ຂ່າວ

    ລາວຢຶດໝັ້ນຕໍ່ການເປັນ ຮຸ້ນສ່ວນຍຸດທະສາດ ໃນການພັດທະນາຮອບດ້ານ ຮ່ວມກັບຈີນ

    ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ລາວ ຖະແຫລງຢືນຢັນ​ເຖິງຄວາມສໍາຄັນຂອງ ການເປັນຮຸ້ນສ່ວນ​ຍຸດ​ທະ​ສາດ​ ໃນ​ການ​ພັດທະນາ​ຮ່ວມ​ກັນ​ ຢ່າງຮອບດ້ານ​ຮ່ວມກັບຈີນ ທີ່ ຈະສືບຕໍ່ໄປຢ່າງບໍ່ຢຸດຢັ້ງ.​

    ກອງປະຊຸມກ່ຽວກັບການຮັບເອົາການຊ່ວຍເຫລືອຄັ້ງຍິ່ງໃຫຍ່ຂອງຈີນສໍາລັບລາວ ມີ່ນະຄອນຫລວງວຽງຈັນ
    ກອງປະຊຸມກ່ຽວກັບການຮັບເອົາການຊ່ວຍເຫລືອຄັ້ງຍິ່ງໃຫຍ່ຂອງຈີນສໍາລັບລາວ ມີ່ນະຄອນຫລວງວຽງຈັນ

    ມຸນທີມີເດຍ

    ສຽງ
    • ລາວຢຶດໝັ້ນຕໍ່ການເປັນ ຮຸ້ນສ່ວນຍຸດທະສາດ ໃນການພັດທະນາຮອບດ້ານ ຮ່ວມກັບຈີນ

    ຊົງຣິດ ໂພນເງິນ

    ທ່ານ ທ​ອງລຸນ ສີ​ສຸ​ລິດ ຮອງ​ນາ​ຍົກ​ລັດຖະມົນຕີ, ລັດຖະມົນຕີກະຊວງ​ການຕ່າງປະເທດ
    ​ລາວ ​ໄດ້​ຖະແຫລງຢືນຢັນ​ໃນໂອກ​າດເດີນທາງໄປຢ້ຽມຢາມປະເທດຈີນ ຢ່າງເປັນທາງ
    ການ ຕາມການເຊື້ອເຊີນຂອງທ່ານຢາງ ເຈຍສື ລັດຖະມົນຕີກະຊວງ​ການ​ຕ່າງປະ​ເທດ
    ຂອງຈີນ ໃນລະຫວ່າງວັນທີ 22-24 ສິງຫາທີ່ຜ່ານມານີ້ວ່າ ການຮ່ວມມືລະຫວ່າງລາວກັບ
    ຈີນ ໄດ້ມີການພັດທະນາດີຂຶ້ນໃນທຸກໆດ້ານ.​

    ທ່ານ ທ​ອງລຸນ ສີ​ສຸ​ລິດ (ຊ້າຍ) ຮອງ​ນຍ​ລມຕ​ລາວ ຈັບມືກັບທ່ານ ຢາງ ເຈຍສື ລມຕກະຊວງ​ການ​ຕ່າງປະ​ເທດຈີນ ໃນໂອກາດຢ້ຽມ ຢາມຈີນໃນວັນທີ 22-24 ສິງຫາ, 2011
    ທ່ານ ທ​ອງລຸນ ສີ​ສຸ​ລິດ (ຊ້າຍ) ຮອງ​ນຍ​ລມຕ​ລາວ ຈັບມືກັບທ່ານ ຢາງ ເຈຍສື ລມຕກະຊວງ​ການ​ຕ່າງປະ​ເທດຈີນ ໃນໂອກາດຢ້ຽມ ຢາມຈີນໃນວັນທີ 22-24 ສິງຫາ, 2011

