ລາວ

ລາວວ່າ ຕົນຈະຂາດດຸນ ງົບປະມານ ຫຼາຍກວ່າ 480 ລ້ານໂດລາ

ລັດຖະບານ​ລາວ​ວ່າ ຕົນຈະ​ປະ​ເຊີນ ​ກັບ​ການ​ຂາດ​ດຸນ​ງົບປະມານ ຫລາຍກວ່າ 480 ລ້ານ​ໂດ​ລາ ​ໃນ​ແຜນການ​ປີ 2012-2013 ຫຼື​ເກືອບຮອດ 5% ຂອງຍອດ​ຜະລິດ​ຕະພັນ ​ລວມພາຍ​ໃນ​ປະ​ເທດ.

ກອງປະຊຸມບັ້ນນຶ່ງ ຂອງສະພາແຫ່ງຊາດລາວ
ກອງປະຊຸມບັ້ນນຶ່ງ ຂອງສະພາແຫ່ງຊາດລາວ

ມຸນທີມີເດຍ

ສຽງ
ທ່ານ​ພູ​ເພັດ ຄໍາ​ພູນ​ວົງ ລັດຖະມົນຕີ​ວ່າການ​ກະຊວງ​ການ​ເງິນ
ໄດ້ຖະ​ແຫຼ​ງຍອມຮັບວ່າ​ ໃນ​ແຜນການ​ປະ​ຈໍາປີ 2012-2013
ທີ່​ຈະ​ເລີ່​ມລົງ​ມືຈັດ​ຕັ້ງປະຕິບັດ ​ນັບ​ຈາ​ກ ​ເດືອນ​ຕຸລາ 2012 ​ໄປ
​ເຖິງ​ທ້າຍ​ເດືອນ​ກັນ​ຍາ 2013 ນັ້ນ ສະພາ​ແຫ່ງ​ຊາດ​ໄດ້ອະນຸມັດ
​ງົບປະມານ​ລາຍ​ຈ່າຍໃຫ້​ກັບ​ລັດຖະບານ​ລາວ ​ໃນ​ວົງ​ເງິນ​ລວມ
23,385 ຕື້ ກີບ ​ແລະ​ໃນ​ຂະນະ​ດຽວ​ກັນ ລັດຖະບານ​ລາວ​ກໍ​ຄາດ
​ວ່າ​ຈະ​ສາມາດ​ຈັດ​ເກັບ​ລາຍຮັບ​ເຂົ້າງົບປະມານໄດ້ ​ໃນ​ມູນ​ຄ່າ​ລວມບໍ່​ເກີນ 19,543 ຕື້​ກີບ ຊຶ່ງ​ຈະເປັນ​ຜົນ​ເຮັດ​ໃຫ້ລັດຖະບານ​ລາວ​ຕ້ອງ​ປະ​ເຊີນ​ກັບ​ການ​ຂາດ​ດຸນ​ງົບປະມານ ​ຄິດ​ເປັນ​ມູນ​ຄ່າ​ລວມ ບໍ່​ໜ້ອຍ​ກວ່າ 3,842 ຕື້​ກີບ ຫຼື​ປະມານ 480 ລ້ານ​ໂດ​ລາ.
 
ການ​ຂາດ​ດຸນ​ດ້ານ​ງົບປະມານ​ໃນ​ມູນ​ຄ່າ​ດັ່ງກ່າວ ຄື​ເປັນ​ການ​ຂາດ​ດຸນ​ທີ່​ເພີ່ມ​ຂຶ້ນຈາກ​ແຜນການ​ປະ​ຈໍາປີ 2011-2012 ​ໃນ​ລະດັບ​ທີ່​ສູງ​ພໍ​ສົມຄວນ ຊຶ່ງມີ​ສາ​ເຫດ  ມາ​ຈາກ​ການ​ທີ່​ລັດຖະບານ​ລາວ​ສາມາດ​ດໍາລົງ​ຊີບ​ຢູ່​ໄດ້​ໃນ​ທ່າມກາງ​ສະພາວະ​ຄ່າ ຄອງ​ຊີບ​ທີ່​ປັບ​ຕົວ​ສູງ​ຂຶ້ນຢ່າງ​ຕໍ່​ເນື່ອງ.
 
