ລາວ

ລັດຖະບານລາວ ຢືນຢັນ ຈະກໍ່ສ້າງ ເຂື່ອນໄຊຍະບຸລີ ຕໍ່ໄປ

ການສົນທະນາປຶກສາຫາລືກັນ ລະຫວ່າງຊາວບ້ານ ຢູ່ໃກ້ເຂດທີ່ຈະກໍ່ສ້າງແມ່ນໍ້າຂອງ ແລະເຈົ້າໜ້າທີ່ລາວ
ການສົນທະນາປຶກສາຫາລືກັນ ລະຫວ່າງຊາວບ້ານ ຢູ່ໃກ້ເຂດທີ່ຈະກໍ່ສ້າງແມ່ນໍ້າຂອງ ແລະເຈົ້າໜ້າທີ່ລາວ

ມຸນທີມີເດຍ

ສຽງ
  • ຟັງລາຍງານ ລັດຖະບານລາວຢືນຢັນ ຈະສ້າງເຂື່ອນໄຊຍະບຸລີ ຕໍ່ໄປ

ທາງ​ການ​ລາວ​ຈະ​ສືບ​ຕໍ່​ດໍາ​ເນີນ​ການ​ກໍ່ສ້າງ​ເຂື່ອນ​ໄຊ​ຍະ​ບູລີ ​ເທິງ
ລໍາ​ແມ່​ນໍ້າຂອງ ຫຼັງ​ຈາກ​ທີ່​ໄດ້​ທໍາ​ການ​ສຶກສາ​ເພື່ອ​ປ້ອງ​ກັນ​ບັນຫາ
​ຜົນ​ກະທົບ​ໃນ​ດ້ານ​ຕ່າງໆ​ ໄດ້​ຢ່າງ​ສົມບູນແບບ​ແລ້ວ.
 
​ເຈົ້າໜ້າ​ທີ່​ຂັ້ນ​ສູງ​ໃນ​ກະຊວງ​ພະລັງງານ​ແລະ​ບໍ່​ແຮ່ ​ໄດ້​ໃຫ້ການ​ຢືນ
ຢັນ​ວ່າ ການ​ດໍາ​ເນີນ​ການ​ກໍ່ສ້າງ​ເຂື່ອນ​ໄຊ​ຍະ​ບູລີ​ເທິງ​ແນວແມ່​ນໍ້າ
ຂອງ​ໃນ​ລາວ​ຍັງຈະ​ມີ​ການດໍາ​ເນີນ​ງານ​ຕໍ່​ໄປ​ຢ່າງ​ແນ່ນອນ ​ຊຶ່ງ​ເວ
ລາ​ນີ້​ຍັງ​ລໍຖ້າ​ພຽງ​ການ​ເຫັນ​ຊອບ​ຈາກຄະນະ​ກໍາມາ​ທິການ​ແມ່​ນໍ້າ
ຂອງ (MRC) ທີ່​ມີ​ລາວ ​ໄທ ກໍາປູ​ເຈຍ ​ແລະ​ຫວຽນາມ ທີ່​ເປັນ​ປະ
​ເທດ​ສະມາຊິກ​ຮ່ວມ​ກັນ​ເທົ່າ​ນັ້ນ.
 
​ສາ​ເຫດ​ທີ່​ທາງ​ການ​ລາວ​ຍັງ​ຕ້ອງ​ລໍຖ້າ​ການ​ເຫັນ​ຊອບ​ດັ່ງກ່າວ ກໍ​
ຍ້ອນ​ວ່າ​ ສະ​ມາ​ຊິກ​ບາງ​ປະ​ເທດ​ຍັງ​ມີ​ຄວາມ​ກັງວົນ​ໃຈ​ກ່ຽວ​ກັບ​ຜົນ
​ກະທົບ​ຕໍ່​ສະພາບ​ແວດ​ລ້ອມທໍາ​ມະ​ຊາດ​ ແລະ​ຜົນ​ກະທົບ​ຕໍ່​ສັງຄົມ
​ທີ່​ອາດ​ຈະ​ເກີດ​ຂຶ້ນຈາກ​ການ​ກໍ່ສ້າງ​ເຂື່ອນ​ໄຊຍະ​ບູລີ ຈຶ່ງ​ເຮັດ​ໃຫ້​ຕ້ອງ​ທໍາ​ການ​ສຶກສາ​ເພື່ອ​ປ້ອງ​ກັນ​ບັນຫາ​ຜົນ​ກະທົບດັ່ງກ່າວ​ອີກ​ເທື່ອ​ໃໝ່ ​ໃຫ້​ໄດ້​ມາດຕະຖານ​ສາກົນ ​ແລະ​ເປັນ​ທີ່​ຍອມຮັບ​ຂອງ​ສະມາຊິກ​ໃນ MRC ດ້ວຍ​ກັນ​ຢ່າງ​ແທ້​ຈິງ ດັ່ງ​ທີ່​ເຈົ້າໜ້າ​ທີ່​ຂັ້ນ​ສູງ​ຂອງ​ລາວ​ໄດ້​ໃຫ້ການ​ຊີ້​ແຈງ ວ່າ:
 
