ຂ່າວ

    ລາວຈະຈັດປີ 2012 ໃຫ້ເປັນປີ “ທ່ອງທ່ຽວປະເທດລາວ“

    ອົງການທ່ອງທ່ຽວແຫ່ງຊາດລາວ ວາງແຜນການທີ່ຈະຈັດການສົ່ງເສີມປີການທ່ອງທ່ຽວປະ ເທດລາວໃນປີ 2012 ໂດຍຄາດຫວັງ ວ່າຈະມີນັກທ່ອງທ່ຽວຊາວຕ່າງຊາດເດີນທາງເຂົ້າໄປ ໃນລາວຫຼາຍຂຶ້ນນັບມື້.

    ທີວທັດຂອງນະຄອນຫລວງພະບາງ, ເມືອງມໍລະດົກໂລກທີ່ໄດ້ກາຍ
ເປັນແຫລ່ງດຶງດູດເອົານັກທ່ອງທ່ຽວທີ່ມີຊື່ສຽງໂດ່ງດັງແຫ່ງນຶ່ງຂອງ ໂລກໃນຫລາຍປີຜ່ານມານີ້
    ທີວທັດຂອງນະຄອນຫລວງພະບາງ, ເມືອງມໍລະດົກໂລກທີ່ໄດ້ກາຍ ເປັນແຫລ່ງດຶງດູດເອົານັກທ່ອງທ່ຽວທີ່ມີຊື່ສຽງໂດ່ງດັງແຫ່ງນຶ່ງຂອງ ໂລກໃນຫລາຍປີຜ່ານມານີ້

    ມຸນທີມີເດຍ

    ສຽງ
    ຊົງຣິດ ໂພນເງິນ

    ເຈົ້າໜ້າທີ່ຂັ້ນສູງໃນອົງການທ່ອງທ່ຽວແຫ່ງຊາດລາວໄດ້
    ໃຫ້ການຢືນຢັນວ່າຄະນະບໍລິຫານງານຂອງອົງການທ່ອງ
    ທ່ຽວຊາດລາວໄດ້ກໍາໜົດແຜນການຢ່າງຄັກແນ່ແລ້ວວ່າ
    ຈະຈັດການສົ່ງເສີມ ປີການທ່ອງທ່ຽວປະເທດລາວໃນຕະ
    ຫຼອດປີໜ້າກໍຄືປີ 2012 ນີ້ ໂດຍຄາດຫວັງວ່າຈະເຮັດໃຫ້
    ມີນັກທ່ອງທ່ຽວຊາວຕ່າງຊາດເດີນທາງເຂົ້າໄປທ່ອງທ່ຽວ
    ຢູ່ໃນລາວຫຼາຍຂຶ້ນກວ່າໃນໄລຍະທີ່ຜ່ານມາ.

    ການແຫ່ຂະບວນຊ້າງໃນງານບຸນຊ້າງທີ່ແຂວງໄຊຍະ ບູລີ, ພາກຕາເວັນຕົກສຽງເໜືອຂອງລາວຊຶ່ງທາງ ການລາວເຊື່ອວ່າຈະເປັນສິ່ງນຶ່ງທີ່ດຶງດູດເອົານັກ ທ່ອງທ່ຽວເຂົ້າໄປລາວຫລາຍຂຶ້ນນັບມື້
    ການແຫ່ຂະບວນຊ້າງໃນງານບຸນຊ້າງທີ່ແຂວງໄຊຍະ ບູລີ, ພາກຕາເວັນຕົກສຽງເໜືອຂອງລາວຊຶ່ງທາງ ການລາວເຊື່ອວ່າຈະເປັນສິ່ງນຶ່ງທີ່ດຶງດູດເອົານັກ ທ່ອງທ່ຽວເຂົ້າໄປລາວຫລາຍຂຶ້ນນັບມື້

