ຂ່າວ

    ລາວຢືນຢັນໃນຄວາມສາມາດ ຂອງລະບົບທະນາຄານ ໃນລາວ

    ຜູ້​ວ່າການ​ທະນາຄານ​ແຫ່ງຊາດ​ລາວ​ຢືນຢັນ​ວ່າ ລະບົບ​ທະນາຄານ​ໃນ​ລາວ​ຈະ​ສາມາດ​ໃຫ້​ບໍລິ ການ​ຢ່າງ​ຄົບ​ວົງ​ຈອນ ​ແກ່​ປະຊາຊົນ​ແລະ​ໜ່ວຍ​ທຸລ​ະກິດ​ໃນ​ທົ່ວ​ປະ​ເທດ​ໄດ​ໃນ​ໝໍ່ໆ​ນີ້ ແລະ ​ເຊື່ອ​ໝັ້ນ​ວ່າ​ປະຊາຊົນ​ລາວ​ແລະ​ນັກທຸລະກິດ​ ຈະ​ມີ​ຄວາມ​ເຊື່ອ​ໝັ້ນ​ຕໍ່​ຄ່າ​ເງິນ​ກີບ​ຫລາຍ​ຂຶ້ນ.

    ທະນາຄານພົງສະຫວັນ ເປັນທະນາຄານເອກກະຊົນແຫ່ງນຶ່ງ ທີ່ມີການຂະຫຍາຍໂຕ ໄວທີ່ສຸດໃນ  ສປປ ລາວ.
    ທະນາຄານພົງສະຫວັນ ເປັນທະນາຄານເອກກະຊົນແຫ່ງນຶ່ງ ທີ່ມີການຂະຫຍາຍໂຕ ໄວທີ່ສຸດໃນ ສປປ ລາວ.

    ມຸນທີມີເດຍ

    ສຽງ
    ຊົງຣິດ ໂພນເງິນ

    “ລະບົບ​ທະນາຄານ​ຂອງ​ພວກ​ເຮົາ​ມີ​ຄວາມ​ສາມາດ​ປະຕິບັດ​ພາລະ​ບົດບາດ​ຂອງ​ຕົນ​ເອງ​ ເປັນ​ຕົ້ນ​ແມ່ນ​ການ​ຮັກ ສາສະ​ຖຽນລະ​ພາບ​ຂອງ​ເງິນຕາ​ແຫ່ງ​ຊາດ ຊຶ່ງ​ບັນດາທະນາຄານ​ເຫລົ່າ​ນີ້ ກໍ​ມີ​ຄວາມ​ສາມາດ​ລະດົມ​ທຶນຮອນ​ໄດ້​ສູງຂຶ້ນ ​ແລະ​ສາມາດ​ຕອບ​ສະ ໜອງ​ທຶນຮອນ​ ຫ້​ແກ່​ການ​ພັດທະນາ​ເສດຖະກິດ- ສັງຄົມ​ແຫ່ງຊາດ​ໄດ້​ສູງ​ຂຶ້ນ ທັງ​ຍັງມີ​ການ​ພັດທະ​ນາ​ຢ່າງ​ຫລວງຫລາຍ​ໃນ​ການ​ບໍລິການ ​ແລະ​ບັນດາ​ຫົວໜ່ວຍ​ທຸລະ​ກິດ​ ກໍ​ສາມາດ​ເຂົ້າ​ເຖິງ​ບໍລິການ​ດ້ານ​ການ​ເງິນ​ໄດ້​ຢ່າງ​ສະດວກ​ສະບາຍ​ຫລາຍ​ຂຶ້ນ ​ແລະ​ລະບົບ​ທະນາຄານ​ຂອງ​ພວກ​ເຮົາ​ ຍັງ​ໄດ້​ຂະ​ຫຍາ​ຍການ​ບໍລິ​ການ​ໄປ​ຍັງ​ບັນດາ​ແຂວງ​ ແລະ​ເມືອງ​ທີ່​ທຸກ​ຍາກ​ອີກ​ດ້ວຍ”

