ຂ່າວ

ລາວຍອມຮັບວ່າ ລາຍຮັບທີ່ໄດ້ຈາກ GDP ຂອງລາວ ບໍ່ເທົ່າທຽມກັນ ໃນຄວາມເປັນຈິງ

ເຈົ້າໜ້າທີ່ຂັ້ນສູງໃນພັກປະຊາຊົນປະຕິວັດລາວ ຍອມຮັບວ່າ ບໍ່ມີຄວາມສະເໝີພາກ ທີ່ ຈະໄດ້ຮັບການສະເລ່ຍລາຍໄດ້ຈາກ GDP ຢ່າງເທົ່າທຽມກັນໃນຄວາມເປັນຈິງ.

ການຂຸດຄົ້ນແລະະຜະລິດທອງແດງເພື່ອສົ່ງອອກໄປຂາຍຢູ່ຕ່າງປະເທດ ຊຶ່ງເຮັດໃຫ້ GDP ລາວຂະຫຍາຍຕົວ
ການຂຸດຄົ້ນແລະະຜະລິດທອງແດງເພື່ອສົ່ງອອກໄປຂາຍຢູ່ຕ່າງປະເທດ ຊຶ່ງເຮັດໃຫ້ GDP ລາວຂະຫຍາຍຕົວ

ມຸນທີມີເດຍ

ສຽງ
  • ລາວຍອມຮັບວ່າ ລາຍຮັບທີ່ໄດ້ຈາກ GDP ຂອງລາວ ບໍ່ເທົ່າທຽມກັນ ໃນຄວາມເປັນຈິງ

ຊົງຣິດ ໂພນເງິນ

ທ່ານເຈືອງ ສົມບູນຂັນ ຫົວໜ້າຄະນະໂຄສະນາອົບຮົມສູນກາງພັກປະຊາຊົນປະຕິວັດ
ລາວ ຖະແຫລງຍອມຮັບວ່າ ການທີ່ພັກໄດ້ວາງເປົ້າໝາຍທີ່ຈະລົບລ້າງບັນຫາຄວາມ
ທຸກຈົນຂອງ ປະຊາຊົນລາວ ໃຫ້ໄດ້ໂດຍພື້ນຖານພາຍໃນປີ 2015 ນັ້ນ ກໍບໍ່ໄດ້ໝາຍ
ຄວາມວ່າ ຈະເຮັດໃຫ້ປະຊາຊົນລາວທຸກຄົນ ມີລາຍໄດ້ໝາຍຄວາມວ່າ ຈະເຮັດໃຫ້ປະ
ຊາຊົນລາວ ທຸກຄົນມີລາຍໄດ້ສະເລ່ຍຢ່າງເທົ່າທຽມກັນ ໃນທົ່ວປະເທດແຕ່ຢ່າງໃດ.

ທ່ານເຈືອງ ສົມບູນຂັນ ຫົວໜ້າຄະນະໂຄສະນາອົບຮົມສູນກາງ ພັກປະຊາຊົນປະຕິວັດລາວ
ທ່ານເຈືອງ ສົມບູນຂັນ ຫົວໜ້າຄະນະໂຄສະນາອົບຮົມສູນກາງ ພັກປະຊາຊົນປະຕິວັດລາວ

ທັງນີ້ກໍເນື່ອງຈາກວ່າ
ການຄິດສະເລ່ຍລາຍ
ໄດ້ຂອງປະຊາຊົນຈາກ
ມູນຄ່າຜະລິດຕະພັນ
ລວມພາຍໃນປະເທດ
(GDP) ນັ້ນ ຖືເປັນພຽງ
ການຄິດໄລ່ສະເລ່ຍຕາມ
ຫລັກການທາງດ້ານເສດ
ຖະກິດເທົ່ານັ້ນ ຫາກແຕ່
ວ່າໃນຄວາມເປັນຈິງແລ້ວ
ຍ່ອມບໍ່ສາມາດເປັນໄປ
ໄດ້ ເພາະວ່າ ໃນທຸກສັງ
ຄົມແລ້ວ ຍ່ອມມີຄວາມແຕກໂຕນກັນໃນດ້ານລາຍໄດ້ ແລະສະພາບຊີວິດການເປັນຢູ່ ໂດຍສະເພາະແມ່ນລະຫວ່າງປະຊາຊົນທີ່ຢູ່ໃນເຂດຕົວເມືອງກັບເຂດຊົນນະບົດນັ້ນ ກໍຍັງມີຄວາມແຕກໂຕນກັນຫລາຍຂຶ້ນນັບມື້ອີກດ້ວຍ.

