ຂ່າວ

“ຄອຍ II” - LZone (ວີດີໂອ)

ທ່ານແຟນເພງທັງຫຼາຍໃນລາຍການສຽງເພງຈາກແດນໄກຂອງ VOA ໃນຄໍ່ຄືນມື້ນີ້ ວັນນະສອນຈະຈັດເພງໃຫ້ຕາມຄໍາຂໍ ທີ່ຫຼາຍທ່ານຂຽນເຂົ້າມາຂໍຟັງ ຂໍເຊີນເຂົ້າສູ່ ລາຍການໄດ້ເລີຍ.

LZone
LZone

ມຸນທີມີເດຍ

ສຽງ
ວັນນະສອນ ແກ້ວດາຣາ

ສະບາຍດີ​ແລະ​ຕ້ອນຮັບ​ທ່ານ​ຜູ້​ຟັງ​ເຂົ້າ​ສູ່​ລາຍການ​ສຽງ​ເພງ​ຈາກ​ແດນ​ໄກ​ຂອງ VOA
ສໍາ​ຫຼັບ​ວັນ​ອາທິດ​ທ້າຍ​ເດືອນ​ສິງ​ຫາ​ນີ້.​ ອາທິດ​ນີ້, ເຖິງ​ແມ່ນ​ວ່າ ພະຍາກອນ​ອາກາດ
ຈະ​ບອກ​ວ່າ ຈະ​ມີ​ລົມ​ພະຍຸພັດ​ຜ່ານ​ເຂົ້າ​ມາ​ຈາກ​ທາງ​ລັດ North Carolina ກໍ່ຕາມ
ແຕ່​ເອື້ອຍ​ວັນນະ​ສອນ​ກໍ​ບໍ່​ຫວັນ​ໄຫວ ຕັ້ງ​ໃຈ​ມາ​ຈັດ​ເພງ​ໃຫ້​ທ່ານ​ຜູ້​ຟັງ​ໄດ້ຟັງ​ກັນ.​ ​
ເພງ "ຄອຍ II" ນັກ​ຮ້ອງ​ສາວ​ສຽງ​ໃສ​ຈາກ ວົງ LZone ນີ້ ຈັດ​ໃຫ້ນ້ອງ ​ເວີນ​ສອນ
ນັກ​ສຶກສາ​ຈາກ​ລາວ​ທີ່ ຟິລິບ​ປິນ ທີ່​ຂຽນ​ບອກ​ມາ​ວ່າ ຂໍມອບ​ເພງ​ນີ້​ເພື່ອ​ເປັນ​ກໍາລັງ​ໃຈ​
ໃຫ້​ຜູ້​ທີ່​ກໍາລັງ​ລໍຄອຍຖ້າຢ່າງ​ມີ​ຄວາມ​ຫວັງ ​ເອົາຟັງ​ແລ້ວ ກໍ​ຂໍ​ໃຫ້​ສົມ​ຫວັງ​ທຸກ​ສິ່ງ​ທຸກ
ປະການ ສົມ​ກັບ​ຄໍາ​ລໍຄອຍ.

ເພງ: "ຄອຍ II" ​ໂດຍ LZone

ຟັງ​ເພງ​ຫວານໆ "ຄອຍ II" ຂອງ LZone ໄປ​ແລ້ວ ຄົງເຮັດ​ໃຫ້ນ້ອງ​ເວີນ​ສອນ ຂຽນ
ເຂົ້າ​ມາ​ຫາ​ທາງ​ລາຍການ​ອີກ. ໃນ​ຊ່ວງ​ນີ້, ຫຼາຍໆ​ທ່ານ​ໄດ້​ຂຽນ​ເຂົ້າ​ມາ​ຂໍ​ຟັງ​ເພງ ​ແຕ່​ກໍ
ບໍ່​ຕ້ອງນ້ອຍ​ໃຈ ວັນນະສອນຈະ​ຄ່ອຍ​ທະຍອຍ​ຈັດ​ໃຫ້. ຈິງໆ​ແລ້ວ​ຢາກ​ຈະ​ຈັດ​ໃຫ້​ຟັງເປັນ
ຊົ່ວ​ໂມງໄປເລີ​ຍ ​ແຕ່ເອື້ອຍວ່າ ຢ່າດີກ​ວ່າ ຈັກໜ້ອຍ​ຈະ​ເບື່ອ​ກັນ​ກ່ອນ.