    ນີ້​ກໍ​ແມ່ນ​ການ​ຖະ​ແຫລ​ງ​ໂດ​ຍທ່ານພູ​ເພັດ ຄໍາ​ພູນວົງ ຜູ້​ວ່າການ​ທະນາຄານ​ແຫ່ງ​ຊາດ​ລາວ ຊຶ່ງ​ບໍ່​ພຽງ​ແຕ່​ຈະ​ໄດ້​ໃຫ້ການ​ຢືນຢັນ​ວ່າ​ ລະບົບ​ທະນາຄານ​ແຫ່ງ​ຊາດ​ລາວ​ໄດ້​ຮັບ​ການ​ພັດທະ ນາ​ດີ​ຂຶ້ນນັບ​ມື້​ເທົ່າ​ນັ້ນ ຫາກ​ແຕ່​ທ່ານ​ກໍ​ຍັງ​ໄດ້​ເນັ້ນ​ຍໍ້າດ້ວຍ​ວ່າ​ ລະບົບ​ການ​ໃຫ້ການ​ບໍລິການ​ຂອງ​ທະນາຄານ​ໃນ​ລາວ​ ທັງ​ທີ່​ເປັນ​ທະນາຄານ​ຂອງ​ລັດຖະບານ ທະນາຄານ​ຮ່ວມ​ທຶນ​ລະ​ຫວ່າງ​ລັດຖະບານ​ກັບ​ເອກ​ກະ​ຊົນ ​ແລະ​ທະນາຄານ​ທີ່ເປັນ​ຂອງ​ເອກ​ກະ​ຊົນ​ຫລື​ຕ່າງ​ຊາດ​ນັ້ນ ​ໄດ້​ມີ​ການ​ຂະຫຍາຍ​ລະບົບ​ການ​ໃຫ້​ບໍລິການ​ໄປ​ຍັງ​ແຂວງແລະ​ເມືອງ​ຕ່າງໆ​ໃນ​ລາວ​ໄດ້​ ຢ່າງ​ວ່ອງ​ໄວ​ອີກ​ດ້ວຍ.

    ໃນ​ປັດຈຸບັນ​ນີ້ ຢູ່​ໃນ​ລາວ​ ມີ​ທະນາຄານ​ຢູ່​ທັງ​ໝົດ 24 ​ແຫ່ງ ຊຶ່ງແບ່ງ​ອອກ​ເປັນທະນາຄານ​ຂອງ​ລັດຖະບານ ລາວ 4 ທະນາຄານ ກໍ​ຄືທະນາຄານ​ລາວ​ພັດທະນາ ທະນາຄານ​ນະ​ໂຍ ບາຍ ທະນາຄານ​ສົ່ງ​ເສີມ​ກະສິກໍາ ​ແລະ ທະນາຄານ​ການ​ຄ້າ​ຕ່າງປະ​ເທດ. ສ່ວນ​ທີ່​ເຫລືອ​ກໍ​ເປັນ​ສາຂາ​ຂອງ​ທະນາຄານ​ຂອງ​ຕ່າງປະ​ເທດ​ໃນ​ລາວ​ຈຳນວນ 11 ​ແຫ່ງແລະ​ອີກ 9 ​ທະນາ ຄານ​ນັ້ນ ກໍ​ມີ​ທັງ​ທະນາຄານ​ຂອງ​ເອກ​ກະ​ຊົນ​ລາວ ​ແລະ​ທະນາຄານ​ຮ່ວມ​ລົງທຶນ​ລະຫວ່າງ​ລັດຖະບານ​ກັບ​ເອກ​ກະ​ຊົນຕ່າງ​ຊາດ.

    ຍິ່ງ​ໄປ​ກວ່າ​ນັ້ນ ການ​ທີ່​ນາ​ຍົກ​ລັດຖະມົນຕີ​ລາວ ​ໄດ້​ອອກດໍາ​ລັດ​ວ່າ​ດ້ວຍ​ການ​ກໍານົດ​ໃຫ້​ທະນາຄານ​ທຸກ​ແຫ່ງ​ໃນ​ລາວ​ຕ້ອງ​ເພິ່ມທຶນ​ຈົດ​ທະບຽນ​ ທີ່​ຕ້ອງຝາກໄວ້ກັບ​ທະນາຄານ​ແຫ່ງ​ຊາດ​ລາວ​ ຈາກ​ເດີມ 100 ຕື້​ກີບ​ ຂຶ້ນ​ເປັນ 300 ຕື້​ກີບ​ນັບ​ແຕ່​ເດືອນ​ເມສາ​ປີ​ນີ້​ເປັນ​ຕົ້ນ​ມາ ກໍຍັງ​ຈະ​ເຮັດ​ໃຫ້​ລະ​ບົບທະນາຄານ​ຢູ່​ໃນ​ລາວ​ ມີ​ຄວາມ​ເຂັ້ມ​ແຂງ​ຍິ່ງ​ຂຶ້ນ ​ແລະ​ກໍ​ຈະ​ເຮັດ​ໃຫ້​ລະບົບ​ສິນ​ເຊື່ອ​ຂອງ​ທະນາຄານ​ໃນ​ລາວ​ ມີ​ວົງ​ເງິນ​ເພີ່ມ​ຫລາຍ​ຂຶ້ນດ້ວຍ.

