ຂ່າວ

    ນາຍົກລັດຖະມົນຕີລາວ ຢືນຢັນວ່າ ຈະປັບປຸງກົນໄກປາບປາມ ການສໍ້ລາດບັງຫຼວງ

    ນາຍົກລັດຖະມົນຕີລາວຢືນຢັນວ່າ ຈະດໍາເນີນການປັບປຸງການບໍລິຫານງານຂອງລັດຖະ ບານຢ່າງຕັ້ງໜ້າ ເພື່ອເພີ່ມປະສິດທິພາບເຂົ້າໃນການປາບປາມການສໍ້ລາດບັງຫຼວງ ໃນ ວົງການລັດຖະບານ.

    ໃນກອງປະຊຸມຄັ້ງປະຖົມມະເລີກຂອງສະພາແຫ່ງຊາດລາວຊຸດທີ 7 ທີ່ຈະດໍາເນີນໄປຈົນເຖິງວັນ 24 ມິຖຸນາ 2011 ນັ້ນ ທ່ານທອງສິງ ທໍາມະວົງ ໄດ້ກ່າວຢືນຢັນວ່າ ຈະປາບປາມການສໍ້ລາດບັງຫລວງ ໃຫ້ໄດ້ດີ ມີປະສິດທິຜົນຂຶ້ນກວ່າເກົ່າ.
    ໃນກອງປະຊຸມຄັ້ງປະຖົມມະເລີກຂອງສະພາແຫ່ງຊາດລາວຊຸດທີ 7 ທີ່ຈະດໍາເນີນໄປຈົນເຖິງວັນ 24 ມິຖຸນາ 2011 ນັ້ນ ທ່ານທອງສິງ ທໍາມະວົງ ໄດ້ກ່າວຢືນຢັນວ່າ ຈະປາບປາມການສໍ້ລາດບັງຫລວງ ໃຫ້ໄດ້ດີ ມີປະສິດທິຜົນຂຶ້ນກວ່າເກົ່າ.

    ມຸນທີມີເດຍ

    ສຽງ
    • ນາຍົກລັດຖະມົນຕີລາວ ຢືນຢັນວ່າ ຈະປັບປຸງກົນໄກປາບປາມ ການສໍ້ລາດບັງຫຼວງ

    ຊົງຣິດ ໂພນເງິນ

    ທ່ານ ທອງສິງ ທໍາມະວົງ ໄດ້ຖະແຫຼງຢືນຢັນໃນໂອກາດທີ່ໄດ້ຮັບການແຕ່ງຕັ້ງເປັນ
    ນາຍົກລັດຖະມົນຕີຂອງລາວ ໃນລະຫວ່າງກອງປະຊຸມຄັ້ງປະຖົມມະເລີກຂອງສະພາ
    ແຫ່ງຊາດລາວຊຸດທີ 7 ທີ່ກໍາລັງດໍາເນີນການປະ ຊຸມຢູ່ໃນເວລານີ້ວ່າ ວຽກງານທີ່ສໍາ
    ຄັນຢ່າງຍິ່ງປະການນຶ່ງ ທີ່ທ່ານຈະດໍາເນີນການພັດທະນາປັບປຸງໃຫ້ມີປະສິດທິພາບ
    ຫຼາຍຂຶ້ນກໍຄື ການປາບປາມການສໍ້ລາດບັງຫຼວງໃນວົງການຂອງລັດຖະບານ ໃນທົ່ວ ປະເທດ.

    ທັງນີ້ເພື່ອເຮັດໃຫ້ສາມາດບັນລຸເປົ້າໝາຍດັ່ງກ່າວໄດ້ຢ່າງແທ້ຈິງນັ້ນ ກໍມີຄວາມຈໍາເປັນ ຢ່າງຍິ່ງທີ່ຈະຕ້ອງດໍາເນີນການປັບປຸງທັງລະບົບ ແລະ ວິທີການຈັດຕັ້ງປະຕິບັດວຽກ
    ງານຕ່າງໆ ຂອງລັດຖະບານລາວໃນທຸກລະດັບຢ່າງຄົບຊຸດ ດັ່ງທີ່ທ່ານ ທອງສິງ ໄດ້
    ໃຫ້ການຢືນຢັນວ່າ:

    ທ່ານ ທອງສິງ ທໍາມະວົງ ທີ່ຖືກເລືອກໃຫ້ເປັນນາຍົກ ລັດຖະມົນຕີລາວອີກນຶ່ງ ສະໄໝ
    ທ່ານ ທອງສິງ ທໍາມະວົງ ທີ່ຖືກເລືອກໃຫ້ເປັນນາຍົກ ລັດຖະມົນຕີລາວອີກນຶ່ງ ສະໄໝ

    “ລັດຖະບານຈະສືບຕໍ່ປັບປຸງແບບແຜນວິທີເຮັດວຽກ
    ແລະສ້າງບາດກ້າວບຸກທະລຸດ້ານກົນໄກ ແລະລະ
    ບຽບການບໍລິຫານຄຸ້ມຄອງໃຫ້ເປັນຈິງ, ພ້ອມກັນນັ້ນ
    ຈະເຮັດໃຫ້ການຄຸ້ມຄອງລັດຢູ່ຂັ້ນສູນກາງ ແລະທ້ອງ
    ຖິ່ນມີຄວາມກົມກຽວເປັນເອກະພາບ ແລະມີຄວາມ
    ສັກສິດ
    . ທັງຈໍາກັດແກ້ໄຂບັນຫາການສວຍໂອກາດ
    ການສໍ້ລາດບັງຫຼວງ ແລະຄວາມບໍ່ໂປ່ງໃສໃນດ້ານ
    ຕ່າງໆ ຢ່າງຈິງໃຈ
    .

    ກ່ອນໜ້ານີ້ ກອງປະຊຸມໃຫຍ່ຄັ້ງທີ 9 ຂອງພັກປະຊາຊົນ
    ປະຕິວັດລາວ ໄດ້ມີມະຕິຄໍາສັ່ງໃຫ້ຄະນະລັດຖະບານລາວ
    ຕ້ອງດໍາເນີນການປະຕິບັດ ເພື່ອຍົກລະດັບປະສິດທິພາບ
    ໃນການບໍລິຫານງານຂອງລັດຖະບານໃນທຸກໆ ດ້ານເພື່ອ
    ປາບປາມການສໍ້ລາດບັງຫຼວງໃນວົງການລັດຖະບານໃຫ້ໄດ້ ຢ່າງເປັນຮູບປະທໍາ.

    ແຕ່ວ່າການທີ່ຈະເຮັດໃຫ້ສາມາດບັນລຸເປົ້າໝາຍດັ່ງກ່າວໄດ້ຢ່າງແທ້ຈິງນັ້ນ ກໍມີຄວາມຈໍາ
    ເປັນຈະຕ້ອງມີການດໍາເນີນມາດຕະການກວດກາ ການບໍລິຫານງານ ໃນອົງການພັກ-
    ລັດຢ່າງເຂັ້ມງວດ ແລະທົ່ວເຖິງ ທັງໃນສູນກາງ ແລະທ້ອງຖິ່ນໃນທົ່ວປະເທດ. ພ້ອມທັງ ຍັງດໍາເນີນການຈັດຕັ້ງປະຕິບັດຕາມກົດໝາຍ ແລະແຜນການຕ່າງໆທີ່ສະພາແຫ່ງ
    ຊາດລາວໄດ້ວາງ​ໄວ້ອີກດ້ວຍ.

