ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ເກົາຫຼີເໜືອ ຖືວ່າ ຕົນໄດ້ສຳເລັດ ສົ່ງດາວທຽມ ຂຶ້ນສູ່ວົງໂຄຈອນ ແຕ່ຖືກ ປະຊາຄົມໂລກ ປະນາມ


N. Korea Rocket
please wait
Embed

No media source currently available

0:00 0:01:19 0:00

ເຊີນຊົມວີດີໂອ ລາຍງານນີ້

ເກົາຫຼີເໜືອ ໄດ້ຍິງຈະຫຼວດໄລຍະຍາວ ຂຶ້ນສູ່ອາວະກາດ ໃນ
ວັນອາທິດມື້ນີ້ ທີ່ບັນຈຸ ອັນທີ່ຕົນໄດ້ກ່າວວ່າ ເປັນດາວທຽມ ຊຶ່ງ
ເປັນການທ້າທາຍ ຕໍ່ມາດຕະການ ຂອງອົງການສະຫະປະຊາ
ຊາດ ທີ່ຫ້າມນຳໃຊ້ ເທັກໂນໂລຈີ້ ລູກສອນໄຟຂີປະນາວຸດນັ້ນ.

ຈະຫຼວດທີ່ໄດ້ຖືກຍິງຂຶ້ນ ເມື່ອຕອນເຊົ້າວັນອາທິດມື້ນີ້ ຈາກ
ສະຖານທີ່ຍິງສົ່ງດາວທຽວ Tongchang-ri ຂອງເກົາຫຼີເໜືອ
ຢູ່ໃກ້ກັບຊາຍແດນຂອງຈີນ ທາງພາກຕາເວັນຕົກສຽງເໜືອ. ຈະຫຼວດໄດ້ມຸ້ງໜ້າໄປຕາມເສັ້ນໂຄຈອນ ທາງທິດໃຕ້ ໂດຍ
ຜ່ານນ່ານຟ້າທາງພາກໃຕ້ ຂອງໝູ່ເກາະ Okinawa ຂອງຍີ່ປຸ່ນ.

ຕໍ່ມາເກົາຫຼີເໜືອ ໄດ້ເປີດເຜີຍ ໃນຖະແຫລງການສະບັບໜຶ່ງ ຜ່ານອົງການຂ່າວ KCNA
ຂອງຕົນ ທີ່ຢືນຢັນເຖິງ ການຍິງນັ້ນ.

ທະຫານບົກຂອງເກົາຫຼີໃຕ້ ລາດຕະເວນ ຜ່ານໂບຕ່າງໆ ທີ່ມັດໃສ່ຮັ້ວເລັກ ເປັນການວິ່່ງວອນໃຫ້ສອງເກົາຫຼີ ຮ່ວມຊາດກັນຄືນ ໃນເຂດເມືອງ Paju ຂອງເກົາຫຼີໃຕ້, ໃກ້ກັບຊາຍແດນຕິດກັບເກົາຫຼີເໜືອ, ວັນທີ 7 ກຸມພາ 2016.
ທະຫານບົກຂອງເກົາຫຼີໃຕ້ ລາດຕະເວນ ຜ່ານໂບຕ່າງໆ ທີ່ມັດໃສ່ຮັ້ວເລັກ ເປັນການວິ່່ງວອນໃຫ້ສອງເກົາຫຼີ ຮ່ວມຊາດກັນຄືນ ໃນເຂດເມືອງ Paju ຂອງເກົາຫຼີໃຕ້, ໃກ້ກັບຊາຍແດນຕິດກັບເກົາຫຼີເໜືອ, ວັນທີ 7 ກຸມພາ 2016.

​ອົງການຂ່າວ KCNA ໄດ້ປະກາດວ່າ “ບັນດານັກວິທະຍາສາດ ແລະ ບັນດານັກຊ່ຽວ
ຊານ ຂອງສາທາລະນະລັດ ປະຊາຊົນເກົາຫຼີເໜືອ ໄດ້ປະສົບຜົນສຳເລັດ ຢ່າງຄົບຖ້ວນ ໃນການສົ່ງ ດາວທຽມສັງເກດການໂລກ ທີ່ເອີ້ນວ່າ Gwangmyongsong-4 ຂຶ້ນສູ່
ວົງໂຄຈອນ ຊຶ່ງໄດ້ຖືກສ້າງຂຶ້ນມາ ອີງຕາມແຜນພັດທະນາ ອາວະກາດແຫ່ງຊາດຂອງ
ປີ 2016 ໄລຍະ 5 ປີ.”

ສູນບັນຊາການຍຸດທະສາດ ສະຫະລັດ ໄດ້ກວດພົບ ອັນທີ່ຕົນໄດ້ເອີ້ນວ່າ ລູກສອນໄຟ
ກຳລັງບິນເຂົ້າສູ່ອະວາກາດ ແລະຍັງໄດ້ບົ່ງຊີ້ເຖິງການຍິງຂຶ້ນທີ່ເປັນຜົນສຳເລັດ. ອົງການ
ຂ່າວ Yonhap ຂອງເກົາຫຼີໃຕ້ ໄດ້ລາຍງານກ່ອນໜ້ານີ້ ວ່າ ຈະຫຼວດໄດ້ລົ້ມແຫລວ ໃນ
ການບິນຂຶ້ນໄປເຖິງວົງໂຄຈອນ ແລະ ໄດ້ຕົກລົງສູ່ທະເລໃກ້ກັບໝູ່ເກາະ Jeju ຂອງ
ເກົາຫຼີໃຕ້.

ສາຍຄວັນ ຂອງຈະຫລວດ ທີ່ສາມາດແນມເຫັນຢູ່ໃນອາວະກາດ ເທິງນ່ານຟ້າຂົງເຂດຂອງເກົາຫຼີເໜືອ ຈາກຟາກເຂດເມືອງຊາຍແດນ Dandong ຂອງຈີນ, ໃນພາບຖ່າຍນີ້ ເມື່ອວັນທີ 7 ກຸມພາ 2016. ເກົາຫຼີເໜືອ ໄດ້ຍິງຈະຫຼວດໄລຍະຍາວ ຂຶ້ນສູ່ອາວະກາດ ໃນ ວັນອາທິດມື້ນີ້ ທີ່ບັນຈຸ ອັນທີ່ຕົນໄດ້ກ່າວວ່າ ເປັນດາວທຽມ.
ສາຍຄວັນ ຂອງຈະຫລວດ ທີ່ສາມາດແນມເຫັນຢູ່ໃນອາວະກາດ ເທິງນ່ານຟ້າຂົງເຂດຂອງເກົາຫຼີເໜືອ ຈາກຟາກເຂດເມືອງຊາຍແດນ Dandong ຂອງຈີນ, ໃນພາບຖ່າຍນີ້ ເມື່ອວັນທີ 7 ກຸມພາ 2016. ເກົາຫຼີເໜືອ ໄດ້ຍິງຈະຫຼວດໄລຍະຍາວ ຂຶ້ນສູ່ອາວະກາດ ໃນ ວັນອາທິດມື້ນີ້ ທີ່ບັນຈຸ ອັນທີ່ຕົນໄດ້ກ່າວວ່າ ເປັນດາວທຽມ.

XS
SM
MD
LG