    ໂດຍ​ສະ​ເພາະ​ແມ່ນ​ນັບ​ຈາກ​ປີ
    2000 ທີ່​ຜູ້​ນໍາ​ຂອງ​ທັງສອງ​ປະ
    ​ເທດ​ໄດ້​ເລີ່​ມການ​ເດີນທາງຢ້ຽມ
    ຢາມ​ກັນ​ຢ່າງເປັນທາງ​ການ​ເປັນ​
    ຕົ້ນ​ມາ​ນັ້ນ ກໍ່ເປັນ​ການ​ເຮັດໃຫ້​ມີ
    ​ການ​ຕົກລົງ​ ໃນຖະ​ແຫຼງການ
    ​ຮ່ວມ ວ່າ​ດ້ວຍ​ການ​ເປັນ​ຮຸ້ນສ່ວນ​
    ຍຸດ​ທະ​ສາດ​ ໃນ​ການ​ພັດທະນາ​
    ຮ່ວມ​ກັນຢ່າງຮອບດ້ານ ​ເມື່ອ​ປີ
    2009 ​ເຊິ່ງ​ເຮັດ​ໃຫ້ການ ​ຮ່ວມ​ມື
    ​ລະຫວ່າງສອງ​ປະ​ເທດ ​ໄດ້​ຖືກ
    ​ຍົກ​ຂຶ້ນ​ສູ່​ລະດັບ​ສູງ​ສຸດ​ຈົນ​ເຖິງ
    ​ປັດຈຸ​ບັນ ​ແລະກໍ່ຈະ​ຍັງ​ຄົງ​ສືບ​ຕໍ່​ໄປ​ຢ່າງ​ບໍ່​ຢຸດ​ຢັ້ງ​ແລະຍາວ​ນານ​ອີກດ້ວຍ ດັ່ງ​ທີ່​ທ່ານ ທອງ​ລຸນ ​ໄດ້​ຖະ​ແຫຼງ​ເນັ້ນ​ຢໍ້າຢູ່ກຸງປັກກິ່ງວ່າ:

    “ປີນີ້ພວກເຮົາສະ​ເຫຼີມສະຫຼອງການ​ສະຖາປະນາ 50 ປີ​ຂອງການພົວພັນ​ທາງ​ການ
    ​ທູດ ເປັນການສະ​ເຫຼີມສະຫຼອງທີ່ມີຄວາມເບີກບານມ່ວນຊື່ນ ເພາະວ່າເຫັນວ່າການ
    ຮ່ວມມືຮອບດ້ານ​ລະ​ຫວ່າງຈີນກັບລາວນັ້ນ ໄດ້ຮັບການຂະຫຍາຍຕົວຢ່າງຕໍ່ເນື່ອງ
    ເຖິງຈຸດ​ສູງ​ສຸດ ແລະຕົວເລກຊ່ວຍເຫລືອຂອງຈີນ ຕໍ່ລາວໃນລະຍະຫລັງໆມານີ້ ກະ
    ເພີ້ມຂຶ້ນສູງ ການລົງທຶນຂອງຈີນຢູ່ລາວກໍມີລະດັບນັບມື້ ນັບເພີ້ມສູງຂຶ້ນ”

    ການສະເຫຼີມສະຫຼອງການສະຖາປະນາຄວາມສໍາພັນທາງການທູດລະ ຫວ່າງລາວ ແລະຈີນຄົບຮອບ 50 ປີໃນທ້າຍເດືອນເມສາທີ່ຜ່ານມາ ຢູ່ນະຄອນຫຼວງວຽງຈັນ
    ການສະເຫຼີມສະຫຼອງການສະຖາປະນາຄວາມສໍາພັນທາງການທູດລະ ຫວ່າງລາວ ແລະຈີນຄົບຮອບ 50 ປີໃນທ້າຍເດືອນເມສາທີ່ຜ່ານມາ ຢູ່ນະຄອນຫຼວງວຽງຈັນ

