ຂ່າວ

ລາວວ່າ ການພັດທະນາ ຊັບພະຍາກອນມະນຸດ ແມ່ນເຮັດຕາມຄ່ານິຍົມ ທີ່ບໍ່ຖືກຕ້ອງ

ເຈົ້າໜ້າທີ່ຂັ້ນສູງລະບຸວ່າ ມີຄວາມຜິດພາດເກີດຂຶ້ນໃນການພັດທະນາຊັບພະຍາກອນມະນຸດ ຂອງລາວ ໂດຍມີສາເຫດສໍາຄັນມາຈາກຄ່ານິຍົມ ທີ່ຜິດໃນດ້ານການສຶກສາຂອງປະຊາຊົນ ລາວສ່ວນໃຫຍ່.

ທ່ານເຈືອງ ສົມບູນຂັນ ຫົວໜ້າຄະນະໂຄສະນາອົບຮົມສູນກາງພັກ ປະຊາຊົນລາວ
ທ່ານເຈືອງ ສົມບູນຂັນ ຫົວໜ້າຄະນະໂຄສະນາອົບຮົມສູນກາງພັກ ປະຊາຊົນລາວ

ມຸນທີມີເດຍ

ສຽງ
  • ລາວວ່າ ການພັດທະນາ ຊັບພະຍາກອນມະນຸດ ແມ່ນເຮັດຕາມຄ່ານິຍົມ ທີ່ບໍ່ຖືກຕ້ອງ

ຊົງຣິດ ໂພນເງິນ

 

ທ່ານເຈືອງ ສົມບູນຂັນ ຫົວໜ້າ
ຄະນະໂຄສະນາອົບຮົມສູນກາງ
ພັກປະຊາຊົນລາວຍອມຮັບວ່າ
ການພັດທະນາຊັບພະຍາກອນ
ມະນຸດໃນລາວ ໄດ້ດໍາເນີນໄປ
ໃນທິດທາງທີ່ກົງກັນຂ້າມກັບ
ຄວາມຕ້ອງການ ທີ່ເປັນຈິງໃນ
ການພັດທະນາທາງເສດຖະກິດ
ແລະສັງຄົມຂອງປະເທດ ກໍ່ຄື
ໃນຂະນະທີ່ປະເທດຊາດ ມີ
ຄວາມຕ້ອງການກໍາລັງແຮງງານສ່ວນໃຫຍ່ເປັນແຮງງານລະດັບພື້ນຖານ ແລະລະດັບກາງ ເພື່ອປະກອບສ່ວນເຂົ້າໃນການສ້າງສາພັດນາປະເທດຊາດນັ້ນ ກັບປາກົດວ່າ ມີປະຊາຊົນ ລາວພຽງສ່ວນນ້ອຍທີ່ຕ້ອງການຈະເປັນກໍາລັງແຮງງານໃນລະດັບດັ່ງກ່າວ.

ການຮັບປລິນຍາຕີແລະຂັ້ນສູງກວ່ານັ້ນ ເປັນສິ່ງນຶ່ງທີ່ຄົນສ່ວນ ໃຫຍ່ໃນລາວນິຍົມກັນຫລາຍກວ່າ ການຮຽນວິຊາຊີບທີ່ໃຊ້ສີມືແລະ ແຮງງານ
ການຮັບປລິນຍາຕີແລະຂັ້ນສູງກວ່ານັ້ນ ເປັນສິ່ງນຶ່ງທີ່ຄົນສ່ວນ ໃຫຍ່ໃນລາວນິຍົມກັນຫລາຍກວ່າ ການຮຽນວິຊາຊີບທີ່ໃຊ້ສີມືແລະ ແຮງງານ

ຊຶ່ງດ້ວຍສະພາບການທີ່ເປັນ
ຢູ່ດັ່ງກ່າວນີ້ ຈຶ່ງບໍ່ພຽງແຕ່
ຈະສົ່ງຜົນເຮັດໃຫ້ການພັດ
ທະນາໃນພາກສ່ວນຕ່າງໆ
ຂອງລາວຕ້ອງປະເຊີນກັບ
ບັນຫາຂາດແຄນກໍາລັງແຮງ
ງານຢ່າງໜັກໜ່ວງເທົ່ານັ້ນ
ຫາກແຕ່ຍັງ ຖືເປັນການພັດ
ທະນາຊັບພະກອນມະນຸດ
ທີ່ດໍາເນີນໄປໃນທິດທາງທີ່
ກົງກັນຂ້າມກັບປະເທດ ທີ່
ມີການພັດທະນາທາງເສດ
ຖະກິດທັງຫຼາຍອີກດ້ວຍ ແລະສາເຫດສໍາຄັນທີ່ເຮັດໃຫ້ເກີດສະພາບການດັ່ງກ່າວນີ້ຂຶ້ນ
ໃນລາວນັ້ນ ກໍຄືຄ່ານິຍົມທີ່ຜິດພາດໃນດ້ານການສຶກສາຂອງປະຊາຊົນລາວ ດັ່ງທີ່ທ່ານ
ເຈືອງ ໄດ້ຊີ້ແຈງວ່າ:

“ການພັດທະນາຊັບພະຍາກອນມະນຸດຂອງພວກເຮົາມັນຢາກໄປລວງປີ້ນ ດຽວ
ນີ້ ຫາກເບິ່ງຈໍານວນພະນັກງານບຸກຄະລາກອນວິຊາການ ອີ່ສັງຂອງພວກເຮົາຜູ້
ທີ່ຮຽນຂັ້ນສູງຫັ້ນ 8 ຄົນ ຕໍ່ຜູ້ທີ່ຮຽນຂັ້ນກາງ 1 ຄົນ ແລະຜູ້ທີ່ຮຽນຂັ້ນຕົ້ນ 2 ຄົນ
ແຕ່ວ່າປະເທດທີ່ພັດທະນາແລ້ວ 1 ຄົນທີ່ຮຽນຂັ້ນສູງ ຈະຕ້ອງປະກອບກັບ 3 ຄົນ
ທີ່ຮຽນຂັ້ນກາງ ແລະ10 ຄົນທີ່ຮຽນຂັ້ນຕົ້ນ.”

ນັກຮຽນການຊ່າງທີ່ຝຶກອົບຮົມຢູ່ສູນຝຶກວິຊາຊີບແຫ່ງນຶ່ງໃນນະຄອນ ວຽງຈັນທີ່ມີຈໍານວນຈໍາກັດ
ນັກຮຽນການຊ່າງທີ່ຝຶກອົບຮົມຢູ່ສູນຝຶກວິຊາຊີບແຫ່ງນຶ່ງໃນນະຄອນ ວຽງຈັນທີ່ມີຈໍານວນຈໍາກັດ

ໃນສົກຮຽນປະຈໍາປີການສຶກສາ
2012 ນີ້ ກະຊວງສຶກສາທິການ
ແລະກິລາຂອງລາວ ໄດ້ຕັ້ງເປົ້າ
ໝາຍທີ່ ຈະຮັບນັກຮຽນເຂົ້າສຶກ
ສາຕໍ່ໃນລະດັບວິຊາຊີບຊັ້ນຕົ້ນ
ໃຫ້ໄດ້ຫລາຍກວ່າ 16,000 ຄົນ
ຫາກແຕ່ກໍປາກົດວ່າ ມີນັກຮຽນ
ພຽງ 8,000 ກວ່າຄົນເທົ່ານັ້ນ
ທີ່ສະມັກເຂົ້າຮຽນຕໍ່ໃນລະດັບ
ດັ່ງກ່າວ ສ່ວນນອກນັ້ນກໍໄດ້ພາ
ກັນສະມັກເຂົ້າຮຽນໃນລະດັບ
ປະລິນຍາຕີຕາມສະຖານສຶກສາຂອງເອກະຊົນ ດ້ວຍຫວັງວ່າ ຈະມີໂອກາດໄດ້ວຽກເຮັດ
ງານທໍາ ທີ່ມີລາຍໄດ້ສູງໆ ທັ້ງໆທີ່ວ່າ ຈະເປັນຄວາມຈິງໄດ້ຍາກກໍຕາມ.

ກ່ອນໜ້ານີ້ ທ່າງທອງສິງ ທໍາມະວົງ ນາຍົກລັດຖະມົນຕີ ກໍ່ຍອມຮັບວ່າ ປັນຫາທີ່ເປັນ
ອຸປະສັກຕໍ່ການພັດທະນາທາງດ້ານການສຶກສາຢູ່ໃນລາວຫຼາຍທີ່ສຸດໃນປັດຈຸບັນນີ້ ກໍຄື
ບັນຫາການຂາດແຄນທາງດ້ານງົບປະມານທີ່ ເຖິງແມ່ນວ່າສະພາແຫ່ງຊາດຈະໄດ້ລົງມືຮັບ
ຮອງເອົາແຜນການຍຸດທະຍາສາດ ວ່າດ້ວຍການປະຕິບັດການສຶກສາແຫ່ງຊາດລາວເຖິງ
ປີ 2015 ຢ່າງເປັນທາງການແລ້ວກໍຕາມ ຫາກແຕ່ວ່າ ດ້ວຍຂໍ້ຈໍາກັດທາງດ້ານງົບປະມານ
ກໍໄດ້ສົ່ງຜົນກະທົບຕໍ່ການປະຕິບັດແຜນຍຸດທະສາດດັ່ງກ່າວ ຢ່າງຫຼີກລ້ຽງບໍ່ໄດ້.