    ດັດສະນີການສໍ້ລາດບັງຫລວງຂອງອົງການຄວາມ ໂປ່ງໃສສາກົນ ທີ່ພິມອອກໃນເດືອນຕຸລາ 2010 ຊຶ່ງລາວຖືກຈັດຢູ່ໃນອັນດັບທີ 154 ໃນຈໍານວນ 178 ປະເທດທີ່ຖືກສໍາຫລວດ ຊຶ່ງໝາຍຄວາມວ່າ ລາວຢູ່ໃນອັນດັບທີ 24 ໃນບັນດາປະເທດທີ່ມີ ຄວາມໂປ່ງໃສໜ້ອຍທີ່ສຸດ. (AP)
    ດັດສະນີການສໍ້ລາດບັງຫລວງຂອງອົງການຄວາມ ໂປ່ງໃສສາກົນ ທີ່ພິມອອກໃນເດືອນຕຸລາ 2010 ຊຶ່ງລາວຖືກຈັດຢູ່ໃນອັນດັບທີ 154 ໃນຈໍານວນ 178 ປະເທດທີ່ຖືກສໍາຫລວດ ຊຶ່ງໝາຍຄວາມວ່າ ລາວຢູ່ໃນອັນດັບທີ 24 ໃນບັນດາປະເທດທີ່ມີ ຄວາມໂປ່ງໃສໜ້ອຍທີ່ສຸດ. (AP)

    ກ່ອນໜ້ານີ້ ອົງການກວດກາ
    ຄວາມໂປ່ງໃສສາກົນ ຫຼື
    Transparency
    International ໄດ້ລາຍງານ
    ແລະໄດ້ຈັດໃຫ້ລາວເປັນປະ
    ເທດນຶ່ງ​ທີ່ຢູ່ໃນ​ກຸ່ມປະເທດ
    ທີ່ມີການສໍ້ລາດບັງຫຼວງຫຼາຍ
    ທີ່ສຸດໃນໂລກ. ທັງນີ້ ​ເຖິງ​
    ແມ່ນ​ວ່າ​ລາວ​ຈະ​ຖື​ກຈັດ​ໃຫ້​ຢູ່
    ໃນ​ອັນດັບທີ່ດີ​ຂຶ້ນຈາກ 158
    ໃນປີ 2009 ​ມາ​ເປັນອັນດັບ
    ທີ່ 154 ຈາກທັງໝົດ 178
    ປະ​ເທດ​ໃນ​ປີ 2010 ກໍ່ຕາມ
    ຫາກ​ແຕ່​ວ່າ​ລາວ​ກໍ່​ໄດ້​ຮັບ​ຄະ
    ແນນ​ຄວາມ​ໄວ້​ວາງ​ໃຈ​ຈາກ
    ບັນດາ​ນັກທຸລະກິດ​ຊາວ​ຕ່າງ
    ຊາດ​ພຽງ​ແຕ່ 2.0 ຄະ​ແນນ
    ໃນ​ປີ 2009 ​ແລະ 2.1 ຄະ​ແນນ​ເທົ່າ​ນັ້ນ​ໃນ​ປີ 2010 ຈາກ 10 ​ຄະ​ແນນ​ເຕັມ.

    ສ່ວນ​ປະ​ເທດ​ໃນ​ກຸ່ມ​ອາ​ຊຽນດ້ວຍ
    ກັນ​ ທີ່​ໄດ້​ຮັບ​ຄະ​ແນນ​ໄວ້​ວາງ​ໃຈ​ຈາກ​ບັນດາ​ນັກທຸລະກິດຊາວ​ຕ່າງ​ຊາດ​ຫຼາຍກວ່າລາວ​ ກໍມີ​:
    ສິງກະ​ໂປ, ບູ​ໄນ, ມາ​ເລ​ເຊຍ, ​ໄທ, ອິນ​ໂດ​ເນ​ເຊຍ, ຫວຽດນາມ​ແລະຟີ​ລິບ​ປິນຕາມ​ລຳດັບ ​
    ໃນ​ຂະນະ​ທີ່​ກຳປູ​ເຈຍ​ນັ້ນ​ຖືກ​ຈັດ​ໃຫ້​ຢູ່​ໃນ​ອັນ​ດັບ​ດຽວ​ກັບ​ລາວ. ດ້ວຍ​ເຫດ​ນີ້ ​ຈຶ່ງ​ມີ​ພຽງ​ແຕ່
    ມຽນມາ​ປະ​ເທດ​ດຽວ​ເທົ່າ​ນັ້ນ ​ທີ່​ມີ​ການ​ສໍ້​ລາດບັງ​ຫຼວງຫຼາຍ​ກວ່າ​ລາວ.