ພວກອະນຸລັກສິ່ງແວດລ້ອມໄທ ຍື່ນຄໍາຄັດຄ້ານການສ້າງເຂື່ອນໄຊຍະບູລີ ຕໍ່ສະພາແຫ່ງຊາດໄທ ໃນປີ 2011ພວກອະນຸລັກສິ່ງແວດລ້ອມໄທ ຍື່ນຄໍາຄັດຄ້ານການສ້າງເຂື່ອນໄຊຍະບູລີ ຕໍ່ສະພາແຫ່ງຊາດໄທ ໃນປີ 2011
x
ພວກອະນຸລັກສິ່ງແວດລ້ອມໄທ ຍື່ນຄໍາຄັດຄ້ານການສ້າງເຂື່ອນໄຊຍະບູລີ ຕໍ່ສະພາແຫ່ງຊາດໄທ ໃນປີ 2011
ພວກອະນຸລັກສິ່ງແວດລ້ອມໄທ ຍື່ນຄໍາຄັດຄ້ານການສ້າງເຂື່ອນໄຊຍະບູລີ ຕໍ່ສະພາແຫ່ງຊາດໄທ ໃນປີ 2011

“ສຶກສາ​ກ່ຽວ​ກັບ​ເລື່ອງ​ສະພາບ​ແວດ​ລ້ອມ ນຶ່ງ​ຫຼ່ະ​ແມ່ນ​
ກ່ຽວ​ກັບ​ເລື່ອງ​ດິນ​ຕົມ ​ເວລາ​ທີ່​ເຮົາ​ສ້າງ​ເຂື່ອນ​ແລ້ວ​ມັນ
​ຈະເກີດ​ຂີ້ຕົມ​ຫັ້ນ​ໜ່ະ ອັນ​ທີ່​ສອງ​ແມ່ນ​ກ່ຽວ​ກັບ ​ເລື່ອງ​ນໍ້າ
​ຈະ​ຖ້ວມ ອັນ​ທີ່​ສາມ​ກະ​ແມ່ນ​ບັນດາ​ອົງການ​ແມ່​ນໍ້າຂອງ​
ສາກົນ​ນີ້​ໜ່ະ ​ເຂົາ​ເຈົ້າຢ້ານ​ວ່າ​ນໍ້າຂອງ​ມັນ​ສິ​ແຫ້ງ ​ແລະ ​
ຄຽງ​ຄູ່​ກັນ​ນັ້ນ ກໍ​ເປັນ​ຫ່ວງ​ກ່ຽວ​ກັບ​ເລື່ອງ​ປາ ​ເວລາ​ເຮົາ
​ຕັນ​ເຂື່ອນ​ແລ້ວ​ມັນ​ກໍ​ມີ​ເລື່ອງປາ​ບາງ​ອັນ​ທີ່​ມັນ​ສິປ່ຽນ​ແປງ.”