    ທັງນີ້ໂດຍໃນຕະຫຼອດປີ 2010
    ທີ່ຜ່ານມານັ້ນ ເຖິງແມ່ນວ່າລາວ
    ຈະໄດ້ຮັບຜົນກະທົບໃນຫຼາຍໆ
    ດ້ານທັງທີ່ເກີດຂຶ້ນຢູ່ພາຍໃນປະ
    ເທດລາວເອງ ແລະຜົນກະທົບ
    ຈາກພາຍນອກປະເທດກໍ່ຕາມ
    ຫາກແຕ່ກໍຍັງຄົງປາກົດວ່າມີນັກ
    ທ່ອງທ່ຽວຊາວຕ່າງປະເທດພາ
    ກັນເດີນທາງເຂົ້າໄປທ່ອງທ່ຽວ
    ໃນລາວເພີ້ມຂຶ້ນກວ່າທຸກປີທີ່
    ຜ່ານມາ ດັ່ງທີ່ທ່ານສຸກກະເສີມ
    ໂພທິສານ ຮອງປະທານອົງ
    ການທ່ອງທ່ຽວແຫ່ງຊາດລາວ ໄດ້ຊີ້ແຈງວ່າ:

    “​ເຖິງ​ແມ່ນ​ວ່າ​ບາງໄລຍະ​ຈະ​ມີ​ນັກ​ທ່ອງ​ທ່ຽວຫລຸດ​ລົງ​ຍ້ອນ​ພະຍາດ​ລະບາດ, ຍ້ອນ
    ໄພ​ທຳ​ມະ​ຊາດ ​ແລະ​ສະພາບ​ຄວາມ​ວຸ້ນວາຍ​ໃນປະ​ເທດ​ໃກ້​ຄຽງກໍ​ຕາມ ​ແຕ່​ອັດ​
    ຕາ​ການ​ເພີ້ມຂຶ້ນຂອງ​ນັກ​ທ່ອງ​ທ່ຽວ ສະ​ເລ່ຍ​ແລ້ວ​ກໍ​ມີ​ເຖິງ 20%ຕໍ່ປີ. ສະ​ເພາະ​
    ໃນ​ປີ 2010 ນີ້ ​ໄດ້ມີ​ນັກ​ທ່ອງ​ທ່ຽວຊາວຕ່າງປະ​ເທດ​ເຂົ້າມາ ສປປ ລາວເຮົາ
    ຈຳນວນເຖິງ 2.5 ລ້ານກວ່າ/​ເທື່ອຄົນ.”

    ຈຸດດຶງດູດນັກທ່ອງທ່ຽວ ອັນສໍາຄັນທີ່ຫລວງພະ ບາງ
    ຈຸດດຶງດູດນັກທ່ອງທ່ຽວ ອັນສໍາຄັນທີ່ຫລວງພະ ບາງ

    ທາງ​ດ້ານ ທ່ານສົມພົງ ມົງຄົນວິໄລ ລັດຖະມົນຕີປະຈໍາ
    ສໍານັກງານນາຍົກລັດຖະມົນຕີ ແລະປະທານອົງການທ່ອງ
    ທ່ຽວແຫ່ງຊາດລາວໄດ້ສະແດງຄວາມເຊື່ອໝັ້ນວ່າພາຍ
    ຫລັງໂຄງການກໍ່ສ້າງທາງລົດໄຟຄວາມໄວສູງ ລະຫວ່າງ
    ຈີນກັບລາວ ທີ່ຈະເຊື່ອມຕໍ່ໄປຍັງປະເທດໄທ-ມາເລເຊຍ
    ແລະສິງກະໂປ ຫຼືທີ່ເອີ້ນວ່າໂຄງການເຊື່ອມຕໍ່ທາງລົດໄຟ
    ອາຊຽນ-ຈີນນັ້ນ ໄດ້ດໍາເນີນການສຳເລັດສົມບູນແລ້ວນັ້ນ
    ກໍ​ນັບ​ເປັນອີກ​ປັດ​ໃຈ​ນຶ່ງ ທີ່ຈະເຮັດໃຫ້ນັກທ່ອງທ່ຽວຊາວ
    ຕ່າງຊາດພາກັນເດີນທາງເຂົ້າມາທ່ອງທ່ຽວໃນລາວເພີ່ມ
    ຫຼາຍຂຶ້ນອີກ.

