ຂ່າວ

ລມຕ ກະຊວງການເງິນ ຍອມຮັບວ່າ ການ​ເກັບ​​ພາສີທີ່​ດິນ ບໍ່​ໄດ້ຕາມ​ເປົ້າໝາຍ​

ລັດຖະມົນຕີ​ລາວ​ຍອມຮັບ​ວ່າ ການ​ເກັບ​ລາຍ​ໄດ້​ຈາກ​ພາສີ​ທີ່​ດິນ​ ປະຕິບັດ​ໄດ້​ຕໍ່າ​ກວ່າ​ເປົ້າໝາຍ​ ທີ່​ວາງ​ໄວ້ ​ໂດຍ​ມີ​ສາ​ເຫດ​ມາ​ຈາກ​ການ​ບໍລິ​ຫານ​ງານ​ທີ່​ຊັກ​ຊ້າ​ຂອງ​ພາກ​ລັດ ​ແລະ​ການຫຼີກລ່ຽງ ພາສີ​ຂອງ​ພາກ​ເອກ​ກະຊົນ.

ກອງປະຊຸມສະໄໝສາມັນຂອງຄັ້ງທີ 3 ຂອງສະພາແຫ່ງຊາດລາວ​ທີ 7 ທີ່ໄຂຂຶນໃນວັນທີ 20 ມິຖຸນາ ແລະ​ກໍາລັງດໍາ​ເນີນ​ໄປ​ຢູ່​ໃນ​ເວລາ​ນີ້
ກອງປະຊຸມສະໄໝສາມັນຂອງຄັ້ງທີ 3 ຂອງສະພາແຫ່ງຊາດລາວ​ທີ 7 ທີ່ໄຂຂຶນໃນວັນທີ 20 ມິຖຸນາ ແລະ​ກໍາລັງດໍາ​ເນີນ​ໄປ​ຢູ່​ໃນ​ເວລາ​ນີ້

ມຸນທີມີເດຍ

ສຽງ
  • ລມຕ ກະຊວງການເງິນ ຍອມຮັບວ່າ ການ​ເກັບ​​ພາສີທີ່​ດິນ ບໍ່​ໄດ້ຕາມ​ເປົ້າໝາຍ​

ຫຍໍ້ຫລືຂະຫຍາຍໂຕອັກສອນ - +
ຊົງລິດ ໂພນເງິນ

 

ທ່ານ ພູ​ເພັດ ຄໍາ​ພູນ​ວົງ ລັດຖະ
ມົນຕີ​ວ່າການ​ກະຊວງ​ການ​ເງິນ
​ໄດ້​ຖະ​ແຫຼງຍອມຮັບ ຕໍ່​ກອງ​ປະ
ຊຸມສະ​ໄໝ​ສາມັນ​ຄັ້ງ​ທີ່ 3 ຂອງ
​ສະພາ​ແຫ່ງ​ຊາດ​ລາວ​ຊຸດ​ທີ່ 7
ທີ່​ກໍາລັງດໍາ​ເນີນ​ກອງ​ປະຊຸມ​ຢູ່
​ໃນ​ເວລາ​ນີ້​ວ່າ ​ໃນໄລຍະ 8 ​
ເດືອນ​ທີ່​ຜ່ານ​ມາ​ຂອງ​ແຜນການ
ປີ 2011-2012 ນີ້ ລັດຖະບານ
​ລາວ​ໄດ້​ຈັດ​ເກັບ​ລາຍ​ໄດ້​ຈາກ​ພາ
ສີ​ທີ່​ດິນ​ໄດ້​ໃນ​ມູນຄ່າລວມ 52.8
ຕື້​ກີບ ຫຼືທຽບ​ໄດ້​ກັບ 40% ຂອງ​ແຜນການ​ຕະຫຼອດປີ​ເທົ່າ​ນັ້ນ.