​ແຕ່​ຢ່າງ​ໃດ​ກໍ​ຕາມ ທ່ານ​ພູ​ເພັດ ກໍ​ຢືນຢັນ​ວ່າການ​ທຂາດ​ດຸນ​ງົບປະມານ​ໃນ​ລະດັບ ດັ່ງກ່າວ​ນີ້ ຍັງ​ບໍ່​ຖື​ວ່າ​ຢູ່​ໃນ​ລະດັບ​ຂັ້ນ​ອັນຕະລາຍ ​ເພາະວ່າ​ຕາມ​ຫຼັກການ​ສາກົນ ​ແລ້ວ​ລັດຖະບານ​ຂອງ​ແຕ່ລະ​ປະ​ເທດ​ຈະ​ສາມາດ​ຂາດ​ດຸນ​ດ້ານ​ງົບ​ປະມານ​ໄດ້​ໃນ​ລະ ດັບ​ບໍ່​ເກີນ 5% ຂອງ​ຍອດ​ຜະລິດ​ຕະພັນ​ລວມພາຍ​ໃນ (GDP) ຫາກ​ແຕ່​ສໍາລັບ​ການ​ຂາດ​ດຸນ​ງົບປະມານ​ຂອງ​ລັດຖະບານ​ລາວ​ດັ່ງກ່າວ​ນີ້​ກໍ​ຍັງ​ທຽບ​ໄດ້​ກັບ 4.7% ​ເທົ່າ​ນັ້ນ ຈຶ່ງ​ຖື​ວ່າ​ຍັງ​ຄົງ​ຢູ່​ໃນ​ເກນ​ມາດຕະຖານ​ນັ້ນ​ເອງ.
 
ຫາກແຕ່​ວ່າ​ກໍລະນີ ທີ່​ໜ້າ​ເປັນ​ຫ່ວງ​ສໍາລັບ​ລັດຖະບານ​ລາວ​ໃນ​ເວລາ​ນີ້ ກໍ​ຄື​ການຈັດ​ເກັບ​ລາຍ​ຮັບເຂົ້າງົບປະມານ​ທີ່​ບໍ່​ເປັນ​ໄປ​ຕາມ​ແຜນການ​ທີ່​ວາງ​ເອົາ​ໄວ້ ​ໂດຍ​ສໍາລັບ ໃນ​ໄລຍະ 8 ​ເດືອນ​ທີ່​ຜ່ານ​ມາ​ຂອງ​ແຜນການ​ປີ 2011-2012 ນີ້ ລັດຖະບານ​ລາວ​ສາມາດ​ຈັດ​ເກັບ​ລາຍ​ຮັບ​ຈາກ​ພາສີ​ອາກອນ​ການ​ຄ້າ​ຂາ​ອອກ-ຂາ​ເຂົ້າ​ໄດ້​ໃນ​ອັດຕາ​ສະ​ເລ່ຍ 80.36% ຫຼື​ຕໍ່າ​ກວ່າ​ເປົ້າໝາຍ​ທີ່​ວາງ​ໄວ້​ເກືອບ 20% ຊື່​ງມີ​ສາ​ເຫດ​ສໍາຄັນ​ປະການ ນຶ່ງມາ​ຈາກ​ການ​ຫຼົບ​ຫຼີກການ​ຊໍາລະ​ພາສີ​ອາກອນ​ເກີດ​ຂຶ້ນຢ່າງ​ກວ້າງຂວາງ.
 