 
ທັງ​ນີ້​ໂດຍ​ທາງ​ການ​ລາວ​ໄດ້​ວ່າ​ຈ້າງ ບໍລິສັດ Poyry ຈາກ​ສະ​ວິດ​ເຊີ​ແລນ​ດ໌ ​ແລະບໍລິສັດ CNR ຈາກ​ປະ​ເທດ​ຝຣັ່ງ ຊຶ່ງ​ທັງ​ສອງ​ບໍລິສັດ​ດັ່ງກ່າວ​ກໍ​ຢືນຢັນ​ວ່າ ສາມາດ​ທີ່​ຈະ​ປ້ອງ​ກັນ​ຜົນ​ກະທົບ​ໄດ້​ຢ່າງ​ແນ່ນອນ​ດ້ວຍ​ການ​ສ້າງ​ລະບົບ​ທາງ​ປາ​ຜ່ານ​ທີ່​ໃຊ້​ວິດ​ທະ​ຍາ​ການສະ​ໄໝ​ໃໝ່ ພ້ອມ​ດ້ວຍ​ການ​ສ້າງ​ອູ່​ຂອງ​ປາ ປ່ອງ​ປາຂຶ້ນ-ລົງ ​ໃນ​ລະບົບ​ປະຕູ​ເດີນ​ເຮືອ ການ​ສ້າງ​ສະຖານີ​ປາ​ທີ່​ຕິດ​ຕັ້ງ​ດ້ວຍ​ລະບົບ ກັງ​ຫັນ​ນໍ້າ​ທີ່​ເປັນ​ມິດ​ກັບ​ສັດ​ນໍ້າ​ທຸກ​ຊະນິດ ​ແລະ​ການ​ກໍ່ສ້າງ​ປະຕູ​ລະບາຍ​ດິນ​ຕົກຕະກອນ ​ເປັນ​ຕົ້ນ.
 
ຫາກ​ແຕ່​ວ່ອີກ​ບັນຫາ​ນຶ່ງ​ທີ່​ໂຄງການ​ເຂື່ອນ​ໄຊ​ບະ​ບຸລີ​ກໍາລັງ​ປະ​ເຊີນ​ຢູ່​ໃນ​ເວລາ​ນີ້ ກໍ​ຄື​ການ​ຄັດຄ້ານ​ຈາກ​ເຄືອ​ຂ່າຍ​ປະຊາຊົນ​ໄທ​ເພື່ອ​ການ​ອະນຸລັກ​ແມ່​ນໍ້າຂອງ ຊຶ່ງໄດ້​ພາກັນ​ເຄື່ອນ​ໄຫວ​ຄັດຄ້ານ​ການ​ກໍ່ສ້າງ​ເຂື່ອນ​ໄຊ​ຍະ​ບູລີ​ຢ່າງ​ຕໍ່​ເນື່ອງ.
 
ການ​ເຄື່ອນ​ໄຫວ​ທີ່​ຜ່ານ​ມາ ກໍ​ມີ​ທັງ​ການ​ລວມກັນ​ຍື່ນ​ຄໍາ​ຮ້ອງ​ເຖິງ​ຄະນະ​ຕຸລາການ​ສານ​ປົກ
ຄອງ​ຂອງ​ໄທ​ເພື່ອ​ຂໍ​ໃຫ້​ມີ​ຄໍາ​ສັ່ງ​ຍົກ​ເລີກ​ສັນຍາ​ທີ່​ການໄຟຟ້າ ຝ່າຍ​ຜະລິດ​ແຫ່ງ​ປະ​ເທດ​ໄທ (EGAT) ​ໄດ້​ຕົກລົງ​ທີ່​ຈະ​ຮັບ​ຊື້​ກະ​ແສ​ໄຟຟ້າ​ຈາກ ​ໂຄງການ​ເຂື່ອນ​ໄຊ​ຍະ​ບູລີ​ໃນ​ລາວ ດ້ວຍ
​ເຫດຜົນ​ທີ່​ວ່​າ​ໂຄງການ​ດັ່ງກ່າວ​ຍັງ​ບໍ່ ​ໄດ້​ທໍາ​ການ​ສຶກສາ​ເພື່ອ​ປ້ອງ​ກັນ​ບັນຫາ​ຜົນ​ກະທົບ​ຕໍ່​ສິ່ງ​ແວດ​ລ້ອມທໍາ​ມະ​ຊາດ​ຢ່າງ​ໄດ້​ມາດຕະຖານ​ສາກົນ.
 
ຊາວບ້ານຢູ່ບ້ານທີ່ຢູ່ລຽບຝັ່ງແມ່ນໍ້າຂອງຫລາຍຄົນແມ່ນອາໄສ ການຫາປາມາລ້ຽງຊີບຊາວບ້ານຢູ່ບ້ານທີ່ຢູ່ລຽບຝັ່ງແມ່ນໍ້າຂອງຫລາຍຄົນແມ່ນອາໄສ ການຫາປາມາລ້ຽງຊີບ
x
ຊາວບ້ານຢູ່ບ້ານທີ່ຢູ່ລຽບຝັ່ງແມ່ນໍ້າຂອງຫລາຍຄົນແມ່ນອາໄສ ການຫາປາມາລ້ຽງຊີບ
ຊາວບ້ານຢູ່ບ້ານທີ່ຢູ່ລຽບຝັ່ງແມ່ນໍ້າຂອງຫລາຍຄົນແມ່ນອາໄສ ການຫາປາມາລ້ຽງຊີບ