ການຂີດຢາງພາລາແມ່ນຂະແໜງການຂາດແຄນແຮງງານຫລາຍທີ່ສຸດ ຂະແໜງນຶ່ງໃນລາວ
ການຂີດຢາງພາລາແມ່ນຂະແໜງການຂາດແຄນແຮງງານຫລາຍທີ່ສຸດ ຂະແໜງນຶ່ງໃນລາວ

ທັງນີ້ ພາຍໃຕ້ແຜນຍຸດທະ
ສາດດັ່ງກ່າວ ລັດຖະບານ
ລາວໄດ້ວາງເປົ້າໝາຍ ທີ່ຈະ
ຂະຫຍາຍໂອກາດທາງດ້ານ
ການສຶກສາ ເພື່ອຄົນລາວ
ທຸກຄົນ ໂດຍສະເພາະແມ່ນ
ຂະຫຍາຍໂອກາດທາງດ້ານ
ການສຶກສາໄປສູ່ເຂດຊົນນະ
ບົດໃຫ້ໄດ້ຢ່າງທົ່ວເຖິງໃນທົ່ວ
ປະເທດ ລວມທັງຍັງຈະພັດ
ທະນາການສຶກສາ ໃນລາວ
ໃຫ້ມີຄຸນນະພາບທີ່ໄດ້ມາດຕະຖານດຽວກັນກັບປະເທດສະມາຊິກໃນກຸ່ມອາຊ່ຽນນໍາກັນ ອີກດ້ວຍ.

ທັ້ງນີ້ກໍ່ເນື່ອງຈາກວ່າ ລະດັບຄຸນນະພາບການສຶກສາຂອງນັກຮຽນ ແລະນັກສຶກສາໃນ
ລາວນັ້ນຍັງຕໍ່າຫຼາຍ ເມື່ອທຽບກັບບັນດາປະເທດສະມາຊິກໃນກຸ່ມອາຊ່ຽນດ້ວຍກັນ. ເຖິງ​
ແມ່ນ​ວ່າ​ໃນ​ປີ 2011 ທີ່ຜ່ານມາ ​ລາວ​ຈະມີ​ໂຮງຮຽນ​ປະຖົມ​ຢູ່​ເຖິງ 94% ຂອງ​ຈໍານວນ​ໝູ່​
ບ້ານ​ທັງ​ໝົດ​ໃນ​ທົ່ວ​ປະເທດ ແລະ​ໃນຂະນະ​ດຽວ​ກັນ ​ກໍ​ເຮັດ​ໃຫ້ 91.6% ຂອງເດັກນ້ອຍ
ໃນ​ໄວຮຽນທັງ​ໝົດ​ມີ​ໂອກາດ​ໄດ້​ຮຽນ​ໜັງສື​ໃນ​ລະດັບ​ປະ​ຖົມ ແລະສ່ວນ 68% ກໍ​ໄດ້​ຮຽນ​
ຈົນຈົບມັດທະຍົມຕົ້ນກໍ​ຕາມ ຫາກ​ແຕ່​ວ່າໂອກາດໃນ​ການ​ໄດ້​ຮຽນລະດັບ​ມັດທະຍົມ​ປາຍ​
ແລະ​ລະດັບ​ປະລິນຍາ​ຕີນັ້ນ ກໍ​ຍັງຄົງ​ມີ​ອັດຕາສະ​ເລ່ຍທີ່​ຕໍ່າ​ຫລາຍ​.

