ຂ່າວ

ລາວຈະຂຶ້ນເງິນເດືອນ ໃຫ້ຄູເປັນພິເສດ ເພື່ອດຶງດູດເອົາ ຄົນມີຄວາມຮູ້

ລັດຖະບານລາວອານຸມັດແຜນການ ເພີ່ມເງິນເດືອນໃຫ້ກັບນາຍຄູ-ອາຈານ ໃນທົ່ວປະເທດ ເປັນກໍລະນີພິເສດ ເພື່ອເປັນການດຶງດູດບັນດາຜູ້ທີ່ມີຄວາມຮູ້ ຄວາມສາມາດ ໃຫ້ຫັນມາ ປະກອບອາຊີບຄູ-ອາຈານ ຫຼາຍຂຶ້ນ.

ການມອບລາງວັນຄູດີເດັ່ນໃນກໍາແພງນະຄອນວຽງຈັນ ປະຈໍາປີ 2011 ທີ່ຜ່ານມາ
ການມອບລາງວັນຄູດີເດັ່ນໃນກໍາແພງນະຄອນວຽງຈັນ ປະຈໍາປີ 2011 ທີ່ຜ່ານມາ

ມຸນທີມີເດຍ

ສຽງ
  • ລາວຈະຂຶ້ນເງິນເດືອນ ໃຫ້ຄູເປັນພິເສດ ເພື່ອດຶງດູດເອົາ ຄົນມີຄວາມຮູ້

ຊົງຣິດ ໂພນເງິນ

 

ສໍານັກງານນາຍົກລັດຖະມົນຕີລາວລາຍງານວ່າ ກອງປະຊຸມສາມັນຂອງຄະນະລັດ
ຖະບານລາວ ໄດ້ມີມະຕິຮັບຮອງເອົາແຜນການປັບຂຶ້ນອັດຕາເງິນເດືອນ ໃຫ້ກັບຄູ
ແລະອາຈານໃນທົ່ວປະເທດ ເມື່ອທ້າຍເດືອນເມສາທີ່ຜ່ານມາ ໂດຍນອກຈາກຈະມີ
ເປົ້າໝາຍເພື່ອຍົກລະດັບຄຸນນະພາບຊີວິດການເປັນຢູ່ຂອງຄູ-ອາຈານ ແລະຄອບຄົວ
ໃຫ້ດີຂຶ້ນແລ້ວ ກໍ່ຍັງແນ່ໃສ່ການດຶງດູດຜູ້ທີ່ມີຄວາມຮູ້ຄວາມສາມາດ ໃຫ້ຫັນມາປະ
ກອບອາຊີບເປັນຄູ-ອາຈານໃຫ້ຫຼາຍຂຶ້ນ ແລະເພື່ອໃຫ້ພຽງພໍກັບຄວາມຕ້ອງການ ທີ່ເປັນຈິງຂອງການປະຕິຮູບການສຶກສາໄລຍະທີ 2 ຂອງລາວ ຈາກປັດຈຸບັນ ໄປຈົນ
ເຖິງປີ 2015 ອີກດ້ວຍ.

ການປັບຂຶ້ນອັດຕາເງິນເດືອນໃຫ້ກັບຄູ-ອາຈານໃນທົ່ວປະເທດລາວ ຕາມແຜນການ
ດັ່ງກ່າວນີ້ ຖືເປັນການປັບຂຶ້ນເປັນກໍລະນີພິເສດ ຕາມລະດັບທາງດ້ານວິຊາການ
ວິຊາສະເພາະແລະລະດັບຂອງສະຖານສຶກສາ ຮວມໄປເຖິງພື້ນທີ່ ທີ່ຕັ້ງຂອງສະຖານ
ສຶກສາ ທີ່ຄູ-ອາຈານໄດ້ທໍາການສອນຢູ່ເປັນສໍາຄັນ ກໍ່ຄືການປັບຂຶ້ນໃນອັດຕາ 10%
ຂອງເງິນເດືອນສໍາລັບຄູ-ອາຈານ ທີ່ປະຈໍາສະຖານສຶກສາລະດັບວິຊາຊີບຊັ້ນສູງ,
ວິທະຍາໄລ ແລະມະຫາວິທະຍາໄລຕ່າງໆ ຂອງລັດຖະບານ.

