ຂ່າວ

ຫຼວງພະບາງ ຈະຈັດກິດຈະກໍາຕ່າງໆ ເພື່ອສົ່ງເສີມປີການ ທ່ອງທ່ຽວລາວ 2012

ທາງການແຂວງຫຼວງພະບາງຈະຈັດການລົນນະລົງ ແລະຈັດກິດຈະກໍາທຸກເດືອນ ເພື່ອ ເປັນການສົ່ງເສີມປີການທ່ອງທ່ຽວລາວ 2012 ດ້ວຍເປົ້າໝາຍທີ່ຈະດຶງດູດເອົານັກທ່ອງ ທ່ຽວໃຫ້ໄດ້ຫຼາຍຂຶ້ນ.

ມຸນທີມີເດຍ

ສຽງ
  • ຫຼວງພະບາງ ຈະຈັດກິດຈະກໍາຕ່າງໆ ເພື່ອສົ່ງເສີມປີການ ທ່ອງທ່ຽວລາວ 2012

ຊົງຣິດ ໂພນເງິນ

ເຈົ້າໜ້າທີ່ປະຈໍາແຜນການທ່ອງທ່ຽວແຂວງຫຼວງພະບາງ ໄດ້ໃຫ້ການຢືນຢັນວ່າ ທາງ
ການແຂວງຫຼວງພະບາງ ໄດ້ວາງແຜນການ ຈັດການລົນນະລົງ ແລະຈັດກິດຈະກໍາ
ເປັນປະຈໍາທຸກເດືອນ ນັບຈາກເດືອນມີນານີ້ເປັນຕົ້ນໄປ ເພື່ອເປັນການສົ່ງເສີມປີການ
ທ່ອງທ່ຽວລາວ ໃນຕະຫຼອດປີ 2012 ແລະໃນສ່ວນທີ່ກ່ຽວຂ້ອງກັບການຈັດກິດຈະກໍາ
ຕ່າງໆນັ້ນ ກໍຍັງຈະເປັນການຈັດກິດຈະກໍາ ໃນລັກສະນະຂອງການມອບໝາຍໃຫ້ແຕ່ລະ
ເມືອງ ໝູນວຽນກັນເປັນເຈົ້າພາບ ໃນການຈັດງານຈົນກວ່າຈະຄົບທຸກເມືອງອີກດ້ວຍ.

ກິດຈະກໍາທີ່ທຸກໆເມືອງ
ໃນທົ່ວແຂວງ​ຫລວງ​ພະ​ບາງ​
ຈະຕ້ອງຮ່ວມກັນເປັນເຈົ້າ
ພາບຈັດ​ງານໃຫ້ໄດ້ຢ່າງ
ຍິ່ງໃຫຍ່ນັ້ນ ກໍຄືບຸນສົງ
ການ​ປີ​ໃໝ່ລາວໃນເດືອນ
ເມສາ ຊຶ່ງຈະມີການລົນ
ນະລົງ ນັບຕັ້ງແຕ່ເດືອນ
ມີນານີ້ເປັນຕົ້ນໄປ ດ້ວຍ
ການຈັດເປັນກອງບຸນຜ້າ
ປ່າສາມັກຄີ ທີ່ດໍາເນີນ
ຄຽງຄູ່ກັນໄປກັບການສະເຫລີ​ມສະຫລອງ ໃນໂອກາດທີ່ເມືອງມໍລະດົກ ໂລກຫຼວງ
ພະບາງ ໄດ້ຖືກຄັດເລືອກໃຫ້ເປັນເມືອງອັນດັບ 1 ຂອງໂລກ ທີ່ນັກທ່ອງທ່ຽວຈາກ
ທົ່ວໂລກ ຢາກຈະເດີນທາງມາຢ້ຽມຢາມຫຼາຍທີ່ສຸດອີກດ້ວຍ ດັ່ງທີ່ເຈົ້າໜ້າທີ່ ໃນແຜນ
ການທ່ອງທ່ຽວຂອງແຂວງຫຼວງພະບາງ ໄດ້ໃຫ້ການຊີ້ແຈງວ່າ:

ເປັນປີທີ່ຫົກແລ້ວ ທີ່ຫຼວງພະບາງເປັນເມືອງຍອດນິຍົມ ທີ່ໄດ້ຮັບລາງວັນ
ຈາກໜັງສືພິມ
Wanderlust ກະສິຈັດການສະເຫຼີມສະຫຼອງໂຕນີ່ນີ້ແລ້ວ
ກະສິມີງານຊ່ວງເຮືອບໍ່ ແລ້ວເດືອນສີ່ ກະສິແມ່ນບຸນປີໃໝ່ລາວ ຖືວ່າທຸກ
ເດືອນຈະໃຫ້ມີກິດຈະກໍາ
ເພື່ອໃຫ້ນັກທ່ອງທ່ຽວໄດ້ມາເບິ່ງມາຊົມ ແລ້ວ
ແຕ່ລະເມືອງ
ກໍຈະຜັດປ່ຽນກັນ ຈັດຫຼາຍກິດຈະກໍາຂຶ້ນຢູ່.