    ປັດຈຸ​ບັນ​ນີ້ ​ຈີນ​ນັບ​ເປັນ​ປະ​ເທດ
    ນຶ່ງ ທີ່​ໄດ້​ໃຫ້ການ​ຊ່ວຍເຫຼືອ​ແກ່
    ​ລາວ​ເພີ່ມຫຼາຍຂຶ້ນ​ນັບ​ມື້ ​ເຊິ່ງຖ້າ​
    ນັບ​ຈາກ​ປີ 1990 ຈົນ​ເຖິງ​ທ້າ​ຍ
    ປີ 2010 ທີ່ຜ່ານມານັ້ນ ​ກໍ່ປະ
    ກົດ​ວ່າ ລັດຖະບານ​ຈີ​ນ​ໄດ້​ໃຫ້
    ການ​ຊ່ວຍ​ເຫຼືອທາງ​ດ້ານ​ງົບ
    ​ປະມານ​ແກ່ລັດຖະບານ​ລາວ
    ​ຄິດ​ເປັນມູນ​ຄ່າ​ລວມຫຼາຍກວ່າ
    6,500 ລ້ານ​ຢວນກັບ 1,850
    ລ້ານໂດລາ ສໍາລັບ​ນໍາ​ໃຊ້​ເຂົ້າ
    ​ໃນ​ການ​ພັດທະນາ 130 ກວ່າ
    ​ໂຄງການ​ ແລະຫລ້າສຸດສູນກາງ
    ພັກຄອມມີວນິດຈີນ ເມື່ອບໍ່ນານມານີ້ ໂດຍການຊ່ວຍເຫລືອໃນຄັ້ງຫລ້າສຸດນີ້ ມີມູນຄ່າ
    ລວມມີມູນຄ່າລວມເຖິງ 663 ລ້ານຢວນຫລື 105 ລ້ານໂດລາ ເພື່ອກໍ່ສ້າງສູນການປະ
    ຊຸມແຫ່ງຊາດລາວແຫ່ງໃໝ່ ສໍາລັບຮອງຮັບການປະຊຸມສຸດຍອດຜູ້ນໍາລັດຖະບານອາ ຊ່ຽນກັບສະຫະພາບຢູໂຣບໃນທ້າຍປີ 2012 ຢູ່ນະຄອນວຽງຈັນ.

    ແຕ່ຢ່າງໃດກໍຕາມ ໃນໂອກາດດຽວກັນນີ້ ທາງການລາວກໍໄດ້ຕົກລົງໃຫ້ສໍາປະທານໂຄງ
    ການພັດທະນາໃນລາວ ແກ່ກຸ່ມທຸລະກິດຈາກຈີນເຖິງ 6 ໂຄງການດ້ວຍກັນ ກໍຄື ໂຄງ
    ການວາງແນວສາຍສົ່ງກະແສໄຟຟ້າ ລະຫວ່າງເຂື່ອນເຊເຊັດ 2 ກັບແຂວງສາລະວັນ
    ໂຄງການປັບປຸງລະບົບຕາໜ່າງສາຍໄຟຟ້າ ໃນນະຄອນວຽງຈັນ ໂຄງການກໍ່ສ້າງຂົວ
    ຂ້າມແມ່ນໍ້າຂອງຢູ່ປາກແບ່ງ ແຂວງອຸດົມໄຊ ໂຄງການປັບປຸງສະໜາມບິນແຂວງຊຽງ
    ຂວາງ ໂຄງການກໍ່ສ້າງເຂື່ອນນໍ້າອູ ແລະເຂື່ອນນໍ້າງຽບ 2.

    ພິທີເຊັນສັນຍາກູ້ຢືມເງິນເພື່ອກໍ່ສ້າງເຂື່ອນນໍ້າອູຈາກທະນາຄານ ຈີນ ຈັດຂຶ້ນເມື່ອບໍ່ນານມານີ້ ໃນນະຄອນຫລວງວຽງຈັນ
    ພິທີເຊັນສັນຍາກູ້ຢືມເງິນເພື່ອກໍ່ສ້າງເຂື່ອນນໍ້າອູຈາກທະນາຄານ ຈີນ ຈັດຂຶ້ນເມື່ອບໍ່ນານມານີ້ ໃນນະຄອນຫລວງວຽງຈັນ

    ສ່ວນ​ໃນດ້ານການຄ້າລະຫວ່າງ
    ລາວກັບຈີນໃນຕະຫຼອດປີ 2010
    ທີ່ຜ່ານມານັ້ນ ກໍມີມູນຄ່າລວມ
    ສູງກວ່າເປົ້າໝາຍ ທີ່ທາງການ
    ທັງສອງຝ່າຍໄດ້ວາງເອົາໄວ້ ຊຶ່ງ
    ກໍຄືໃນຂະນະທີ່ເປົ້າໝາຍໄດ້ວາງ
    ເອົາໄວ້ທີ່ລະດັບ 1,000 ລ້ານ
    ໂດລານັ້ນ ກໍປາກົດວ່າການຄ້າ
    ທີ່ທັງສອງຝ່າຍປະຕິບັດໄດ້ຈິງ ນັ້ນມີມູນຄ່າລວມເຖິງ 1,055 ລ້ານໂດລາ.