ກອງປະຊຸມຈັດຂຶ້ນໃນໂອກາດວັນຄູແຫ່ງຊາດໃນ ວັນທີ 7 ຕຸລາ ປີ 2011
ກອງປະຊຸມຈັດຂຶ້ນໃນໂອກາດວັນຄູແຫ່ງຊາດໃນ ວັນທີ 7 ຕຸລາ ປີ 2011

ສ່ວນຄູ-ອາຈານ ປະຈໍາສະ
ຖານສຶກສາວິຊາສະເພາະ
ຊັ້ນສູງເຊັ່ນ ແພດ, ພະຍາ
ບານ ແລະສາທາລະນະສຸກ
ເປັນຕົ້ນນັ້ນ ກໍ່ຈະໄດ້ປັບຂຶ້ນ
ເງິນເດືອນໃນອັດຕາ 15%
ໃນຂະນະທີ່ຄູ-ອາຈານ ທີ່
ໂຮງຮຽນມັດທະຍົມ ແລະ
ໂຮງຮຽນອານຸບານ ເຖິງ
ຂັ້ນປະຖົມນັ້ນ ກໍຈະໄດ້ຮັບ
ການປັບຂຶ້ນ 20% ແລະ
25% ຕາມລໍາດັບ. ທາງດ້ານຄູ-ອາຈານທີ່ປະຈໍາຢູ່ໂຮງຮຽນໃນເຂດຊົນນະບົດ ກໍຍັງຈະ
ໄດ້ຮັບເງິນອຸດໜູນພິເສດເພີ້ມຕື່ມອີກດ້ວຍ.

ແຕ່ຢ່າງໃດກໍ່ຕາມ ການທີ່ຄູ-ອາຈານໃນລາວມີເງິນເດືອນຕໍ່າຫຼາຍນັ້ນ ກໍບໍ່ແມ່ນບັນຫາ ພຽງຢ່າງດຽວຂອງການປະຕິຮູບການສຶກສາໃນລາວ ຫາກແຕ່ຍັງລວມໄປເຖິງບັນຫາ ຂາດແຄນທາງດ້ານງົບປະມານ ຂອງລັດຖະບານລາວອີກດ້ວຍ ທີ່ເຮັດໃຫ້ບໍ່ສາມາດ ຕອບສະໜອງຄູ-ອາຈານໄດ້ຢ່າງພຽງພໍ.

ຊຶ່ງໃນກໍລະນີດຽວກັນນີ້ ທ່ານລີຕູ ບົວປາວ ລັດຖະມົນຕີຊ່ວຍວ່າການກະຊວງສຶກສາ
ກໍ່ໄດ້ຖະແຫຼງຍອມຮັບວ່າ ໃນສົກຮຽນປະຈໍາປີ 2011-2012 ຄະນະລັດຖະບານລາວ ກໍໄດ້ອານຸມັດໃຫ້ເພີ່ມຈໍານວນຄູໃໝ່ໄດ້ເຖິງ 9,600 ຄົນ ຫາກແຕ່ກໍມີຄູພຽງສ່ວນນ້ອຍ
ທີ່ໄດ້ສະມັກໃຈໄປປະຈໍາຢູ່ໂຮງຮຽນໃນເຂດຊົນນະບົດ ຈຶ່ງເຮັດໃຫ້ໂຮງຮຽນທີ່ຢູ່ໃນຊົນ
ນະບົດຂອງລາວນັ້ນ ຍັງຄົງຕ້ອງປະເຊີນກັບບັນຫາຂາດແຄນບຸກຄະລາກອນຄູຕໍ່ໄປ.