ການຖືກເລືອກດັ່ງກ່າວເປັນຜົນມາຈາກການສໍາຫລວດຂອງ The Wanderlust ແຫ່ງ
ປະເທດອັງກິດ ຊຶ່ງເປັນວາລະສານການທ່ອງທ່ຽວຊັ້ນນໍາຂອງໂລກ ທີ່ໄດ້ເປີດໂອກາດ
ໃຫ້ບັນດາສະມາຊິກຂອງວາລະສານໃນທົ່ວໂລກ ໄດ້ເລືອກເອົາເມືອງທີ່ພວກຕົນຊົມ
ຊອບຫລາຍທີ່ສຸດ ຈາກທັງໝົດຫລາຍກວ່າ 1,000 ເມືອງໃນທົ່ວໂລກ ຊຶ່ງກໍປະກົດວ່າ ເມືອງມໍລະດົກໂລກຫຼວງພະບາງ ໄດ້ຮັບຄວາມນິຍົມສູງສຸດ ແລະພ້ອມກັນນັ້ນ ລາວ
ຍັງໄດ້ຖືກເລືອກ ໃຫ້ເປັນປະເທດ ອັນດັບທີ 6 ຂອງໂລກທີ່ນັກທ່ອງທ່ຽວຕ່າງປະເທດ ຢາກຈະເດີນທາງມາຢ້ຽມຢາມຫລາຍທີ່ສຸດ ໃນຕະຫລອດປີນີ້ອີກດ້ວຍ.

ເນື່ອງຈາກມີຜົນສໍາເລັດດັ່ງກ່າວ ປະກອບກັບໃນຕະຫຼອດປີ 2012 ນີ້ ກໍຍັງເປັນປີທ່ອງ
ທ່ຽວລາວ (Visit Lao Year) ອີກດ້ວຍນັ້ນ ຈຶ່ງເຮັດໃຫ້ ພະແນກການທ່ອງທ່ຽວຂອງ
ແຂວງຫຼວງບາງເຊື່ອໝັ້ນວ່າ ຈະມີນັກທ່ອງທ່ຽວທັ້ງທີ່ເປັນຄົນລາວ ແລະຊາວຕ່າງປະ
ເທດ ເດີນທາງເຂົ້າໄປໃນແຂວງຫຼວງພະບາງຫຼາຍກວ່າ 2 ລ້ານຄົນ ຢ່າງແນ່ນອນ.

ສໍາລັບຕະຫລອດປີ 2011 ທີ່ຜ່ານ
ມາ ກໍປະກົດວ່າມີນັກທ່ອງທ່ຽວ
ເກືອບ 1.9 ລ້ານຄົນ ທີ່ໄດ້ເດີນ
ທາງເຂົ້າໄປທ່ອງທ່ຽວໃນແຂວງ
ຫຼວງພະບາງ ໂດຍໃນຈໍານວນ
ດັ່ງກ່າວ ກໍເປັນຄົນລາວຫຼາຍກວ່າ
1.6 ລ້ານຄົນ ແລະເປັນນັກທ່ອງ
ທ່ຽວຊາວຕ່າງຊາດຫຼາຍກວ່າ
274,500 ຄົນ ຊຶ່ງນອກຈາກ ຈະເພີ່ມຂຶ້ນຈາກປີ 2010 ຄິດເປັນອັດຕາສະເລ່ຍທີ່ສູງ
ກວ່າ 26% ແລະສ້າງລາຍຮັບໃຫ້ແກ່ພາກບໍລິການໃນແຂວງໄດ້ຫຼາຍກວ່າ 164 ລ້ານ
ໂດລາແລ້ວ ກໍຍັງປະກົດວ່າມີນັກທ່ອງທ່ຽວຕ່າງຊາດຈາກຫຼາຍໆ ປະເທດອີກດ້ວຍ
ທີ່ພາກັນເດີນທາງເຂົ້າໄປໃນແຂວງຫຼວງພະບາງ.