ທັງ​ນີ້​ໂດຍ ທ່ານ ພູ​ເພັດ ​ໄດ້​ໃຫ້ການ​ຢືນຢັນ​ວ່າ ​ໃນ​ບັນດາ​ວິ​ສາ​ຫະກິດ​ທັງ​ໝົດ​ທີ່ ດໍາ​ເນີນ​ທຸລະ​ກິດ​ການ​ຄ້າ​ຂາ​ອອກ-ຂາ​ເຂົ້າ​ໃນ​ລາວ​ໃນ​ປັດຈຸບັນ​ນີ້ ກໍ​ຄິດ​ເປັນ​ສັດ   ສ່ວນ​ເຖິງ 90% ທີ່​ໄດ້​ແຈ້ງ​ຂໍ້​ມູນ​ການ​ຄ້າ​ທີ່​ບໍ່​ເປັນ​ຈິງ ດ້ວຍ​ຫວັງ​ວ່າ​ຈະ​ເຮັດ​ໃຫ້ມີ ຜົນ​ກໍາ​ໄລ​ຫຼາຍ​ຂຶ້ນ ​ແລະ​ການ​ທີ່​ບັນດາ​ວິ​ສາ​ຫະກິດ​ຕ່າງໆ​ສາມາດ​ແຈ້ງ​ຂໍ້​ມູນ​ທີ່​ເປັນ ຈິງ​ດັ່ງກ່າວໄດ້​ໂດຍ​ບໍ່​ຢ້ານ​ກົວ​ຕໍ່​ຄວາມ​ຜິດ​ນັ້ນ ກໍ​ຍ້ອນ​ວ່າ​ໄດ້​ຮັບ​ການ​ຮ່ວມ​ມື​ກັບ ບັນດາ​ພະນັກງານ​ລັດ​ທີ່​ຫວັງ​ຜົນ​ປະ​ໂຫຍ​ດຕອບ​ແທນ​ເປັນ​ການ​ສ່ວນ​ຕົນ​ນັ້ນ​ເອງ ດັ່ງ​ທີ່​ທ່ານພູ​ເພັດ ​ໄດ້​ຢືນ​ຢັນ​ວ່າ:
 
ທ່ານພູເພັດ ຄໍາພູນວົງ ລັດຖະມົນຕີວ່າການກະຊວງການເງິນທ່ານພູເພັດ ຄໍາພູນວົງ ລັດຖະມົນຕີວ່າການກະຊວງການເງິນ
x
ທ່ານພູເພັດ ຄໍາພູນວົງ ລັດຖະມົນຕີວ່າການກະຊວງການເງິນ
ທ່ານພູເພັດ ຄໍາພູນວົງ ລັດຖະມົນຕີວ່າການກະຊວງການເງິນ

“ກົນ​ໄກ​ການ​ຄຸ້ມ​ຄອງ​ຍັງ​ບໍ່​ທັນ​ຮັດກຸມ​ເທົ່າ​ທີ່​ຄວນ ​ເປັນ​
ຕົ້ນ​ການ​ຄຸ້ມ​ຄອງ​ມູນ​ຄ່າ​ການ​ແຈ້ງ​ພາສີ​ບໍ່​ເປັນ​ໄປ​ຕາມ​
ລາຄາ​ຕົວ​ຈິງ ຈຶ່ງ​ເຮັດ​ໃຫ້ການ​ເກັບ​ອາກອນ​ຕ່າງໆ​ຢູ່​ໃນ
ຂອດ​ການ​ນໍາ​ເຂົ້າກໍ​ຕົກ​ເຫ່ຍ​ເສຍ​ຫາຍ​ໄປ​ນໍາ ນອກ​ຈາກ
​ນັ້ນ ​ກໍ​ຍັງ​ມີ​ການ​ລັກລອບ ຫຼົບ​ຫຼີກພາສີທັງ​ໃນ​ດ້ານ​ແລະ
​ທັງ​ນອກ​ດ້ານ​ການ​ລະເມີດ​ກົດໝາຍ​ ແລະ​ລະບຽບ​ການ
ພາສີ​ຍັງ​ມີ​ມີ​ຫຼວງ​ຫຼາຍ ຊຶ່ງ​ສະ​ແດງ​ອອກ​ໃນ​ປັດຈຸບັນ​ນີ້​
ມີ​ຄະດີ​ກ່ຽວ​ກັບ​ພາສີ​ ມີ​ຈໍາ ນວນ​ທັງ​ໝົດ 2,014 ຄະດີ.