ທັງນີ້​ກໍ​ເນື່ອງ​ຈາກ​ວ່າ ​ລັດຖະບານລາວ​ໄດ້​ວາງ​ເປົ້າໝາຍ​ທີ່​ຈະ​ຈັດ​ເກັບ​ລາຍ​ໄດ້​ຈາກ​ພາສີ
​ທີ່​ດິນ​ໃນ​ຕະຫຼອດ​ແຜນການ​ປີ 2011-2012 ນີ້​ໃຫ້​ໄດ້​ໃນ​ມູນ​ຄ່າ​ລວມບໍ່​ໜ້ອຍກວ່າ 132
ຕື້​ກີບ ຫາກ​ແຕ່​ກໍ​ຄົງ​ຈະ​ເ​ປັນ​ການ​ຍາກ​ທີ່​ຈະ​ສາມາດ​ບັນລຸ​ເປົ້າໝາຍ​ດັ່ງກ່າວ​ໄດ້​ຢ່າງ​ແທ້​ຈິງ ​
ເພາະ​ແຜນການ​ປີ 2011-2012 ຈະ​ສິ້ນ​ສຸດ​ລົງ​ໃນ​ທ້າຍ​ເດືອນ​ກັນຍາ​ທີ່​ຈະ​ເຖິງ​ນີ້ ຊຶ່ງ​ເມື່ອ
​ປະກອບ​ກັບ​ບັນຫາ​ຊັກ​ຊ້າ​ໃນ​ການ​ບໍລິຫານ​ງານຂອງ​ໜ່ວຍ​ງານ​ລັດ ​ທີ່​ສົມທົບ​ດ້ວຍ​ການ
ຫຼີກລ້ຽງການ​ຊໍາລະ​ພາສີ​ຢ່າງ​ຖືກຕ້ອງ​ຂອງ​ບັນດາພາກ​ເອກ​ກະ​ຊົນຈໍານວນ​ບໍ່​ໜ້ອຍ​ອີກ
ດ້ວຍ​ແລ້ວ ກໍ​ຍັງ​ເຮັດໃຫ້​ຍາກຫຼາຍຂຶ້ນອີກ ດັ່ງ​ທີ່​ທ່ານພູ​ເພັດ ​ໄດ້​ຖະ​ແຫຼງຊີ້​ແຈງ​ວ່າ:

ທ່ານ ພູ​ເພັດ ຄໍາ​ພູນ​ວົງ ລັດຖະມົນຕີ​ວ່າການ​ກະຊວງ​ການ​ເງິນ
ທ່ານ ພູ​ເພັດ ຄໍາ​ພູນ​ວົງ ລັດຖະມົນຕີ​ວ່າການ​ກະຊວງ​ການ​ເງິນ

“ການ​ປະຕິບັດ​ລາຍ​ຮັບ​ພາສີ​ທີ່​ດິນ​
ໄດ້ຕໍ່າ​ກວ່າ​ຄາດໝາຍ ​ເນຶ່ອງຈາ​ກ
ການ​ໂອນ​ມອບ​ຂໍ້ມູນ​ທີ່​ດິນ​ລະຫວ່າງ
​ຂະ​ແໜງ​ຊັບພະຍາກອນ​ທໍາ​ມະ​ຊາດ
​ແລະ​ສິ່ງ​ແວດ​ລ້ອມ​ກັບ​ຂະ​ແໜງ​ການ
​ເງິນ ​ຍັງ​ມີ​ຄວ​າມຊັກ​ຊ້າ ບັນດາ​ຫົວ
ໜ່ວຍທຸລະກິດ ​ແລະ​ຜູ້ປະກອບການ
ສ່ວນຫຼາຍຍັງ​ບໍ່ທັນ​ເປັນ​ເຈົ້າການ​ ໃນ
​ການ​ປະຕິບັດ​ພັນທະ​ ການ​ຕິດຕາມ
​ກວດກາ ຍັງ​ບໍ່​ທັນ​ໄດ້​ເຮັດ​ຢ່າງ​ເປັນ
​ລະບົບຕໍ່​ເນື່ອງ ​ແກ້​ໄຂ​ບັນຫາ​ຍັງ​ບໍ່​ທັນ
​ກັບ​ສະພາບ​ການ​ ເຮັດ​ໃຫ້ການ​ມອບ
​ລາຍ​ຮັບ​ມີ​ການ​ຊັກ​ຊ້າ​ ແລະ​ມີ​ຊ່ອງ
​ຫວ່າງ​ຂອງ​ການຫຼົບຫຼີກ”


