ຂ່າວ

    ຄົນລາວ ຫຼາຍກວ່າ 200 ຄອບຄົວ ຖືກກະທົບຈາກ ໂຄງການພັດທະນາ ບຶງທາດຫຼວງ

    ປະຊາຊົນ​ລາວ 200 ກວ່າ​ຄອບ​ຄົວ ​ໃນ 6 ບ້ານ ​ໄດ້​ຮັບ​ຜົນ​ກະທົບ​ຈາກ​ໂຄງການພັດທະນາ ​ເມືອງ​ໃໝ່​ຢູ່​ບຶງ​ທາດຫຼວງ​ ທີ່​ເປັນ​ການ​ລົງທຶນ​ໂດຍກຸ່ມ​ທຸລະ​ກິດ​ຈາກ​ຈີນ.

    ທ່ານສຸກັນ ມະຫາລາດ ເຈົ້າຄອງກໍາແພງນະຄອນວຽງຈັນ
    ທ່ານສຸກັນ ມະຫາລາດ ເຈົ້າຄອງກໍາແພງນະຄອນວຽງຈັນ
    ຊົງຣິດ ໂພນເງິນ

    ​ເຈົ້າໜ້າ​ທີ່​ຂັ້ນ​ສູງ​ໃນ​ຫ້ອງການ​ວ່າການ​ປົກຄອງ​ເຂດ​ນະຄອນ​ວຽງ​ຈັນ ​ເປີດ​ເຜີຍ​ໃຫ້​ຮູ້​ວ່າ
    ​ໂຄງການ​ພັດທະນາ​ເມືອງ​ໃໝ່​ ຢູ່​ບຶງ​ທາດຫຼວງ​ທີ່​ເປັນ​ການ​ລົງທຶນ​ໂດຍ​ກຸ່ມ​ທຸລະກິດຈາກ​
    ປະ​ເທດ​ຈີນ​ນັ້ນ ຈະ​ມີ​ພື້ນ​ທີ່​ລວມທັງ​ໝົດ 365 ​ເຮັກ​ຕ້າ ຊຶ່ງ​ເຮັດ​ໃຫ້​ຈະ​ຕ້ອງ​ມີການຍົກ
    ຍ້າຍ​ປະຊາຊົນ​ລາວ​ອອກ​ໄປ​ຈາກ​ເຂດ​ສໍາ​ປະທານ​ຂອງ​ໂຄງການ​ຈໍານວນ 200 ກວ່າ
    ​ຄອບຄົວ​ໃນ​ເຂດ 6 ບ້ານ​ຂອງ​ເມືອງ​ສີ​ສັດຕະ​ນາກ ​ແລະ​ເມືອງ​ໄຊ​ເສດ​ຖາ.

    ​ປະຊາຊົນ​ລາວ​ທີ່​ຖືກ​ກະທົບ​ຈາກ​ໂຄງການ​ດັ່ງ​ກ່າວ​ນີ້​ ໄດ້​ຮັບ​ການ​ຊົດ​ເຊີຍ​ຄ່າ​ທີ່​ດິນ​ແລະ
    ​ສິ່ງ​ປູກ​ສ້າງ​ຕ່າງໆ ຢ່າງ​ຄົບ​ຖ້ວນ​ຕາມ​ກົດໝາຍ​ທຸກ​ປະການ ຊຶ່ງ​ເມື່ອ​ບໍ່​ດົນ​ມາ​ນີ້ ກໍ​ມີ​ລາຍ​
    ງານ​ວ່າ ທ່ານ​ສຸກັນ ມະຫາລາດ ​ເຈົ້າຄອງ​ເຂດ​ນະຄອນ​ວຽງ​ຈັນ ພ້ອມດ້ວຍ​ຄະນະ​ຜູ້​ຕາງ
    ​ໜ້າ​ຂອງ​ບໍລິສັດ ​ຫວານ​ເຟີງ ຈາກປະ​ເທດ​ຈີນ ​ໃນ​ຖານະ​ຜູ້​ລົງທຶນ​ໃນ​ໂຄງການ​ນັ້ນ​ກໍໄດ້
    ຮ່​ວມກັນລົງ​ໄປ​ພົບ​ປະ​ກັບ​ປະຊາຊົນ ​ເພື່ອ​ທໍາ​ຄວາມ​ເຂົ້າ​ໃຈ​ແລະ​ຊີ້​ແຈງ​ເຖິງ​ລາຍ​ລະອຽດ
    ​ຕ່າງໆ​ຂອງ​ໂຄງການ​ດັ່ງກ່າວ​ແລ້ວ.

