ສະບາຍດີ ແລະຍິນດີ ທີ່ໄດ້ນໍາເລື່ອງລາວຂອງຊາວລາວໃນຕ່າງແດນມາຝາກທ່ານຜູ້ຟັງ
ຊຶ່ງມື້ນີ້ ວັນນະສອນໄດ້ສໍາພາດ 2 ສິນລະປິນ: ກ໊ອກ ສຸຣິຍະເດດ ຈາກ Montreal, Canada
ແລະຈັນດາຣາ ຊນະນິກອນ ຈາກ ປາຣີ ຝຣັ່ງ ຊຶ່ງເປັນ 2 ໃນ 6 ສິນລະປິນທີ່ໄດ້ຮວມຕົວກັນ
ໃນຊຸດ Mix 6. ຜົນງານເພງຊຸດນີ້ຈະມີເບື້ອງຫຼັງຄວາມເປັນມາຢ່າງໃດນັ້ນ ຂໍເຊີນທ່ານ
ຜູ້ຟັງຮັບຟັງຈາກປາກຂອງທັງສອງທ່ານໃນການສໍາພາດດັ່ງຕໍ່ໄປນີ້.
ກ່ອນຈົບການສໍາພາດ ທັງສອງຕ່າງກໍໄດ້ຝາກຝັງຜົນງານຊຸດ Mix 6 ນີ້ ແລະຂໍຄວາມ
ກະລຸນາຊາວລາວ ໃຫ້ສົ່ງເສີມສິນລະປິນລາວດ້ວຍກັນ ບໍ່ວ່າຈະຢູ່ແຫ່ງຫົນໃດໃນໂລກ
ເພື່ອຄົງໄວ້ໃນຄວາມເປັນລາວ ທີ່ມີສິນລະປະວັດທະນະທໍາຮີດຄອງປະເພນີ ການດົນຕີ
ແລະທີ່ສໍາຄັນໄປກ່ວານັ້ນ ກໍຄືການໄດ້ຮັກສາ ພາສາລາວຜ່ານທາງສຽງເພງ ຊຶ່ງທັງສອງ
ໄດ້ກ່າວສະຫຼຸບດັ່ງນີ້:
VOA ຂໍເປັນສ່ວນນຶ່ງໃນການສະໜັບສະໜູນແລະສົ່ງກໍາລັງໃຈໄປໃຫ້ສິນລະປິນລາວ
ໃນທົ່ວໂລກ ຈົ່ງໄດ້ບາກບັ່ນ ຂະຫຍັນສ້າງຜົນງານດີໆໄວ້ໃຫ້ຄົນຮຸ້ນຫຼັງໄດ້ຮັກສາ ສຶບທອດ
ຕໍ່ໆ ໄປ ລາຍການຊີວິດຊາວລາວໃນຕ່າງແດນຂອງ VOA ຈະກັບມາພົບກັບທ່ານຜູ້ຟັງອີກ
ໃນທຸກໆຄໍ່າຄືນວັນພະຫັດ…ວັນນະສອນ ແກ້ວດາຣາ.