    ທັງ​ນີ້ກໍເນື່ອງ​ຈາກ​ວ່າ ອິງຕາມແຜນການກໍ່ສ້າງທາງລົດໄຟຄວາມໄວສູງສະເພາະໃນເຂດລາວ
    ທີ່ເຊື່ອມຕໍ່ຈາກຈີນທີ່ຢູ່ດ່ານຊາຍແດນບໍ່ເຕັນໃນແຂວງຫຼວງນໍ້າທານັ້ນຈະມີການກໍ່ສ້າງສະຖາ
    ນີໃຫຍ່ 5 ແຫ່ງ ກໍຄືຢູ່ທີ່ດ່ານບໍ່ເຕັນ, ອຸດົມໄຊ, ຫຼວງພະບາງ, ວັງວຽງ ແລະນະຄອນວຽງ
    ຈັນ ກັບ​ທັງຈະມີສະຖານີນ້ອຍອີກ 16 ແຫ່ງ ທີ່ຢູ່ລະຫວ່າງ ສະຖານີໃຫຍ່ທັງ 5 ແຫ່ງດັ່ງ
    ກ່າວຊຶ່ງກໍ​ເປັນ​ເຂດ​ທີ່ນັກທ່ອງທ່ຽວຊາວຕ່າງຊາດນະ​ຍົມເຂົ້າໄປທ່ອງ​ທ່ຽວຢູ່​ແລ້ວ ​ເພາະສະ
    ນັ້ນ ເມື່ອການເດີນທາງມີຄວາມສະດວກສະບາຍ​ຂຶ້ນກວ່າ​ເດີມກໍ​ຍ່ອມ​ຈະເຮັດໃຫ້ມີນັກທ່ອງ
    ທ່ຽວຊາວຕ່າງປະ​ເທດເດີນທາງເຂົ້າໄປໃນລາວຫຼາຍຂຶ້ນກວ່າ​ເກົ່າໂດຍທາງການລາວຄາດ
    ໝາຍວ່າຈະມີນັກທ່ອງທ່ຽວຊາວຕ່າງຊາດຫຼາຍກວ່າ 2.8 ລ້ານຄົນທີ່ຈະເດີນທາງເຂົ້າໄປ
    ລາວໃນປີ 2015.

    ການເຊັນບົດບັນທຶກຄວາມເຂົ້າໃຈໃນທ້າຍປີ 2010 ເພື່ອລົງທຶນຮ່ວມກັນລະຫວ່າງລາວ-ຈີນໃນການ ສ້າງທາງລົດໄຟເຊື່ອມຕໍ່ຈາກຈີນຫາວຽງຈັນ, ລາວ.
    ການເຊັນບົດບັນທຶກຄວາມເຂົ້າໃຈໃນທ້າຍປີ 2010 ເພື່ອລົງທຶນຮ່ວມກັນລະຫວ່າງລາວ-ຈີນໃນການ ສ້າງທາງລົດໄຟເຊື່ອມຕໍ່ຈາກຈີນຫາວຽງຈັນ, ລາວ.

    ກ່ອນໜ້ານີ້ທ່ານ ສົມສະຫວາດ
    ໄດ້ຖະແຫຼງຊີ້ແຈງວ່າທາງການ
    ລາວແລະຈີນໄດ້ຕົກລົງໃນບົດ
    ບັນທຶກຄວາມເຂົ້າໃຈຮ່ວມກັນ
    ຢ່າງຈະແຈ້ງແລ້ວວ່າຈະຮ່ວມກັນ
    ຈັດຕັ້ງບໍລິສັດຮ່ວມທຶນຂຶ້ນມາ
    ເພື່ອຮັບຜິດຊອບໃນການກໍ່ສ້າງ
    ທາງລົດໄຟຄວາມໄວສູງທີ່ເຊື່ອມ
    ຕໍ່ຈາກຈີນມາຍັງລາວໂດຍລັດຖະ
    ບານລາວຈະຖືຫຸ້ນລົງທຶນໃນສັດ
    ສ່ວນ 30% ໃນຂະນະທີ່ລັດຖະ
    ບານຈີນຈະຖືຫຸ້ນໃນສັດສ່ວນ
    70% ຂອງມູນຄ່າການລົງທຶນ ທັງໝົດ.