 
ພ້ອມ​ກັນ​ນີ້ ທ່ານ​ພູ​ເພັດ ຍັງ​ຍອມຮັບ​ດ້ວຍ​ວ່າ​ລັດຖະບານ​ລາວ​ສາມາດ​ຈັດ​ເກັບ​ລາຍຮັບ​ຈາກ​ພາສີ​ທີ່​ດິນ​ໄດ້​ຕໍ່າ​ກວ່າ​ເປົ້າໝາຍ​ເຊ່ນ​ດຽວ​ກັນ ກໍ​ຄື​ໃນ​ຂະນະ​ທີ່​ລັດຖະ ບານ​ລາວ​ໄດ້​ວາງ​ເປົ້າໝາຍ​ທີ່​ຈະ​ຈັດ​ເກັບ​ລາຍ​ຮັບ​ຈາກ​ພາສີ​ທີ່​ດິນ ​ໃນ​ຕະຫຼອດ​ແຜນ ການ​ປີ 2011-2012 ທີ່​ຈະ​ສິ້ນ​ສຸດ​ລົງ​ໃນ​ທ້າຍ​ເດືອນ​ກັນ​ຍາ​ນີ້ ລັດຖະບານ​ລາວ​ຍັງ ສາມາດ​ຈັດ​ເກັບ​ລາຍ​ຮັບ​ຈາກ​ພາສີ​ທີ່​ດິນ​ໄດ້​ພຽງ 52.8 ຕື້​ກີບ ຫຼື​ທຽບ​ໄດ້​ກັບ 40% ຂອງ​ແຜນການ​ຕະຫຼອດ​ປີ​ເທົ່າ​ນັ້ນ.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 2 ໜ້າຄວາມເຫັນ
    ຕໍ່ໄປ 
ໂດຍ: ຄົນຮັກຊາດ ຈາກ: ...
11.10.2012 20:10
ຢາກໃຫ້ລັດຖະບາຍເຂັ້ມງວດການປະຕິບັດກົດໝາຍຈັບພວກສໍ້ລາດບັງຫຼວງໄປຂ້າຖິ້ມຊາ ມັນຂວາງບ້ານເມືອງ ຈຳພວກຄົນບໍ່ດີນີ້
ບໍ່ຄວນໃຫ້ອະໄພພວກມັນ ເຖີງແມ່ນມັນຈະມີບຸນຄຸນຕໍ່ປະເທດຊາດກໍ່ຕາມ ບໍ່ຕ້ອງເສຍດາຍຄວາມຮູ້ມັນດອກ ( ຂໍໂທດທີ່ໃຊ້ຄຳເວົ້າບໍ່ສຸພາບ)