ຊຶ່ງ​ດ້ວຍ​ສະພາ​ບການ​ດັ່ງກ່າວ​ນີ້ ກໍ​ຍັງ​ເຮັດ​ໃຫ້​ລັດຖະບານ​ລາວ​ຕ້ອງການ​ຈະ​ໄດ້​ຮັບການ
ຊ່ວຍ​ເຫຼືອຈາກ​ຕ່າງປະ​ເທດຫຼາຍຂຶ້ນອີກດ້ວຍ ​ໂດຍ​ສໍາລັບ​ໃນ​ໄລຍະ 2 ປີ ຜ່ານ​ມາ​ນີ້​ ກໍ
​ປາກົດ​ວ່າ​ ລັດຖະບານ​ລາວ​ໄດ້​ຮັບ​ການ​ຊ່ວຍ​ເຫຼືອຈາກ​ຕ່າງປະ​ເທດ​ເພີ້ມຂຶ້ນ​ ໃນ​ອັດຕາ​
ສະ​ເລ່ຍ​ເຖິງ 20% ​ໃນ​ແຕ່ລະ​ປີ.

ການເຊັນສັນຍາ ມອບການຊ່ວຍເຫລືອຂອງຍີ່ປຸ່ນແກ່ລັດຖະບານລາວ ໃນການສ້ອມແປງທາງເລກທີ 9 ທີ່ຈັດຂຶ້ນທີ່ວຽງຈັນໃນປີ 2011
ການເຊັນສັນຍາ ມອບການຊ່ວຍເຫລືອຂອງຍີ່ປຸ່ນແກ່ລັດຖະບານລາວ ໃນການສ້ອມແປງທາງເລກທີ 9 ທີ່ຈັດຂຶ້ນທີ່ວຽງຈັນໃນປີ 2011

ທັ້ງນີ້ ຖ້າ​ຫາກ​ຄິດ​ໄລ່​ສ​ະ​ເພາະ
​ໃນ​ແຜນການ​ປີ 2011-2012
ກໍ​ພົບ​ວ່າ​ລັດຖະບານ​ລາວ​ໄດ້
​ຮັບ​ການ​ຊ່ວ​ຍ​ເຫຼືອຈາກ​ຕ່າງ
ປະ​ເທດ​ຄິດ​ເປັນ​ມູນ​ຄ່າລວມ​
ເກີນ​ກວ່າ 630 ລ້ານ​ໂດ​ລາ ຊຶ່ງ
​ໃນ​ນີ້​ກໍເປັນ​ການ​ຊ່ວຍ​ເຫຼືອລ້າ
​ໃນ​ມູນ​ຄ່າ 529 ລ້ານ​ໂດ​ລາ ​
ແລະ​ກູ້ ຢືມ​ອີກ 100 ກວ່າລ້ານ
​ໂດ​ລາ ​ແລະ​ລັດຖະບາ​ນລາວ​
ກໍ​ໄດ້​ນໍາ​ໃຊ້​ການ​ຊ່ວຍ​ເຫຼືອດັ່ງກ່າວ​ນີ້​ ເຂົ້າ​ໃນ​ໂຄງການ​ພັດທະນາ​ຕ່າງໆ ​ເພື່ອ​ແກ້​ໄຂ​ບັນ
ຫາຄວາມ​ຍາກຈົນ​ຂອງ​ປະຊາ​ຊົນ​ລາວ​ເປັນ​ດ້ານຫຼັກ.