    ທັງ​ນີ້ ​ໂດຍ​ສະ​ເພາະ ​ແມ່ນ​ທ່ານ​ສຸ​ກັນນັ້ນ ​ເຖິງ​ກັບ​ໄດ້​ໃຫ້ການ​ເນັ້ນ​ຢໍ້າວ່າ​ ໂຄງການ​ດັ່ງ
    ກ່າວ​ນັ້ນ​ນອນ ​ຢູ່​ໃນ​ແຜນການ​ພັດທະນາ​ລາວ​ໄປ​ສູ່​ຄວາມ​ທັນ​ສະ​ໄໝ​ທີ່​ໄດ້​ຜ່ານ​ການ​ຮັບ
    ຮອງ​ຈາກ​ຂັ້ນ​ສູນ​ກາງ​ພັກ ​ລັດຖະບານ ​ແລະ​ຄະນະ​ປົກຄອງ​ເຂດ​ນະຄອນ​ວຽງ​ຈັນ ຢ່າງ
    ​ຄົບ​ຖ້ວນ​ແລ້ວ ດັ່ງ​ທີ່​ທ່ານ​ສຸ​ກັນ ​ໄດ້​ຖະ​ແຫຼ​ງຊີ້​ແຈງ​ກ່ຽວ​ກັບ​ເປົ້າໝາຍ​ດັ່ງກ່າວ​ໃນຕອນ​ນຶ່ງວ່າ:

    ພິທີວາງສີລາເລີກໂຄງການພັດທະນາ​ເມືອງ​ໃໝ່​ຢູ່​ບຶງ​ທາດຫຼວງ ​ທີ່​ເປັນ​ການ​ລົງທຶນ​ໂດຍ​ກຸ່ມ​ທຸລະກິດ​ຈີນ ທີ່ຈັດຂຶ້ນໃນວັນທີ 18 ພະຈິກ, 2010
    ພິທີວາງສີລາເລີກໂຄງການພັດທະນາ​ເມືອງ​ໃໝ່​ຢູ່​ບຶງ​ທາດຫຼວງ ​ທີ່​ເປັນ​ການ​ລົງທຶນ​ໂດຍ​ກຸ່ມ​ທຸລະກິດ​ຈີນ ທີ່ຈັດຂຶ້ນໃນວັນທີ 18 ພະຈິກ, 2010

    “ສູ້​ຊົນ​ສ້າງ​ເສດ​ຖະກິດ​
    ນະຄອນຫຼວງ​ວຽງ​ຈັນ
    ​ໃຫ້​ມີ​ຄວາມ​ໜັກ​ແໜ້ນ
    ມີ​ການ​ຂະຫຍາ​ຍຕົວ
    ຢ່າງ​ຕໍ່​ເນື່ອງ ​ແລະ​ໝັ້ນ
    ​ທ່ຽງ ​ແຕ່ລະ​ປີ ​ເສດຖະ
    ກິດ​ຂະຫຍາ​ຍຕົວ​ບໍ່​ໃຫ້
    ​ຫລຸດ 12% ສ້າງ​ໂຄງ
    ​ປະກອບ​ເສດຖະກິດ​ທີ່
    ​ສົມສ່ວນ ກ້າວ​ສູ່​ການ
    ​ຫັນ​ເປັນ​ອຸດສາຫະກໍາທັນ​ສະ​ໄໝ. ລວມຍອດຜະລິດຕະພັນ​ພາຍ​ໃນສະ​ເລ່ຍລາຍ​ຮັບ​ພົນ
    ລະ​ເມືອງ ບໍ່​ໃຫ້​ຫລຸດ 4,000 ​ໂດ​ລາ​.”