ໂດຍ: ສັນຕິ
03.10.2012 14:48
ກົດໝາຍວ່າດ້ວຍວິສາຫະກິດກໍໄດ້ລະບຸໄວ້ໃນບາງມາດຕາວ່າ : ຕ້ອງກວດ
ກາຊັບສີນຂອງທຸກໆຄົນທີ່ຈະໄດ້ຮັບໜ້າທີ່ຕຳແໜ່ງໃນລັດ(ຄະນະອຳນວຍ
ການໃນບໍລິສັດລັດ ຫຼື ຕຳແໜ່ງອື່ນໆໃນຂັ້ນລັດຖະບານ...) ແຕ່ປະກົດວ່າ
ບໍ່ເຫັນພວກເພີ່ນປະຕິບັດ .ຜ່ານມາກໍເຄີຍໄດ້ໄປຟັງການປາຖະກະຖາກ່ຽວ
ກັບການຕ້ານການສໍ້ລາດບັງຫຼວງທີ່ລັດຖະບານເພີ່ນຈັດຂື້ນ ແຕ່ຜູ້ຖືກມອບ
ໝາຍໃຫ້ໄປຟັງພັດບໍ່ແມ່ນຜູ້ຖືກເຊີນ (ໄປຕາງໜ້າແທນຜູ້ອຳນວຍການ) ກໍ
ໝາຍຄວາມວ່າໄປຟັງແທນເພີ່ນພ້ອມກັບຮັບເອົາຄຳໂອວາດ (ຄຳສັ່ງສອນ)
ຈາກຂັ້ນເທີງ ເຕັມກະເປົາກັບມາເຮືອນ ເລົ່າສູ່ຄອບຄົວຟັງແທນຜູ້ອຳນວຍ
ການບໍລິສັດ . ບູລານເພີ່ນວ່າ " ຮ້າຍກວດໜີ ດີກວດເຂົ້າ " ກໍສະແດງວ່າ:
ເລື່ອງແນວບໍ່ດີເພີ່ນພັດໃຫ້ເຮົາໄປແທນ ເລື່ອງແນວຈະໄດ້ເພີ່ນໄປເອງ ເວົ້າ
ມາແລ້ວກໍສົງສານຕົວເອງໜ້ອຍໜື່ງ ...
ຄໍາຕອບ

ໂດຍ: ຜູ້ດຳເນີນລາຍການ
05.10.2012 07:34
ຂໍສະແດງຄວາມເຫັນໃຈນໍາເດີ້. ຢ່າງໃດກໍອົດສາເອົາເຖາະ ລູກນ້ອງທີ່ດີ ກໍຕ້ອງເຮັດຕາມຫົວໜ້າສັ່ງ.

ໂດຍ: ລາວ ລາວ ຈາກ: ສປປ ລາວ
28.09.2012 00:31
ຂ້ອຍຈັ່ງແມ່ນເປັນຕາຊັງມາດພະນັກງານພາສີແລະອາກອນພາກັນຂີ່ລົດສ່ວນຕົວມູນຄ່າຫຼາຍມື່ນໂດລ້າ ໂອ້ອວດປາລະມີ ແລ້ວແວ່
ຕາມຮ້ານເລັກຮ້ານນ້ອຍ ຊື່ງມີແຕ່ສາວບໍລິການເຕັມບ້ານນີ້ເມືອງນີ້ຈົກຈ່າຍເງິນສໍ້ໂກງມາໃຫ້ສາວສ່ຳນ້ອຍຫວ່ານຊະທົ່ວຮ້ານ ອັນນີ້
ແຫຼ້ວ ຄຳບູຮານເພີ່ນຈື່ງວ່າ ພະນັກງານພັກລັດສູ່ມື້ນີ້ ແມ່ນ : ຕົກຫ່ວງອາສະໄນມ້າ ໂຕດຽວມີສອງປາກ ປາກໜື່ງນັ້ນກິນຂອງອ່ອນ
ນອນຫຼັບ ປາກສອງກິນຂອງລັບ ບໍ່ອີ່ມເຕັມທາງທ້ອງຊື່ງໝາຍຄວາມວ່າ ໄດ້ເງິນຈາກການສໍ້ລາດບັງຫຼວງແລ້ວ ຫາກິນແຕ່ແນວອ່ອນໆ
ນອນລັບສະບາຍແຖວໆບ້ານພັກ ໂດຍບໍ່ຄຳນືງເຖິງປະເທດຊາດກິນໄປເລື້ອຍໆບໍ່ມີເມືອງພໍ ແລະ ບໍ່ອີ່ມທ້ອງຈັກເທື່ອ ຖ້າບໍ່ກະຈັດ
ພວກນີ້ ປີຕໍ່ໄປຢ້ານຂາດດຸນ 10 % ພຸ້ນລະນໍ ທ່ານເອີຍ............