ຍິ່ງໄປກວ່ານັ້ນ ເນື່ອງຈາກວ່າມູນຄ່າ GDP ໃນລາວ ທີ່ເປັນຈິງນັ້ນ ກໍຍັງລວມເຖິງຜົນ ປະໂຫຍດຂອງນັກລົງທຶນຊາວຕ່າງປະເທດໃນລາວອີກດ້ວຍ ເພາະສະນັ້ນ ຈຶ່ງເປັນເລື້ອງ
ທໍາມະດາ ທີ່ນັກລົງທຶນເຫລົ່ານີ້ຈະຕ້ອງໂອນຜົນປະໂຫຍດເຫລົ່ານັ້ນ ກັບຄືນໄປປະເທດ
ຂອງພວກເຂົາເຈົ້າ ຊຶ່ງກໍຈະສົ່ງຜົນກະທົບຕໍ່ການສະເລ່ຍລາຍໄດ້ຂອງປະຊາຊົນລາວຈາກ
ມູນຄ່າ GDP ອີກດ້ວຍນັ້ນເອງ ດັ່ງທີ່ທ່ານເຈືອງໄດ້ຊີ້ແຈງວ່າ:

“ເຖິງວ່າເຮົາສິເອົາລວມຍອດມູນຄ່າມາແບ່ງສະເລ່ຍໃຫ້ແຕ່ລະຄົນໆ ຫັ້ນນະ
ມັນເພີ້ມຂຶ້ນສູງແທ້ ແຕ່ວ່າ ການກະຈາຍຕົວຈິງຂອງລາຍໄດ້ ຈາກລວມຍອດ
ມູນຄ່າອັນນີ້ ນຶ່ງຫັ້ນພວກລົງທຶນເຂົາເອົາກັບຄືນເມືອປະເທດເຂົາ ສ່ວນນຶ່ງແລ້ວ
ທີ່ເປັນຜົນກໍາໄລຂອງເຂົາ ອັນສອງມາເຮົາກໍເອົາມາເຂົ້າໃນຄັງເງິນລວມຂອງຊາດ
ຖົງເງິນໃຫຍ່ ຢູ່ໃນການເງິນນີ້ໝົດ ສ່ວນວ່າປະຊາຊົນຕົວຈິງເຂົາເຈົ້າບໍ່ໄດ້ຈາກ
ຕົວນີ້ເດ໋ະ.”

ທ່ານ ສຸກັນ ມະຫາລາດ ເຈົ້າຄອງນະຄອນຫຼວງ ວຽງຈັນ
ທ່ານ ສຸກັນ ມະຫາລາດ ເຈົ້າຄອງນະຄອນຫຼວງ ວຽງຈັນ

ກ່ອນໜ້ານີ້ ທ່ານ ສຸກັນ ມະຫາລາດ
ເຈົ້າຄອງນະຄອນຫຼວງວຽງຈັນໄດ້ຄາດ
ໝາຍວ່າ ຖ້າຫາກ ນະຄອນວຽງຈັນ
ສາມາດຮັກສາລະດັບການເຕີບໂຕ
ຂອງຍອດຜະລິດຕະພັນລວມພາຍໃນ
(GDP) ໄດ້ໃນອັດຕາສະເລ່ຍທີ່ບໍ່ຕໍ່າ
ກວ່າ 12% ຕໍ່ປີຢ່າງຕໍ່ເນື່ອງກໍຈະເຮັດ
ໃຫ້ມູນຄ່າຂອງ GDP ໃນປີ 2015
ສາມາດວັດສະເລ່ຍເປັນລາຍໄດ້ຂອງ
ປະຊາກອນລາວ ໃນເຂດນະຄອນຫຼວງ
ວຽງຈັນໄດ້ເຖິງ 4,000 ໂດລາຕໍ່ຄົນຕໍ່ປີ.

