ເນື່ອງໃນວັນ Memorial Day ກໍ ຄືວັນລະລຶກເຖິງ ດວງວິນຍານຂອງທະຫານຜ່ານເສິກ ຫຼືເຫຼົ່າທະຫານຜູ້ກ້າຫານທີ່ເປັນຮົ້ວປ້ອງກັນຊາດ ແລະໄດ້ເສຍສະລະເພື່ອປົກປ້ອງປວງຊົນ
ໃຫ້ຢູ່ເຢັນເປັນສຸກ ວັນນະສອນ ຈຶ່ງຂໍສະເໜີເພງທີ່ມີຄວາມໝາຍດີ ທີ່ມີຄວາມໝາຍສຳຫຼັບ
ທະຫານຜ່ານເສິກເຫຼົ່ານັ້ນ ວັນ Memorial Dayວັນສໍາຄັນນີ້ ຈັດໃຫ້ເປັນວັນຢຸດ ລັດຖະການ ຈະມີການສະຫຼອງຕ່າງໆທີ່ສໍາຄັນຕາມຫົວເມືອງນ້ອຍໃຫຍ່ໃນທົ່ວປະເທດ. ພິເສດສຸດ ກໍຄືຜູ້ທີ່ຈົງຮັກພັກດີ, ຮູ້ບຸນຄຸນ ຮວມທັງຍາດມິດພີ່ນ້ອງ, ເພື່ອນຝູງແລະຄົນຮັກ ກໍຈະນຳເອົາທຸງ
ຊາດອະເມຣິກັນ, ດອກໄມ້ແລະຂອງທີລະລຶກ ໄປວາງໄວ້ທີ່ຫຼຸມຝັງສົບຕ່າງໆ. ວັນນະສອນ
ພ້ອມດ້ວຍຄະນະ VOA ຂໍສະດຸດີແລະອາໄລແດ່ດວງວິນຍານຂອງທະຫານອະເມຣິກັນ ດ້ວຍເພງ “Some Gave All” ທີ່ມີຄວາມໝາຍວ່າ ບາງຄົນມອບໃຫ້ໝົດທຸກຢ່າງ…ຫຼືທັງຊີວິດ ກໍວ່າໄດ້ ຊຶ່ງຂັບຮ້ອງໂດຍ Billy Ray Cyrus.
ໃນຫວ່າງໝໍ່ໆມານີ້ ວົງການບັນເທີງ ຂອງສະຫະລັດ ກໍໄດ້ສູນເສຍບຸກຄົນສຳຄັນຍິ່ງໃນວົງ
ການດົນຕີໄປ ແລະນັ້ນ ກໍຄືສິນລະປິນອະວຸໂສ BB King ຜູ້ຊຶ່ງໄດ້ຮັບລາງວັນສຳຄັນໆຂອງສະຫະລັດ ມາມາກຕໍ່ມາກແລ້ວ ວັນນະສອນ ຈຶ່ງຂໍນຳສະເໜີຜົນງານເພງຂອງທ່ານເພື່ອສະດຸ
ດີ ຕໍ່ຜົນງານແລະຄຸນງາມຄວາມດີທີ່ທ່ານໄດ້ສ້າງໄວ້ ກ່ອນອຳລາຈາກໂລກນີ້ໄປ ນີ້ ກໍຄືໜຶ່ງ
ໃນຜົນງານເດັ່ນໆຂອງທ່ານ ຂໍເຊີນໄປຟັງເພງ Lucille ໄດ້ເລີຍ... ຂໍໃຫ້ທຸກໆທ່ານຈົ່ງນອນລັບຝັນດີ.