ໃນໂອກາດ​ດຽວ​ກັນ​ນີ້ ​ເຄືອ​ຂ່າຍ​ປະຊາຊົນ​ໄທ​ກໍ​ຍັງ​ອອກ​ຖະ​ແຫຼງການ​ຢືນ ຢັນ​ດ້ວຍ​ວ່າ​ຈະ​ດໍາ​ເນີນ​ການ​ຟ້ອງ​ຮ້ອງ​ຕໍ່​ສານ​ປົກຄອງ​ຂອງ​ໄທ​ດ້ວຍ​ເຊັ່ນ​ກັນ ຖ້າ ຫາກ​ວ່າ​ກຸ່ມ​ບໍລິສັດ ຊ. ການ​ຊ່າງ​ຈໍາ​ກັດ (ມະຫາຊົນ) ຍັງ​ຄົງ​ຢືນ​ຢັນ​ທີ່​ຈະ​ທໍາ​ການ ກໍ່​ສ້າງ​ເຂື່ອນ​ໄຊ​ຍະ​ບູລີ​ຕໍ່​ໄປ ກັບ​ທັງ​ຍັງ​ຈະ​ຟ້ອງ​ຮ້ອງ​ທະນາຄານໃນ​ໄທ​ທຸກ​ທະນາຄານ ​ທີ່​ຕົກລົງ​ອະນຸມັດ​ເງິນ​ກູ້​ໃຫ້​ກັບ​ກຸ່ມ​ບໍ ລິສັດ ຊ.ການ​ຊ່າງ​ອີກ​ດ້ວຍ.
 
ທັງ​ນີ້​ກໍ​ເນື່ອງ​ຈາກ​ເຄືອ​ຂ່າຍ​ປະ​ຊາຊົນ​ໄທມອງເຫັນວ່າການ​ກະທໍາ​ດັ່ງກ່າວ​ຂອງ​ທັງ​ທະນາ ຄານ​ໃນ​ໄທ​ແລະ​ກຸ່ມ​ບໍລິສັດ ຊ.ການ​ຊ່າງ​ນັ້ນ ​ເປັນ​ສິ່ງ​ທີ່​ຂັດ​ຕໍ່​ກົດໝາຍໄດ້ ​ໂດຍ​ສະ​ເພາະ​ແມ່ນ​ສັນ​ຍາ​ຊື້​ຂາຍ​ພະລັງງານ​ໄຟຟ້າ​ຈາກ​ເຂື່ອນ​ໄຊ​ຍະ​ບູລີ​ລະ ຫວ່າງ​ລາວ​ກັບ​ໄທ​ນັ້ນ ​ໄດ້​ຈັດ​ຂຶ້ນ​ໂດຍ​ບໍ່​ໄດ້​ໃຫ້​ຂໍ້​ມູນ​ຂ່າວສານ​ແກ່​ປະຊາຊົນ​ໄທ​ໃນ​ວົງ​ກວ້າງ ຈຶ່ງ​ເປັນ​ການ​ທີ່​ຂັດ​ຕໍ່​ລັດ ຖະທໍາ​ມະ​ນູນການ​ປົກຄອງ​ຂອງໄທ​ໂດຍ​ກົງ.
 
ນອກຈາກ​ນີ້​ແລ້ວ ການ​ທີ່​ປາກົດ​ວ່າ​ຍັງ​ຄົງ​ມີ​ການ​ສືບ​ຕໍ່​ດໍາ​ເນີນ​ໂຄງການ​ໃນ​ລາວ​ຢູ່​ເລື້ອຍ​ມາ​ກໍ​ຍັງ​ເປັນ​ການ​ຂັດ​ຕໍ່​ມະຕິ​ຂອງ​ຄະນະ​ກໍາ​ມະ​ທິການ​ແມ່​ນໍ້າຂອງ (MRC) ທີ່​ໄດ້​ກໍານົດ​ໃຫ້​ທໍາ​ການ​ສຶກສາ​ເພື່ອ​ປ້ອງ​ກັນ​ຜົນ​ກະທົບ​ຕໍ່​ສັງຄົມ​ແລະສິ່ງແວດ​ລ້ອມ​ທໍ​າມະ​ຊາດ​ຢ່າງ​ຄົບ​ຖ້ວນ​ເສຍ​ກ່ອນ​ອີກ​ດ້ວຍ.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 2 ໜ້າຄວາມເຫັນ
    ຕໍ່ໄປ 
ໂດຍ: ຄົນລາວຮັກຊາດ
01.11.2012 09:24
ເປັນຄົນລາວຕ້ອງຮັກຊາດລາວ, ຮັກສາປະເພນີລາວເຮົາຢູ່ຄູ່ກັບຄົນລາວຕະຫຼອດໄປ, ຢ່າໄປຫຼົງເຊື່ອຄຳເວົ້າຂອງຄົນຊາດອື່ນ