ເອົາ ມາ​ຕອບ ​ຈມ ຂອງ​ນ້ອງນ້ອຍ ຈາກລາວ ທີ່​ຂຽນ​ຂໍ້ຄວາມ​ໄວ້​ໃນ VOA's website
ວ່າ ປະຈຸ​ບັນ​ນີ້ສຶກສາ​ທີ່​ປະ​ເທດ​ໄທ ຂໍ​ຟັງ​ເພງ​ເພາະ​ຄິດ​ຮອດ​ບ້ານ​ຫຼາຍໆ​ວ່າ​ຊັ້ນ.​ ນ້ອງ
ນ້ອຍຢາກ​ໃຫ້ບັນດາສິນລະປິນ, ນັກ​ແຕ່ງ​ເພງ​ທັງຫຼາຍ​ໄດ້​ແຕ່ງ​ເພງ ທີ່ກ່ຽວຂ້ອງກັບການ
ປົກຄອງ ການ​ຍຶດອໍານາດ ຜະ​ເດັດ​ການ ປົກຄອງ​ແບບ​ຝ່າຍ​ດຽວຕ່າງ​ໆນາໆ ​ເອື້ອຍວ່າ
ຖ້າ​ມີ​ເພງ​ແນວ​ນີ້​ເມື່ອ​ໃດແລ້ວ ຈະ​ບອກ​ໃຫ້​ຊາບ.

ບຸນ​ເກີດ ໜູ​ຫ່ວງ
ບຸນ​ເກີດ ໜູ​ຫ່ວງ

ແຕ່​ຕອນ​ນີ້ກໍ​ຂໍ​ໃຫ້​ນ້ອງ​ຟັງ​ເພງ​"ຫຼວງ​ພະ
ບາງແດນ​ງາມ"
ນີ້​ໄປ​ກ່ອນ ທີ່​ຂໍ​ຟັງ​ມາ​
ຈາກ​ນ້ອງ ສີ​ຈະ​ເລີ​ນທີ່​ຂຽນ​ເຂົ້າ​ມາ​ເພື່ອ
ມອບເພງ​ນີ້ ​ໃຫ້ອ້າຍທີ່​ກາ​ນາ​ດາ ​ແມ່ທີ່​
ສາລະ​ວັນ ​ແລະພໍ່​ເຖົ້າ​ແມ່ເຖົ້າທີ່​ຫຼວງ​ພະ
ບາງ ​ແລະ​ພິ​ເສດ​ສຸດກັບເອື້ອຍ​ວັນນະ
ສອນ ພ້ອມ​ທັງ​ທີ​ມງານ​ VOA ວ່າ​ຊັ້ນ
ເອົາ​ມັນ​ຊ່າງ​ປະຈວບ​ເໝາະພໍດີນ້ອງ
ເມ໊ກ ຮຸ່ງ​ສະຫວ່າງ ຈາກ San Diego
ລັດ California ກໍຂໍຟັງເພງ "ຫຼວງພະ
ບາງແດນງາມນີ້"
ຄືກັນ ຈັດໃຫ້ອ້າຍ
ແລະເອື້ອຍທີ່ Montreal, ປະເທດ
Canada ໂດບຜ່ານລາຍການສຽງ
ເພງຈາກແດນໄກຂອງ VOA ວ່າຊັ້ນ.
ວັນນະສອນຂໍມອບເພງ"ຫຼວງພະບາງ
ແດນງາມ"
ຂອງ ບຸນເກີດ ໜູຫ່ວງ ນີ້ ໃຫ້ຟັງພ້ອມໆກັນເລີຍ.

ເພງ: "ຫຼວງ​ພະ​ບາງ​ແດນ​ງາມ" ໂດຍ ບຸນ​ເກີດ ໜູ​ຫ່ວງ

ກ. ວິເສດ
ກ. ວິເສດ

ສ່ວນເພງ "ໄຕດໍາລໍາພັນ" ຂອງອ້າຍ
ກ. ສິເສດ
ນີ້ ຂໍມອບໃຫ້ ນ້ອງຄໍາມ່ວນ
ຫອມມະນີລຸນ ເຮັດວຽກຢູ່ອົງການສະພາ
ກາແດງ ສາຂາຫຼວງນໍ້າທາ​ ຂຽນບອກມາ
ວ່າຕິດຕາມຮັບຟັງລາຍການແລະຟັງເພງ
ທາງອິນເຕີເນັຕ ມາໂດຍຕະຫຼອດ ຈຶ່ງຂໍ
ຟັງເພງ "ໄຕດໍາລໍາພັນ" ຟັງຮ່ວມກັບ
ຊາວລາວ-ອາເມຣິກັນ ທຸກໆທ່ານ
ແລະແນ່ນອນ​ເອື້ອຍວັນນະສອນ​ແລະ
ເອື້ອຍກໍຈະຟັງໄປຍິ້ມໄປຕະຫຼອດລາຍການເລີຍ. ຂໍໃຫ້ທຸກໆ​ທ່ານມີຄວາມສຸກແລະກໍຢ່າ
ລືມກັບມາພົບກັບສຽງເພງມ່ວນໆໃນລາຍການສຽງເພງຈາກແດນໄກ ໄດ້ອີກໃໝ່ໃນທຸກໆ
ຄໍ່າຄືນຂອງວັນອາທິດ​ ຂໍໃຫ້ທຸກໆ​ທ່ານ​ນອນ​ຫຼັບ​ຝັນ​ດີ​.