    ແຕ່​ຢ່າງ​ໃດ​ກໍ​ຕາມ ກ່ອນ​ໜ້າ​ນີ້ ທ່ານ​ສົມ​ສະຫວາດ ​ເລັ່ງສະຫວັດ ຮອງ​ນາ​ຍົກລັດ​ຖະ​ມົນຕີ ຜູ້​ປະຈຳການ​ຄະນະ ລັດຖະບານ​ລາວ​ກໍ​ໄດ້​ຖະ​ແຫລ​ງຍອມຮັບ​ວ່າ ວົງ​ເງິນ​ສິນ​ເຊື່ອ​ໃນ​ລາວ​ຍັງ​ຄົງ​ບໍ່​ພຽງພໍ​ກັບ​ລະດັບ​ຄວາມ​ຕ້ອງການ​ທີ່ ​ເປັນ​ຈິງ ​ໂດຍ​ເຖິງ​ແມ່ນ​ວ່າ​ໃນ​ປີຜ່ານມາ ​ລະບົບ​ທະນາຄານ​ຢູ່​ໃນ​ລາວ​ຈະ​ສາມາດ​ຕອບ​ສະໜອງ​ເງິນ​ກູ້​ຢືມ​ ໃຫ້​ກັບ​ພາກ​ການ​ຜະລິດ​ຕ່າງໆ​ໄດ້​ໃນ​ມູນ​ຄ່າ​ລວມ​ເຖິງ 11,000 ຕື້​ກີບ ຫລື​ຄິດ​ເປັນ 20% ຂອງ​ມູນ​ຄ່າ​ຍອດ​ຜະລິດຕະພັນ ລວມພາຍ​ໃນ ຫລື GDP ກໍ​ຕາມ ຫາກ​ແຕ່​ຍັງ​ນັບ​ວ່າ​ຕໍ່າ​ກວ່າ​ລະດັບ​ຄວາມ​ຕ້ອງການ​ ທີ່​ເປັນ​ຈິງ​ ເກືອບ​ເຖິງ 4 ​ເທົ່າ​ຕົວ.  ​ໂດຍ​ສະ​ເພາະ​ແມ່ນ​ໃນ​ຊ່ວງ​ຂອງ​ການ​ປະຕິບັດ​ແຜນການ​ພັດທະນາເສ​ດຖະກິດ-ສັງຄົມ​ແຫ່ງ​ຊາດ​ໄລຍະ 5 ປີ ຊຸດ​ທີ 7 ຊຶ່ງ​ຈະ​ມີ​ຜົນ​ບັງຄັບ​ໃຊ້​ນັບ​ຈາກ​ເດືອນ​ຕຸລາ​ປີ​ນີ້​ ໄປ​ຈົນ​ເຖິງ​ເດືອນ​ກັນຍາ​ປີ 2015 ນັ້ນ ທາງ​ການ​ລາວ​ກໍ​ໄດ້​ຄາດໝາຍໄວ້​ວ່າ ​ພາກ​ການ​ຜະລິດ​ຕ່າງໆ​ຢູ່​ໃນ​ລາວ ​ຈະ​ມີ​ຄວາມ​ຕ້ອງການ​ວົງ​ເງິນ​ສິນ​ເຊື່ອ​ຈາກທະນາ ຄານ​ ຄິດ​ເປັນ​ມູນ​ຄ່າ​ລວມ​ເຖິງ 217,000 ຕື້​ກີບ ຫລື​ບໍ່​ໜ້ອຍ​ກວ່າ 43,400 ຕື້​ກີບ​ ໃນ​ແຕ່ລະ​ປີ ຈຶ່ງ​ບໍ່​ແມ່ນເລຶ່ອງທີ່​ງ່າຍໆ​ເລີຍ ​ທີ່​ລະບົບ​ທະນາຄານ​ໃນ​ລາວ​ ຈະ​ສາມາດ​ຕອບ​ສະໜອງ​ຄວາມ​ຕ້ອງການ​ດັ່ງກ່າວ​ໄດ້​ຈິງ.