​ແຕ່​ຢ່າງ​ໃດ​ກໍ​ຕາມ ​ເຖິງ​ແມ່ນ​ວ່າ​ການ​ຊ່ວຍ​ເຫຼືອຈາກ​ຕ່າງປະ​ເທດ​ຈະ​ເພີ້ມ​ຂຶ້ນທຸກ​ປີ​ກໍຕາມ
ຫາກ​ແຕ່​ກໍ​ຍັງ​ຖື​ວ່າ​ບໍ່​ພຽງພໍ​ກັບ​ລະດັບ​ຄວາມ​ຕ້ອງການ​ ທີ່​ເປັນ​ຈິງ​ຂອງ​ລັດຖະບານ​ລາວ
​ໂດຍ​ສະ​ເພາະ​ແມ່ນ​ການ​ທີ່​ຈະ​ເຮັດ​ໃຫ້​ເສດຖະກິດຂອງ​ລາວ​ຂະຫຍາຍຕົວ ໃນ​ອັດຕາ​ສະ
ເລ່ຍບໍ່ຫລຸດ 8.5% ​ໃນ​ແຜນການ​ປີ 2012-2013 ທີ່​ຈະ​ລົງມື​ຈັດ​ຕັ້ງ​ປະຕິບັດໃນ​ຊ່ວງ​
ເດືອນ​ຕຸລາ 2012 ​ເຖິງ​ເດືອນ​ກັນຍາ 2013 ກໍ​ຈໍາ​ເປັນ​ທີ່​ຈະ​ຕ້ອງ​ໄດ້ຮັບ​ການ​ຊ່ວຍ​ເຫຼືອ
ລ້າ​ຈາກ​ຕ່າງປະ​ເທດ ​ບໍ່​ໜ້ອຍ​ກວ່າ 4,610 ຕື້​ກີບ ຫຼືປະມານ 576 ລ້ານ​ໂດ​ລາແລະ​ເພີ່ມ
​ຂຶ້ນ 8.8% ​ເມື່ອ​ທຽບ​ໃສ່​ແຜນການ​ປີ 2011-2012.

ລັດຖະບານ​ລາວ​ໄດ້​ວາງ​ຄາດໝາຍ​ໄວ້​ວ່າ​ ໃນ​ຕະຫຼອດ​ໄລຍະ​ແຜນການ​ປີ 2012-
2013 ດັ່ງກ່າວຈະ​ພະຍາຍາມ​ສ້າງ​ລາຍ​ຮັບ​ໃຫ້​ໄດ້​ໃນ​ມູນ​ຄ່າ 19,543 ຕື້​ກີບ ຫາກ​
ແຕ່​ເນື່ອງຈາກ​ໃນ​ໄລຍະ​ແຜນການ​ປີ 2012-2013 ລັດຖະບານ​ລາວ​ກໍ​ໄດ້​ຕັ້ງ​ງົບປະ
ມານ​ລາຍຈ່າຍ​ໄວ້ ​ໃນ​ມູນຄ່າ​ລວມ​ເຖິງ 23,385 ຕື້​ກີບ ຈຶ່ງ​ເຮັດ​ໃຫ້​ລັດຖະບານ​ລາວ
ຕ້ອງ​ພະຍາຍາມດຸ່ນ​ດ່ຽງດ້ວຍ​ການ​ຮຽກຮ້ອງ​ຂໍ​ກາ​ນຊ່ວຍ​ເຫຼືອ ​ແລະ​ກູ້​ຢືມ​ຈາກ​ຕ່າງ
ປະ​ເທດ​ໃຫ້​ໄດ້​ໃນ​ມູນ​ຄ່າ​ລວມຫຼາຍ​ເຖິງ 1 ພັນ​ລ້ານ​ໂດ​ລາ​ນັ້ນ​ເອງ.