ພິທີແຫ່ພະບາງໄປສົງທີ່ວັດຊຽງທອງ ໃນໂອກາດບຸນປີໃໝ່ລາວ
ພິທີແຫ່ພະບາງໄປສົງທີ່ວັດຊຽງທອງ ໃນໂອກາດບຸນປີໃໝ່ລາວ

ສໍາລັບໃນຕະຫຼອດໄລຍະ
ປີການທ່ອງທ່ຽວລາວ
2012 ນີ້ ທາງການແຂວງ
ຫຼວງພະບາງຄາດວ່າ ຈະ
ມີນັກທ່ອງທ່ຽວຊາວຕ່າງ
ຊາດຫຼາຍກວ່າ 360,000
ຄົນ ທີ່ເດີນທາງເຂົ້າໄປ
ທ່ອງທ່ຽວໃນແຂວງຫຼວງ
ພະບາງ ສ່ວນນັກທ່ອງ
ທ່ຽວພາຍໃນປະເທດ ທີ່
ເປັນຄົນລາວນັ້ນກໍເຊື່ອວ່າ
ຈະມີຈໍານວນຫຼາຍກວ່າ
2.1 ລ້ານຄົນ ທີ່ຈະເດີນ
ທາງເຂົ້າໄປທ່ອງທ່ຽວໃນແຂວງຫຼວງພະບາງຕະຫຼອດປີນີ້ ແລະກໍຈະເປັນຜົນເຮັດໃຫ້
ພາກບໍລິການໃນແຂວງຫຼວງພະບາງມີລາຍຮັບເພີ່ມຂຶ້ນເປັນຫຼາຍກວ່າ 175 ລ້ານໂດ
ລາ ອີກດ້ວຍ.

ໃນປະຈຸບັນນີ້ ແຂວງຫຼວງພະບາງມີສະຖານທີ່ທ່ອງທ່ຽວທັງໝົດ 220 ແຫ່ງໂດຍແບ່ງ
ເປັນສະຖານທີ່ທ່ອງທ່ຽວດ້ານວັດທະນະທໍາ 82 ແຫ່ງ, ສະຖານທີ່ທ່ອງທ່ຽວດ້ານປະ
ຫວັດສາດ 32 ແຫ່ງ ແລະສະຖານທີ່ທ່ອງທ່ຽວທໍາມະຊາດ 106 ແຫ່ງ.

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ຄວາມເຫັນ
     
ໂດຍ: Lao Mouang Louang
23.03.2012 00:02
April 20,2012, my wife, me and my son 15 will go to Laos for 45 days.
I hop this time more fun than an other. I want to ride my son to learn
Lao culture and seed laos how difference USA. VOA, when i come
back to USA i will let you know a bout the trip. VOA: Have a good and
safe trip. Let us know how you enjoy it, OK? Email us at lao@voanews.com

ໂດຍ: Lao Oversea
21.03.2012 01:02
DEE JAI NUM
DEE JAI NUM MUANG LAOS
DEE JAI NUM VOACOM/LAO REPORT ANYTHING FROM LAOS
WE LOVE TO LISTEN FROM YOU
REGARD. VOA: Thank you for your kind words.

ໂດຍ: ລາວອົພຍົກ 76
20.03.2012 14:20
ມີລາຍການຫຍັງແນ່ ແຕ່ລະເດືອນຄືບໍ່ບອກລາຍລະອຽດ, ແລ້ວຈະໄປທ່ຽວໃຫ້ຖຶກ
ລະດູການ,ເພາະນັກທ່ອງທ່ຽວມີຈຸດປະສົງບໍ່ເໝອືນກັນ,ຖ້າທ່ານທຳໄດ້ໃຫ້ທຳດັ່ງນີ້,
ເດືອນນຶ່ງ-ເດອືນສາມ ມີລາຍການ????.ເດືອນສີ່-ເດືອນຫົກ ມີລາຍການ???.
ເດືອນເຈັດ-ເດືອນເກົ່າ ມີລາຍການ???.ເດອືນສິບ-ເດອືນສອງ ມີລາຍການ???.
ອັນນີ້ຕົວຢ່າງສັ້ນໆດອກ.. VOA: ຈະໃຫ້ນັກຂ່າວສອບຖາມມາໃຫ້.