    ກຸ່ມ​ບໍລິ​ສັດ ຫວານ​ ​ເຟິງ ຈະ​ໃຊ້​ເງິນ​ລົງທຶນ​ໃນ​ມູນ​ຄ່າ​ລວມ​ເຖິງ 12,800 ຕື້​ກີບ ຫຼື ປະມານ
    1,600 ລ້ານໂດລາ​ ​ເພື່ອ​ພັດທະນາ​ບຶງ​ທາດຫຼວງ​ ໃຫ້​ເປັນ​ສູນ​ບໍລິການ​ຢ່າງ​ຄົບ​ວົງຈອນ
    ພາຍ​ໃນ​ປີ 2020 ຊຶ່ງ​ຈະ​ມີ​ທັງ​ສວນສາທາລະນະ ສວນ​ນໍ້າ ສູນ​ສຸຂະພາບ ບ້ານ​ພັກ ​ໂຮງ
    ​ແຮມ​ລະດັບ 5 ດາວ ສູນ​ການ​ຄ້າ ສູນ​ບັນ​ເທີ​ງ ​ແລະ​ສິ່ງ​ອໍານວຍ​ຄວາມ​ສະ​ດວກ​ຕ່າງໆ​ ຢ່າງ​
    ຄົບ​ຊຸດ ຊຶ່ງ​ລວມ​ເຖິງ​ລະບົບ​ຮັກສາ​ຄວາມ​ປອດ​ໄພ ​ແລະລະບົບ​ຮັກສາ​ສະພາບ​ແວດ​ລ້ອມ
    ​ທໍ​າມະ​ຊາດ​ຢ່າງ​ຄົບ​ວົງ​ຈອນ​ອີກ​ດ້ວຍ.

    ​ແຕ່​ຢ່າງ​ໃດກໍ​ຕາມ ກໍ​ມີ​ລາຍ​ງານ​ວ່າ ​ຍັງ​ມີ​ປະຊາຊົນ​ລາວ​ຈໍານວນ​ນຶ່ງ ​ທັງ​ຢູ່​ໃນ​ເຂດ​ບ້ານ​ໂນນ​
    ຫວາຍ ບ້ານ​ດອນ​ກອຍ ບ້ານ​ໂພນ​ທັນ ບ້ານ​ເມືອງ​ນ້ອຍ ບ້ານ​ໂນນ​ຄໍ້ ​ແລະ​ບ້ານ​ໂພນ​ປ່າ​ເປົ້າ
    ທີ່​ບໍ່​ຍອມ​ຍົກຍ້າຍ​ອອກ​ໄປ​ຈາກ​ທີ່​ດິນ​ຂອງ​ພວກ​ເຂົາ​ເຈົ້າ ​ເນື່ອງຈາກ​ເຫັນ​ວ່າ ​ຄ່າ​ຊົດ​ເຊີຍ​ທີ່​ໄດ້​
    ຮັບ​ນັ້ນ​ຕໍ່າ​ເກີນໄປ ແລະ​ພື້ນ​ທີ່​ຮອງ​ຮັບ​ທີ່​ທາງ​ການຈັດ​ໄວ້​ໃຫ້​ພວກ​ເຂົາ​ເຈົ້ານັ້ນກໍ​ຢູ່​ໄກ​ເກີນ​ໄປ
    ດ້ວຍ​ເຫດ​ທີ່​ຈຶ່ງ​ເຮັດ​ໃຫ້ ທ່ານ​ສຸ​ກັນ ພ້ອມ​ດ້ວຍ​ຄະນະ​ຜູ້ຕາງໜ້າ​ຂອງ​ບໍລິສັດ​ຈີນ​ ຕ້ອງ​ລົງ​ໄປ
    ​ພົບ​ກັບ​ປະຊາຊົນ​ດັ່ງກ່າວ.

    ບໍລິສັດ CAMCE ຈາກປະເທດຈີນ ໄດ້ຈັດງານເປີດຕົວໂຄງການ Vientiane New World ຊຶ່ງເປັນໂຄງການລົງທຶນໃນມູນຄ່າລວມ ຫຼາຍກວ່າ 600 ລ້ານໂດລາ ຢ່າງເປັນທາງການເມື່ອກາງເດືອນພຶດ ສະພາ, 2012
    ບໍລິສັດ CAMCE ຈາກປະເທດຈີນ ໄດ້ຈັດງານເປີດຕົວໂຄງການ Vientiane New World ຊຶ່ງເປັນໂຄງການລົງທຶນໃນມູນຄ່າລວມ ຫຼາຍກວ່າ 600 ລ້ານໂດລາ ຢ່າງເປັນທາງການເມື່ອກາງເດືອນພຶດ ສະພາ, 2012