 

ສໍາລັບໃນໄລຍະຈາກປີ 2006-2010 ນັ້ນ GDP ຂອງນະຄອນຫຼວງວຽງຈັນໄດ້ຂະຫຍາຍ
ຕົວເພີ່ມຂຶ້ນໃນອັດຕາສະເລ່ຍເຖິງ 12.1% ຕໍ່ປີ ຈຶ່ງເຮັດໃຫ້ທ່ານ ສຸກັນ ເຊື່ອໝັ້ນວ່າ ໃນ ຕະຫຼອດໄລຍະນັບຈາກປີ 2011-2015 ນັ້ນ GDP ຂອງນະຄອນຫຼວງວຽງຈັນ ກໍຈະຍັງມີ ການຂະຫຍາຍຕົວເພີ່ມຂຶ້ນຕໍ່ໄປໃນອັດຕາສະເລ່ຍບໍ່ຕໍ່າກວ່າ 12% ຕໍ່ປີດັ່ງກ່າວ ໃນຂະນະ
ດຽວກັນ ລາຍໄດ້ສະເລ່ຍຂອງປະຊາຊົນໃນເຂດນະຄອນຫຼວງວຽງຈັນໃນປີ 2015 ກໍຍັງຈະ ເພີ່ມຂຶ້ນຈາກລະດັບໃນປັດຈຸບັນນີ້ ເກີນກວ່າ 2 ເທົ່າອີກດ້ວຍ.

ທັງນີ້ໂດຍໂຄງປະກອບທາງເສດຖະກິດຂອງນະຄອນຫຼວງວຽງຈັນນັ້ນ ພາກກະສິກໍາ-
ປ່າໄມ້ກວາມເອົາ 19% ພາກອຸດສາຫະກໍາ ແລະກໍ່ສ້າງ 43% ແລະພາກບໍລິການ
38% ຂອງມູນຄ່າ GDP.

ທາງດ້ານເຈົ້າໜ້າທີ່ໃນຄະນະຊີ້ນໍາການພັດທະນາຊົນນະບົດ ແລະລົບລ້າງຄວາມທຸກ
ຍາກແຫ່ງຊາດລາວ ກໍຍອມຮັບວ່າ ລະດັບການພັດທະນາທາງເສດຖະກິດຂອງນະຄອນ
ຫຼວງວຽງຈັນ ມີຄວາມແຕກໂຕນກັນກັບຕ່າງແຂວງຫຼາຍຂຶ້ນນັບມື້ ຊຶ່ງຈະເຫັນໄດ້ຢ່າງ
ຊັດເຈນ ຈາກລະດັບການພັດທະນາທາງເສດຖະກິດຂອງແຂວງຫົວພັນ ທີ່ໃນປັດຈຸບັນນີ້
ຍັງມີປະຊາຊົນເຖິງ 43% ຂອງຈໍານວນ 45,573 ຄອບຄົວ ໃນທົ່ວແຂວງນັ້ນ ຍັງມີຄວາມ
ເປັນຢູ່ທີ່ທຸກຍາກຢ່າງຍິ່ງ.

ປະເທດລາວຊຶ່ງມີຄວາມແຕກໂຕນ ກັນໃນການພັດທະນາລະຫວ່າງ ນະຄອນວຽງຈັນກັບແຂວງຕ່າງໆ
ປະເທດລາວຊຶ່ງມີຄວາມແຕກໂຕນ ກັນໃນການພັດທະນາລະຫວ່າງ ນະຄອນວຽງຈັນກັບແຂວງຕ່າງໆ

ທັງນີ້ ໂດຍສະເພາະແມ່ນປະຊາຊົນໃນເຂດເມືອງວຽງ
ໄຊນັ້ນຍັງມີລາຍໄດ້ສະເລ່ຍພຽງແຕ່ 325 ໂດລາຕໍ່ຄົນ
ເທົ່ານັ້ນ. ຈາກການຄາດໝາຍກ່ຽວກັບ ລາຍໄດ້ສະ
ເລ່ຍຂອງປະຊາຊົນໃນເຂດນະຄອນວຽງຈັນ ກັບປະ
ຊາຊົນລາວໃນແຂວງຫົວພັນ ດັ່ງກ່າວ ຈຶ່ງຖືເປັນຕົວ
ຢ່າງທີ່ສະທ້ອນໃຫ້ເຫັນເຖິງຄວາມແຕກໂຕນກັນ
ທີ່ຫລາຍຂຶ້ນຂອງລະດັບລາຍໄດ້ສະເລ່ຍຂອງປະຊາ
ຊົນລາວໃນເຂດຕົວເມືອງ ແລະເຂດຊົນນະບົດໄດ້
ຢ່າງຈະແຈ້ງນັ້ນເອງ.