    ນອກຈາກ​ນັ້ນ ບັນຫາ​ສຳຄັນ​ອີກ​ປະການ​ນຶ່ງ​ຂອງ​ລະບົບ​ທະນາຄານ​ຢູ່​ໃນ​ລາວ ​ກໍ​ຄື​ບັນຫາ​ກ່ຽວ​ກັບ​ການ​ຮຽກ​ເກັບ ​ເງິນ​ກູ້​ແລະ​ດອກ​ເບ້ຍ​ກັບ​ຄືນ​ມາ​ບໍ່​ໄດ້​ ຈົນ​ກາຍ​ເປັນ​ໜີ້​ເສຍ​ໃນ​ລະບົບ​ທະນາຄານ ​ໂດຍ​ສະ​ເພາະ​ແມ່ນ​ໃນ​ລະບົບ ທະນາຄານ​ຂອງ​ລັດຖະບານ​ລາວ​ນັ້ນ ກໍ​ກຳລັງ​ປະ​ເຊີນ​ກັບ​ບັນຫາ​ດັ່ງກ່າວ​ນີ້​ຫລາຍ​ທີ່​ສຸດ.  ທັງ​ນີ້​ໂດຍ​ຈາກ​ລາຍງານ​ລ່າ​ສຸດ​ຂອງ​ທະນາຄານ​ແຫ່ງ​ຊາດ​ຊາວ ​ກໍ​ໄດ້​ລະບຸ​ວ່າ ​ໜີ້​ເສຍ​ໃນ​ລະບົບ​ທະນາຄານ​ຂອງ​ລັດຖະບານ​ລາວ ​ໃນທ້າຍ​ປີຜ່ານມາ ​ແມ່ນ​ຄິດ​ເປັນ​ສັດ​ສ່ວນ​ເຖິງ 4.2% ຂອງວົງ​ເງິນ​ສິນ​ເຊື່ອ​ທັງ​ໝົດ ​ໂດຍ​ລູກ​ໜີ້​ສ່ວນ​ໃຫຍ່​ທີ່​ບໍ່​ສາມາດ​ຊຳລະ​ເງິນ​ກູ້​ແລະ​ດອກ​ເບ້ຍ​ຄືນ​ໄດ້ນັ້ນ ​ກໍ​ຄື​ຊາວ​ໄຮ່​ຊາວນາ​ທີ່​ໄດ້​ຮັບ​ຜົນ​ກະ ທົບ​ຈາກ​ໄພ​ທໍາ​ມະ​ຊາດ​ນັ້ນ​ເອງ.

    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ຄວາມເຫັນ
         
    ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມວີດີໂອ ເລື່ອງການສ້າງພາບ ເໝືອນຈິງ ທີ່ເປັນຮູບຮ່າງ ດ້ວຍການນຳໃຊ້ ພວກໂດຣນນ້ອຍໆi
    X
    30.01.2016
    ໃນຂະນະທີ່ ພວກນັກຫຼິ້ນເກມຄອມ​ພິວ​ເຕີ້ ຫຼາຍຄົນຮູ້ດີວ່າ ພາບເໝືອນຈິງ ຫຼື virtual reality ແມ່ນເປັນຮູບສາມມິຕິ ທີ່ໄດ້ຖືກສາຍໃສ່ພວກແວນຕາພິເສດ. ມັນສາມາດຫລອກ ລວງສະໝອງຂອງທ່ານ ໃຫ້ຄິດວ່າ ໂລກໃນຄອມພິວເຕີ້ນັ້ນ ເປັນໂລກອັນແທ້ຈິງ. ແຕ່ຖ້າທ່ານ ພະຍາຍາມຈະຈັບມັນ ມັນ ຈະບໍ່ຢູ່ທີ່ນັ້ນ. ບັດນີ້ ບັນດານັກຄົ້ນຄວ້າຊາວການາດາ ກ່າວ ວ່າ ມັນອາດຈະເປັນໄປໄດ້ ທີ່ຈະສ້າງພາບເໝືອນຈິງ ທີ່ເປັນ ຮູບຮ່າງ ດ້ວຍການນຳໃຊ້ພວກໂດຣນນ້ອຍໆ. ຜູ້ສື່ຂ່າວຂອງ ວີໂອເອ George Putic ມີລາຍງານ ຊຶ່ງພຸດທະສອນ ຈະ ນຳມາສະເໜີທ່ານເປັນພາສາລາວ.