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 3 ໜ້າຄວາມເຫັນ
    ຕໍ່ໄປ 
ໂດຍ: ລາວຄືກັນ
30.06.2012 06:49
ອ່ານເຫັນແລ້ວກະສົນໃຈທີ່ສຸດເລື່ອງດຣ. ຄຳເຜີຍ ປານມະໄລທອງ ທ່ານຖືກປົດ ຍ້ອນສາ
ເຫດຫຍັງນໍ ແລະ ເພື່ນເວົ້າມີຫລັກການ ແລະເຫດຜົນດີຫລາຍທີ່ສຸດກ້າສະແດງອອກ ເປັນບົດຮຽນວີຊາການ ດີຫລາຍຖ້າຄົນສະຫລາດສ່ອງໃສແທ້ໆ ຊີເອົາໄປປັບປຸງແກ້ໄຂ
ໃຫ້ດີຂຶ້ນ ຫລືຖ້າປັບປຸງໃຫ້ດີແລ້ວ ຢ້ານມັນກະທົບຕໍ່ລະບົບຫນ້າທີຖ້າເຮັດດີແລ້ວ ຄົນ
ຍ້ອງຍໍສັນລະເສີນ

ໂດຍ: MR.KHAMLAO
21.06.2012 22:41
IF YOU WANT DOCUMENT ABOUT MR.KHAMPUEY PANMALAYTHONG
LET YOU GO TO LAO EMBASSY,

ໂດຍ: ຕາມເຈີ
20.06.2012 06:12
ຖ້າຮຽນສູງແລ້ວຍັງມີຄຸນນະພາບຕ່ຳ ບາດຮຽນຕ່ຳແລ້ວຄຶດວ່າຄຸນນະພາບສິສູງຂື້ນ
ຊັ້ນເບາະ ສົງໃສຊະຕາກັມຂອງພີ່ນ້ອງລາວ ສິເປັນລວງປີ້ນ ໄປຕາມຄວາມຄຳສັ່ງເຮັງ
ຊວຍຂອງພວກຂີ້ສໍ້ ພວກນີ້ໄປເລື້ອຍໆ. ກັມເວນແທ້ນໍ.

ໂດຍ: ບໍ່ດີຫ່າງເຫີນ!
20.06.2012 03:03
ຈັ່ງແມ່ນຊ້າເນາະ! ຫາກໍ່ຮູ້ສຶກຕົວ.

ໂດຍ: ພະນັກງານລັດ
16.06.2012 07:59
ແມ່ນນຄວາມຈິງແທ້ ທ່ານ ດຣ ຄໍາເຜີຍ ປານມ່ໄລທອງ ໄດ້ຖືກປົດອອກແລ້ວເຊັນ ໂດຍ
ທ່ານຈູມ ມະລີ ໄຊຍະສອນ.ຍ້ອນຂໍ້ຫາສະແດງຄວາມເຫັນຢູ່ກອງປະຊຸມສະພາທີ່ສ້າງ ຄວາມເສື່ອມເສຍໃຫ້ ພປປລ, ເຮັດໃຫ້ອິດທິກໍາລັງປໍລະປັກນໍາໄປຂະຫຍາຍຄວາມຕໍ່
ເຊິ່ງມັນ ແຕະຕ້ອງເຖິງຄວາມໝັ້ນຄົງຂອງ ພປປລ. ມັນແມ່ນຄວາມຈິງ100%. ເອກະ
ສານຊີ້ແຈງໄດ້ຖືກສົ່ງໄປຍັງສະມາຊິກພັກປປລທົ່ວປະເທດ. VOA: ຂອຍໃຈຫລາຍໆ ຂໍຄອບປີ້ເອກະສານດັ່ງກ່າວໄດ້ບໍ່?​ ສົ່ງມາທີ່ lao@voanews.com

ໂດຍ: seng
15.06.2012 07:57
ທ່ານ ຮູ້ບໍ່ດຽວນີ້ ດຮ ຄໍາເຜີຍ ປານມະໄລທອງ ໄດ້ຖືກປົດອອກຫຈາກຕໍາແໜງທີ່ສໍາຄັນ ຂອງລາວໄປແລ້ວ. VOA: ຊອກຄົນຢືນຢັນຂ່າວໃຫ້ໄດ້ບໍ່ ບໍ່ອອກຊື່ດອກ. ອີເມລຫາທີ່ lao@voanews.com ຂອບໃຈ.