ໂຮງຮຽນມັດທະຍົມຕອນຕົ້ນ ບ້ານເມືອງຄັງ ທີ່ຫາກໍສ້າງຂຶ້ນໃໝ່
ໂຮງຮຽນມັດທະຍົມຕອນຕົ້ນ ບ້ານເມືອງຄັງ ທີ່ຫາກໍສ້າງຂຶ້ນໃໝ່

ສາເຫດທີ່ຄູສ່ວນໃຫຍ່ບໍ່
ຢາກໄປປະຈໍາຢູ່ໂຮງຮຽນ
ໃນເຂດຊົນນະບົດນັ້ນ ກໍ
ເພາະວ່າ ບໍ່ຢາກໃຊ້ຊີວິດ
ຢ່າງຍາກລໍາບາກ ແລະທີ່
ສໍາຄັນອີກປະການນຶ່ງກໍຄື
ຄູໃນເຂດຊົນນະບົດຍັງໄດ້
ຮັບເງິນເດືອນບໍ່ຕົງຕາມ
ກໍາໜົດເວລາອີກດ້ວຍ. ໃນ
ຂະນະທີ່ຄູໃນເຂດຕົວເມືອງ
ນັ້ນ ມີທັງຄວາມສະດວກ
ສະບາຍໃນການໃຊ້ຊີວິດ
ແລະໄດ້ຮັບເງິນເດືອນຕາມກໍານົດເວລາ ໂດຍຜ່ານລະບົບທະນາຄານອີກດ້ວຍ ຊຶ່ງດ້ວຍ
ສະພາບການທີ່ເປັນຢູ່ນີ້ ຈຶ່ງເຮັດໃຫ້ເຂດຕົວເມືອງມີຈໍານວນຄູເກີນລະດັບຄວາມຕ້ອງ
ການ ໃນຂະນະທີ່ຄູແຕ່ລະຄົນ ທີ່ຢູ່ເຂດຊົນນະບົດນັ້ນກັບຕ້ອງຮັບພາລະໃນການສອນ
ນັກຮຽນເຖິງ 70 ຄົນ ຫຼື 2 ຫ້ອງຮຽນເປັນຢ່າງໜ້ອຍ.

ໂຮງຮຽນໃນເຂດຊົນນະບົດແຫ່ງນຶ່ງ ທີ່ລາວ
ໂຮງຮຽນໃນເຂດຊົນນະບົດແຫ່ງນຶ່ງ ທີ່ລາວ

ນອກຈາກນັ້ນ ກໍ່ຍັງປາກົດອີກດ້ວຍວ່າ
ໂຮງຮຽນໃນເຂດຊົນນະບົດໄດ້ຮັບໂກ
ຕາໃນການເພີ່ມຈໍານວນຄູ ທີ່ຕໍ່າກວ່າ
ລະດັບຄວາມຕ້ອງການທີ່ເປັນຈິງ ດັ່ງ
ທີ່ເຈົ້າໜ້າທີ່ຜະແນກສຶກສາໃນແຂວງ
ຄໍາມ່ວນ ໄດ້ໃຫ້ການອະທິບາຍເຖິງ
ສະພາບການດັ່ງກ່າວວ່າ:

ຕົວເລກຂອງກະຊວງ ຫຼືຂອງແຂວງ
ໃຫ້ເຮົາຫັ້ນນະ ມັນບໍ່ໄດ້ຕາມຄວາມ
ຕ້ອງການ ສົມມຸດວ່າເຮົາຕ້ອງການຊາວຄົນ ສິໄປຍົກລະດັບໃນປີນີ້ ແຕ່ວ່າເພິ່ນ
ປ່ອຍມາໃຫ້ເຮົາຜັດຫ້າ ຫົກຕົວເລກ ແຕ່ມັນຈົບມາແຕ່ລະລຸ້ນຫັ້ນ ບໍ່ພຽງພໍຕາມ
ຄວາມຕ້ອງການ.”

ທັງນີ້ ໃນປັດຈຸບັນໃນທົ່ວປະເທດລາວ ມີຈໍານວນຄູທັງໝົດຫຼາຍກວ່າ 63,000 ຄົນ ຊຶ່ງ
ໃນນີ້ກໍມີຢູ່ປະມານ 37,000 ຄົນ ທີ່ເປັນຄູໃນໂຮງຮຽນຂອງລັດຖະບານ ສ່ວນທີ່ເຫຼືອກໍ່ເປັນ ຄູຕາມສະຖານສຶກສາຂອງພາກເອກະຊົນ ແລະສ່ວນໃຫຍ່ກໍຄືບັນດາຄູ ທີ່ບໍ່ຍອມໄປປະຈໍາ
ຢູ່ໂຮງຮຽນຂອງລັດຖະບານ ໃນເຂດຊົນນະບົດນັ້ນເອງ.