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 2 ໜ້າຄວາມເຫັນ
    ຕໍ່ໄປ 
ໂດຍ: ອົດທົນເບີ່ງ
17.06.2012 06:17
ແຕ່ກະຕ້ອງທົນເບີ່ງທົນຟັງ.. ບໍ່ສາມາດອອກຄຳເຫັນໄດ້ຫລາຍ, ໝົດຫວັງ..

ໂດຍ: dekzaa
16.06.2012 22:28
ka yon wa kin kun eng hun lea hou u kea jai Stupid GOV << Proud to
be Lao but hate GOV so bad!! Never help us just keep money never
share money!! You always need other peoples help us u GOV. never
never.. OMG it real .... Don't get mad cause... i'm son of Laos..
we know what u do ...

ໂດຍ: จิงโจ้
10.06.2012 16:17
จิงใจหลืจอมปลอมเอามาจากไหนคำพูดแบบไม้ดี

ໂດຍ: ຈິງໃຈ
09.06.2012 11:10
ບັນດາທ່ານເອີຍ, ຄວາມບໍ່ເທົ່າທຽມກັນທາງດ້ານເສດຖະກິດ ມັນມີທຸກປະເທດ ບໍ່ແມ່ນສະເພາະແຕ່ປະເທດລາວ. ໄປອ່ານທິດສະດີ modernizaton theory ເບິ່ງເດີ ກ່ອນຊິມາດ່າກັນ. ຊັ້ນໃຫ້ທຸກຄົນທຸກກັນທັງປະເທດຫວາ ຈຶ່ງຈະດີໃຈ.

ໂດຍ: ທ້າພິສູດ
09.06.2012 09:49
ປະຈຸບັນການລັກລອບ,ຊື້ຂາຍໄມ້ແບບຜິດກົດຫມາຍໃນຂອບທົ່ວປະເທດຍັງມີຢ່າງຫລວງ
ຫລາຍ ເປັນຕົ້ນແມ່ນແຂວງສະຫວັນະນເຂດ,ບັນດາໂຣງງານໄມ້ຕ່າງໆໄດ້ພາກັນເກັບຊື້
ໄມ້ເຖື່ອນທີ່ເລື່ອຍດ້ວຍຈັກເລື່ອຍສະຕິນມາໂຮມໄວ້ໃນໂຮງງານເພື່ອສົ່ງອອກໄປຍັງຫວຽດ
ນາມມີຈຳນວນຫລາຍທີ່ສຸດ ແຕ່ເຈົ້າຫນ້າທີ່ປ່າໄມ້ກໍ່ຄືລັດຖະບານ,ແຕ່ກະຊວງຈົນຣອດແຂວງ
ແລະເມືອງບໍ່ໄດ້ສະກັດກັ້ນຫລືປາບປາມຫຍັງເລີຍ,ກົງກັນຂ້າມພັດຮ່ວມມືແລະປົກປ້ອງ
ໃຫ້ເຂົາກະທຳຢ່າງເສລີຈົນກາຍເປັນບ້ານເມືອງເຖື່ອນແລ້ວ,ໃຜຈະມາກວດກາກໍ່ເອົາແຕ່ເງິນ

ໂດຍ: ສະຫງວນ
07.06.2012 04:50
ຈັກຊິເວົ້າເຮັດຫຍັງ ໃຜຈັ່ງຊິບໍ່ຮູ້, ເຮັດແນວໃດມັນຈື່ງຊິເທົ່າທຽມກັນຈັກເທື່ອ ແນວວ່າໄຫໃຫຍ່ລົ້ນ ໄຫນ້ອຍບໍ່ເຕັມ ສຸພາສິດບູຮານລາວກໍ່ເຄີຍສັ່ງສອນໄວ້ແລ້ວ. ແລ້ວຈະແກ້ໄຂແນວໃດ? ໃຜເປັນຜູ້ແກ້?