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 2 ໜ້າຄວາມເຫັນ
    ຕໍ່ໄປ 
ໂດຍ: ປາແດກໜຽວສາລະວັນ
21.07.2012 06:24
ຂໍຖາມ ທ່ານ ອາສະພັງທອງ ຫົວໜ້າກົມພາສີ ກະຊວງການເງິນແດ່ວ່າ: ສ.ຫ ບຸນເພັງ ຫົວ
ໜ້າ ດ່ານວັງເຕົ່າ ແລະ ສ.ຫ ດາບແກ້ວ ຫົວໜ້າດ່ານພູເກືອ ແມ່ນໃຜ,ຮຽນມາແຕ່ໃສຄືວ່າ
ມີຄວາມຮູ້,ຄວາມຫຼັກແທ້ ຫຼືວ່າ 2 ສ.ຫ ນີ້ເປັນຜູ້ຕັດສິນບັນຫາຊາຕາກຳຂອງປະເທດຊາດ
ໄປສູ່ຄວາມສີວິໄລ,ສະຫງົບ ແລະ ຈະເຣີນກ້າວໜ້າ. (ຕອບແດ່ທ່ານ ອະທິບໍດີ)

ໂດຍ: I am Lao not Lao Govt.
17.07.2012 01:41
Sorry, just forgot that you GREEDY. never ever enough:(

ໂດຍ: I am Lao not Lao Govt.
17.07.2012 01:39
We Lao people pay full tax to govt. Why expect more? More houses, Mercedes, or big cars for Govt.??????????????

Help improve the livelihoods not increase taxes. Poor Lao people!

ໂດຍ: ລາວ ລາວ
15.07.2012 15:32
ພາສີທີ່ດິນແມ່ນເປັນລາຍໄດ້ຈາກການດິ້ນລົນຫາມາໃຫ້ລັດ ຂອງ ປະຊາຊົນ ແຕ່ແລ້ວຍັງຖືກ
ພະນັກງານຂອງລັດໂກງໄປກິນຈົນເກັບເຂົ້າຄັງບໍ່ໄດ້ຕົງເປົ້າໝາຍ ບັນຫານີ້ມີມາຊ້ານານແຕ່ຍັງ
ບໍ່ມີວັນໝົດສິ້ນໄປຈາກວົງການສໍ້ລາດບັງຫຼວງຈັກເທື່ອ ພັກ ແລະ ລັດສົມຄວນພິຈາລະນາ
ໂຕເອງໄດ້ແລ້ວ ສົງສານປະເທດຊາດແດ່.......ທ່ານ ຈ

ໂດຍ: ລາວຮັກຊາດ
09.07.2012 22:23
ຂ້ອຍວ່າ ການເກັບອາກອນລາຍບໍໄດ້ຕາມເປົ້າໝາຍທີວາງໃວ້ ມັນບໍກຽວກັບປະຊາຊົນ ແລະ ນັກທຸລະກິດດອກ . ມັນເປັນຍ້ອນພະນັກງານ ຂອງລັດນັ້ນເອງ ທີພາກັນໂກງກິນ ບ້ານກິນເມືອງ ສໍລາດບັງຫຼວງ ,ຕົວຢ່າງ: ພະນັກງານ ອາກອນ ໄປເກັບເງິນນໍາບໍລິສັດ ຕາມທໍາດາເສຍ 20,000,000 K ເຂົາໃຫ້ 10,000,000 K ກາເອົາ ເພາະວ່າ ເຈົ້າບໍ່ສັດ ເຂົ້າ ຊື້ຈ້າງ ພະນັກງານລັດ(ອາກອນ) 5,000,000 ແລ້ວໄປແບ່ງກັນ