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 3 ໜ້າຄວາມເຫັນ
    ຕໍ່ໄປ 
ໂດຍ: ຂີ້ຕົວະ
01.06.2012 18:49
ຕົວະໃຫ້ຄູຈົນໆ ດີໃຈອີກແລ້ວ ລຖບລ.................

ໂດຍ: love laos
30.05.2012 06:13
hope to be success , i think is will be the good news for teacher as teacher is being typing of laos national but salary too low ...

ໂດຍ: ຄູລາວ
26.05.2012 17:51
ຂ້າພະເຈົ້າກໍ່ເຄີຍເປັນຄູສອນ ແລະ ກໍ່ເຄີຍລົງໄປເຮັດວຽກດ້ານການພັດທະນາເພື່ອແກ້
ໄຂຄວາມທຸກຍາກຢູ່ຊົນນະບົດທີ່ສອກຫລີກ ຫ່າງໄກຄວາມຈະເລີນ. ກໍ່ໜ້າເຫັນໃຈທຸກ
ຄົນທີ່ເປັນຄູ ຈະອີງອາໄສເງີນເດືອນເພື່ອລ້ຽງຊີບແມ່ນບໍ່ໄດ້, ທຸກຄົນທີ່ເປັນຄູແມ່ນເຮັດ
ດ້ວຍຄວາມຮັກໃນອາຊີບຂອງຕົນ. ຂ້າພະເຈົ້າເຫັນປະເທດໃກ້ຄຽງເຂົາປະຕິບັດນະໂຍ
ບາຍຕໍ່ຄູຊົນນະບົດ ແມ່ນດີຫລາຍຄື: ໃຫ້ເງີນເດືອນສູງກວ່າຜູ້ຢູ່ໃນຕົວເມືອງ, ຫລັງຈາກ
ໝົດກຳນົດປະຈຳການ ກັບຄືນມາກໍ່ມີການເລື່ອນຊັ້ນໃຫ້ກັນ ຈັດບ່ອນປະຈຳການໃໝ່
ໃຫ້ຕາມຄວາມຕ້ອງການ ຄວນເອົາບົດຮຽນເຂົາມາໃຊ້ແດ່ບໍ່?

ໂດຍ: ຫລານ ທ່ານຜຼ້ນຳລາວ
25.05.2012 04:19
ລັດຖະບານລາວອານຸມັດແຜນການ ເພີ່ມເງິນເດືອນໃຫ້ກັບນາຍຄູ-ອາຈານ ໃນທົ່ວປະເທດ ເປັນກໍລະນີພິເສດ ເພື່ອເປັນການດຶງດູດບັນດາຜູ້ທີ່ມີຄວາມຮູ້ ຄວາມສາມາດ ໃຫ້ຫັນມາ ປະກອບອາຊີບຄູ-ອາຈານ ຫຼາຍຂຶ້ນ.ແລ້ວຈະປະຕິບັດໄດ້ແທ້ບໍ ?.ໃນເດືອນໃດ ? ປີໃດ ?
ຫຼື ໃນສົກຮຽນ 2012 -2013 ຫຼື 2020 ?

ໂດຍ: ຄູຈົນ
24.05.2012 18:13
ຂໍສົ່ງຂໍ້ຄວາມໃຫ້ Admin ຈົ່ງປ່ອຍທຸກຂໍ້ຄວາມ, ທຸກຄຳເຫັນຂອງທຸກຄົນອອກສູ່ໜ້າ
web,ຈັ່ງໃດກໍ່ມີປະໂຫຍດທັງນັ້ນ. VOA: ເອົາອອກໃຫ້ຢູ່ແລ້ວ ຖ້າເປັນຄວາມເຫັນໃນ
ທາງ ສ້າງສັນ. ແຕ່ບາງເທື່ອ ບໍ່ມີເວລາເຂົ້າມາ approve ຄວາມເຫັນທີ່ຄ້າງຢູ່ 2-3 ມື້ ຖ້າມີຄວາມເຫັນເຂົ້າມາຫລາຍໂພດ.