    ກາຕູນລລຽນການສໍ້ລາດບັງຫລວງຢູ່ໃນລາວທລົງພິມໃນໜັງສືພິມ ລາວສະບັບນຶ່ງ ໃນໝໍ່ໆ ມານີ້
    ກາຕູນລລຽນການສໍ້ລາດບັງຫລວງຢູ່ໃນລາວທລົງພິມໃນໜັງສືພິມ ລາວສະບັບນຶ່ງ ໃນໝໍ່ໆ ມານີ້

    ທາງ​ດ້ານ​ເຈົ້າໜ້າທີ່​ຂັ້ນສູງ​ໃນ
    ກະຊວງກະສິກໍາ-ປ່າ​ໄມ້​ລາວ
    ກໍໄດ້ຍອມຮັບ​ວ່າ ພາກສ່ວນ​
    ທີ່​ມີ​ການ​ສໍ້​ບາດ​ບັງ​ຫຼວງຫຼາຍ
    ທີ່​ສຸດ​ນັ້ນ ກໍ​ຄື​ພາກສ່ວນ​ທີ່
    ກ່ຽວຂ້ອງ​ກັບ​ການ​ອານຸຍາດ
    ໃຫ້​ສໍາ​ປະທານ​ປ່າ​ໄມ້ຊຶ່ງ​ເຮັດ
    ໃຫ້​ມີການ​ລັກລອບ​ຕັດ​ໄມ້
    ໂດຍຜິດ​ກົດໝາຍ​ເກີດ​ຂຶ້ນ
    ຢ່າງ​ກວ້າງຂວາງ​ໃນ​ທົ່ວ​ປະ
    ເທດ​ລາວ ​ແລະ​ເປັນ​ບັນຫາ
    ໃຫຍ່ທີ່​ຍາກ​ຕໍ່​ການ​ປ້ອງ​ກັນ
    ແລະປາບ​ປາມອີກ​ດ້ວຍ.

    ທັງນີ້​ ກໍ​ເນື່ອງ​ຈາກ​ວ່າ ອໍາ
    ນາດ​ການ​ປົກຄອງ​ທັ້ງທີ່ຢູ່​
    ໃນ​ສູນ​ກາງ ​ແລະລະດັບ
    ທ້ອງ​ຖິ່ນ​ໄດ້​ມີ​ການ​ອະນຸຍາດ
    ໃຫ້​ມີ​ການສ້າງ​ຕັ້ງ​ໂຮງ​ເລື່ອຍ
    ແລະໂຮງ​ງານ​ແປ​ຮູບ​ໄມ້​ຈໍາ
    ນວນ​ຫຼາຍ​ຈົນເກີນໄປ ​ຈຶ່ງ​
    ເຮັດ​ໃຫ້​ຍາກ​ຕໍ່​ການ​ທີ່​ຈະຄວບ
    ຄຸມ ​ແລ​ະກວດກາ​ໄດ້​ຢ່າງທົ່ວ
    ເຖິງ ​ແລະໃນ​ຂະນະ​ດຽວກັນ
    ຜົນ​ຂອງ​ການ​ກວດກາ​ໃນ​ໄລຍະ​ທີ່​ຜ່ານ​ມາ​ ກໍ່​ພົບ​ວ່າມີ​ເຈົ້າ​ຂອງກິດຈະການ​ຫຼາຍ​ໂຮງງານ
    ທີ່​ໄດ້​ລະ​ເມີດ​ກົດໝາຍດ້ວຍ​ການ​ເຂົ້າ​ໄປ​ກ່ຽວຂ້ອງກັບ​ການ​ລັກລອບ​ຕັດ​ໄມ້​ເພື່ອ​ນໍາ​ເອົາ​ມາ ​ປ້ອນໂຮງງານຂອງ​ພວກ​ຕົນ.