ໂດຍ: ຄົນຈົນ
14.06.2012 19:01
ອ່ານຂ່າວນີ້ແລ້ວ ແມ່ນມີຄວາມດີໃຈຫຼາຍກັບທ່ານເຈືອງແລະທ່ານນາຍົກ ທອງສິງ ການ
ທີນັກຮຽນລາວມັກໄປຮຽນຊັ້ນສູງ ແລະ ປາລີຍາຕີ ແມ່ນຍອ້ນຮຽນຈົບແລ້ວຊອກວຽກ
ງ່າຍ ແລະ ອີກອັນໜຶ່ງແມ່ນຍ້ອນອໍານາດເງິນ ມີແຮງກ່ວາອໍານາດລັດ ຜູ້ໃດມີເງິນແມ່ນ
ເຖິ່ງວ່າຈະຮຽນບໍ່ໄດ້ກໍ່ໄດ້ໃບປະກາດ ໃຊ້ເງິນເປັນອໍານາດໃນການຊອອກວຽກເຮັດ ກົງ
ກັນຂ້າມຜູ້ຮຽນໄດ້ບໍ່ມີເງິນແມ່ນຈະບໍ່ສາມາດຮຽນໃນລະດັບສູງໄດ້ ແລະບໍສາມາດຊອກ
ວຽກເຮັດນໍາລັດໄດ້

ໂດຍ: ຄົນຊໍາເໜືອ
14.06.2012 10:31
ຊັບພະຍາກອນມະນຸດຂອງລາວຖືກປົດອອກຄົນໜຶ່ງແລ້ວເດ...ທ່ານ ດຣ.ຄໍາເຜີຍ ປານມາໄລທອງ. ບໍ່ຮູ້ວ່າບ້ານເມືອງນີ້ຊິກີດກັນຄົນທີ່ມີແນວຄິດສີວິໄລໄປອີກກີ້ເຊັ່ນຄົນ. ຂໍເປັນກໍາລັງໃຈໃຫ້ທ່ານຈົ່ງສູ້ຕໍ່ໄປ.

ໂດຍ: Lao People
12.06.2012 23:45
To Lao Govern't
If you want to make smart Lao people please! you come visit US school,
US Education system please! you go visit Ireland Education system
( ko-so-no school) please you copy and development these country we garanty 100% please you buil school every villege

ໂດຍ: ສາມັນຊົນ
12.06.2012 05:21
ຂ້າພະເຈົ້າຜູ້ມີຄວາມຮູ້ໜ້ອຍບໍ່ສລາດສ່ອງໃສນີ້ເຫັນວ່າ: ການທີ່ຕັ້ງບັນຫາຂື້ນວ່າເປັນ
ຄ່ານິຍົມທີ່ບໍ່ຖືກຕ້ອງນັ້ນ ແມ່ນບໍ່ເໝາະສົມປານໃດ. ຄວນເບີ່ງລະບົບການສືກສາກ່ອນ
ວ່າລັດຖະບານໄດ້ມີໂຮງຮຽນວິຊາຊີບ ຊັ້ນຕົ້ນ, ຊັ້ນກາງ ໃຫ້ຮຽນຟຣີແລ້ວບໍ່?. ສ່ວນ
ຫລາຍຄືມີແຕ່ໄດ້ຈ້າງຮຽນ, ການເຂົ້າຮຽນໂຮງຮຽນວິຊາຊີບດັ່ງກ່າວແມ່ນຜູ້ມີໂອກາດ
ໜ້ອຍເທົ່ານັ້ນ. ຖ້າໃຫ້ຈ່າຍເງີນແມ່ນຜູ້ພໍຫາໄດ້ແດ່, ບາງຄົນ ຢູ່ເຂດຊົນນະບົດ ພໍ່ແມ່
ຕ້ອງໄດ້ຂາຍງົວ ຂາຍຄວາຍໃຫ້ລູກໄປຮຽນ, ໃນເມື່ອເຂົາຕ້ອງລົງທືນຄືແນວນັ້ນ ເຂົາກໍ່ຕ້ອງຮຽນໃນລະດັບສູງຈື່ງກຸ້ມຄ່າ ທ່ານເອີຍ
ໜ້າ ໃນ 3 ໜ້າຄວາມເຫັນ
    ຕໍ່ໄປ 
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ປະຫວັດຄວາມເປັນມາ ຂອງເຊື້ອໄວຣັສ ອີໂບລາi
X
18.12.2014
ເຊື້ອ​ອີ​ໂບລາ ​ໄດ້​ຖືກ​ຄົ້ນພົບໃນຊຸມ​ປີ 1970 ຢູ່​ບ້ານ​ນ້ອຍໆ ໃນສາທາລະນະ​ລັດ ປະຊາ​ທິປະ​ໄຕຄອງ​ໂກ. ຮວມຢູ່ໃນ​ ບັນດານັກ​ຄົ້ນຄວ້າ ທີ່ໄດ້ພາກັນຜະ​ຈົນ​ໄພ ເຂົ້າໄປຮຽນ​ຮູ້ ​ເພີ້​ມ​ເຕີມ ກໍ​ມີ David Heymann ຈາກສະຫະລັດ ສາ​ສະ​ ດາ​ຈານຝ່າຍລະບາດວິທະຍາ ທີ່ສະຖາ​ບັນ​ອະນາໄມ ​ແລະ ​ການແພດເຂດ​ຮ້ອນ ທີ່ລອນດອນ.