    ອີກ​ດ້ານ​ນຶ່ງ ບໍລິສັດ CAMCE
    ຈາກ​ປະ​ເທດ​ຈີນ​ເຊັ່ນ​ດຽວ​ກັນ​ກໍ​
    ໄດ້​ຈັດ​ງານ​ເພື່ອ​ເປີດ​ຕົວ​ໂຄງການ
    Vientiane New Worldຊຶ່ງ​ເປັນ
    ​ໂຄງການ​ລົງທຶນ​ໃນ​ມູນ​ຄ່າລວມ
    ຫຼາຍ​ກວ່າ 600 ລ້ານ​ໂດ​ລາ ຢ່າງ
    ​ເປັນ​ທາງ​ການ​ເມື່ອ​ບໍ່​ດົນ​ມາ​ນີ້
    ໂດຍມີ​ທ່ານ​ທອງລຸນ ສີ​ສຸ​ລິດ
    ຮອງ​ນາຍົກລັດຖະມົນຕີ ​ແລະ
    ​ລັດ​ຖະມົນຕີ​ກະຊວງການ​ຕ່າງ
    ປະ​ເທດ ພ້ອມ​ດ້ວຍລັດຖະມົນຕີ
    ​ແລະ​ເຈົ້າໜ້າ​ທີ່​ຂັ້ນ​ສູງ​ຂອງ​ລັດຖະບານລາວ​ຈໍານວນ​ບໍ່ໜ້ອຍ​ທີ່​ໄດ້​ຮ່ວມເປັນ​ກຽດ​ໃນ​ງານ ​ດັ່ງກ່າວອີກ​ດ້ວຍ.

    ທັງ​ນີ້​ກໍ​ເນື່ອງຈາກ​ວ່າ ​ໂຄງການ Vientiane New World ຈະ​ເປັນ​ການ​ພັດທະນາພື້ນ​ທີ່ 46
    ​ເຮັກ​ຕ້າ​ຢູ່​ດອນ​ຈັນ ​ໃຫ້​ເປັນ​ເມືອງ​ທັນ​ສະ​ໄໝ ​ແລະ​ເປັນ​ສູນ​ກາງ​ທາງ​ເສດຖະກິດ ການ​ຄ້າ ​ແລະ
    ​ບໍລິການ​ຢ່າງ​ຄົບ​ຊຸດ​ຂອງ​ນະຄອນວຽງ​ຈັນ​ພາຍ​ໃນປີ 2020 ​ເປັນ​ຢ່າງ​ຊ້າດັ່ງກ່າວ​ນີ້ ​ຖື​ເປັນ​ພາກ
    ສ່ວນ​ທີ່​ສໍາຄັນ ​ກໍ​ຄື​ການ​ລົງທຶນ​ກໍ່ສ້າງ​ບ້ານພັກ 52 ຫຼັງ ສໍາລັບຮັບ​ຮອງ​ຜູ້​ນໍາ​ລັດຖະບານທີ່​ຈະ​
    ເຂົ້າຮ່ວມ​ກອງ​ປະຊຸມ​ສຸດ​ຍອດ​ເອ​ເຊຍ-ຢູ​ໂຣບ (ASEM) ຄັ້ງ​ທີ່ 9 ທີ່​ລັດຖະບານ​ລາວ​ຈະ​ເປັນ
    ​ເຈົ້າພາບ​ຈັດ​ຂຶ້ນ​ໃນ​ວັນ​ທີ 5-6 ​ເດືອນ​ພະຈິກ​ຕໍ່ໜ້າ​ນີ້ນັ້ນ​ເອງ.

    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ການລຽງລຳດັບ ຄວາມເຫັນ
    ໜ້າ ໃນ 2 ໜ້າຄວາມເຫັນ
        ຕໍ່ໄປ 
    ໂດຍ: LoveLoveLove-Laos
    31.07.2012 07:54
    ໃນໂລກນີບໍ່ມີຜູ້ໃດດອກທີ່ຈະຊ່ວຍເຫຼືອລ້າໆໃຫ້ເຮົາໂດຍບໍ່ມີຜົນຕອບແທນ, ຖ້າ
    ມວນມະນຸດທັງໂລກຊ່ວຍເຫຼືອກັນໂດຍບໍມີຜົນຕອບແທນ ປານນີ້ໃນ 100 ກ່ວາ
    ປະເທດກໍ່ຈະພ້ອມກັນສ້າງໃຫ້ຈະເລີນໝົດທຸກໆປະເທດແລ້ວ. ສ່ວຍຫຼາຍແລ້;
    ປະເທດທື່ຈະເລີນກ້າວໜ້າ ຈະເອົາປຽບປະເທດທີ່ກຳລັງພັດທະນາ ການຊ່ວຍ ເຫຼືອແບບບໍຈິງໃຈ ຜູ້ມາຊ່ວຍເຫຼືອກໍ່ຫວັງແຕ່ຢາກຈະຂຸດຄົ້ນເອົາຊັບພະຍາກອນ ທຳມະຊາດຢູ່ປະເທດເຮົາໄດ້ຫຼາຍເທົ່າໃດຍິ່ງເປັນການດີ, ສະນັ້ນພວກເຮົາຄົນລາວ ເຊື້ອຊາດລາວ ເປັນເຈົ້າຂອງປະເທດຊາດ ຄວນຈະຄຳນຶງເຖິງບັນຫານີ້.