ໂດຍ: ບໍ່ຂໍອອກຊື່
27.09.2012 23:08
Keep on talking and every year report same thing. Every govt. officials are corrupt; starting with the country's president all the way down to the lowly traffic police. No one ever crack down on the main problem which is corruption. You bunch Pathetic uneducated fools rob your own country and the Lao people.

ໂດຍ: ບໍ່ຂໍອອກຊື່
27.09.2012 08:48
you know the source of Problems, but don't mean to solve in practical action. anything/problems in the world has its own way resolution.

ໂດຍ: BORN FREE
27.09.2012 06:20
THE CORRUPTION IS NOT GOOD FOR ALL COUNTRY IN THE WORLD, MAKE SLOWLY (LAOS )DEVELOPMENT,HOW TO DO .., HOW TO STOP IT,
WE THINK MAKE CORRUPTION CONTROL SYSTEM PROJECT, EXAMPLE: POLICE GIVE TICKET FOR YOU, YOU DON'T PAY MONEY FOR POLICE, LET YOU GO TO COURT HOUSE FOR PAY...? GOOD OR NOT, NEED MORE IDEA..FROM ALL YOU...

ໂດຍ: ເປັນຫວ່ງປະເທດຊາດ
24.09.2012 08:53
ຕາມຄວາມເຫັນສ່ວນຕົວ ເລື່ອງການເກັບລາຍຮັບ ຈາກພາສີ -ອາກອນ ແລະອື່ນໆ ໃນລາວ ຍັງມີຊ່ອງຫວ່າງຫຼາຍຢູ່ ທາງພາກລັດ
ບໍສາມາດຫັດກຸມໄດ້ເທົ່າທີ່ຄວນ ສະແດງອອກ ໃຫ້ເຫັນຢ່າງຈະແຈ້ງ ພະນັກງານດ່ານກວດໄມ້ ແລະພາສີ-ອາກອນ ໃນແຕ່ລະເຂດ
ບໍ່ວ່າແຕ່ຢູ່ໃນເມືອງໃຫຍ່ ແລະທ້ອງຖີ່ນ ກໍ່ເຫັນສະພາບການເປັນຢູ່, ການໃຊ້ຈ່າຍ ແລະຊັບສິນຕ່າງໆ ແມ່ນແຕກຕ່າງຈາກ ພະນັກງານ
ລັດທົ່ວໄປ ຕັ້ງຫຼາຍເທົ່າ. ບັນຫາດັ່ງກ່າວນີ້ ມີສາຍເຫດ ມາຈາກພະນັກງານລັດ ບໍ່ຍ້ານກົວກົດໝາຍເທົ່າທີ່ຄວນ ລະເລີງ ເພາະວ່າ
ລະບົບກວດກາຂອງລັດບໍຫັດກຸມ. ມີ High Corruption.

ໂດຍ: ວັນຄຳ ຈາກ: ສປປລ
23.09.2012 01:55
ໂລກກ້າວຫນ້າທາງດ້ານວັດຖຸ,ຄົນສ່ວນຫລາຍມັກເສັຍແນວຄິດ, ດັ່ງນັ້ນຈະແກ້ບັນຫານີ້ໄດ້ຕ້ອງ:-ກ=ພັດທະນາຄົນໃຫ້ຍອດ,
ຂ=ພັດທະນາຄົນທີ່ຮູ້ຜົນປະໂຍດລວມ:-ເປັນກັນລະຍານະມິດ ແລະ ເປັນກັນລະຍານະທັມ.​ຄ=ພັດທະນາຄົນໃຫ້ສ້າງຜົນປະ
ໂຍດລວມແກ່ຊາຕ ຄື:ຮູ້ຄວາມພໍດີ,ປະຢັດມັດທະຢັດ,ຈ່ຍພໍດີ,ກິນພໍອີ່ມ ແລ້ວກໍ່ສູ້ເພື່ອປົດຫນີ້ແກ່ຊາຕ.