ໂດຍ: Lao Lao
20.03.2012 04:35
Welcome all Lao people to Luangprabang Visit Lao Year 2012

ໂດຍ: S.BT
19.03.2012 11:28
Dear All & Staff of VOA Nice to heard that news and hope Tourism
will come to Visit Lao PDR more with train Lao Youth to study more
about World now and create the jobs for them to improve the
livelihood and other else, I would like you to manage Lao Songs
for all and you,too please Best Regards
Sanasinh BOUNETHONE

S.BOUNETHONE
Add: JAPAN & LAO
H.P: http://property-laos.jimdo.com
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ຊາວມຽນ​ມາ ມີ​ຄວາມ​ເປັນຫ່ວງວ່າ ການ​ເລືອກ​ຕັ້ງ​ປີ​ນີ້ ຈະບໍ່ທ່ຽງ​ທຳ​i
X
22.04.2015
ມຽນມາ​ມີ​ກຳນົດ ຈະຈັດ​ການ​​ເລືອກ​ຕັ້ງ​ແຫ່ງ​ຊາດຂຶ້ນ ໃນ​ເດືອນ ພະຈິກປີນີ້ ​ແຕ່​ກໍ​ມີຄວາມ​ເປັນ​ຫ່ວງ​ເພີ້ມຂຶ້ນວ່າ ລັດຖະບານ​ກຳ ລັງເອົາ​ບາດກ້າວທີ່​ຈຳ​ເປັນ ເພື່ອກະກຽມໃຫ້ການ​ປ່ອນ​ບັດດຳ ເນີນໄປ ​ຢ່າງ​ເສລີແລະ​ຍຸດຕິທຳ ຫລື​ບໍ່?

ຂ່າວຫລ້າສຸດ

Multimedia ແຜ່ນດິນໄຫວຮ້າຍແຮງ ປະທະເນປາລ ສອງມື້ລຽນຕິດ ຫຼາຍກວ່າ 2200 ຄົນ ເສຍຊີວິດ

ແຜ່ນດິນ​ໄຫວ ​ແຮງ 6.7 ຣິກ​ເຕີ ໄດ້​ປະ​ທະ​​ເນ​ປາລອີກ ໃນ​ວັນ​ອາທິດມື້​ນີ້. ສະຫະລັດແລະປະເທດອື່ນໆ ພາກັນຟ້າວສົ່ງທີມກູ້ໄພ ໄປຊ່ວຍເຫລືອ.
ອ່ານຕື່ມ

ພວກປະທ້ວງການເມືອງ ປະທະ ກັບຕຳຫຼວດ ທີ່ບູຣຸນດີ

ປ. Pierre Nkurunziza ກຳລັງພະຍາຍາມ ໃຫ້ໄດ້ດຳລົງ ຕຳແໜ່ງປະທານາທິບໍດີ ເປັນສະໄມທີສາມ ຊຶ່ງເປັນບັນຫາໂຕ້ແຍ້ງກັນ ທາງກົດໝາຍ.
ອ່ານຕື່ມ

Multimedia ຊາວຢູເຄຣນ ຈັດພິທີ ຂີດໝາຍ ຄວາມຫາຍຍະນະ ທີ່ໂຮງງານໄຟຟ້ານິວເຄລຍ Chernobyl ຄົບຮອບ 29 ປີ

ພິທີ​ໄຕ້​ທຽນ​ໄຂ​ໄວ້ອາ​ໄລ ​ໄດ້​ຈັດ​ຂຶ້ນ​ ຢູ່​ໃນ​ເມືອງ Slavutych ຊຶ່ງ​ເປັນ​ເມືອງ​ທີ່​​ໃກ້​ທີ່​ສຸດ ກັບ​ໂຮງງານ​ໄຟຟ້າພະລັງ​ນິວ​ເຄລຍ Chernobyl​ ທີ່ລະເບີດຂຶ້ນ ເມື່ອ 29 ປີກ່ອນນັ້ນ.
ອ່ານຕື່ມ

ນາຍົກ ປາກິສຖານ ປະນາມການສັງຫານ ນັກເຄື່ອນໄຫວ ສິດທິ ແມ່ຍິງ

ສະຖານທູດສະຫະລັດ ທີ່ນະຄອນຫຼວງ ອິສລາມາບັດ ປະນາມ ການສັງຫານນາງ Sabeen Mahmud ແລະສະແດງຄວາມໂສກເສົ້າເສຍໃຈ ຕໍ່ຄອບຄົວຂອງນາງ.
ອ່ານຕື່ມ

ວີດີໂອ ແສງດາວວີ - ອົກຫັກ ບໍ່ຕາຍດອກ

ລາຍການເພງຂອງວີໂອເອ-ລາວ ວັນອາທິດທີ 25 ເມສານີ້ ກ່ອມອາລົມທ່ານ ດ້ວຍຜົນງານຂອງ ແສງດາວວີ, ຄຳຜ່ານ ດິນດາວົງ ແລະ ຫລົງ ເມືອງລາວ.
ອ່ານຕື່ມ
ຕື່ມອີກ