    ໄມ້ຈໍານວນນຶ່ງທີ່ຖືກລັກລອບຕັດໂດຍຜິດກົດໝາຍແລະຖືກລັດຖະ ບານຢຶດໄດ້
    ໄມ້ຈໍານວນນຶ່ງທີ່ຖືກລັກລອບຕັດໂດຍຜິດກົດໝາຍແລະຖືກລັດຖະ ບານຢຶດໄດ້

    ໃນ​ຊ່ວງ 6 ​ເດືອນທີ່​ຜ່ານ​ມາ​
    ຂອງ​ແຜ​ນການ​ປະ​ຈໍາປີ 2010
    -2011 ນີ້​ ກົມກວດກາປ່າໄມ້
    ສາມາດ​ຢຶດຂອງ​ກາງ​ ເປັນ​ໄມ້
    ທ່ອນໄດ້​ຈໍານວນ 64,000
    ກວ່າທ່ອນ ພ້ອມດ້ວຍ​ໄມ້​ແປ
    ຮູບຫຼາຍ​ກວ່າ 324,000 ​ແຜ່ນ,
    ໄມ້ຄໍ້າແບບ 5 ໝື່ນກວ່າລໍາ,
    ຍານພາຫະນະ 200 ກວ່າຄັນ,
    ຈັກສໍາລັບ​ຕັດ​ໄມ້ 164 ​ເຄື່ອງ
    ແລະມີປ່າໄມ້ຖືກທໍາລາຍບຸກລຸກ
    ກວ້າງກວ່າ 7,200ເຮັກຕາ.

    ນອກຈາກນັ້ນ ບັນຫາທີ່ໜ້າເປັນຫ່ວງກໍຄືການປະກົດວ່າ ໄດ້ມີການລັກລອບຕັດໄມ້ໃນເຂດ
    ປ່າສະຫງວນນັບມື້ເພີ່ມຫຼາຍຂຶ້ນ, ໂດຍພື້ນທີ່ ທີ່ມີການລັກລອບຕັດໄມ໊ຫຼາຍທີ່ສຸດ ກໍ່ຄື:
    ແຂວງວຽງຈັນ, ບໍລິຄຳໄຊ, ຄຳມ່ວນ, ສາລະວັນ, ອັດຕະປື, ຊຽງຂວາງ, ອຸດົມໄຊ ແລະ
    ຜົ້ງສາລີ.

    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ຄວາມເຫັນ
         
    ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມວີດີໂອ ເລື່ອງການສ້າງພາບ ເໝືອນຈິງ ທີ່ເປັນຮູບຮ່າງ ດ້ວຍການນຳໃຊ້ ພວກໂດຣນນ້ອຍໆi
    X
    30.01.2016
    ໃນຂະນະທີ່ ພວກນັກຫຼິ້ນເກມຄອມ​ພິວ​ເຕີ້ ຫຼາຍຄົນຮູ້ດີວ່າ ພາບເໝືອນຈິງ ຫຼື virtual reality ແມ່ນເປັນຮູບສາມມິຕິ ທີ່ໄດ້ຖືກສາຍໃສ່ພວກແວນຕາພິເສດ. ມັນສາມາດຫລອກ ລວງສະໝອງຂອງທ່ານ ໃຫ້ຄິດວ່າ ໂລກໃນຄອມພິວເຕີ້ນັ້ນ ເປັນໂລກອັນແທ້ຈິງ. ແຕ່ຖ້າທ່ານ ພະຍາຍາມຈະຈັບມັນ ມັນ ຈະບໍ່ຢູ່ທີ່ນັ້ນ. ບັດນີ້ ບັນດານັກຄົ້ນຄວ້າຊາວການາດາ ກ່າວ ວ່າ ມັນອາດຈະເປັນໄປໄດ້ ທີ່ຈະສ້າງພາບເໝືອນຈິງ ທີ່ເປັນ ຮູບຮ່າງ ດ້ວຍການນຳໃຊ້ພວກໂດຣນນ້ອຍໆ. ຜູ້ສື່ຂ່າວຂອງ ວີໂອເອ George Putic ມີລາຍງານ ຊຶ່ງພຸດທະສອນ ຈະ ນຳມາສະເໜີທ່ານເປັນພາສາລາວ.

