັນ​ກັບທີ່ ພວກ​ເຮົາເຮັດ​ນັ້ນ ແຫລະແມ່ນຜົນ​ງານ​ອັນສູງ​ສຸດ​ຂອງ​ມື້ນັ້ນ
ຄືເວລາພວກ​ຂ້າພ​ະ​ເຈົ້າຂື້ນ​ເວທີຮ້ອງ​ເພງ​ນໍາ​ກັນ. ດົນ​ຕີ ມີອໍານາດ​ປີ່​ນປົວ ​ແລະ
ກໍ
ມີພະລັງເຮັດ​ໃຫ້ຮູ້ສຶກໜຸ່ມຂື້ນ​ມາ​ໃໝ່ໄດ້ອີກ ຄື​ກັນ.

ເວລາ​ນີ້ ຄະນະ The Oak Ridge Boys ກໍາ​ລັງ​ຢູ່​ໃນ​ລະຫວ່າງ​ເດີນທາງ​ໄປສະ​ແດງ​ໃນ
ທົ່ວ​ປະ​ເທດ ​ເພື່ອ​ສົ່ງ​ເສີມ​ຜົນງານຊຸດໃໝ່ “It’s Only Natural” ຂອງ​ເຂົາ​ເຈົ້າ ​ແລະຟັງ​
ເບິ່ງ​ແລ້ວ ​ເຂົາ​ເຈົ້າແມ່ນ​ບໍ່​ມີເຈດ​ຕະນາ​ທີ່​ຈະ​ເຄື່ອນ​ໄຫວ​ຊ້າ​ລົງ ຫລື​ເລີກລາ​ໄປໃນ​ອະນາຄົດ​
ອັນໃກ້​ນີ້​ເລີຍ.

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ຄວາມເຫັນ
     
ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ອຸປະກອນໃໝ່ ຊ່ອຍຄົນ ເປັນ ອຳມະພຶກ ເຄື່ອນໄຫວ ໄດ້ອີກi
X
01.09.2015
ບັນດານາຍແພດ ກ່າວວ່າ ພວກຄົນ​ເຈັບ ທີ່ເປັນລົມ​ສາລະ​ບາດ ໂດຍສ່ວນໃຫຍ່​ແລ້ວ ໄລຍະເວລາສຳຫລັບການຟື້ນໂຕຄືນໄດ້ນັ້ນ ຈະໝົດລົງ ຫຼັງຈາກ 6 ເດືອນ. ໃນເວລານີ້ ມີອຸປະກອນອັນໜຶ່ງ ທີ່ ເຊື່ອມຕໍ່ ສັນຍານຕ່າງໆ ຈາກສະໝອງໄປຍັງຮ່າງກາຍ ທີ່ສະແດງ ໃຫ້ເຫັນວ່າ ຍັງ​ມີຄວາມຫວັງຢູ່ ທີ່ຈະປັບປຸງການເຄື່ອນໄຫວ ຫຼັງ ຈາກທີ່ໄດ້ເປັນລົມ​ສາລະ​ບາດ ມາໄດ້ດົນນານແລ້ວ. ຜູ້ສື່ຂ່າວ ວີໂອເອ Maia Pujara ມີລາຍງານເລື້ອງນີ້ ຊຶ່ງພຸດທະສອນ ຈະນຳມາສະເໜີທ່ານ ເປັນພາສາລາວ.

ຂ່າວຫລ້າສຸດ

ສຽງ ບໍລິສັດ ເອກະຊົນລາວ ແລະ ຕ່າງຊາດ ລົງທຶນ ໃນລາວ ຫຼາຍກວ່າ 1.5 ຕື້ໂດລາ

ບັນດາບໍລິສັດຕ່າງໆ ພາກັນລົງທຶນໃນລາວ ຫຼາຍກວ່າ 1.5 ຕື້ໂດລາ ໃນ 6 ເດືອນທຳອິດ ຂອງແຜນການປີ 2014-2015 ໂດຍສ່ວນໃຫຍ່ ລົງທຶນໃນພາກອຸດສາຫະກຳ.
ອ່ານຕື່ມ

ວີດີໂອ ຕຳຫຼວດ ໄທ ຈັບມືລະເບີດ ສານເຈົ້າ ເອຣະວັນ

ຜູ້​ຕ້ອງ​ສົງ​ໄສ​​ແມ່ນ “​ຄ້າຍຄື” ຜູ້​ຊາຍ​ນຸ່ງ​ເສື້ອ​ສີ​ເຫຼືອງ ​ທີ່​ເຫັນ​ຢູ່​ໃນພາບ​ ກ້ອງ​ວົງ​ຈອນ​ປິ​ດ ວ່າ​ເປັນ​ຜູ້​ທີ່​ໄດ້​ວາງ​ລະ​ເບີ​ດ ຢູ່​ສານ​ເຈົ້າ ​ເອຣະ​ວັນ ກ່ອນ​ເກີດເຫດລະ​ເບີດ ​ພຽງ​ໜ້ອຍ​ດຽວ.
ອ່ານຕື່ມ

ວີດີໂອ ລົດໄຟ Eurostar ຖືກຢຸດ ຍ້ອນອາດມີີ ຊາວອົບພະຍົບ ຕັນທາງ

ລົດ​ໄຟ Eurostar ເດີນທາງ​ລ​ະຫວ່າງ ອັງກິດ ​ແລະ ຝຣັ່ງ ໄດ້​ຖື​ກຢຸດ​ ເປັນ​ເວລາ​ຫລາຍຊົ່ວ​ໂມງ ເພາະ​ສົງໄສ​ວ່າ​ ມີ​ອົບ​ພະ​ຍົບ ທີ່​ເຂົ້າເມືອງຜິດ​ກົດໝາຍ ຕັນທາງລົດໄຟ.
ອ່ານຕື່ມ

ວີດີໂອ ພວກມືປືນຜູ້​ຊາຍ ​ລັກ​ພາ​ຕົວ ຄົນງານ​ຊາວ​ເທີ​ກີ 18 ຄົນ ​ໃນ​ນະຄອນຫຼວງ ຂອງອີຣັກ

ພວກ​ມື​ປືນ ໄດ້​ລັກ​ພາ​ຕົວ ​ພວກ​ຄົນ​ງານ​ ໃນເວລາປະມານ 3 ​ໂມງ​ເຊົ້າ ຫຼັງຈາກ​ທີ່​ໄດ້​ພັງ​ປະຕູ ​ຫຼາຍບານລົງ ​ແລະ ​ໄດ້​ປົດ​ອາວຸດ ຂອງ​​ພວກ​ຄົນ​ຍາມ.
ອ່ານຕື່ມ

ວີດີໂອ ຕະຫຼາດຮຸ້ນເອເຊຍ ສະ​ທ້ອນ ຄວາມເປັນຫ່ວງ ຕໍ່ການເຕີບໂຕ ຂອງ ເສດ​ຖະ​ກິດໂລກ

ຕະຫລາດ​ຮຸ້ນ​ທີ່​ສຳ​ຄັນ ​ໃນ​ປະ​ເທດ​ຈີນແລະ​​ແຫ່ງ​ອື່ນໆ ຢູ່​ໃນ​ຂົງ​ເຂດເອເຊຍ ​ໄດ້​ປະສົບກັບອີກ​ມື້​ນຶ່ງ ​ຂອງ​ຄວາມ​ປັ່ນ​ປ່ວນ ໃນການຊື້ຂາຍ.
ອ່ານຕື່ມ
ຕື່ມອີກ