    ແຕ່ຢາງໃດກໍຕາມ ການທີ່ມູນຄ່າການຄ້າລະຫວ່າງລາວກັບຈີນເພີ່ມຂຶຶ້ນນັ້ນກໍເປັນຍ້ອນວ່າ
    ບັນດານັກທຸລະກິດຈີນໄດ້ພາກັນຫຼັ່ງໄຫຼເຂົ້າມາລົງທຶນຢູ່ໃນລາວຫຼາຍຂຶ້ນຢ່າງຕໍ່ເນື່ອງ ໂດຍ ສະເພາະແມ່ນໃນຊ່ວງປີ 2000-2010 ນັ້ນ ກໍປາກົດວ່າ ກຸ່ມທຸລະກິດຈີນໄດ້ເຂົ້າມາລົງທຶນ
    ໃນລາວ ຄິດເປັນມູນຄ່າລວມເກີນກວ່າ 3,600 ລ້ານໂດລາ ຊຶ່ງ​ກໍເຮັດ​ໃຫ້ຈີນກາຍເປັນປະ
    ເທດທີ່ລົງທຶນໃນລາວອັນ​ດັບ 1 ​ແລ້ວໃນ​ປັດຈຸບັນ​ນີ້.

    ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
    ຄວາມເຫັນ
         
    ຍັງບໍ່ມີຄວາມເຫັນໃດໆໃນຟໍຣັມນີ້. ຂໍເຊີນທ່ານ ສະແດງຄວາມເຫັນ ເປັນຄົນທໍາອິດ
    ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
    ເຊີນຊົມ ວີດີໂອ ເລື່ອງ ເຖິງຈະມີ ຄວາມກ້າວໜ້າ ໃນການຕໍ່ສູ້ ມາເລເຣຍ ແຕ່ ຕ້ອງໄດ້ ທຳງານ ຫຼາຍຂຶ້ນຕື່ມ.i
    X
    08.02.2016
    ໂລກ​ເຮົາ​ໄດ້​ມີ​ຄວາມ​ກ້າວໜ້າ ​ໃນ​ການ​ຕໍ່ຕ້ານໄຂ້ຍຸງ ຫຼືມາ​ເລ​ເຣຍ ຢ່າງ​ບໍ່​ໜ້າ​ເຊື່ອ ​ແຕ່ໃນຂະນະທີ່ ຜູ້ສື່ຂ່າວ ວີໂອເອ ລາຍງານ ກ່ຽວ ກັບເລື້ອງນີ້ຢູ່ ບັນ​ດາ​ນັກ​ຊ່ຽວຊານ ກໍກ່າວ​ວ່າ ຍັງ​ຕ້ອງໄດ້​ທຳ​ງານ ຫຼາຍຂຶ້ນອີກ ​ໂດຍ​ສະ​ເພາະ ​ຢູ່​ໃນ​ເຂດໃຕ້​ທະ​ເລ​ຊາຍ ຊາຮາຣາ ​ໃນ​ທະວີບອາ​ຟຣິກາ ບ່ອນ​ໂຣກດັ່ງກ່າວ ທີ່ເກີດຈາກ​ຍຸງ​ນັ້ນ ​ແມ່ນ ​ແຜ່​ລະບາດ ​ແລະມີປະຊາຊົນເປັນ​ໄ​ຂ້ຍຸງ ທຸກໆ​ປີ. ໄຊຈະເລີນສຸກ ຈະນຳເອົາເລື້ອງນີ້ ມາສະເໜີທ່ານ ເປັນພາສາລາວ ໃນອັນດັບຕໍ່ໄປ.

