ກອງປະຊຸມສະໄໝສາມັນຄັ້ງທີ 3 ຂອງສະພາແຫ່ງຊາດລາວຊຸດທີ 7 ທີ່ໄດ້ດໍາເນີນ
ກອງປະຊຸມນັບແຕ່ວັນທີ່ 20 ມິຖຸນາເປັນຕັ້ນມາ ໄດ້ອັດກອງປະຊຸມລົງຢ່າງເປັນທາງ
ການໃນຕອນບ່າຍວັນທີ 13 ເດືອນກໍລະກົດນີ້ ພາຍໃຕ້ການເປັນປະທານຂອງທ່ານ
ນາງ ປານີ ຍາທໍຕູ ໂດຍມີບັນດາຜູ້ນໍາພັກ-ລັດແລະສະມາຊິກສະພາແຫ່ງຊາດລາວ
ເຂົ້າຮ່ວມໃນພິທີອັດກອງປະຊຸມຄັ້ງນີ້ດ້ວຍ.
ກອງປະຊຸມສະພາແຫ່ງຊາດລາວໃນຄັ້ງຫລາສຸດນີ້ ມີວາລະການພິຈາລະນາທີ່ສໍາຄັນ
ແລະກໍໄດ້ມີການລົງມະຕິຮັບຮອງເອົາຢ່າງເປັນທາງການຈໍານວນທັງໝົດເຖິງ 10 ວາລະ
ທີ່ສໍາຄັນດ້ວຍກັນ ໂດຍສະເພາະແມ່ນຮ່າງກົດໝາຍຕ່າງໆທີ່ໄດ້ຮັບຮອງເອົາໃນກອງປະ
ຊຸມຄັ້ງນີ້ມີເຖິງ 7 ສະບັບດ້ວຍກັນ ຊຶ່ງໃນນີ້ກໍເປັນກົດໝາຍໃໝ່ 2 ສະບັບ ແລະກົດໝາຍ
ເກົ່າດັດແກ້ໃໝ່ 5 ສະບັບ ດັ່ງທີ່ທ່ານນາງປານີໄດ້ຖະແຫຼງ ຢືນຢັນວ່າ:
“ໄດ້ຮັບຮອງກົດໝາຍສ້າງ
ໃໝ່ຈໍານວນ 2 ສະບັບ ຄື
ກົດໝາຍວ່າດ້ວຍການສ້າງ
ນິຕິກໍາ ແລະກົດໝາຍວ່າ
ດ້ວຍການສົ່ງຜູ້ຮ້າຍຂ້າມ
ແດນ ແລະຮັບຮອງການ
ປັບປຸງບາງມາດຕາຂອງ 5
ກົດໝາຍຄື ກົດໝາຍວ່າ
ດ້ວຍການດໍາເນີນຄະດີອາ
ຍາ ກົດໝາຍວ່າດ້ວຍການ
ດໍາເນີນຄະດີແພ່ງ ກົດໝາຍ
ວ່າດ້ວຍຊັບສິນຂອງລັດ ກົດໝາຍວ່າດ້ວຍການກວດສອບກົດໝາຍວ່າດ້ວຍການກິລາ
ແລະ ກາຍະກໍາ”.
ສ່ວນວາລະອື່ນໆທີ່ສໍາຄັນນັ້ນ ກໍປະກອບດ້ວຍການພິຈາລະນາແລະຮັບຮອງເອົາລາຍ
ງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນການພັດທະນາເສດຖະກິດ-
ສັງຄົມ ແຜນງົບປະມານແຫ່ງລັດປີ 2011-12 ແລະທິດທາງວຽກງານສົກປີ 2012-13.
ການພິຈາລະນາບົດລາຍງານຂອງປະທານອົງການກວດສອບແຫ່ງລັດ ຫົວໜ້າອົງການ
ໄອຍະການປະຊາຊົນສູງສຸດ ປະທານສານປະຊາຊົນສູງສຸດ ແລະລັດຖະມົນຕີວ່າການ
ກະຊວງຍຸຕິທໍາ ເປັນຕົ້ນ.
ນອກຈາກນັ້ນ ກໍມີການລາຍງານກ່ຽວ
ກັບການຈັດຕັ້ງເຄຶ່ອນໄຫວວຽກງານ
ຂອງສະພາແຫ່ງຊາດລາວ ທີ່ໄດ້ຈັດ
ຕັ້ງປະຕິບັດໃນຮອບ 1 ປີທີ່ຜ່ານມາ
ລວມເຖິງການຮັບຟັງການປະກອບ
ຄວາມເຫັນຂອງຜູ້ຕາງໜ້າອົງການ
ຈັດຕັ້ງຂອງພັກ-ລັດ ກໍຄືແນວລາວ
ສ້າງຊາດ ສະຫະພັນກໍາມະບານລາວ
ສະຫະພັນແມ່ຍິງລາວ ສູນກາງຊາວ
ໜຸ່ມປະຕິວັດລາວ ແລະອົງການອື່ນໆ
ອີກຈໍານວນນຶ່ງ.
ແຕ່ຢ່າງໃດກໍຕາມ, ກໍລະນີທີ່ວ່າພົ້ນເດັ່ນ
ທີ່ສຸດໃນກອງປະຊຸມສະພາແຫ່ງຊາດ
ລາວຄັ້ງຫລ້າສຸດນີ້ກໍຄື ການລົງມະຕິ
ແຕ່ງຕັ້ງທ່ານນາງວຽງທອງ ສີພັນດອນ ລູກສາວຂອງທ່ານ ຄໍາໄຕ ສີພັນດອນ ອະດີດປະ
ທານພັກແລະປະທານປະເທດລາວ ໃຫ້ເປັນປະທານອົງການກວດສອບແຫ່ງລັດຄົນໃໝ່
ຕິດຕາມດ້ວຍການທີ່ທ່ານສົມດີ ດວງດີ ລັດຖະມົນຕີກະຊວງແຜນການ ແລະການລົງທຶນ
ກໍຍອມຮັບວ່າ ການຂະຫຍາຍຕົວທາງເສດຖະກິດໃນແຜນການປີ 2011-12 ນີ້ ຈະບໍ່ສາ
ມາດບັນລຸຕາມຄາດໝາຍທີ່ວາງໄວ້ ກໍຄືໃນຂະນະທີ່ລັດຖະບານລາວໄດ້ວາງຄາດໝາຍ
ໄວ້ວ່າຍອດຜະລິດພັນລວມພາຍ ໃນ (GDP) ໃນແຜນການປີ 2011-12 ນີ້ ຈະມີມູນຄ່າ
ລວມເຖິງ 73,200 ຕື້ກີບ ຫຼືຄິດເປັນອັດຕາສະເລ່ຍທີ່ເພີ່ມຂຶ້ນຈາກແຜນການປີ 2010-11
ເຖິງ 8.3% ນັ້ນ ຫາກແຕ່ຈາກການປະຕິບັດຕົວຈິງໃນໄລຍະ 8 ເດືອນທໍາອິດຂອງແຜນ
ການກັບປາກົດວ່າ GDP ໄດ້ຂະຫຍາຍຕົວເພີ່ມຂຶ້ນພຽງ 8% ເທົ່ານັ້ນ.
ສ່ວນທາງດ້ານທ່ານພູເພັດ ຄໍາ
ພູນວົງ ລັດຖະມົນຕີກະຊວງ
ການເງິນ ກໍໄດ້ຖະແຫຼງຍອມ
ຮັບວ່າ ໃນໄລຍະ 8 ເດືອນທີ່
ຜ່ານມາຂອງແຜນການປີ
2011-12 ນີ້ ລັດຖະບານລາວ
ສາມາດຈັດເກັບລາຍຮັບຈາກ
ພາສີທີ່ດິນໄດ້ໃນມູນຄ່າ 52.8
ຕື້ກີບ ຫຼື 40% ເທົ່ານັ້ນ ຂອງ
ແຜນການປີ ໃນຂະນະທີ່ທ່ານ
ໄຊສົມພອນ ພົມວິຫານ ຮອງ
ປະທານສະພາແຫ່ງຊາດລາວ
ກໍໄດ້ຖະແຫຼງລາຍງານຜົນການ
ປະຕິບັດຈັດຕັ້ງວຽກງານນິຕິ
ບັນຍັດ ໃນຮອບ 1 ປີທີ່ຜ່ານ
ມາວ່າ ສະພາແຫ່ງຊາດລາວໄດ້
ຮັບຮອງເອົາກົດໝາຍ 13 ສະບັບ ຫຼືຄິດເປັນພຽງແຕ່ 14.44% ເທົ່ານັ້ນຂອງເປົ້າໝາຍຈົນ
ເຖິງ ປີ 2015 ແລະທີ່ສໍາຄັນກໍຄືກົດໝາຍທັງ 13 ສະບັບດັ່ງກ່າວນີ້ ກໍຍັງເປັນກົດໝາຍໃໝ່
ພຽງແຕ່ 3 ສະບັບເທົ່ານັ້ນອີກດ້ວຍ.