ໂດຍ: Worry Laos
06.07.2012 04:50
ປະຈຸບັນນີ້ພະນັກງານທີ່ຢູ່ຫ້ອງການການເງິນເມືືອງ ແລະ ແຂວງ ລ້ຳລວຍກໍ່ຍ້ອນວ່າເງິນ
ທີ່ເກັບໄດ້ຈາກພາສີທີ່ດິນນັ້ນເອົາໃສ່ກະເປົາຢ່າງບໍ່ມີມື້ພໍ ແລະ ເອົາສວນໜ້ອຍເປັນເງິນຄັງ, ສະນັ້ນຈຶ່ງເຮັດໃຫ້ຂາດແຄນທຶນທີ່ຈະພັດທະນາປະເທດເຮົາ. ຖ້າເປັນໄປໄດ້ຂໍໃຫ້ລັດຖະ
ບານແຕ່ງຕັ້ງກຸ່ມກວດກາເງິນດັ່ງກ່າວບໍ່ໃຫ້ຮົ່ວໄຫຼຈຶ່ງສົມວ່າເຈັບຈາກປະຊາຊົນ ແລະ ຖ້າ
ພົບເຫັນວ່າມີບັນຫາສໍ້ກົງເງິນແລ້ວຄວນປຽນຄົນໃໝ່ແທນ ເນື່ອງຈາກວ່ານັກສຶກສາທີ່
ຮຽນຈົບໃນແຕ່ລະປີຍັງວ້າງງານຢູ່. ຂໍຂອບໃຈ

ໂດຍ: Love Laos
06.07.2012 04:34
ການທີ່ເກັບພາສີບໍ່ໄດ້ຕາມເປົ້າໝາຍທີ່ວາງໄວ້ກໍ່ເນື່ອງມາຈາກວ່າເງິນສ່ວນຫຼາຍທີ່ເກັບໄດ້
ນັ້ນມັນເຂົ້າກະເປົາຜູ້ເກັບນັ້ນ ແລະ ກະເປົາຂອງພະນັກງານເມືອງນັ້ນໝົດແລ້ວ. ຂ້ອຍຄິດ
ວ່າບັນຫານີ້ລັດທະບານລາວຄວນໃສ່ໃຈກວດກາໃຫ້ລະອຽດ, ຖ້າເກັບໄປເຂົ້າກະເປົາພະ
ນັກງານນັ້ນໝົດ ບໍ່ເອົາໄປພັດທະນາປະເທດຊາດແລ້ວບໍ່ຈຳເປັນສິເກັບອີກຕໍ່ໄປ.

ໂດຍ: ສອນໄຊ
06.07.2012 03:08
ແມ່ນພນັກງານລັດເອງສວຍໂອກາດຊ່ອງຫວ່າງຂອງຫຼັກການກໍ່ຄືກົດໝາຍທີ່ບໍ່ຮັດກຸມ
ອາດຍ້ອນມີລະບຽບອັດຕາ(ຕະລາງການເກັບຫຼາຍມາຕະຖານທີ່ຄຸ້ມເຄືອ)ອັນສ້າງໂອ“ກາດໃຫ້ພະນັກງານເກັບນຳປະຊາຊົນອັດຕາແພງແຕ່ມອບໃຫ້ລັດອັດຕາຕໍ່າກວ່າທີ່ເກັບ
ໂດຽໝູນໄຊ້ກົນໄກດັ່ງກ່າວຊຶ່ງເຮັດໃຫ້ບໍ່ເຫັນພິລຸດການສໍ້ກົງຫຼືເວົ້າອີກຢ່າງນຶ່ງກໍ່ຄືສໍ້ກົງ
ຢ່າງມີຫຼັກການນັ້ນເອງ. ແຕ່ຜູ້ເສັຍຜົນປະໂຫຍດແມ່ນປະຊາຊົນແລະລັດ. ຖ້າລັດຕ້ອງ
ການຢາກແກ້ໄຂບັນຫານີ້ຢ່າງຈິ່ງຈັງມັນກໍ່ມີຫຼາຍວິທີການ. ສຳຄັນວ່າເພິ່ນຈະເຮັດແທ້
ຫຼືບໍ່?ບັນຫາຢູ່ບ່ອນນີ້ເອງ.