    ຂ່າວຫລ້າສຸດ

    ສຽງ ສະຫະພາບຢູໂຣບ ໃຫ້ທຶນຊ່ວຍເຫຼືອ ແກ່ລາວ 550 ລ້ານ ຢູໂຣ ເພື່ອລົບລ້າງບັນຫາ ຄວາມຍາກຈົນ

    ໂດຍການຊ່ວຍເຫຼືອໃນຄັ້ງນີ້ ຈະຢືນຢູ່ບົນຫຼັກການລວມ ຂອງບັນດາປະເທດ ແລະອົງການສາກົນ ທີ່ໃຫ້ການຊ່ວຍເຫຼືອ ແກ່ ສປປ. ລາວ.
    ອ່ານຕື່ມ

    ວີດີໂອ ເຄື່ອງພິມ 3 ມິ​ຕິ ສາ​ມາດ​ສ້າງອະໄວຍະວະ ເພື່ອນຳໄປໃຊ້ ທາງການແພດ ສຳລັບຊ່ອຍ ມວນມະນຸດໄດ້

    ການໃຊ້​ແບບ ​ທີ່​ຄ້າຍຄື​ກັນ​ນີ້ ກັບ​ຫຼອດ​ເລືອດ ​ຂອງ​ພວກ​ເຮົາ​ ​ຫຼັງຈາກ​ນັ້ນ ພວກ​ເຮົາ​ກໍສາມາດ​ສຶກສາເບິ່ງ​ວ່າ ​ ແຊ​ລມະ​ເຮັງ ​ຈະສາມາດ​ເຄື່ອນ​ຍ້າຍ ອອກ​ຈາກ​ຕ່ອມ​ເນື້ອ​ງອກ ​ເຂົ້າ​ໄປ​ໃນ​ເສັ້ນເລືອດ​ແບບ​ໃດ.
    ອ່ານຕື່ມ

    ວີດີໂອ ຣັດເຊຍ​ ແລະຝຣັ່ງ ຖົກຖຽງກັນ ກ່ຽວກັບ ການຖິ້ມລະເບີດ ໃສ່ພົນລະເຮືອນ ຢູ່ຊີເຣຍ

    ຝຣັ່ງກ່າວວ່າ ຣັດເຊຍໂຈມຕີ ທາງອາກາດ ໃສ່ພົນລະເຮືອນ ແຕ່ນາຍົກ Medvedev ໄດ້ປະຕິເສດວ່າ ຣັດເຊຍບໍ່ໄດ້ໂຈມຕີ.
    ອ່ານຕື່ມ

    Multimedia ພະສັນຕະປາປາ Francis ປະພາດເມັກຊິໂກ ຫຼັງຈາກ ໄດ້ພົບປະ ກັບພະສັງຄະຣາດ Kirill

    ຫລາຍ​ພັນ​ຄົນ​ ໄດ້​ພາກັນ​ຮ້ອງ​ໂຮ ​ແລະ​ໃຫ້ການ​ຕ້ອນຮັບ ​ຢ່າງ​ອົບ​ອຸ່ນ​ແກ່ ພະ​ສັນ​ຕະ​ປາປາ Francis ​ເວລາ​ພະ​ອົງ​ໄດ້​ສະ​ເດັດ​ອອກ​ມາ​ຈາກ​ເຮືອບິນ ທີ່​ນະຄອນ Mexico City.
    ອ່ານຕື່ມ

    ສະຫະລັດ ສົ່ງລະບົບ ລູກສອນໄຟ Patriot ໄປຍັງເກົາຫຼີໃຕ້ ເພີ້ມຕື່ມ

    ວໍຊິງຕັນ ແລະໂຊລ ປະກາດຢ່າງເປັນທາງການ ໃນອາທິດແລ້ວນີ້ວ່າ ຈະສົ່ງລະບົບລູກສອນໄຟ ລະດັບສູງ THAAD ໄປຕິດຕັ້ງ ຢູ່ເກົາຫຼີໃຕ້.
    ອ່ານຕື່ມ
    ຕື່ມອີກ