ໂດຍ: Khammone
05.06.2012 15:08
GDP ເພີ້ມຂຶ້ນຫຼາຍແທ້ ໂດຍສະເພາະແມ່ນເຈົ້ານາຍລາວ ແລະ ພະນັກງານ ການເງິນ
ພາສີ ພະນັກງານປ່າໄມ້ ຕຳລວດທາງຫຼວງ ຖ້າເບີ່ງ ຄອບຄົວ ລູກເຕົ້າ ເພີ່ນຢູ່ເພີ່ນກິນ
ມີລົດ ລາຄາແພງໆ ມີທັງປ້າຍເຫຼືອງ ປ້າຍຂຽວ ໃວ້ຮັບໃຊ້ໃນຄອບຄົວ ແຕກຕ່າງ ກັບລູກ
ນາຍຄູ ລູກພໍ່ໄຮ່ ພໍ່ນາ ພະນັກງານບໍລິຫານອື່ນໆ ສັງກັດລັດ

ໂດຍ: ຄົນທຳມະດາສາມັນ
03.06.2012 10:01
ຄວາມຄິດເຫັນເພື່ອສ້າງສັນແມ່ນດີທີ່ສຸດ,ຈະຖືກຫລືຜິດສັງຄົມຈະເປັນຜູ້ຕັດສິນ
ຂໍຂອບໃຈ

ໂດຍ: ປະຊາຊົນລາວ
02.06.2012 05:32
ຜູ້ທີ່ຕຳນິຕິຕຽນເຮົາສ່ວນໃຫຍ່ແມ່ນເຂົາປາດຖະຫນາດີ,ຜູ້ທີ່ຍ້ອງຍໍເຮົາຢູ່ຕະຫລອດ
ບໍ່ແມ່ນເຂົາຈະຫວັງດີນຳເຮົາຫມົດ,ເຂົາອາດຫວັງໃຊ້ເຮົາໃຫ້ປະໂຫຍດນຳເຮົາກໍ່ເປັນໄດ້

ໂດຍ: ນັກທຸລະກິດ
01.06.2012 10:26
ຄວາມສະເຫມີພາບແລະຄວາມຍຸດຕິທຳໃນສັງຄົມຫາກປະຕິບັດບໍ່ໄດ້ຈະເຣັດຫຍັງກໍ່ມີ
ບັນຫາຄວາມສະເຫມີແລະຄວາມຍຸດຄິທຳໃນສັງຄົມຫາກປະຕິບັດໄດ້ດີແລ້ວຈະເຮັດ
ຫຍັງກໍ່ຈະສຳເລັດແລະຈະເລີນກ້າວຫນ້າ,
ໜ້າ ໃນ 2 ໜ້າຄວາມເຫັນ
    ຕໍ່ໄປ 
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ປະຫວັດຄວາມເປັນມາ ຂອງເຊື້ອໄວຣັສ ອີໂບລາi
X
18.12.2014
ເຊື້ອ​ອີ​ໂບລາ ​ໄດ້​ຖືກ​ຄົ້ນພົບໃນຊຸມ​ປີ 1970 ຢູ່​ບ້ານ​ນ້ອຍໆໃນສາທາ ລະນະ​ລັດ ປະຊາ​ທິປະ​ໄຕຄອງ​ໂກ. ຮວມຢູ່ໃນ​ບັນດານັກ​ຄົ້ນຄວ້າ ທີ່ໄດ້ພາກັນຜະ​ຈົນ​ໄພ ເຂົ້າໄປຮຽນ​ຮູ້​ເພີ້​ມ​ເຕີມ ກໍ​ມີ David Heymann ຈາກສະຫະລັດ ສາ​ສະ​ດາ​ຈານຝ່າຍລະບາດວິທະຍາ ທີ່ສະຖາ​ບັນ​ອະນາໄມ ​ແລະ​ການແພດເຂດ​ຮ້ອນ ທີ່ລອນດອນ.