ໂດຍ: ບໍ່ປະສົງອອກນາມ
01.11.2012 09:20
ຄົນໄທບາງກຸມທີ່ມີແນວຄິດບໍ່ດີຕໍ່ປະເທດລາວ ລັດຖະບານລາວເຮົາບໍ່ຕ້ອງສົນໃຈກັບມັນ. ຂໍເປັນກຳລັງໃຫ້ລັດບານລາວເຮົາຈົ່ງເດີນໜ້າຕໍ່ເພື່ອອານາຄົດຂອງປະເທດລາວເຮົາສູ້ໆ

ໂດຍ: ຈາກ:
28.10.2012 09:01
ສ້າງໄປເລີຍບໍ່ກ່ຽວກັບເຂົາເຈົ້າດອກ ບ້ານເຮົາເນາະ ເຂົາຢ້ານເຮົາລື່ນ ຮາ ຮາ ຮາ

ໂດຍ: ລາວຜູ້ນ້ອຍ ຈາກ: ລາວ
26.10.2012 11:03
ໃຫ້ລັດຖະບານ ສປປລາວຢືນຢັນສືບຕໍ່ກໍ່ສ້າງ ຢ່າໄປຟັງຄວາມຄົນໄທ ໄຟຈະໃໝ້ຮາກຫຍ້າ ນິໃສຄົນໄທຂີ້ສໍ້ຕໍ່ແຫຼະ
ສົງໃສຢ້ານ ສປປ ລາວລື່ນ.ຈິ່ງຈ້າງຄົນມາຄັດຄ້ານແນວນັ້ນແນວນີ້.

ໂດຍ: ບໍ່ບອກ ຈາກ: ລາວ
17.10.2012 12:31
ຂໍໃຫ້ລັດຖະບານລາວ ຈົ່ງເດີນໜ້າຕໍ່ໄປ ໃນການສ້າງເຂື່ອນໃຫ້ສຳເລັດ ປະຈຸບັນແມ່ນມີຄົນສ່ວນຫຼາຍ ກຳລັງສະໜັບສະໜູນຢູ່ ບໍ່ຕ້ອງໄປສົນໃຈ ນຳສຽງສ່ວນນ້ອຍຂອງຄົນໄທທີ່ບໍ່ຫວັງດີ

ໂດຍ: ບໍ່ຂໍອອກຊື່
16.10.2012 00:26
ການທີ່ຈະເຮັດເຂື່ອນໄຟຟ້າ ກໍຍ້ອນຍາກໃຫ້ປະເທດລາວ ມີການພັດທະນາ ຫຼາຍກ່ວາປະເທດອື່ນ ແລະ ໃຫ້ມັນພົ້ນອອກຈາກຄວາມທຸກຍາກ ຄົນບໍ່ຕ້ອງຊົນໃຈມັນຄົນໄທນະ ພວກດູຖືກຄົນ