    ຂ່າວຫລ້າສຸດ

    ວີດີໂອ 12 ປະເທດ ລົງນາມແລກປ່ຽນການຄ້າ ຂົງເຂດປາຊິຟິກ ແຕ່ຍັງມີສິ່ງກີດຂວາງຢູ່ຂ້າງໜ້າ

    ບັນດາ 12 ປະເທດ ຈາກຂົງເຂດປາຊິຟິກ ໄດ້ຈັດຕັ້ງອັນທີ່ອາດຈະກາຍມາເປັນ ກຸ່ມແລກປ່ຽນການຄ້າໃຫຍ່ ທີ່ສຸດໃນໂລກ.
    ອ່ານຕື່ມ

    ສຽງ ຫວຽດນາມ ຈັດເປັນອັນດັບ 3 ໃນການລົງທຶນ ຕ່າງປະເທດ ໃນ ລາວ

    ການລົງທຶນຂອງບັນດາບໍລິສັດທຸລະກິດ ຫວຽດນາມ ຈັດເປັນອັນດັບທີ 3 ຂອງການລົງທຶນຈາກຕ່າງປະເທດທັງ ໝົດໃນ ລາວ
    ອ່ານຕື່ມ

    ວີດີໂອ ເພງ ເມື່ອຍ​ກັບ​ຄຳ​ວ່າ​ລໍ ຂໍ​ພໍ​ກັບ​ຄຳ​ວ່າ​ເຈັບ ຜົນງານເພງ ທີ່ປະທັບໃຈອີກເພງນຶ່ງຂອງ ຕ່າຍ ດອກເກດ

    ຜົນງານເພງຂອງຕ່າຍ ດອກເກດ ເພງ ​​ເມື່ອຍ​ກັບ​ຄຳ​ວ່າ​ລໍ ຂໍ​ພໍ​ກັບ​ຄຳ​ວ່າ​ເຈັບ ຄົງຈະເຮັດໃຫ້ທ່ານ ຜູ້ຟັງທີ່ເປັນຜູ້ຊາຍ ຫັນມາເປັນຄົນທີ່ເຫັນໃຈ ເຂົ້າໃຈ ແລະໃຫ້ຄວາມຈິງໃຈກັບແມ່ຍິງຫຼາຍຂຶ້ນ.
    ອ່ານຕື່ມ

    ເກົາຫຼີເໜືອ ບໍ່ຫຍໍ້ທໍ້ເລີຍ ຕໍ່ການກ່າວປະນາມ ຂອງນາໆຊາດ

    ສູນປະຕິບັດການ ອາວະກາດຮ່ວມ ສຫລ ກ່າວວ່າ ການຍິງຈະຫຼວດຂຶ້ນ ທີ່ນຳເອົາອຸປະກອນສອງອັນ ຂຶ້ນສູ່ວົງໂຄ ຈອນນັ້ນ ບໍ່ໄດ້ໃຫ້ຄວາມກະຈ່າງແຈ້ງວ່າ ມັນສົ່ງສັນຍານອອກມາ ຫຼືບໍ່.
    ອ່ານຕື່ມ

    ວີດີໂອ ໜ່ວຍກູ້ໄພ ຄົ້ນພົບ ຜູ້ລອດຊີວິດ ໃນຊາກຫັກພັງ ຈາກແຜ່ນດິນໄຫວ ໄຕ້ຫວັນ

    ຜູ້ລອດຊີວິດ 2 ຄົນໄດ້ຖືກກູ້ອອກມາຈາກຊາກ ຫັກພັງຂອງຕຶກຫ້ອງແຖວ 17 ຊັ້ນໃນເມືອງ Tainan ຂອງເກາະໄຕ້ຫວັນ
    ອ່ານຕື່ມ
    ຕື່ມອີກ