ໂດຍ: ລາວຫ່ວງລາວ ຈາກ: ອັຕະປື
22.09.2012 19:02
ບັກດາບແກ້ວຫົວໜ້າດ່ານພາສີສາກົນ ພູເກືອຈັ່ງແມ່ນມັນລ້ຳລວຍແທ້ໆ ມັນເປັນຫົວໜ້າດ່ານບໍ່ຈັກວ່າທໍ່ໃດປີ,ເງິນມັນຫຼາຍ ມັນຈ້າງ
ເຈົ້ານາຍຢູ່ຕໍ່ນັບແຕ່ຂັ້ນທ້ອງຖິ່ນຈົນຮອດຂັ້ນສູນກາງ.ຜົນປະໂຫຍດລວມຂອງຊາດບໍ່ກ່ຽວ.ກ່ຽວແຕ່ຜົນປະໂຫຍດສ່ວນຕົວ

ໂດຍ: ສັນຕິ
22.09.2012 13:21
ຂ້າພະເຈົ້າຄິດວ່າ ປະເທດລາວ ຄວນລົງທຶນໃສ່ການສ້າງລະບົບເກັບພາສີ,ອາກອນ,ຄ່າທຳນຽມ ແລະ ບໍລິການອື່ນໆໃຫ້ລັດດ້ວຍເຄື່ອງ
ມືທີ່ທັນສະໄໝ ຫຼື ວິທີທາງທີ່ເຂັ້ມງວດເໜືອນກັບປະເທດທີ່ຈະເລີນເຂົາເຮັດກັນຢູ່ໃນປະຈຸບັນ,ຈີ່ງຈະສາມາດຈັດເກັບລາຍໄດ້ດັ່ງກ່າວ
ເຂົ້າງົບປະມານແຫ່ງຊາດໄດ້ດີແລະ ຫຼາຍຂື້ນ ຫຼື ຢ່າງໜ້ອຍກໍຈະປ້ອງກັນການລັກລອບເອົາເງິນນັ້ນໄດ້ໃນລະດັບໃດໜື່ງກໍຍັງເປັນການດີ.
ໜ້າ ໃນ 2 ໜ້າຄວາມເຫັນ
    ຕໍ່ໄປ 
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ປະຫວັດຄວາມເປັນມາ ຂອງເຊື້ອໄວຣັສ ອີໂບລາi
X
18.12.2014
ເຊື້ອ​ອີ​ໂບລາ ​ໄດ້​ຖືກ​ຄົ້ນພົບໃນຊຸມ​ປີ 1970 ຢູ່​ບ້ານ​ນ້ອຍໆ ໃນສາທາລະນະ​ລັດ ປະຊາ​ທິປະ​ໄຕຄອງ​ໂກ. ຮວມຢູ່ໃນ​ ບັນດານັກ​ຄົ້ນຄວ້າ ທີ່ໄດ້ພາກັນຜະ​ຈົນ​ໄພ ເຂົ້າໄປຮຽນ​ຮູ້ ​ເພີ້​ມ​ເຕີມ ກໍ​ມີ David Heymann ຈາກສະຫະລັດ ສາ​ສະ​ ດາ​ຈານຝ່າຍລະບາດວິທະຍາ ທີ່ສະຖາ​ບັນ​ອະນາໄມ ​ແລະ ​ການແພດເຂດ​ຮ້ອນ ທີ່ລອນດອນ.