    ໂດຍ: LoveLoveLove-Laos
    31.07.2012 07:42
    ເຫັນດີນຳພັກ ແລະ ລັດຖະບານລາວທີ່ຈະສ້າງເມືອງລາວໃຫ້ຮຸ່ງເຮືອງ ແລະເປັນປະເທດ
    ທີ່ຈະເລີນກ້າວໜ້າ ທັນສະໄໝ ທຽບທັນກັບປະເທດອື່ນໆ ທີ່ຈະເລີນແລ້ວ, ແຕ່ເຮົາຄວນ
    ຈະເປັນເຈົ້າຕົນເອງ ເປັນເຈົ້າຂອງປະເທດ, ເປັນບົດຮຽນຈາກຫຼາຍໆໂຄງການ ທີ່ດຳເນີນ
    ການບໍ່ເໝາະສົມຕໍ່ປະເທດຂອງພວກເຮົາ.

    ໂດຍ: ຈາກຄອບຄົວຖືກຜົນກະທົບຈາກໂຄງການ
    17.07.2012 19:00
    ເງິນທີ່ໄດ້ຮັບຈາກການຊົດເຊີຍຄວນສາມາດນຳໄປຊື້ດີນຢູ່ບ່ອນອື່ນຕາມຈຳນອນເນື້ອທີ່ທີ່ຖືກ
    ໂຄງການເພື່ອສືບຕໍ່ທຳການຜະລິດເຮັດໃຫ້ຊີ້ວິດການເປັນຢູ່ທີ່ດີຂື້ນຕາມນະໂຍບາຍຂອງພັກ ແລະ ລັດທີ່ວາງອອກ.

    ໂດຍ: LAOS-LOVER
    17.07.2012 12:30
    BIRD LIVE IN FOREST, IT LOVE IT'S HOME
    DO YOU LOVE YOUR HOME, DO YOU SHINE ANIMAL

    WHY DO YOU MOVE CAPITAL TO PONGSALEE THEN LAOS WILL GETTING BETTER.

    POWER CHANGE EVERY, BUT NOT THE TRUTH. IF YOU OR OTHER LEADER HAVE WILLING TO CHANGE, YOU MUST CHANGE YOURSELF FIRST

    SON OF GOD

    ໂດຍ: I am Lao not Lao Govt.
    17.07.2012 12:18
    Proudly present Lao Govt. becomes the best salesman in the world. They sell everything! Poor Lao people!

    ໂດຍ: ຄົນລາວໃນຊາດ
    16.07.2012 16:24
    ຈົ່ງຊ່ວຍກັນອອກມາວິເຄາະສະຖານະການບ້ານເມືອງໃນປັດຈຸບັນໃຫ້ຫຼາຍຂື້ນ ວ່າມີຂໍ້ດີ ແລະ ຂໍ້ເສີຍແນວໃດຕໍ່ການພັດຖະນາເສດຖະກິດ

    ໂດຍ: ລາວ ລາວ
    16.07.2012 02:52
    ໂຄງການບືງທາດຫຼວງນັ້ນ ແມ່ນໂຄງການໜື່ງທີ່ ພັກ ແລະ ລັດ ນຳເອົາຈີນເຂົ້າມາເຊີ່ງມັນຈະ
    ກໍ່ໃຫ້ເກີດບັນຫາຕາມມາ ແລະ ຍັງທຳລາຍລະບົບນິເວດອີກດ້ວຍ ທ່ານຄວນຄິດດີໆ ບັນຫາ
    ເລື່ອງຄົນຈີນໃນລາວ ມັນກວມເອົາເກືອບຂ້ອນປະເທດແລ້ວ ມີບ່ອນໃດແດ່ບໍ່ເຫັນຮ້ານຄ້າຈີນ
    ມີຢູ່ຢ່າງເສລີໃນລາວ ມັນເກີນໄປແລ້ວເດີທ່ານ ໃຜໄດ້ຜົນປະໂຫຍດ ຜູ້ສະຫຼາດຄົງຮູ້ຈັກດີ.....