ໂດຍ: ຄວາມຈິງ
05.07.2012 19:15
ຈະເກັບພາສີໄດ້ຕາມຄາດໝາຍແນວໃດ ພະນັກງານພາສີ-ອາກອນ ເກີອບທຸກຂົງເຂດ ພາກັນລວຍ ຕັ້ງເຮືອນຫຼາຍຫຼັງ ລົດລາຄາແພງໆ ແລະບໍ່ມີບ່ອນໄວ້ເງີນແລ້ວ ນີ້ແມ່ນ ປະກົດການຕົວຈີງ ທີ່ເຫັນໄດ້ໃນສະພາບປັດຈຸບັນ. ບັນຫາການໃຫ້ສຳປະທານທີ່ດິນ ກໍ່ເຊັນດຽວກັນ ມັກຈະມີຊ່ອງຫວ່າງ ລົບຫຼີກ ຫຼືຍົກເວັ້ນຄ່າສຳປະທານ ຍ້ອນການສວຍ ໂອກາດຂອງຜູ້ມີອຳນາດ ຍີ່ງໄປກວ່ານັ້ນ ຍັງເອົາປຽບ ປະຊາຊົນ ໂດຍໃຫ້ຄ່າຊົດເຊີຍ ທີ່ຕຳທີ່ສຸດອິກ ສ້າງຄວາມບໍ່ເປັນທຳໃນສັງຄົມນັບມື້ນັບເພີ່ມຂື້ນ

ໂດຍ: ທະນົງສັກ
05.07.2012 19:10
ການຂຽນຂ່າວຂອງ VOA ຄວນກວດກາຄວາມລະອຽດ ແລະ ຖືກຕ້ອງກ່ອນຈະລົງຂ່າວ.
ເພາະຂຽນກ່ຽວກັບຂ່າວ ລັດຖະມົນຕີ ກະຊວງການເງິນ ຍອມຮັບການເກັບພາສີທີ່ດິນ ບໍ່ໄດ້ຕາມເປົ້າໝາຍ ບ່ອນໜຶ່ງຂຽນລັດຖະມົນຕີວ່າການກະຊວງການເງິນ ບ່ອນໜຶ່ງຂຽນ
ຜູ້ວ່າການທະນາຄານແຫ່ງຊາດລາວ ບາງເທື່ອນາມສະກຸນຜູ້ດຽວກັນ ກະບໍ່ຄືກັນ.
VOA: ຂໍໂທດຫລາຍໆນໍາຄວາມບົກພ່ອງທີ່ບໍ່ໜ້າໃຫ້ອະໄພຂອງຜູ້ເອົາຮູບໃສ່. ແກ້ໃຫ້
ແລ້ວ. ຂອບໃຈທີ່ບອກໃຫ້ຮູ້.
ໜ້າ ໃນ 2 ໜ້າຄວາມເຫັນ
    ຕໍ່ໄປ 

ຂ່າວຫລ້າສຸດ

ສຽງ ລາວກັບຈີນ ຕົກລົງ ທີ່ຈະເລັ່ງລັດ ແຜນການກໍ່ສ້າງ ທາງລົດໄຟ ຄວາມໄວສູງ ໃນລາວ

ຜູ້ນຳລັດຖະບານລາວ ກັບຈີນ ຕົກລົງທີ່ຈະເລັ່ງລັດ ໃຫ້ມີການເຈລະຈາທະວິພາຄີ ເພື່ອຕົກລົງກັນ ກ່ຽວກັບແຜນການ ກໍ່ສ້າງທາງລົດໄຟຄວາມໄວສູງ ໃນລາວ ໃຫ້ໄວທີ່ສຸດເທົ່າທີ່ຈະໄວໄດ້.
ອ່ານຕື່ມ

ສະໄລດ໌ສຽງ ຍາດພີ່ນ້ອງ ຜູ້ໂດຍສານ ຢາກໄດ້ຄຳຕອບ ຈາກ ເຈົ້າໜ້າທີ່ ມາເລເຊຍ (ວີດີໂອ)

ຂະນະທີ່ ການຊອກຄົ້ນຫາຖ້ຽວບິນ 370 ຂອງມາເລເຊຍ ກ້າວເຂົ້າສູ່ອາທິດທີ 7 ນີ້ ພວກຍາດພີ່ນ້ອງ ຜູ້ໂດຍສານ ຍັງສືບຕໍ່ຮຽກຮ້ອງ ຢາກໄດ້ຄຳຕອບ ຈາກເຈົ້າໜ້າທີ່ ສາຍການບິນ.
ອ່ານຕື່ມ