ຂ່າວຫລ້າສຸດ

ວີດີໂອ WHO ວ່າ ຈຳນວນຄົນເສຍຊີວິດ ຍ້ອນໂຣກມາລາເຣຍ ລຸດລົງ ຢ່າງຫຼວງຫຼາຍ

ເຂດ​​ໃຕ້​​ທະ​ເລ​ຊາຍຊາຮາຣາ ​ຂອງ​ອາຟຣິກາ ​ເປັນ​ເຂດ​ທີ່​ໄດ້ຮັບ ​ຜົນ​ກະທົບຢ່າງ​ໜັກ​ ຈາກ​ໂຣກມາລາ​ເຣຍ ໂດຍທີ່​ 90 ​ເປີ​ເຊັນ ຂອງ​ການ​ເສຍ​ຊີວິດ​ໃນທົ່ວ​ໂລກ​ ​ເກີດ​ຂຶ້ນຢູ່​ທີ່ນັ້ນ.
ອ່ານຕື່ມ

ວີດີໂອ ສະຫະລັດມີ ນັກສຶກສາ ນາໆຊາດ ມາຮຽນ ຫລາຍກ່ວາ ປະເທດອື່ນໃດ ໃນໂລກ (ວີດີໂອ ຮຽນພາສາອັງກິດ)

ມີນັກສຶກສາຕ່າງປະເທດ ເກືອບຮອດ 9 ແສນຄົນ ສຶກສາຢູ່ໃນທົ່ວສະຫະລັດ. ໃນນັ້ນ ປະມານເຄິ່ງໜຶ່ງ ແມ່ນມາຈາກເອເຊຍ ຊຶ່ງສ່ວນໃຫຍ່ແມ່ນ ມາຈາກປະເທດຈີນ.
ອ່ານຕື່ມ

ວີດີໂອ ປ. ໂອບາມາ ວ່າ ສຫລ ຈະຕອບໂຕ້ ຕໍ່ການໂຈມຕີ ບໍລິສັດ Sony ຂອງເກົາຫຼີເໜືອ

ປະທານາທິບໍດີໂອບາມາ ກ່າວວ່າ ສະຫະລັດຈະຕອບໂຕ້ ຕາມຄວາມເໝາະສົມ ໃນການໂຈມຕີ ທາງອິນເຕີແນັດ ຕໍ່ບໍລິສັດຮູບເງົາ Sony ໂດຍເກົາຫຼີເໜືອ.
ອ່ານຕື່ມ

ວີດີໂອ ກຳລັງຊາວເຄີດ ພ້ອມແລ້ວ ທີ່ຈະທັບມ້າງ ການປິດລ້ອມ ພູ Sinjar

ພວກ​ນັກ​ລົບ​ຊາວ​ເຄີ​ດ ຫລາຍ​ພັນ​ຄົນ ຢູ່ໃນພາກເໜືອອີຣັກ ໃກ້​ຈະປະສົບ ກັບຄວາມ​ສຳ​ເລັດ ໃນການທັບມ້າງ ການປິດລ້ອມ ​ພູ Sinjar ຂອງກຸ່ມລັດອິສລາມ.
ອ່ານຕື່ມ

ພວກຫົວຮຸນແຮງ 5 ຄົນ ຖືກຂ້າຕາຍ ໃນການໂຈມຕີ ຂອງ ສຫລ ຢູ່ປາກິສຖານ

ປາກິສຖານ ກ່າວວ່າ ມີພວກຫົວຮຸນແຮງ ຢ່າງໜ້ອຍ 5 ຄົນ ຖືກຂ້າຕາຍ ໃນການໂຈມຕີ ໂດຍເຮືອບິນບໍ່ມີຄົນຂັບ ຂອງສະຫະລັດ ຢູ່ໃນເຂດ Waziristan ເໜືອ.
ອ່ານຕື່ມ
ຕື່ມອີກ
ສຸກສັນວັນຄຣິສມັສ ແລະໂຊກດີປີໃໝ່ ຈາກ ວີໂອເອi
X
19.12.2014