ຂ່າວຫລ້າສຸດ

ວີດີໂອ ທ່ານ Castro ຊົມເຊີຍ ທີ່ສະຫະລັດ ຍື່ນມືໄປຫາ ແຕ່ຄິວບາກໍຈະຍັງຄົງ ເປັນຄອມມິວນິສຄືເກົ່າ

ທ່ານ Castro ກ່າວ​ວ່າ ຄິວ​ບາ​ຈະ​ເລັ່ງປະຕິ​ຮູບ​ ໂຄງການ​ເສດຖະກິດ​ຂອງ​ຕົນ ​ໂດຍ​ມີ​ເປົ້າໝາຍ ທີ່​ຈະສ້າງຕັ້ງ “ລະບອບ​ຄອມ​ມິ​ວນິສ ທີ່ມີຄວາມ​ວັດທະນາ​ຖາວອນ​ ແລະ​ຍືນ​ຍົງ.”
ອ່ານຕື່ມ

ວີດີໂອ ສະຫະລັດຮ້ອງຂໍ ໃຫ້ຈີນ ຊ່ອຍສະກັດກັ້ນ ການໂຈມຕີ ທາງອິນເຕີແນັດ ຈາກເກົາຫຼີເໜືອ

ສະຫະລັດໄດ້ປະຕິເສດ ຕໍ່ຂໍ້ສະເໜີ ໃຫ້ດຳເນີນ ການສືບສວນສອບສວນຮ່ວມກັນ ຂອງພຽງຢາງ ແລະຫັນໄປຂໍຄວາມຊ່ວຍເຫລືອ ຈາກປັກກິ່ງແທນ.
ອ່ານຕື່ມ

ວີດີໂອ ປ. ພູຕິນ ກ່າວວ່າ ການລົງໂທດ ຈະບໍ່ຢຸດເຊົາ ການສະໜັບສະໜຸນ ຂອງຣັດເຊຍ ແກ່ເພື່ອນຮ່ວມຊາດ ໃນ Crimea

ໃນຂະນະທີ່ວິກິດການເສດຖະກິດ ຮ້າຍແຮງຂຶ້ນນັ້ນ ທ່ານພູຕິນ ຮຽກຮ້ອງ ໃຫ້ປະຊາຊົນຣັດເຊຍ ກຽມຕົວຮັບມືກັບ ຄວາມຫຍຸ້ງຍາກບາງຢ່າງ ໃນໄລຍະຫຼາຍໆເດືອນ ຕໍ່ໜ້ານີ້.
ອ່ານຕື່ມ

ວີດີໂອ ປະຊາຊົນຕູນີເຊຍ ປ່ອນບັດ ເອົາປະທານາທິບໍດີ ຢ່າງເສລີ ຄັ້ງປະຫວັດສາດ

ການປ່ອນບັດຄັ້ງນີ້ ແມ່ນເປັນໄລຍະສຸດທ້າຍ ໃນການຫັນປ່ຽນຂອງປະເທດ ນັບແຕ່ການປະຕິວັດລະດູບານໃໝ່ ຂອງອາຫຣັບ ທີ່ໄດ້ໂຄ່ນລົ້ມ ອະດີດປະທານາທິບໍດີ Ali ໃນປີ 2011 ນັ້ນ.
ອ່ານຕື່ມ

ສະຫະລັດ ປ່ອຍ ນັກໂທດອັຟການິສຖານ 4 ຄົນ ຈາກຄຸກ ທີ່ອ່າວກວານຕານາໂມ ເທິງເກາະຄິວບາ

ພວກນັກໂທດເຫຼົ່ານີ້ ຖືກປ່ອຍໂຕ ຕາມຄຳຮ້ອງຂໍ ຂອງປະທານາທິບໍດີ ອັຟການິສຖານ ຫຼັງຈາກ ການທົບທວນເບິ່ງຄະດີ ຂອງພວກເຂົາເຈົ້າຄືນ.
ອ່ານຕື່ມ
ຕື່ມອີກ
ສຸກສັນວັນຄຣິສມັສ ແລະໂຊກດີປີໃໝ່ ຈາກ ວີໂອເອi
X
19.12.2014