ໂດຍ: ລາວຈຳປາ ຈາກ: from: LAOS
15.10.2012 09:35
ຊິຍາກຫຍັງຖ້າທ່ານຢາກພິມພາສາລາວໄດ້ ໃຫ້ຕິດຕັ້ງ FONT ໄຊເສດຖາ OT ຖ້າຄອມພິວເຕີ້ຂອງທ່ານສາມາດພິມ FONT ໄຊເສດຖາ OT ໄດ້ ເມື່ອເວລາທ່ານຕ້ອງການ ຢາກພິມຄຳເຫັນຂອງທ່ານລົງໃນອິນເຕີເນັດເປັນພາສາລາວ ທ່ານກໍ່ພຽງແຕ່ກົດໃສ່ຕົວອັກສອນ ລ ຢູ່ແຖບດ້ານລຸ່ມເບື່ອງຂວາມື ໃຫ້ຕົວລໍນັ້ນເປັນສີດຳແລ້ວ ທ່ານກໍ່ສາມາດພິມພາສາລາວໄດ້ໂລດ. ຖ້າຍັງພິມບໍ່ເປັນພາສາລາວຢູ່ໃຫ້ປະຕິບັດດັ່ງນີ້:
1. Click ຂວາໃສ່ຕົວ ລໍ ແລ້ວເລື່ອນຂຶ້ນ Font codes ແລ້ວ click ຊ້າຍໃສ່ Unicode ປະຕິບັດພຽງເທົ່ານີ້ ທ່ານກໍ່ສາມາດພິມພາສາລາວໄດ້ແລ້ວ. ຖ້າຕ້ອງການພິມອັງກິດກໍ່ກົດໃສ່ຕົວ ລໍ ໃຫ້ມັນຂາວຄືນແລ້ວກໍ່ພິມເປັນອັງກິດຄືນ. ລອງເອົາໄປປະຕິບັດເບິ່ງກ່ອນ ຖ້າຍັງມີບັນຫາຢູ່ຖາມໄດ້

ໂດຍ: ຄົນ1ໃນໄຊຍະບູລີ ຈາກ: sayabory
13.10.2012 17:30
ໃນຖານະຂອ້ຍກໍ່ເປັນຄົນລາວຄົນ1ຂອ້ຍຂໍໃຫ້ລັດຖະບານດຳເນີນການສ້າງເຂື່ອນຕໍ່ບໍ່ຕອ້ງໄປສົນໃຈກູ່ມຄົນນອ້ຍຯ

ໂດຍ: ລູກນ້ຳຂອງ ຈາກ: ສະຫວັນະເຂດ
12.10.2012 21:03
ໃນປະເທດເຂດຕາເວັນອອກກາງ ເຂົາຂຸດຄົ້ນນ້ຳມັນຂາຍກັນມາຕັ້ງຫຼາຍຮ້ຽປີມາແລ້ວ ແລະ ມີຫຼາຍປະເທດທີ່ລ້ຳລວຍມະຫາສານມາແລ້ວ,
ມົລະພິດຈາກການຂຸດຄົ້ນນ້ຳມັນໄດ້ທຳລາຍສິ່ງແວດລ້ອມຂອງໂລກ,ພວກຫົວນິຍົມພວກນີ້ມັນໄປຢູ່ໄສຄືບໍ່ອອກມາຄັດຄ້ານ ຫຼື ວ່າມັນມີ
ເງິນຫຼາຍຊິເອົາມາໃຫ້ລາວເຮົາພັດທະນາປະເທດຊາດ.

ໂດຍ: ລາວ ຈາກ: ຫົວພັນ
12.10.2012 11:49
ຂໍໃຫ້ລັດຖະບານເຮົາຈີ່ງທຳການສຶກສາຜົນກະທົບທາງບວກ ແລະ ລົບ ຫຼື ຈ້າງບໍລິສັດທີມັນເກັງໆເພື່ອສຶກສາຄວາມເປັນໄປໄດ້
ຖ້າຫາກເປັນໄປໄດ້ແລ້ວໃຫ້ທຳການເລີມລົງມືກໍ່ສ້າງແດ່ເດີ ອັນນີ້ແລ້ວທ່າແຮງ ສ່ວນຄົນໄທພາກ່ສວນໜື່ງຄັດຄ້ານນີ້ອັນມັນເປັນ
ປະເພນີຂອງຄົນໄທເທົ່ານັ້ນ ຄົນລາວເຮົາບໍ່ເຄີຍມີເດີ
ໜ້າ ໃນ 2 ໜ້າຄວາມເຫັນ
    ຕໍ່ໄປ 
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ບັນດານັກຄົ້ນຄວ້າ ຜະລິດ ຂາທຽມ ແບບ​ຫຸ່ນ​ຍົນ ທີ່ຄ້າຍຄື ກັບຂາແທ້ໆi
X
25.08.2015
ບັນດາຂາທຽມລຸ້ນໃໝ່ ສາມາດເຮັດໃຫ້ ຜູ້ນຳໃຊ້ພວກມັນ ຍ່າງໄດ້ງ່າຍຄືກັນກັບ ຄົນອື່ນໂດຍທົ່ວໄປ. ນຶ່ງໃນບັນດາ ພວກອົງຄະທຽມເຫຼົ່ານີ້ ສາມາດເຮັດໃຫ້ຜູ້ທີ່ສຸບໃສ່ມັນນັ້ນ ຮູ້ຊຶກເຖິງພື້ນດິນໄດ້ດ້ວຍ. ຜູ້ສື່ຂ່າວວີໂອເອ Carol Pearson ມີເລື້ອງນີ້ຕື່ມ ເຊິ່ງໄຊຈະເລີນສຸກ ຈະນຳມາ ສະເໜີທ່ານ ເປັນພາສາລາວ.