    ຂ່າວຫລ້າສຸດ

    ສຽງ ບັນດາບໍລິສັດທຸລະກິດ ຫວຽດນາມ ຈັດເປັນອັນດັບທີ 3 ຂອງການລົງທຶນ ຈາກຕ່າງປະເທດທັງໝົດ ຢູ່ໃນລາວ

    ບັນດາບໍລິສັດທຸລະກິດຈາກຫວຽດນາມ ລົງທຶນຢູ່ໃນລາວ ເປັນອັນດັບທີ 3 ຂອງການລົງທຶນ ຈາກຕ່າງປະເທດທັງໝົດ ໂດຍມີມູນຄ່າ ຫຼາຍກວ່າ 5,100 ລ້ານໂດລາ ໃນ 258 ໂຄງການ.
    ອ່ານຕື່ມ

    ວີດີໂອ ໂຣກອະຫິວາ ກຳລັງແຜ່ລະບາດ ໃນ​ພາກ​ຕາ​ເວັນ​ອອກ ​ຂອງ Malawi

    ທະ​ເລ​ສາບ​ Chilwa ນີ້ ບໍ່​ມີ​​ແຫຼ່ງລະບາຍ​ນ້ຳ ຊຶ່ງໝາຍຄວາມ​ວ່າ ຫຍ້າ​ທັງ​ໝົດ ​ແລະ​​ທຸກ​ສິ່ງ​ຢ່າງ​ໃນ​ນັ້ນ​ແມ່ນ​ເນົ່າ​​ເປື່ອຍ​ໃສ່ນ້ຳ ​ແລະ​ມັນ​ກໍ​ກາຍ​ມາ​ເປັນ​ສະຫວັນ​ຂອງ​ພວກ​ພະຍາດ ​ແລະ​ເຊື້ອ​ໂຣກທັງຫຼາຍ.
    ອ່ານຕື່ມ

    ປະມວນພາບ ແຜ່ນດິນໄຫວ ໃນໄຕ້ຫວັນ​ ເຮັດໃຫ້ 11 ຄົນ ເສຍຊີວິດ ແລະ ຫຼາຍສິບຄົນ ຕົກຄ້າງຢູ່ຂ້າງໃນ

    ເດັກທາລົກ ແມ່ນຮວມຢູ່ໃນຈຳນວນ ພວກທີ່ເສຍຊີວິດ ຍ້ອນແຜ່ນດິນໄຫວ ທີ່ມີຄວາມແຮງ 6.4​ ໃນຕອນເຊົ້າ ວັນເສົາມື້ນີ້.
    ອ່ານຕື່ມ

    ວີດີໂອ ຄາດກັນວ່ານາໆຊາດ ຈະບັນລຸ ແຜນທີ່ ເພື່ອເຈລະຈາ ກັບ ກຸ່ມຕາລີບານ

    ບັນດາ​ຜູ້​ຕາງໜ້າ ສະຫະລັດ ຈີນ ອັຟກາ​ນິສຖານ ​ແລະ​ປາ​ກິ​ສຖານ ຄາດ​ວ່າ ຈະ​ເຫັນ​ດີ ​ຕໍ່​ແຜນສັນຕິ​ພາບ ລະຫວ່າງລັດຖະບານ ​ອັຟກາ​ນິສຖານ ​ແລະ​ກຸ່ມຕາ​ລິ​ບານ ໃນວັນ​ເສົາ​ມື້​ນີ້.
    ອ່ານຕື່ມ

    ວີດີໂອ ຜູ້ນຳ ສຫລ ແລະຈີນ ກ່າວວ່າ ການກະທຳ ຂອງເກົາຫຼີເໜືອ ເປັນການທ້າທາຍ

    ປະທານາທິບໍດີ ໂອບາມາ ແລະປະທານປະເທດຈີນ ທ່ານສີ ຈິ້ງຜິງ ກ່າວວ່າ ການກະທຳ ຂອງເກົາຫຼີເໜືອ ແມ່ນເປັນການທ້າທາຍ.
    ອ່ານຕື່ມ
    ຕື່ມອີກ