ໂດຍ: ຄູຈົນ
24.05.2012 18:09
ໃບຍ້ອງຍໍນັ້ນກິນບໍ່ໄດ້ດ໊ອກ

ໂດຍ: ຄູຈົນ
24.05.2012 18:06
ຂ້່າພະເຈົ້າເປັນໜຶ່ງໃນ..ຄູລັດຖະກອນຂອງມະຫາວິທະຍາໄລ,ເຊິ່ງກຳລັງປະສົບກັບສັດຕູ ແຫ່ງຄວາມທໍ້ຖອຍ,ບໍ່ຣູ້ຈະຕັດສິນໃຈຢ່າງໃດ,ບັນຫາເສດຖະກິດທີ່ເຄີຍ ເວົ້າກັນທຸກມື້ນັ້ນລະ...

ໂດຍ: Your co-worker
21.05.2012 18:00
Thao Choummaly, don't lie Okey, education is the key to kill you, if you don't smart or bad education, but is the key of our country to out of poverty too. If you promised it, you need to provided it, no more propaganda man...!

ໂດຍ: LAONOR
21.05.2012 14:38
I TEACH LAO STUDENT FREE,I D'ONT NEED MONEY BUT VIET CONG MUST GO HOME

ໂດຍ: ທ ຈັນທະລີ ທີມະຫາວິທະຍາໄລ ສຸພານຸວົງ
20.05.2012 06:11
ຕໍ່ກັບສາເຫດນີ້ ຂ້າພະເຈົ້າ ຂໍຄຳເຫັນວ່າ ຍ້ອນ ຜູ້ເຂົ້າມາສຶກສາແມ່ນແຕ່ຜູ້ມີເງີນ ເສັງບໍ່
ຕິດ ແຕ່ເອົາເງີນຈ້າງ ສ່ວນຜູ້ທຸກ ຣຽນຈົບສາມັນ ແມ່ນບໍ່ມີວິຊາສະເພາະ,ຜູ້ຈະເຂົ້າໄປ
ສອນຢູ່ເຂດນອກແມ່ນຜູ້ທູກ ແຕ່ ສຳພັດບໍ່ໄດ້ຮຽນ.ສະເໜີຂ້າງທີ່ງຈົ້ງພິຈາລະນາຄ່າ
ການຮຽນເພື່ອແນວໃດຜູ້ທູກຈື່ງໄດ້ຮຽນ ແລະ ຄວນຈະເອົາແຕ່ຜູ້ທີ່ຮຽນເກັ່ງເສັງໄດ້
ເຂົ້າຮຽນ ນີ້ຈື່ງສົມຄຳວ່າ ປະເທດລາວເປັນປະເທດ ສິດເສລີພາບ.ເບີ່ງປະຈຸບັນ ປະເທດ
ລາວບໍ່ແມ່ນ ປະເທດ ກຽມເຂົ້າສັງຄົມນິຍົມ
ໜ້າ ໃນ 3 ໜ້າຄວາມເຫັນ
    ຕໍ່ໄປ 
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ປະຫວັດຄວາມເປັນມາ ຂອງເຊື້ອໄວຣັສ ອີໂບລາi
X
18.12.2014
ເຊື້ອ​ອີ​ໂບລາ ​ໄດ້​ຖືກ​ຄົ້ນພົບໃນຊຸມ​ປີ 1970 ຢູ່​ບ້ານ​ນ້ອຍໆ ໃນສາທາລະນະ​ລັດ ປະຊາ​ທິປະ​ໄຕຄອງ​ໂກ. ຮວມຢູ່ໃນ​ ບັນດານັກ​ຄົ້ນຄວ້າ ທີ່ໄດ້ພາກັນຜະ​ຈົນ​ໄພ ເຂົ້າໄປຮຽນ​ຮູ້ ​ເພີ້​ມ​ເຕີມ ກໍ​ມີ David Heymann ຈາກສະຫະລັດ ສາ​ສະ​ ດາ​ຈານຝ່າຍລະບາດວິທະຍາ ທີ່ສະຖາ​ບັນ​ອະນາໄມ ​ແລະ ​ການແພດເຂດ​ຮ້ອນ ທີ່ລອນດອນ.

