ປະຊາຊົນໄນຈີເຣຍ ພາກັນລໍຖ້າໃນວັນຈັນມື້ນີ້ ໃຫ້ພວກເຈົ້າ
ໜ້າທີ່ເລືອກຕັ້ງນັບບັດຄະແນນສຽງ ແລະປະກາດຜົນຂອງ
ການປ່ອນບັດເລືອກຕັ້ງເປັນເວລາ 2 ມື້ ເພື່ອຕັດສິນວ່າໃຜ
ຈະເປັນປະທານາທິບໍດີຂອງປະເທດ.
ຄະນະກຳມະການເລືອກຕັ້ງທີ່ເປັນອິດສະລະຂອງໄນຈີເຣຍ
ກ່າວໃນແລງວັນອາທິດວານນີ້ວ່າ ຕົນຈະເລີ້ມຕົ້ນໃນຕອນ
ທ່ຽງວັນຈັນມື້ນີ້ ຮວບຮວມບັດຄະແນນສຽງທັງໝົດຈາກລັດ
ຕ່າງໆ ແລະນັບຄະແນນ.
ຊາວໄນຈີເຣຍ ລໍຖ້າຟັງ ຜົນເລືອກຕັ້ງ
ເພື່ອຈະຊະນະການເລືອກຕັ້ງ ໂດຍບໍ່ມີການປ່ອນບັດເລືອກຕັ້ງຮອບທີສອງ ຫຼືຮອບຊີ້ຂາດນັ້ນ ຜູ້ສະໝັກເລືອກຕັ້ງ ຈະຕ້ອງໄດ້ຮັບສຽງຂ້າງຫຼາຍຈາກທົ່ວປະເທດ ໃນຂະນະດຽວກັນ
ກໍຕ້ອງໄດ້ຮັບສຽງສະໜັບ ສະໜຸນຢ່າງໜ້ອຍ 25 ເປີເຊັນຂອງຄະແນນສຽງ ຈາກສອງສ່ວນ
ສາມຂອງ 36 ລັດ ແລະນະຄອນຫຼວງນຳ.
ປະທານາທິບໍດີ Goodluck Jonathan ທີ່ໄດ້ດຳລົງຕຳແໜ່ງມາຕັ້ງແຕ່ ປີ 2010 ແລະພັກປະຊາຊົນປະຊາທິປັດຂອງທ່ານໄດ້ກຳຕຳແໜ່ງ ປະທານາທິບໍດີ ມາຕັ້ງແຕ່ປີ 1999 ກຳລັງປະເຊີນກັບການທ້າທາຍ ຈາກອະດີດຜູ້ປົກຄອງປະເທດ ນາຍພົນ Muhammadu Buhari ຈາກພັກ All Progressive Congress.
ຊາວເມືອງກາໂນ ລໍຖ້າຟັງ ຜົນການເລືອກຕັ້ງ:
