ຂ່າວ

ສະພາແຫ່ງຊາດລາວ ຊຸດທີ 7 ເປີດກອງປະຊຸມ ສະໄໝສາມັນ ຄັ້ງທີ 3

ສະພາແຫ່ງຊາດລາວຊຸດທີ 7 ເລີ້ມດໍາເນີນກອງປະຊຸມສະໄໝສາມັນຄັ້ງທີ 3 ຢ່າງເປັນ ທາງການ ໂດຍມີວາລະສໍາຄັນໃນການພິຈາລະນາຮ່າງກົດໝາຍ 7 ສະບັບ ແລະແຜນ ການພັດທະນາ ເສດຖະກິດ-ສັງຄົມແຫ່ງຊາດ.

ກອງປະຊຸມສະໄໝສາມັນຂອງຄັ້ງທີ 3 ຂອງສະພາແຫ່ງຊາດລາວ ທີ່ຈັດຂຶ້ນໃນວັນທີ 20 ມິຖຸນາ, 2012
ກອງປະຊຸມສະໄໝສາມັນຂອງຄັ້ງທີ 3 ຂອງສະພາແຫ່ງຊາດລາວ ທີ່ຈັດຂຶ້ນໃນວັນທີ 20 ມິຖຸນາ, 2012
ຊົງຣິດ ໂພນເງິນ

 

ກອງປະຊຸມສະໄໝສາມັນຄັ້ງທີ
3 ຂອງສະພາແຫ່ງຊາດລາວຊຸດ
ທີ 7 ໄດ້ໄຂຂຶ້ນຢ່າງເປັນທາງການ
ໃນຕອນເຊົ້າຂອງວັນທີ 20 ມິຖຸ
ນາທີ່ຜ່ານມາ ພາຍໃຕ້ການເປັນ
ປະທານຂອງທ່ານນາງປານີ ຢາ
ທໍຕູ້ ໂດຍມີທ່ານຈູ​ມມະລີ ໄຊຍະ
ສອນ ປະທານປະເທດ ພ້ອມທັງ
ບັນດາຜູ້ນໍາພັກ-ລັດ ແລະສະມາ
ຊິກສະພາແຫ່ງຊາດລາວເຂົ້າຮ່ວມ
ໃນພິທີໄຂກອງປະຊຸມຄັ້ງນີ້ດ້ວຍ.

ກ່ຽວກັບຄວາມສໍາຄັນຂອງກອງປະຊຸມສະພາແຫ່ງຊາດລາວໃນຄັ້ງນີ້ ທ່ານນາງປານີ ກໍໄດ້
ເນັ້ນຢໍ້າວ່າ ມີວາລະສໍາຄັນທີ່ຖືກບັນຈຸເຂົ້າໃນການພິຈາລະນາຂອງກອງປະຊຸມຈໍານວນທັງ
ໝົດ 10 ວາລະດ້ວຍກັນ ໂດຍສະເພາະແມ່ນຮ່າງກົດໝາຍຕ່າງໆ ທີ່ຖືກ ບັນຈຸເຂົ້າສູ່ກອງ
ປະຊຸມຄັ້ງນີ້ ກໍ່ມີເຖິງ 7 ສະບັບ ແລະໃນນີ້ເປັນກົດໝາຍໃໝ່ 2 ສະບັບ ແລະກົດໝາຍເກົ່າ
ດັດແກ້ໃໝ່ 5 ສະບັບ ດັ່ງທີ່ທ່ານນາງປານີ ຊີ້ແຈງວ່າ:

ທ່ານນາງປານີ ຢາທາຕູ້ ປະທານກອງປະຊຸມສະໄໝສາມັນຂອງຄັ້ງທີ 3 ຂອງສະພາແຫ່ງຊາດລາວຊຸດທີ 7
ທ່ານນາງປານີ ຢາທາຕູ້ ປະທານກອງປະຊຸມສະໄໝສາມັນຂອງຄັ້ງທີ 3 ຂອງສະພາແຫ່ງຊາດລາວຊຸດທີ 7

“ຈະໄດ້ຮັບຮອງກົດໝາຍ
ສ້າງໃໝ່ຈໍານວນ 2 ສະບັບ
ຄືກົດໝາຍວ່າດ້ວຍການ
ສ້າງນິຕິກໍາ ແລະກົດໝາຍ
ວ່າດ້ວຍການສົ່ງຜູ້ຮ້າຍຂ້າມ
ແດນ ແລະຮັບຮອງການປັບ
ປຸງບາງມາດຕາຂອງ 5 ກົດ
ໝາຍ ຄືກົດໝາຍວ່າດ້ວຍ
ການດໍາ ເນີນຄະດີອາຍາ,
ກົດໝາຍວ່າດ້ວຍການດໍາ
ເນີນຄະດີແພ່ງ, ກົດໝາຍ
ວ່າດ້ວຍຊັບສິນຂອງລັດ,
ກົດໝາຍວ່າ ດ້ວຍການກວດສອບ, ກົດໝາຍວ່າ ດ້ວຍການກິລາ ແລະກາຍະກໍາ”

ສ່ວນວາລະອື່ນໆທີ່ສໍາຄັນນັ້ນ ກໍປະກອບດ້ວຍການພິຈາລະນາ ແລະຮັບຮອງເອົາລາຍ
ງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນການພັດທະນາເສດຖະກິດ-
ສັງຄົມ ແຜນງົບປະມານແຫ່ງລັດ ປີ 2011-12 ແລະທິດທາງວຽກງານສົກປີ 2012-
2013 ການພິຈາລະນາບົດລາຍງານຂອງປະທານອົງການກວດສອບແຫ່ງລັດ ຫົວໜ້າ
ອົງການໄອຍະການປະຊາຊົນສູງສຸດ, ປະທານ​ສານປະຊາຊົນສູງສຸດ, ແລະລັດຖະມົນຕີ
ວ່າການກະຊວງຍຸດຕິທໍາເປັນຕົ້ນ.

ນອກຈາກນີ້ ກໍຈະມີການລາຍງານກ່ຽວກັບ ການຈັດຕັ້ງເຄື່ອນໄຫວວຽກງານຂອງສະພາ
ແຫ່ງຊາດ ທີ່ໄດ້ຈັດຕັ້ງປະຕິບັດໃນຮອບ 1 ປີທີຜ່ານມາ ລວມໄປເຖິງຮັບຟັງການປະກອບ
ຄວາມເຫັນຂອງຜູ້ຕາງໜ້າອົງການຈັດຕັ້ງຂອງພັກ-ລັດ ກໍຄືແນວລາວສ້າງຊາດ, ສະຫະພັນ
ກໍາບານລາວ, ສະຫະພັນແມ່ຍິງລາວ, ສູນກາງຊາວໜຸ່​ມປະຕິວັດລາວ ແລະ ອົງການອື່ນໆ
ອີກຈໍານວນນຶ່ງ ໂດຍກອງປະຊຸມຈະດໍາເນີນໄປຈົງເຖິງວັນທີ 13 ກໍລະກົດ ຈຶ່ງຈະອັດລົງ.

ທ່ານທອງສິງ ທໍາມະວົງ ນາຍົກລັດຖະມົນຕີ
ທ່ານທອງສິງ ທໍາມະວົງ ນາຍົກລັດຖະມົນຕີ

ແຕ່ຢ່າງໃດກໍ່ຕາມ ທ່ານທອງສິງ
ທໍາມະວົງ ນາຍົກລັດຖະມົນຕີ
ໃນຖານະອະດີດປະທານສະພາ
ແຫ່ງຊາດລາວ ໄດ້ຍອມຮັບວ່າ
ການຮ່າງກົດໝາຍ ແລະການ
ຮັບຮອງຮ່າງກົດໝາຍອອກມາ
ບັງຄັບໃຊ້ ໂດຍສະພາແຫ່ງຊາດ
ລາວ ໃນໄລຍະທີຜ່ານມາ ເຖິງ
ແມ່ນວ່າຈະສາມາດຜ່ານກົດ
ໝາຍອອກມາບັງຄັບໃຊ້ໄດ້ຫຼາຍ
ສົມຄວນກໍ່ຕາມ ຫາກແຕ່ໃນຂະ
ນະດຽວກັນກໍປາກົດວ່າ ມີຈໍາ
ນວນບໍ່ໜ້ອຍທີ່ເປັນການດັດແກ້ກົດໝາຍເກົ່າ ເພື່ອໃຫ້ສອດຄ່ອງກັບສະພາບການທີ່ປ່ຽນ
ແປງໄປຢ່າງໄວວາ.

ເພາະສະນັ້ນ ເມື່ອເປັນແນວນີ້ ກໍໄດ້ເປັນຜົນເຮັດໃຫ້ສະມາຊິກສະພາແຫ່ງຊາດຕ້ອງໃຊ້
ເວລາໄປບໍ່ໜ້ອຍຄືກັນ ເພື່ອທໍາການດັດແກ້ກົດໝາຍເກົ່າ ໃຫ້ທັນສະໄໝດັ່ງກ່າວ. ນອກ
ຈາກນີ້ ກໍຍັງໄດ້ສົ່ງຜົນກະທົບຕໍ່ເນື່ອງ ເຮັດໃຫ້ມີເວລາໃນການສ້າງກົດໝາຍໃໝ່ໄດ້ໜ້ອຍ
ລົງ ແລະຍັງເປັນການສະທ້ອນເຖິງຄຸນນະພາບທີ່ຕໍ່າຂອງກົດໝາຍໃນລາວອີກດ້ວຍ.

ທັງນີ້ ສະພາແຫ່ງຊາດລາວຊຸດທີ 7 ນີ້ ມີຈໍານວນສະມາຊິກທັງໝົດ 132 ຄົນ ຊຶ່ງເພີ່ມ
ຂຶ້ນຈາກຊຸດທີ 6 ທີ່ມີຈໍານວນທັງໝົດ 115 ຄົນ ເນື່ອງຈາກວ່າ ຈໍານວນປະຊາກອນລາວ ໄດ້ເພີ່ມຂຶ້ນຢ່າງຕໍ່ເນື່ອງ. ສ່ວນໃນດ້ານນິຕິບັັນຍັດນັ້ນ ກໍປາກົດວ່າສະພາແຫ່ງຊາດລາວ ໄດ້ຜ່ານກົດໝາຍອອກມາບັງຄັບໃຊ້ແລ້ວ ຈໍານວນທັງໝົດຫຼາຍກວ່າ 90 ສະບັບ ໃນປັດ
ຈຸບັນນີ້.

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 3 ໜ້າຄວາມເຫັນ
    ຕໍ່ໄປ 
ໂດຍ: ຄອມເມັນເພື່ອເນັ້ນການສຶກສາ
05.07.2012 19:23
ກ່ອນອື່ນຢາກຈະຖາມທາງ VOA ວ່າ ສ່ວນຫຼາຍຄົນຈຳພວກໃດທີ່ມັກອ່ານແລະຄອມ
ເມັນ ລາຍການນີ້? VOA: ຂໍໂທດ ຕອບບໍ່ໄດ້ ກະມາຈາກທົ່ວໂລກຫັ້ນແຫລະ ແລະເປັນ ພວກມີການສຶກສາ ຈຶ່ງໃຊ້ຄອມເປັນ ແຕ່ກໍມີບາງຄົນທີ່ບໍ່ສຸພາບ ດ່າເອົາດ່າເອົາ.

ໂດຍ: ນັກສຶກສາ
05.07.2012 19:01
ຢາກໃຫ້ທາງພາກລັດເອົາໃຈໃສ່ດູແລສົ່ງເສີມການສຶກສາຫຼາຍຂື້ນ ຢາກໃຫ້ມີການກວດ
ສອບຕາມສະຖາບັນຕ່າງ ໆ ໃຫ້ຖືກຕ້ອງເພາະຜູ້ບໍລຶຫານແລະຄູອາຈານເກັບເງິນຄ່າທຳ
ນຽມຈາກນັກສຶກສາຢ່າງບໍ່ຖືກຕ້ອງ ມີການເກັບຄ່າເພີ່ມຂື້ນທຸກປີ ສົງສານຜູ້ດ້ອຍໂອກາດ ບໍ່ຢາກບອກວ່າເປັນໂຮງຮຽນຫຼືມຫາວິທະຍາໄລໃດເລີຍ ຜູ້ບໍລິຫານຈະມີຄຸນນຸພາບ ຕ້ອງ
ມີຄວາມຊື່ສັດແລະຄວາມຮັບຜິດຊອບຕໍ່ຕົນເອງຢູ່ສະເໝີ ຄືຕ້ອງເປັນຜູ້ບໍລຶຫານທີ່ດີແລະ
ຄູທີ່ດີ

ໂດຍ: ປະຊາຊົນລາວ
04.07.2012 15:29
ແຂວງສະຫວັນະເຂດຕຽມສົ່ງອອກໄມ້ແລ້ວເດີ,ມີແຕ່ໄມ້ລາຄາແພງທັງນັ້ນຄື:ໄມ້ດູ່,ແຕ້ຂ່າ,
ກະຈະ,ປະດົງແລະຂະຍຸງ,ຈະສົ່ງອອກຄັ້ງນີ້ປະມານ200ຄັນລົດລາກ,ບໍລິມາດກໍ່ບໍ່ຫລາຍ
ດອກ ບັນທຸກຄັນລະ90ມ3,ອອກຜ່ານດ່ານແດນສະຫວັນ,ສາຍທາງເລກ9,ຜູ້ໃດມີໄມ້
ຢາກມາຝາກກໍ່ໄດ້ເດີ,ເພິ່ນໄລ່ເປັນຄັນລົດ,ບໍ່ຕ້ອງຢ້ານຖືກກວດກາຫຍັງເພາະເພິ່ນເສັ້ນ
ສາຍໃຫຍ່ຢູ່ແລ້ວ,

ໂດຍ: ໜໍ່ໄມ້
02.07.2012 05:00
ໃນໄລຍະຜ່ານມາ ເຫັນວ່າພັກ-ລັດ ກໍໄດ້ມີຄວາມພະຍາຍາມສູງ ເພື່ອຢາກພັດທະນາ ປະເທດໃຫ້ໃກ້ຄຽງກັບປະເທດອື່ນໆ ແຕ່ການປະຕິບັດນັ້ນ ພັດບໍ່ໄດ້ຕາມແຜນເທົ່າທີ່
ຄວນ ເນື່ອງຈາກລະບົບກວດສອບຂອງລັດອ່ອນແອ ບໍ່ຫັດກຸມ ເກີດມີຊ່ອງຫວ່າງ ສໍ້ລາດ
ບັງຫຼວງ ຢ່າງແຜ່ຜາຍຫຼາຍ ໃນຫຼາຍທ້ອງຖີ່ນ ເຮັດໃຫ້ງົບປະມານຂອງລັດຮົ່ວໄຫຼເປັນຈຳ
ນວນ ຫຼວງຫຼາຍໃນແຕ່ລະປີ ບັນຫາທີ່ໜັກໜ່ວງທີ່ສຸດ ແລະຍັງເປັນບັນຫາທີ່ຂັດແຍ່ງກັນ ໃນສັງຄົມ ກໍ່ຄືການສວຍໂອກາດເອົາທີ່ດິນ

ໂດຍ: ເດັກເຊໂປນຄ້າໄມ້ ຄ້າຢາ
01.07.2012 21:03
ທ່ານ ນາຍົກເອີຍ ກະລຸນາປ່ອຍໄມ້ອອກຫຼາຍໆແນ່ ຢ່າສະກັກກັ້ນການຄ້າຢາຫຼາຍ
ປ່ອຍແນ່ ເພື່ອໃຫ້ປະຊາຊົນມີລາຍໄດ້ລ້ຳລວຍ ແນ່ ເຮັດເປັນສິນຄ້າສົ່ງອອກເລີຍ
ໂອເຄ ຈົບ

ໂດຍ: ຫຼານລາວ
29.06.2012 17:25
ເຫິັນວ່າ: ລັດຖະບານລາວກໍ່ມີຄວາມພະຍາຍາມສູງຢາກພັດທະນາປະເທດຕົນໃຫ້ຈະເລີນ
ທຽບທັນປະເທດອື່ນເຂົາ ຫນ້າສົນໃຈ

ໂດຍ: ລາວ ລາວ
29.06.2012 14:02
ເຖິງ ໜໍ່ໄມ້ ອັນທີ່ເວົ້າວ່າເປັນຍ້ອນພະນັກງານລ້າຫຼັງນັ້ນ ແມ່ນຍົກເອົາຄຳເວົ້າຂອງພັກຕອນ
ສະຫຼຸບເດີ ທ່ານໜໍ່ໄມ້ເອີຍ ບໍ່ແມ່ນ ລາວລາວ ເວົ້າໃສ່ພະນັກງານຂອງລັດ ໝາຍຄວາມວ່າ
ແນວໃດດີ ພັກລັດເອົາໝົດ ແຕ່ ແນວໃດບໍ່ດີແມ່ນຖິ້ມໃສ່ພະນັກງານ ຖ້າບໍ່ມີພະນັກເປັນຜູ້ປະ
ຕິບັດແລ້ວ ພັກ ແລະ ລັດ ຊິຢູ່ໄດ້ຈັ່ງໃດແມ່ນບໍ່ ທ່ານ.....

ໂດຍ: ຄົນບໍ່ມີສິດ
29.06.2012 10:01
ຕອບ VOA: ແມ່ນແລ້ວ ດຣ. ຄຳເຜີຍ ຖືກປົດຕຳແໜ່ງ ແລະ ລົດບົດບາດ, ບໍ່ໃຫ້ມີປາກ
ເວົ້າ ຂີດຂຽນ ຫຍັງ ຂໍຢັ້ງຢືນ ເພາະຄົນລາວຢູ່ ພາຍໃນ ສ່ວນຫລາຍແມ່ນຮູ່ ແລະ ກຳລັງ
ຊອກຫາວິທີສະໜັບສະໜູນເພີ່ນ. ເພາະຄົນລາວລຸ້ນໃໝ່ຕອ້ງການຜູ້ແທນ ນັກການເມືອງ ທີ່ມີຈິດໃຈ ແລະ ວິທີຄິດ ທີ່ເຮັດເພື່ອປະຊາຊົນ ໃນສິ່ງທີ່ຖືກຕ້ອງ, ບໍ່ຕ້ອງການຜູ້ທີ່ມິດງຽບ ບໍ່ກ້າເວົ້າຄວາມຈິງ....

ໂດຍ: noy
27.06.2012 14:44
ມິຄວາມຫວັງຢາກໃຫ້ປະເທດລາວເປີດກ້ວາງສຳລັບສິດທິມະນຸດ,ແລະປາດທະໜາຢາກ
ໃຫ້ຜູ້ບໍລິຫານໂດຍສະເພາະການນຳໃຫຍ່ໂປ່ງໃສໃນການບໍລິຫານປະເທດ ເຖິງແມ່ນວ່າ
ສິ່ງນີ້ເປັນຄວາມປາດຸະໜາທີ່ເປັນໄປໄດ້ຍາກ. ຕາບໃດທີ່ປາກກຸົງບໍ່ເຄີຍປິ່ນລົງ.

ໂດຍ: DR
27.06.2012 11:48
ທ່ານ ດຣ ຄຳເຜີຍ ວິລະຊົນ ຕອນນີ້ທ່ານເປັນຄວມຫັວງ,ເປັນຂັວນໃຈຂອງປະຊາຊົນ ຂໍໃຫ້ທ່ານຢ່າຍອມແພ້. ຈົ່ງເດິນໜ້າສູ້ຕໍ່ໄປ ປະຊາຊົນສະໜັບສະໜູນເຕັມທີ່
ໜ້າ ໃນ 3 ໜ້າຄວາມເຫັນ
    ຕໍ່ໄປ 
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ລໍ້ເລື່ອນແບບໃໝ່ ສຳຫລັບຄົນພິການ ໃຊ້ງ່າຍ ແລະ ເຄື່ອນຍ້າຍໄດ້ ຫຼາຍຂຶ້ນi
X
25.06.2015
ລໍ້​ເລື່ອນສຳ​ຫລັບ​ຄົນ​ພິການ ແບບດັ່ງເດີມນັ້ນ ​ແມ່ນຍູ້ຂອບລໍ້ເອົາ ຊຶ່ງສ້າງຄວາມເຄັ່ງຕຶງໃຫ້ແກ່ແຂນ ບ່າໄຫລ່ ແລະກ້າມເນື້ອຕ່າງໆ ຂອງຄໍ ແລະ ຂໍ້ຕໍ່ຕ່າງໆໃນຮ່າງກາຍ. ລໍ້​ເລື່ອນທີ່ອອກແບບໃໝ່ ຢ່າງຮອບດ້ານນີ້ ແມ່ນເພີ້ມສະມັດ​ຖະ​ພາບ​ຂອງການເຄື່ອນໄຫວ ໃນຂະນະທີ່ ຫລຸດຜ່ອນການໃຊ້ພະລັງຂອງຮ່າງກາຍ.

ຂ່າວຫລ້າສຸດ

ສຽງ 10 ໂຄງການກໍ່ສ້າງ ເຂື່ອນໄຟຟ້າ ໃນລາວ ຈະແລ້ວສຳເລັດ ພາຍໃນທ້າຍປີ 2015

ຖ້າ 10 ໂຄງການກໍ່ສ້າງເຂື່ອນໄຟຟ້າ ສຳເລັດແລ້ວ ກໍຈະເຮັດໃຫ້ ຄວາມສາມາດ ໃນການຜະລິດ ພະລັງງານ ໄຟຟ້າໃນລາວ ເພີ້ມຂຶ້ນຈາກ 3,200 ເປັນ 5,000 ເມກາວັດ.
ອ່ານຕື່ມ

ວີດີໂອ ປະຊາຄົມໂລກ ສະໜັບສະໜູນ ສຫລ ໃນການໂຈມຕີ ກຸ່ມ ISIS

ສູນກາງຄົ້ນຄວ້າ Pew ກ່າວວ່າ ການສະໜັບສະໜູນ​ຢ່າງ​ແຂງຂັນທີ່ສຸດ ແມ່ນມາ​ຈາກ​ຢູ​ໂຣບ ​ແລະ​ພາກຕາ​ເວັນ​ອອກ​ກາງ ຊຶ່ງ​ກົງກັນຂ້າມ​ກັບ ​ການ​ຄັດຄ້ານຢ່າງແຮງ ຕໍ່ການບຸກໂຈມຕີອີຣັກ ເມື່ອ 10 ກ່ວາປີກ່ອນ.
ອ່ານຕື່ມ

ວີດີໂອ ກຣິສ ປິດບັນດາ ທະນາຄານ ແລະ ຄວບຄຸມ ການຖອນເງິນ

​ປະ​ເທດ ກຣິສ ​ທີ່ຂາດ​ເງິນ​ຢ່າງຫຼວງ​ຫຼາຍ ​ໄດ້​ສັ່ງ​ໃຫ້​ປິດບັນດາທະນາຄານ ແລະ ຕະຫຼາດ​ຮຸ້ນ ​​ເພື່ອຜ່ອນຄາຍວິ​ກິດ​ການທີ່ ​ຫຍັບ​ໃກ້​ເຂົ້າ​ມາ
ອ່ານຕື່ມ

ວີດີໂອ ທາງການ ຕູນີເຊຍ ກຳລັງຊອກຫາ ຜູ້ສົມຮູ້ຮ່ວມຄິດ ໃນການກໍ່ການຮ້າຍ

ເຈົ້າ​ໜ້າ​ທີ່ ຕູ​ນີ​ເຊຍ ກຳລັງ​ຊອກ​ຫາ ພວກ​ທີ່​ອາດ​ເປັນຜູ້​ສົມຮູ້​ຮ່ວມ​ຄິດ​​ ໃນ​ການ​ໂຈມ​ຕີ​ ​ເມື່ອ​ວັນ​ສຸກ​ທີ່​ຜ່ານ​ມາ ເຊິ່ງເຮັດໃຫ້ 38 ຄົນ​ເສ​ຍຊີວິດ.
ອ່ານຕື່ມ

ວີດີໂອ ທາງການ ເທັກຊັສ ກ່າວວ່າ ບໍ່ໃຫ້ສາສະໜາ ມາຂັດຂ້ອງກັບ ການແຕ່ງງານ ຂອງເພດດຽວກັນ

ລັດຖະມົນຕີ​ຍຸດຕິ​ທຳ​​ລັດ ​ເທັກ​ຊັສ ກ່າວ​ວ່າ ພະນັກງານ​ຫ້ອງການສານ ​ແລະ ຜູ້​ພິພາກສາບໍ່​ຈຳ​ເປັນ​ຕ້ອງຈັດພິທີການຕ່າງໆ ​​​ໃຫ້​ພວກ​ຮັກ​ເພດ​ດຽວ​ກັນ ຖ້າ​ຂັດຂ້ອງດ້ານສາສະໜາ.
ອ່ານຕື່ມ
ຕື່ມອີກ