ຂ່າວຫລ້າສຸດ

ວີດີໂອ ສຳພາດ ນາງສາວມະນີລາ ຈັນ ນັກຂ່າວໂທລະພາບ ອາເມຣິກັນ ເຊື້ອສາຍລາວ

ວີໂອເອ ສຳພາດ ນາງສາວມະນິລາ ຈັນ ນັກຂ່າວໂທລະພາບຣັດເຊຍ ທີ່ເປັນຄົນອາເມຣິກັນ ເຊື້ອສາຍລາວ ທີ່ ນະຄອນຫລວງວໍຊິງຕັນ.
ອ່ານຕື່ມ

ວີດີໂອ ຮຸ້ນ ໃນເຂດເອເຊຍ ຖີບໂຕສູງຂຶ້ນ ຕາມການນຳພາ ຂອງ ຕະຫຼາດຮຸ້ນ ສຫລ

ດັດຊະນີຮຸ້ນ ນະຄອນຊຽງໄຮ້ ຖີບຂຶ້ນຈາກລົບ ມາເປັນສົມ 5.3 ເປີເຊັນ ຂະນະທີ່ຮຸ້ນ ຢູ່ໂຕກຽວ ຊິດນີ ແລະໂຊລ ຕ່າງກໍມີລາຄາ ສູງຂຶ້ນປະມານ 1 ເປີເຊັນ.
ອ່ານຕື່ມ

ຜູ້​ວາງ​ລະ​ເບີດ ​ດ້ວຍລົດ​ສະຫຼະຊີບ ສັງຫານ ຜູ້ບັນຊາການ ທະຫານ ອີຣັກ 2 ທ່ານ

ເຈົ້າໜ້າ​ທີ່​ ກ່າວວ່າ ການ​ໂຈມ​ຕີ ​ເກີດ​ຂຶ້ນ​ໃນ​ວັນ​ພະຫັດມື້​ນີ້ ຢູ່​ທາງ​​ເໜືອ ​ຂອງເມືອງຣາມາ​ດີ ໃນ​ແຂວງ ອານ​ບາ ທີ່​ພວກ​ລັດ​ອິສລາມ ​ໄດ້​ຄວບຄຸມ​ຢູ່​ນັ້ນ.
ອ່ານຕື່ມ

ຈີນຈັບ 12 ຄົນ ໃນການສືບສວນ ກ່ຽວກັບ ເຫດລະເບີດ ທີ່ທຽນຈິນ

ຮວມບັນດາພວກທີ່ຖືກຈັບ ຍ້ອນເຫດລະເບີດ ຂະໜາດໃຫຍ່ ທີ່ເມືອງທຽນຈິນນັ້ນ ກໍມີທ່ານ Yu Xuewei ແລະທ່ານ Dong Shexuan ຜູ້ຖືກຮຸ້ນລາຍໃຫຍ່ ຂອງບໍລິສັດ.
ອ່ານຕື່ມ

ວີດີໂອ ມືປືນ ທີ່ຍິງສັງຫານ ນັກຂ່າວ ໂທລະພາບ ເອີ້ນ​ຕົນ​ເອງ​ວ່າ ​ເປັນມະນຸດ​​ ອັນຕະລາຍ

ນາຍ Flanagan ​ໄດ້​ບັນ​ລະຍາຍ ​​​ເຖິງການ​ຍິງ​ສັງຫານ​ໝູ່​ ເມື່ອ​ເດືອນ​ມິຖຸນາ ຢູ່​ທີ່ ​ໂບດອາ​ເມຣິກັນຜິວດຳ ທີ່ເມືອງ Charleston ວ່າ ເປັນ “ຈຸດ​ພິກ​ປີ້ນ” ຂອງລາວ.
ອ່ານຕື່ມ
ຕື່ມອີກ