    ໂດຍ: ວຽງຈ ັນ
    15.07.2012 18:43
    ກ ໍ່ຕ້ອງຍອມຮັບມ ັນເລ ື້ອງຂອງກ ົດເກນຄ ົນອອ່ນແອຍອມເປ ັນທາດຂອງຄົນແຂວງແຮງ. ກະຮູ້ແລ້ວວ່າຫນ້າລ ັດຖະບານລາວຫ ັ້ນວະຊ ິມ ີປ ັນຍາສ້າງເມ ືອງໃຫມ່ສ້າງບ້ານໃຫມ່ໃຫ້. ໂຕເອງໄດ້ຢູ່ຖ້າຈະສ້າງກ ໍ່ສ້າງໃຫ້ຈະເລ ີນແທ້ບ ໍ່ແມ່ນໄດ້ໂຄງການແລ້ວບ ໍ່ເຮ ັດຫຍ ັງສຸດ. ລ ັດຖະບານກ ໍ່ທຸກລ ົງອ ີກແພາະລ ັດຖະບານເວ ົ້າໄດ້ແຕ່ປາກພາກປະຕ ິບ ັດເຮ ັດບ ໍ່ໄດ້

    ໂດຍ: ລູກຫລານລາວ
    15.07.2012 06:34
    ອີດູຕົນປະຊາຊົນລາວທີ່ຍົກຍ້າຍນໍ ທີ່ຕ້ອງສ້າງຄວາມຄຸ້ນເຄີຍກັບສະຖານທີ່ໃໝ່ ເຖິງຢ່າງໃດກໍ່ຂໍເປັນກຳລັງໃຈໃຫ້ ສູ້ໆ ເພື່ອປະເທດຊາດທີ່ແສນຮັກຂອງພວກເຮົາ

    ໂດຍ: ຮັກຄວາມສະຫງົບ
    11.07.2012 13:22
    ການດຶງເອົາຕ່າງປະເທດເຂົ້າມາລົງທຶນພາຍໃນປະເທດເຫັນວ່າເປັນການພັດທະນາປະເທດຊາດ
    ໃຫ້ຈະເລີນກ້າວໜ້າທັນສະໃໝ ເທົ່າທຽມກັບພາກພື້ນ ແລະ ສາກົນ ຂ້າພະເຈົ້າຄິດວ່າບໍ່ມີແຕ່
    ປະເທດລາວເຮົາ ແລະ ກໍ່ມີຫຼາຍປະເທດທີ່ກຳລັງພັດທະນາກໍ່ເປີດປະຕູໃຫ້ຕ່າງຊາດເຂົ້າມາ
    ລົງທຶນ.ບໍ່ຕ້ອງວິພາກວິຈານລັຖະບານເຮົາເລີຍ.
    ໜ້າ ໃນ 2 ໜ້າຄວາມເຫັນ
        ຕໍ່ໄປ 
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມວີດີໂອ ເລື່ອງການສ້າງພາບ ເໝືອນຈິງ ທີ່ເປັນຮູບຮ່າງ ດ້ວຍການນຳໃຊ້ ພວກໂດຣນນ້ອຍໆi
    X
    30.01.2016
    ໃນຂະນະທີ່ ພວກນັກຫຼິ້ນເກມຄອມ​ພິວ​ເຕີ້ ຫຼາຍຄົນຮູ້ດີວ່າ ພາບເໝືອນຈິງ ຫຼື virtual reality ແມ່ນເປັນຮູບສາມມິຕິ ທີ່ໄດ້ຖືກສາຍໃສ່ພວກແວນຕາພິເສດ. ມັນສາມາດຫລອກ ລວງສະໝອງຂອງທ່ານ ໃຫ້ຄິດວ່າ ໂລກໃນຄອມພິວເຕີ້ນັ້ນ ເປັນໂລກອັນແທ້ຈິງ. ແຕ່ຖ້າທ່ານ ພະຍາຍາມຈະຈັບມັນ ມັນ ຈະບໍ່ຢູ່ທີ່ນັ້ນ. ບັດນີ້ ບັນດານັກຄົ້ນຄວ້າຊາວການາດາ ກ່າວ ວ່າ ມັນອາດຈະເປັນໄປໄດ້ ທີ່ຈະສ້າງພາບເໝືອນຈິງ ທີ່ເປັນ ຮູບຮ່າງ ດ້ວຍການນຳໃຊ້ພວກໂດຣນນ້ອຍໆ. ຜູ້ສື່ຂ່າວຂອງ ວີໂອເອ George Putic ມີລາຍງານ ຊຶ່ງພຸດທະສອນ ຈະ ນຳມາສະເໜີທ່ານເປັນພາສາລາວ.