ສະໄລດ໌ສຽງ ຢູ​ເຄຣນ ຍົກເລີກ ການຢຸດຍິງ ກັບ ພວກແບ່ງແຍກດິນແດນ ທີ່ນິຍົມຣັດ​ເຊຍ (ວີດີໂອ)

ຢູ​ເຄຣນ ໄດ້ປະກາດຍົກເລີກຢ່າງເປັນທາງການ ການຢຸດຍິງລະຫວ່າງເທດການບຸນ Easter ຕໍ່ພວກແບ່ງແຍກດິນແດນ ທີ່ນິຍົມຣັດ​ເຊຍ ໃນພາກຕາເວັນອອກຂອງປະເທດ.
ອ່ານຕື່ມ

Multimedia ປ. Obama ເດີນທາງ ໄປເຖິງຍີ່ປຸ່ນ ເພື່ອເລີ້ມ ຢ້ຽມຢາມ ເອເຊຍ (ສະໄລດ໌/ວີດີໂອ)

ປະທານາທິບໍດີສະຫະລັດ ທ່ານ Obama ເດີນທາງໄປເຖິງຍີ່ປຸ່ນແລ້ວ ແລະຈະຢ້ຽມຢາມ ເກົາຫລີໃຕ້ ມາເລເຊຍ ແລະ ຟິລິບປິນ ເປັນເວລາ 8 ມື້.
ອ່ານຕື່ມ

ວີດີໂອ ບໍ່ມີ​ຫຼັກ​ຖານແຂງຂັນ ທີ່​ວ່າ ພຽງຢາງ​ ຈະ​ທົດ​ລອງ ​ນິວ​ເຄລຍ ລະຫວ່າງ ປ. ໂອບາມາ ຢ້ຽມຢາມ​ (ວີດີໂອ)

ກຸ່ມ​​ຄົ້ນຄວ້າ​ ​ຂອງ​ສະຫະລັດ ກ່າວ​ວ່າ ມີ​ຫຼັກ​ຖານພຽງເລັກ​ນ້ອຍ​ເທົ່າ​ນັ້ນ ທີ່​ວ່າເກົາຫລີ​ ເໜືອ​ຈະ​ທຳ​ການ​ທົດ​ລອງ​ນິວ​ເຄລຍ ​ໃນ​ລະຫວ່າງ ​ປະທານາທິບໍດີ​ ໂອ​ບາ​ມາ ທຳ​ການ​ຢ້ຽມ​ຢາມເກົາຫຼີໃຕ້.
ອ່ານຕື່ມ
ຕື່ມອີກ
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ແຜນການ​ເປີດ​​ໃຊ້​ຄືນ​​ໃໝ່ ​ໂຮງ​ໄຟຟ້າ​ຖ່ານ​ຫິນຂອງໄທ ສ້າງຄວາມແຕກແຍກi
X
19.04.2014
ບັນດາ​ນັກ​ເຄື່ອນ​ໄຫວ ​ເພື່ອ​ສິ່ງ​ແວດ​ລ້ອມ ຢູ່​ໃນ​ປະ​ເທດ​ໄທ ກຳລັງ​ພາກັນປະ​ທ້ວງ ​ແຜນການ​ທີ່​ຈະ​​ເປີດ​​ໃຊ້​ຄືນ​​ໃໝ່ ​ ໂຮງ​ໄຟຟ້າ​ຂະໜາດ 800 Megawatt ທີ່​ແລ່ນ​ດ້ວຍ​ຖ່ານ ​ຫິນແຫ່ງ​ນຶ່ງ ຢູ່​ໃນ​ເຂດ​ແຄມ​ຝັ່ງ​ທະ​ເລ ທີ່​ພວກ​ນັກ​ທ່ອງ​ທ່ຽວ​ ທຳ​ມະ​ຊາດ ນິຍົມ​ກັນ​ໄປ​ທ່ຽວ.