ລັດຖະມົນຕີຕ່າງປະເທດສະຫະລັດ ທ່ານ John Kerry ແມ່ນ
ກຳລັງຂໍຮ້ອງໃຫ້ປະຊາຊົນ ອາເມຣິກັນ ສະໜັບສະໜຸນຂໍ້ຕົກ
ລົງ ນິວເຄລຍ ກັບ ອີຣ່ານ.
ທ່ານ Kerry ກ່າວຄຳປາໄສໃນວັນພຸດວານນີ້ ຕໍ່ກຸ່ມທີ່ລວມມີ
ອົງການສາສະໜາ ແລະ ນັກຮຽນໃນນະຄອນ Philadelphia
ວ່າ “ຂ້າພະເຈົ້າເຊື່ອວ່າ, ອີງຕາມປະສົບການໃນຊີວິດ,
ວ່າຂໍ້ຕົກລົງນິວເຄລຍ ກັບ ອີຣ່ານ ແມ່ນບາດກ້າວໃນ
ແງ່ດີທີ່ໃຫຍ່ຫຼວງ.”
ໃນນະຄອນຫຼວງ ວໍຊິງຕັນ, ສະມາຊິກສະພາສູງພັກເດໂມແຄຣັດ ຈາກລັດ Maryland ທ່ານນາງ Barbara Mikulski ໄດ້ປະກາດວ່າທ່ານນາງ ຈະສະໜັບ ສະໜູນຂໍ້ຕົກລົງນັ້ນ, ເຊິ່ງຮູ້ຈັກກັນໃນນາມ ແຜນການປະຕິບັດຮ່ວມທີ່ມີເນື້ອຫາຄວບຄຸມຫຼື JCPOA ໄດ້ກາຍເປັນສະມາຊິກ ສະພາສູງຄົນທີ 34 ທີ່ໃຫ້ການສະໜັບສະໜູນ.
ການງຶກຫົວເຫັນດີຂອງທ່ານນາງໃນວັນອັງຄານທີ່ຜ່ານມາແມ່ນມີຄວາມໝາຍຫຼາຍ ເພາະ
ວ່າ ມັນຈະໃຫ້ຄະແນນ ທີ່ຕ້ອງການຂອງປະທານາທິບໍ ດີບາຣັກ ໂອບາມາ ສາມາດ ຮັກສາ
ການໃຊ້ສິດຍັບຢັ້ງໃນການຕ້ານຢັນຕໍ່ມະຕິໃດໆກໍຕາມ ເພື່ອຄັດຄ້ານຂໍ້ຕົກລົງນີ້. ພັກເດໂມແຄຣັດ ໃນສະ ພາຕ່ຳກ່າວວ່າ ພວກເຂົາກໍຍັງມີຄະແນນສຽງຫຼາຍພໍທີ່ຈະກີດກັ້ນຄວາມ ພະຍາຍາມໃດໆ ເພື່ອລົ້ມລ້າງການຍັບຢັ້ງຂອງປະທານາທິບໍດີ.
ໂຄສົກທຳນຽບຂາວໄດ້ກ່າວວ່າ ລັດຖະບານແມ່ນ “ມີກຳລັງໃຈ” ໂດຍການນັບຄະແນນ
ຫລ້າສຸດຂອງບັນດາສະມາຊິກສະພາສູງ ຜູ້ທີ່ກ່າວວ່າພວກເຂົາຈະສະໜັບສະໜູນຂໍ້ຕົກ
ລົງນິວເຄລຍ. ທ່ານ Josh Earnest ໄດ້ກ່າວວ່າ “ໃນເມື່ອການເດີມພັນແມ່ນສູງ
ຂະໜາດນີ້, ທຸກໆການລົງຄະແນນສຽງແມ່ນມີຄວາມສຳຄັນ.”
ສະພາແມ່ນມີກຳນົດທີ່ຈະອະພິປາຍກ່ຽວກັບຂໍ້ຕົກລົງໃນສັບປະດາໜ້າ ຊຶ່ງເປັນຊຸມມື້ສຸດທ້າຍຂອງໄລຍະການທົບທວນ 60 ມື້, ກ່ອນທີ່ຈະມີ ການລົງຄະແນສຽງເຫັນພ້ອມ ຫຼື ຄັດ ຄ້ານ. ບັນດານັກວິເຄາະໄດ້ໂຕ້ຖຽງວ່າ ມັນບໍ່ໄດ້ມີກຳນົດຢ່າງພຽງພໍເພື່ອຮັບປະກັນວ່າ ອີຣ່ານ ຈະບໍ່ພັດທະນາອາວຸດນິວເຄລຍຂອງພວກເຂົາ, ແລະ ເຮັດໃຫ້ ອິສຣາແອລ ທີ່
ເປັນພັນທະມິດຂອງ ສະຫະລັດ ມີໄພອັນຕະລາຍ ໂດຍອະນຸຍາດໃຫ້ ອີຣ່ານ ໃຊ້ກອງ
ທຶນໃໝ່ ທີ່ຖືກປ່ອຍ ສະໜັບ ສະໜູນພວກກໍ່ການຮ້າຍ.
ໃນນະຄອນ Philadelphia, ທ່ານ Kerryໄດ້ກ່າວວ່າ ການຕັດສິນໃຈຂອງສະຫະລັດ
ໃນການຖອນໂຕອອກຈາກຂໍ້ຕົກລົງຈະເປັນການເຮັດໃຫ້ບໍ່ມີຄວາມໝັ້ນຄົງ.