    ການກໍ່ສ້າງທາງລົດໄຟສະເພາະໃນເຂດລາວຈະເລີ່ມລົງມືໃນພາກຕົວຈິງນັບຈາກເດືອນເມສາ
    2011 ເປັນຕົ້ນໄປ ແລະຖ້າຫາກວ່າການດໍາເນີນງານເປັນໄປຕາມແຜນການທີ່ວາງໄວ້ກໍ່ຄາດ
    ວ່າການກໍ່ສ້າງທາງລົດໄຟສະເພາະໃນເຂດລາວທີ່ມີໄລຍະທາງຍາວເຖິງ 421 ກິໂລແມັດນັ້ນ
    ຈະແລ້ວສໍາເລັດຕະຫຼອດເສັ້ນທາງພາຍໃນປີ 2015 ຊຶ່ງເປັນໂອກາດຄົບຮອບ 40 ປີ ຂອງ ການສະຖາປະນາສາທາລະນະລັດປະຊາທິປະໄຕປະຊາຊົນລາວພໍດີ.

    ທາງຊາຍແດນລາວ ແລະຈີນ
    ທາງຊາຍແດນລາວ ແລະຈີນ

    ແຕ່ຢ່າງໃດກໍຕາມ ເນື່ອງຈາກວ່າ
    ການກໍ່ສ້າງທາງລົດໄຟສ່ວນໃຫຍ່
    ໃນລາວນັ້ນ ຈະຕ້ອງຜ່ານເຂດພູ
    ດອຍ ຊຶ່ງເຮັດໃຫ້ຕ້ອງມີການຂຸດ
    ເຈາະອຸ​ໂມງ ຄິດເປັນໄລຍະທາງ
    ລວມເຖິງ 190 ກິໂລແມັດແລະ
    ຍັງຈະຕ້ອງກໍ່ສ້າງຂົວອີກຫຼາຍ
    ແຫ່ງທີ່ມີຄວາມຍາວຮວມກັນເຖິງ
    90 ກິໂລແມັດອີກດ້ວຍນັ້ນ ຈຶ່ງ
    ເຮັດໃຫ້ຄາດໝາຍວ່າການກໍ່ສ້າງ
    ທາງລົດໄຟຄວາມໄວສູງສະເພາະໃນເຂດລາວນີ້ຈະຕ້ອງໃຊ້ເງິນລົງທຶນເຖິງ 7,000 ລ້ານ
    ໂດລາ ຊຶ່ງກໍຄືທາງການລາວຈະຕ້ອງຮ່ວມລົງທຶນຄິດເປັນມູນຄ່າເຖິງ 2,100 ລ້ານໂດລາ
    ແລະກໍເຊື່ອວ່າທາງການລາວຈະໄດ້ມາຈາກການກູ້ຢືມຈາກທາງການຈີນນັ້ນເອງ.

    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ຄວາມເຫັນ
         
    ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມ ວີດີໂອ ເລື່ອງ ເຖິງຈະມີ ຄວາມກ້າວໜ້າ ໃນການຕໍ່ສູ້ ມາເລເຣຍ ແຕ່ ຕ້ອງໄດ້ ທຳງານ ຫຼາຍຂຶ້ນຕື່ມ.i
    X
    08.02.2016
    ໂລກ​ເຮົາ​ໄດ້​ມີ​ຄວາມ​ກ້າວໜ້າ ​ໃນ​ການ​ຕໍ່ຕ້ານໄຂ້ຍຸງ ຫຼືມາ​ເລ​ເຣຍ ຢ່າງ​ບໍ່​ໜ້າ​ເຊື່ອ ​ແຕ່ໃນຂະນະທີ່ ຜູ້ສື່ຂ່າວ ວີໂອເອ ລາຍງານ ກ່ຽວ ກັບເລື້ອງນີ້ຢູ່ ບັນ​ດາ​ນັກ​ຊ່ຽວຊານ ກໍກ່າວ​ວ່າ ຍັງ​ຕ້ອງໄດ້​ທຳ​ງານ ຫຼາຍຂຶ້ນອີກ ​ໂດຍ​ສະ​ເພາະ ​ຢູ່​ໃນ​ເຂດໃຕ້​ທະ​ເລ​ຊາຍ ຊາຮາຣາ ​ໃນ​ທະວີບອາ​ຟຣິກາ ບ່ອນ​ໂຣກດັ່ງກ່າວ ທີ່ເກີດຈາກ​ຍຸງ​ນັ້ນ ​ແມ່ນ ​ແຜ່​ລະບາດ ​ແລະມີປະຊາຊົນເປັນ​ໄ​ຂ້ຍຸງ ທຸກໆ​ປີ. ໄຊຈະເລີນສຸກ ຈະນຳເອົາເລື້ອງນີ້ ມາສະເໜີທ່ານ ເປັນພາສາລາວ ໃນອັນດັບຕໍ່ໄປ.