ເພງ: "ໄຕດໍາລໍາພັນ" ໂດຍ ກ. ສິ​ເສດ

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ຄວາມເຫັນ
     
ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ສີປະເພດໃໝ່ ສາມາດເຮັດໃຫ້ນ້ຳ ແລະ ນ້ຳມັນ ໄຫລ​ອອກ ຈາກລົດໄດ້i
X
22.07.2015
ແມ່ນ​ໃຜ​ແດ່ ຈະ​ບໍ່​ຢາກ​ໃຫ້​ລົດ​ຂອງ​ຕົນ ​ເບິ່ງ​ສະອາດຕະຫລອດ​ເວລາ ຍ້ອນວ່າ ຈະ​ບໍ່​ມີ ​ນ້ຳ ຫລື ນ້ຳມັນຕິດ​ຢູ່​ຕາມ​ໂຕລົດ ແຕ່​ຈະໄຫ​ລອອກ​ຈາກ​ໂຕ​ລົດໄດ້ແນວໃດ​.

ຂ່າວຫລ້າສຸດ

ສຽງ ລາວມີລາຍໄດ້ ຫຼາຍກວ່າ 1,240 ລ້ານໂດລາ ຈາກການສົ່ງອອກ ໄຟຟ້າ ແລະ ແຮ່ທາດ

ຄາດວ່າ ລັດຖະບານລາວ ຈະມີລາຍໄດ້ ຈາກການສົ່ງອອກ ໄຟຟ້າ ແລະ ແຮ່ທາດ ເພີ້ມຂຶ້ນໃນແຜນການປີ 2015-2016.
ອ່ານຕື່ມ

ປັກກິ່ງ ຮຽກຮ້ອງໃຫ້ມຽນມາ ປ່ອຍໂຕຊາວຈີນ ທີ່ຖືກຈັບ ຍ້ອນຕັດໄມ້ ຜິດກົດໝາຍ

ຈີນ​ ຕິ​ຕຽນ​ການຕັດສິນລົງ​ໂທດ ຂອງມຽນມາ ​ໃຫ້ຊາວ​ຈີນ 150 ກວ່າຄົນ ທີ່​ຖືກ​ຈັບ​ ໃນ​ຖານ​ຕັດໄມ້ ​ຜິດ​ກົດໝາຍ ​ຕິດຄຸກ​ເປັນ​ເວລາ​ດົນນານ.
ອ່ານຕື່ມ

ເພງດັງໃນອະດີດ ພາກຮັກ ທີ່ນຳມາຂັບຮ້ອງໃໝ່ໂດຍ ສິນລະປິນ ຄຸນນະພາບ ອຸດອນ ວົງສີ

ມາຟັງຜົນງານເພງຊຸດໃໝ່ຂອງອຸດອນ ວົງສີ ໃນບົດເພງ ພາກຮັກ ຊຶ່ງເປັນເພງດັງໃນອະດີດ... ທ່ານຜູ້ຟັງບໍ່ຜິດຫວັງແນ່ນອນ,
ອ່ານຕື່ມ

ວີດີໂອ ປ. ໂອບາມາ ເລີ່ມ ເຈລະຈາ ກັບ ນາຍົກເອທິໂອເປຍ ທ່ານ ເດີ​ແສ​ລ​ເລງ​ນ໌

ການ​ປຶກສາ​ຫາລື​​ກັບ ທ່ານ ເດີ​ແສ​ລ​ເລງ​ນ໌ ​ໃນ​ວັນ​ຈັນ​ມື້​ນີ້ ​ແມ່ນ​ຄາດ​ກັນ​ວ່າ ຈະ​ເພັ່ງ​ເລັງ​ໃສ່​ເລື່ອງ​ການ​ຕໍ່ຕ້ານ ລັດທິ​ກໍ່​ການ​ຮ້າຍ.
ອ່ານຕື່ມ

ວີດີໂອ ເທີກີ ຮຽກຮ້ອງ ການປະຊຸມ ພິ​ເສດກັບ NATO

ສະຫະລັດ ​ໃຫ້ການ​ໜູນ​ຫຼັງ​ການ​ໂຈມ​ຕີ​ທາງ​ອາກາດ​​ ​ແລະ ປືນ​ໃຫຍ່ ​ຂອງ ​ເທີ​ກີ ​ໂດ​ຍ​ແນ​ເປົ້າ​ໃສ່​ພວກ​ຫົວ​ຮຸນ​ແຮງ​ ລັດ​ອິສລາມ ​ໃນ ​ຊີ​​ເຣຍ ​ແລະ ພວກ​ກະບົດຊາວ ​ເຄີ​ດ ​ໃນ ອີ​ຣັກ.
ອ່ານຕື່ມ
ຕື່ມອີກ