ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ລາຍງານໃໝ່ ແຈ້ງວ່າ ໂຕຢ່າງເຊື່້ອ Anthrax ທີ່ມີຊີວິດ ຖືກສົ່ງໄປຫ້ອງແລັບ ຫຼາຍສິບແຫ່ງ


ຫ້ອງການສັນຕິບານກາງ ແລະ ນັກວິທະຍາສາດທະຫານ ພວມເປີດຊ່ອງໜັງສື ທີ່ມີເຊື້ອ anthrax ທີ່ຖືກສົ່ງໄປຫາ ສະມາຊິກສະພາສູງ ພັກເດໂມແຄຣັດ ທ່ານ Patrick Leahy.
ຫ້ອງການສັນຕິບານກາງ ແລະ ນັກວິທະຍາສາດທະຫານ ພວມເປີດຊ່ອງໜັງສື ທີ່ມີເຊື້ອ anthrax ທີ່ຖືກສົ່ງໄປຫາ ສະມາຊິກສະພາສູງ ພັກເດໂມແຄຣັດ ທ່ານ Patrick Leahy.

ລາຍ​ງານ​ໃໝ່​ໄດ້​ຄົ້ນ​ພົບ​ວ່າ ກອງທັບ​ສະຫະລັດ ​ໄດ້​ທຳ​ຄວາມ
​ພິດ​ພາດ​ສົ່ງຕົວຢ່າງເຊື້ອ Anthrax ທີ່​ມີ​ຊີວິດ ​ໄປ​ຍັງ​ຫ້ອງ​ທົດ
​ລອງ​ຫລາຍ​ສິບ​ແຫ່ງ​ ຢູ່​ໃນສະ ຫະລັດ ​ແລະ​ຢູ່​ອີກ​ເຈັດ​ປະ​ເທດ
ມາໄດ້​ສິບກວ່າປີແລ້ວ.

ລາຍ​ງານ​ກະຊວງ​ປ້ອງ​ກັນ​ປະ​ເທດ ​ທີ່ນຳອອກ​ເຜີຍ​ແຜ່​ ໃນ​ວັນ
​ພະຫັດ​ວານ​ນີ້ ກ່າວ​ວ່່າ ​ເຊື້ອ Anthrax ທີ່​ມີ​ຊີວິດ​ນັ້ນໄດ້​ສົ່ງ​ໄປ
ໃຫ້ຫ້ອງທົດລອງ 86 ແຫ່ງຢູ່​ໃນ 20 ລັດ ​ແລະນະຄອນຫລວງ
ວໍຊິງ​ຕັນ ພ້ອມ​ດ້ວຍ​ບັນດາ​ຫ້ອງ​ທົດ​ລອງ ທີ່​ປະ​ເທດອອສ​ເຕຣ​
ເລຍ ອັງກິດ ກາ​ນາ​ດາ ​ເຢຍຣະມັນ ອີ​ຕາ​ລີ ຍີ່ປຸ່ນ ​ແລະ​ເກົາຫລີ​ໃຕ້.

ການ​ສື​ບສວນ​ບໍ່​ໄດ້​ເປີດ​ເຜີ​ຍ​ເຖິງ​ສາ​ເຫ​ດຮາກ​ເຫງົ້າ​ ຂອງ​ການສົ່ງທີ່ຜິດພາດດັ່ງກ່າວ ​ໂດຍ
​ກ່າວ​ວ່າ ບັນດາ​ເຈົ້າ​ໜ້າ​ທີ່​ກະຊວງປ້ອງກັນປະເທດປາກົດ​ວ່າ ​ໄດ້​ປະຕິບັດຕາມຂັ້ນຕອນ
ຢ່າງ​ຖືກ​ຕ້ອງ ເພື່ອ​ເຮັດ​ໃຫ້​ເຊື້ອ Anthrax ບໍ່​ມີ​ຊີວິດ ກ່ອນທີ່ເຂົາ​ເຈົ້າ​ໄດ້​ສົ່ງອອກ​ໄປ.

​ແຕ່​ວ່າ ​ໄດ້​ພົບ​ເຫັນ “​ການຂາດຕົກບົກຜ່ອງໃນເລື້ອງຫ​ລັກ​ການ” ຮວມທັງ​ລັງສີ ທີ່​າບໍ່ໄດ້
ຂ້າ​ເຊື້ອ ​Anthrax ແລະການ​ທົດສອບຫລັງຈາກນັ້ນ ທີ່​ບໍ່ສາມາດ​ຄົ້ນ​ພົບ ການຍັງ​ມີ​ຊີວິດ
​ຂອງ​ເຊື້ອດັ່ງກ່າວ.

ອີງ​ຕາມ​ລາຍ​ງານແລ້ວ “ເຊື້ອ​ Anthrax ດັ່ງກ່າວ ບໍ່​ໄດ້​ເປັນໄພ​ອັນຕະລາຍ​ຕໍ່ສາທາລະນະ
ຊົນ​ທົ່ວ​ໄປ. ແຕ່ແນວໃດກໍຕາມ ການ​ສົ່ງ​ໂຕ​ຢ່າງ​ເຊື້ອ Anthrax ທີ່​ມີ​ຊີວິດ​ ໄປ​ສູ່​ບ່ອນ​ທີ່ມີ
ຜູ້ຄົນອາໄສຢູ່ຢ່າງຫຼວງຫຼາຍ​ນັ້ນ ​ເປັນ​ເລື້ອງ​ທີ່ຜິດຢ່າງ​ຮ້າຍ​ແຮງ​ຕໍ່​ກົດລະ​ບຽບ.”

ຢູ່​ທີ່​ກອງ​ປະຊຸມ​ນັກ​ຂ່າວ​ໃນ​ວັນ​ພະຫັດ​ວານນີ້ ຮອງ​ຫົວໜ້າ ກະຊວງປ້ອງກັນ​ປະ​ເທດ ທ່ານ Robert Work ຮ້ອງ​ໂຄງການ​ນີ້ວ່າ “ລົ້ມ​ແຫລວ” ທີ່ເປັນ “ບັນຫາ​ສຳຄັນ” ໃນ​ການ​ກຳກັບ
ນຳເຊື້ອ Anthrax ທີ່​ເປັນ​ເຊື້ອ bacteria ​ຮ້າຍ​ແຮງ​ເຖິງ​ຕາຍ ​ຂອງ​ກະຊວງ​ປ້ອງ​ກັນ​ປະ
​ເທດ.

ທ່ານ Work ກ່າວວ່າ “ບໍ່ວ່າ​ໃນ​ມາດ​ຕະການໃດໆກໍຕາມ ນີ້​ແມ່ນເປັນ​ຄວາມ​ລົ້ມ​ແຫຼວ​ຂອງ
ສະ​ຖາ​ບັນ ທີ່ອາດຈະກາຍເປັນ ໄພ​ອັນຕະລາຍຮ້າຍແຮງ ກ່ຽວກັບສານພິດຊີວະພາບ ຫລື biotoxin. ສິ່ງ​ທີ່​ເຮົາຕ້ອງຮູ້​ກ່ອນອື່ນໝົດ ກໍ​ຄື ​ເປັນ​ຫຍັງ​ມັນຈຶ່ງ​ເກີດ​ຂື້ນ?”

US Anthrax Report
please wait
Embed

No media source currently available

0:00 0:01:42 0:00

XS
SM
MD
LG