ຂ່າວຫລ້າສຸດ

ສຽງ ລັດຖະບານໄທ ອະນຸມັດ ໂຄງການກໍ່ສ້າງ ທາງລົດໄຟ ເຊື່ອມຕໍ່ ກັບລາວ ຜ່ານໄປເຖິງຈີນ

ຄະນະ​ລັດຖະບານ​ໄທ ​ໄດ້​ອະ​ນຸມັດ​ໂຄງການ​ ກໍ່​ສ້າງ​ທາງ​ລົດ​ໄຟ ເພື່ອ​ເຊື່​ອມຕໍ່​ກັບ​ລາວ​ໄປ​ຈີນ​ ຢ່າງ​ເປັນ​ທາງ​ການ​ແລະ​ຄາດວ່າ​ ຈະ​ສາມາດ​ຕົກລົງ​ຮ່ວມ​ມື ​ກັບ​ລັດຖະບານ​ຈີນ​ໄດ້.
ອ່ານຕື່ມ

ສຽງ UNODC ກ່າວວ່າ ການຜະລິດຝິ່ນ ໃນ ລາວ ແລະມຽນມາ ຄົງໂຕ ຢູ່ໃນລະດັບ ປະມານເທົ່າເດີມ

ບັນດາເຈົ້າໜ້າທີ່ ກ່າວວ່າ ເຖິງແມ່ນການຜະລິດຝິ່ນ ໃນພາກພື້ນ ປ່ຽນແປງພຽງເລັກນ້ອຍ ໃນປີກາຍນີ້ ກໍຕາມ ແຕ່ຄວາມຮຽກຮ້ອງຕ້ອງການ ກໍຍັງມີຢູ່ ໂດຍສະເພາະ ຈາກພວກຊົມໃຊ້ຝິ່ນໃນຈີນ.
ອ່ານຕື່ມ

ສຽງ ບົດຮຽນພາສາອັງກິດ GoEnglish.Me: Music, Part 1 - Beginner

ມື້​ນີ້ ​ເຮົາ​ຈະ​ພາ​ທ່ານຮຽນ ຄໍາ​ສັບ​ໃນ​ລະດັບ​ເລີ້ມ​ຕົ້ນ ສໍາລັບ​ເວົ້າ​ລົມ​ກ່ຽວ​ກັບ​ເລື້ອງ​ດົນຕີ ໂດຍຈະພາທ່ານໄປຟັງ ເພື່ອນນັກສຶກສາ ສອງຄົນ ລົມກັນ ເລື້ອງລົດສະນິຍົມ ດ້ານດົນຕີຂອງເຂົາເຈົ້າ.
ອ່ານຕື່ມ

Multimedia ປາກິສຖານ ໂຈມຕີ ພວກຫົວຮຸນແຮງ ເພື່ອຕອບໂຕ້ ຕໍ່ການ ສັງຫານໝູ່ ຢູ່ໂຮງຮຽນຫລວງ

​ເຈົ້າ​ໜ້າ​ທີ່ປາ​ກິ​ສຖານ ກ່າວ​ວ່າ ​ເຮືອ​ບິນ​ລົບ ແລະ​ກຳລັງ​ພາກ​ພື້ນດິນ ​ໄດ້​ສັງຫານ ​ພວກ​ຫົວ​ຮຸນ​ແຮງ 58 ຄົນ ເພື່ອຕອບໂຕ້ ຕໍ່ການສັງຫານໝູ່ ຂອງພວກ​ Taliban.
ອ່ານຕື່ມ

ວີດີໂອ ປາກິສຖານ ຈະຂໍອຸທອນ ຕໍ່ການປະກັນໂຕ ຜູ້ຕ້ອງສົງໄສ ໃນການໂຈມຕີ ທີ່ເມືອງມູມໄບ

​ໄອ​ຍະ​ການ​ພິ​ເສດ​ຂອງປາກິສຖານ ຈະ​ຂໍ​ອຸທອນ​ໄປ​ຍັງ​ສານ​ສູງ ​ເພື່ອ​ໃຫ້​ຍົກ​ເລີກ​ ການ​ປະກັນ​ໂຕ​ ທີ່​ໄດ້​ອະ​ນຸຍາດ​ໃຫ້​ແກ່ ທ້າວ Zaki-ur-RahmanLakhvi ໄປແລ້ວນັ້ນ.
ອ່ານຕື່ມ
ຕື່ມອີກ
Merry Christmas and Happy New Year from VOAi
X
19.12.2014