ຂ່າວຫລ້າສຸດ

ວີດີໂອ WHO ວ່າ ຈຳນວນຄົນເສຍຊີວິດ ຍ້ອນໂຣກມາລາເຣຍ ລຸດລົງ ຢ່າງຫຼວງຫຼາຍ

ເຂດ​​ໃຕ້​​ທະ​ເລ​ຊາຍຊາຮາຣາ ​ຂອງ​ອາຟຣິກາ ​ເປັນ​ເຂດ​ທີ່​ໄດ້ຮັບ ​ຜົນ​ກະທົບຢ່າງ​ໜັກ​ ຈາກ​ໂຣກມາລາ​ເຣຍ ໂດຍທີ່​ 90 ​ເປີ​ເຊັນ ຂອງ​ການ​ເສຍ​ຊີວິດ​ໃນທົ່ວ​ໂລກ​ ​ເກີດ​ຂຶ້ນຢູ່​ທີ່ນັ້ນ.
ອ່ານຕື່ມ

ວີດີໂອ ສະຫະລັດມີ ນັກສຶກສາ ນາໆຊາດ ມາຮຽນ ຫລາຍກ່ວາ ປະເທດອື່ນໃດ ໃນໂລກ (ວີດີໂອ ຮຽນພາສາອັງກິດ)

ມີນັກສຶກສາຕ່າງປະເທດ ເກືອບຮອດ 9 ແສນຄົນ ສຶກສາຢູ່ໃນທົ່ວສະຫະລັດ. ໃນນັ້ນ ປະມານເຄິ່ງໜຶ່ງ ແມ່ນມາຈາກເອເຊຍ ຊຶ່ງສ່ວນໃຫຍ່ແມ່ນ ມາຈາກປະເທດຈີນ.
ອ່ານຕື່ມ

ວີດີໂອ ປ. ໂອບາມາ ວ່າ ສຫລ ຈະຕອບໂຕ້ ຕໍ່ການໂຈມຕີ ບໍລິສັດ Sony ຂອງເກົາຫຼີເໜືອ

ປະທານາທິບໍດີໂອບາມາ ກ່າວວ່າ ສະຫະລັດຈະຕອບໂຕ້ ຕາມຄວາມເໝາະສົມ ໃນການໂຈມຕີ ທາງອິນເຕີແນັດ ຕໍ່ບໍລິສັດຮູບເງົາ Sony ໂດຍເກົາຫຼີເໜືອ.
ອ່ານຕື່ມ

ວີດີໂອ ກຳລັງຊາວເຄີດ ພ້ອມແລ້ວ ທີ່ຈະທັບມ້າງ ການປິດລ້ອມ ພູ Sinjar

ພວກ​ນັກ​ລົບ​ຊາວ​ເຄີ​ດ ຫລາຍ​ພັນ​ຄົນ ຢູ່ໃນພາກເໜືອອີຣັກ ໃກ້​ຈະປະສົບ ກັບຄວາມ​ສຳ​ເລັດ ໃນການທັບມ້າງ ການປິດລ້ອມ ​ພູ Sinjar ຂອງກຸ່ມລັດອິສລາມ.
ອ່ານຕື່ມ

ພວກຫົວຮຸນແຮງ 5 ຄົນ ຖືກຂ້າຕາຍ ໃນການໂຈມຕີ ຂອງ ສຫລ ຢູ່ປາກິສຖານ

ປາກິສຖານ ກ່າວວ່າ ມີພວກຫົວຮຸນແຮງ ຢ່າງໜ້ອຍ 5 ຄົນ ຖືກຂ້າຕາຍ ໃນການໂຈມຕີ ໂດຍເຮືອບິນບໍ່ມີຄົນຂັບ ຂອງສະຫະລັດ ຢູ່ໃນເຂດ Waziristan ເໜືອ.
ອ່ານຕື່ມ
ຕື່ມອີກ
ສຸກສັນວັນຄຣິສມັສ ແລະໂຊກດີປີໃໝ່ ຈາກ ວີໂອເອi
X
19.12.2014