    ຂ່າວຫລ້າສຸດ

    ສຽງ ລາວວາງເປົ້າໝາຍ ທີ່ຈະດຶງດູດເອົາ ນັກທ່ອງທ່ຽວ ຕ່າງຊາດ ໃຫ້ໄດ້ ເຖິງ 6 ລ້ານຄົນ ພາຍໃນປີ 2020

    ເພື່ອທີ່ຈະດຶງດູດເອົາ ນັກທ່ອງທ່ຽວໃຫ້ໄດ້ເຖິງ 6 ລ້ານຄົນ ນັ້ນ ທາງການລາວ ຈະຕ້ອງຈັດຕັ້ງປະຕິບັດ ໃນ 3 ໜ້າວຽກ ຂອງການພັດທະນາ ໃນພາກບໍລິການ ແລະການທ່ອງທ່ຽວ.
    ອ່ານຕື່ມ

    ສຽງ ບັນດານັກເຄື່ອນໄຫວ ຢາກໃຫ້ເອົາ ເຂື່ອນດອນສະໂຮງ ເຂົ້າໃນລາຍການ ກອງປະຊຸມ ສຸດຍອດ ສຫລ ອາຊຽນ

    ກຸ່ມສັງຄົມພົນລະເມືອງຕ່າງໆ ຮຽກຮ້ອງໃຫ້ນຳເອົາ ໂຄງການເຂື່ອນໄຟຟ້າພະລັງນ້ຳຕົກ ດອນສະໂຮງ ຂອງລາວ ຂຶ້ນມາປຶກສາຫາລື ໃນກອງປະຊຸມສຸດຍອດ U.S.-ASEAN.
    ອ່ານຕື່ມ

    ວີດີໂອ ແຜນການຊີເຣຍ​ ຮຽກຮ້ອງໃຫ້ຍຸຕິ ການເປັນປໍລະປັກ ພາຍໃນ ນຶ່ງອາທິດ

    ທ່ານ Kerry ແລະທ່ານ Lavrov ກ່າວວ່າ ການເຂົ້າເຖິງ ການຊ່ອຍເຫຼືອ ດ້ານມະນຸດສະທຳ ແມ່ນບູລິມະສິດ ໃນແຜນການ ທີ່ບັນລຸກັນ ເມື່ອຄືນແລ້ວນີ້.
    ອ່ານຕື່ມ

    ວີດີໂອ ຣັດເຊຍ ບໍ່ພໍໃຈ ທີ່ NATO ຂະຫຍາຍ ການປະຕິບັດງານ ເຂົ້າໄປໃນ ຢູໂຣບຕາເວັນອອກ

    ລັດຖະມົນຕີຕ່າ​ງປະ​ເທດຣັດ​ເຊຍ ທ່ານ Sergei Lavrov ​ໄດ້ພົບ​ປະ​ ກັບຫົວໜ້າອົງການ NATO ທ່ານ Jens Stoltenberg ໃນ​ວັນ​ສຸກ​ມື້​ນີ້.
    ອ່ານຕື່ມ

    ວີດີໂອ ທ່ານນາງ Clinton ແລະທ່ານ Sanders ໂຕ້ວາທີກັນ ອີກເທື່ອນຶ່ງ

    ຜູ້ສະໝັກເປັນປະທານາທິບໍດີ ພັກເດໂມແຄຣັດ ໂຕ້ວາທີເທື່ອທີ 6 ຢູ່ເມືອງ Milwaukee ຂະນະທີ່ການແຂ່ງຂັນ ເພື່ອເຂົ້າຄອບຄອງ ທຳນຽບຂາວ ກ້າວເຂົ້າສູ່ບາດລ້ຽງໃໝ່.
    ອ່ານຕື່ມ
    ຕື່ມອີກ