ການວິເຄາະທາງວິທະຍາສາດ ທີ່ເປັນອິດສະຫຼະຂອງສະຫະລັດ
2 ສະບັບ ທີ່ ພິມເຜີຍແຜ່ ໃນວັນສຸກວານນີ້ ກ່າວວ່າ ປີ 2014
ເປັນປີອົບເອົ້າທີ່ສຸດ ໃນປະ ຫວັດສາດ ນັບແຕ່ປີີ 1880 ເປັນ
ຕົ້ນມາ.
ບົດວິເຄາະກ່ຽວກັບອຸນຫະພູມເທິງໜ້າດິນຂອງໂລກ ໂດຍບັນ
ດານັກວິທະຍາສາດ ຢູ່ທີ່ສະຖາບັນການສຶກສາດ້ານອະວະກາດ
Goddard ຂອງອົງການອະ ວະກາດສະຫະລັດ ຫລື NASA ທີ່
ນະຄອນ New York ແຈ້ງວ່າ ອຸນຫະພູມ ໂດຍສະເລ່ຍ ຂອງປີ
2014 ແມ່ນ 14.68 ອົງສາແຊລເຊິສຄື 1.22 ອົງສາສູງກວ່າອັດ
ຕາສະເລ່ຍຂອງສັດຕະວັດທີ 20.
ສ່ວນອົງການຄຸ້ມຄອງມະຫາສະມຸດ ແລະບັນຍາກາດ ແຫ່ງຊາດ ຫລື NOAA ຄຳນວນວ່າ ອຸນຫະພູມໂດຍສະເລ່ຍແລ້ວ ຕ່ຳກວ່ານີ້ໜ້ອຍນຶ່ງຢູ່ໃນລະດັບ 14.52 ອົງສາແຊລເຊິສ.
ທ່ານ John Grunsfeld ເຈົ້າໜ້າທີ່ປົກຄອງຮ່ວມຂອງພະແນກຄົ້ນຄວ້າວິທະ ຍາສາດ
ຂອງອົງການ NASA ທີ່ນະຄອນຫລວງວໍຊິງຕັນ ກ່າວວ່າ ອົງການ NASA ແມ່ນຢູ່ແຖວ
ໜ້າໃນການສືບສວນທາງວິທະຍາສາດກ່ຽວກັບປ່ຽນແປງດິນຟ້າອາກາດຂອງໂລກ ໃນ
ຂອບເຂດທີ່ກວ້າງຂວາງ. ທ່ານເວົ້າວ່າ “ການສັງເກດໃນລະຍະຍາວກ່ຽວກັບທ່າອຽງທີ່
ຄວາມອົບເອົ້າຂຶ້ນ ແລະໄດ້ຈັດໃຫ້ປີ 2014 ເປັນປີທີ່ອົບເອົ້າທີ່ສຸດໃນປະຫວັດສາດ ຊຶ່ງ
ໄດ້ເນັ້ນໃຫ້ເຫັນເຖິງຄວາມສຳຄັນສຳ ຫລັບອົງການ NASA ທີ່ຈະສຶກສາກ່ຽວກັບລະບົບ
ຂອງໂລກໃຫ້ເປັນທີ່ລະອຽດ ແລະໂດຍສະເພາະຢ່າງຍິ່ງ ເພື່ອໃຫ້ເຂົ້າໃຈເຖິງໜ້າທີ່ ແລະ
ຜົນກະທົບຂອງ ກິດຈະການທີ່ມະນຸດເຮັດຂຶ້ນ.”
ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ກ່າວໃນວັນສຸກ ວານນີ້ວ່າ “ສິ່ງ
ທີ່ປະຫລາດນັ້ນກໍຄື ມີໃຜປະຫລາດໃຈບໍ່ວ່າ ປີ 2014 ເປັນປີຮ້ອນທີ່ສຸດໃນປະຫວັດສາດ.”
ທ່ານກ່າວວ່າ “ວິທະຍາສາດ ໄດ້ຮ້ອງໃສ່ພວກເຮົາມາເປັນເວລາອັນດົນນານແລ້ວ
ກ່ຽວກັບເລື່ອງນີ້.”