    ຂ່າວຫລ້າສຸດ

    ວີດີໂອ 12 ປະເທດ ລົງນາມແລກປ່ຽນການຄ້າ ຂົງເຂດປາຊິຟິກ ແຕ່ຍັງມີສິ່ງກີດຂວາງຢູ່ຂ້າງໜ້າ

    ບັນດາ 12 ປະເທດ ຈາກຂົງເຂດປາຊິຟິກ ໄດ້ຈັດຕັ້ງອັນທີ່ອາດຈະກາຍມາເປັນ ກຸ່ມແລກປ່ຽນການຄ້າໃຫຍ່ ທີ່ສຸດໃນໂລກ.
    ອ່ານຕື່ມ

    ສຽງ ຫວຽດນາມ ຈັດເປັນອັນດັບ 3 ໃນການລົງທຶນ ຕ່າງປະເທດ ໃນ ລາວ

    ການລົງທຶນຂອງບັນດາບໍລິສັດທຸລະກິດ ຫວຽດນາມ ຈັດເປັນອັນດັບທີ 3 ຂອງການລົງທຶນຈາກຕ່າງປະເທດທັງ ໝົດໃນ ລາວ
    ອ່ານຕື່ມ

    ວີດີໂອ ເພງ ເມື່ອຍ​ກັບ​ຄຳ​ວ່າ​ລໍ ຂໍ​ພໍ​ກັບ​ຄຳ​ວ່າ​ເຈັບ ຜົນງານເພງ ທີ່ປະທັບໃຈອີກເພງນຶ່ງຂອງ ຕ່າຍ ດອກເກດ

    ຜົນງານເພງຂອງຕ່າຍ ດອກເກດ ເພງ ​​ເມື່ອຍ​ກັບ​ຄຳ​ວ່າ​ລໍ ຂໍ​ພໍ​ກັບ​ຄຳ​ວ່າ​ເຈັບ ຄົງຈະເຮັດໃຫ້ທ່ານ ຜູ້ຟັງທີ່ເປັນຜູ້ຊາຍ ຫັນມາເປັນຄົນທີ່ເຫັນໃຈ ເຂົ້າໃຈ ແລະໃຫ້ຄວາມຈິງໃຈກັບແມ່ຍິງຫຼາຍຂຶ້ນ.
    ອ່ານຕື່ມ

    ເກົາຫຼີເໜືອ ບໍ່ຫຍໍ້ທໍ້ເລີຍ ຕໍ່ການກ່າວປະນາມ ຂອງນາໆຊາດ

    ສູນປະຕິບັດການ ອາວະກາດຮ່ວມ ສຫລ ກ່າວວ່າ ການຍິງຈະຫຼວດຂຶ້ນ ທີ່ນຳເອົາອຸປະກອນສອງອັນ ຂຶ້ນສູ່ວົງໂຄ ຈອນນັ້ນ ບໍ່ໄດ້ໃຫ້ຄວາມກະຈ່າງແຈ້ງວ່າ ມັນສົ່ງສັນຍານອອກມາ ຫຼືບໍ່.
    ອ່ານຕື່ມ

    ວີດີໂອ ໜ່ວຍກູ້ໄພ ຄົ້ນພົບ ຜູ້ລອດຊີວິດ ໃນຊາກຫັກພັງ ຈາກແຜ່ນດິນໄຫວ ໄຕ້ຫວັນ

    ຜູ້ລອດຊີວິດ 2 ຄົນໄດ້ຖືກກູ້ອອກມາຈາກຊາກ ຫັກພັງຂອງຕຶກຫ້ອງແຖວ 17 ຊັ້ນໃນເມືອງ Tainan ຂອງເກາະໄຕ້ຫວັນ
    ອ່ານຕື່ມ
    ຕື່ມອີກ