ລັດຖະມົນຕີຕ່າງປະເທດສະຫະລັດ ທ່ານ John Kerry
ໄດ້ໄປຮອດໝູ່ເກາະ Solomon ບ່ອນທີ່ທ່ານຈະເຂົ້າຮ່ວມ
ພິທີທີ່ລະນຶກເຖິງການຮ່ວມໄມ້ຮ່ວມມືຂອງປະເທດດັ່ງກ່າວ
ກັບກອງກຳລັງພັນທະມິດ ໃນສົງຄາມໂລກຄັ້ງທີ 2.
ຫຼັງຈາກໄດ້ເດີນທາງໄປເຖິງນະຄອນຫລວງ Honiara ເມື່ອ
ວັນພຸດມື້ນີ້ ແລ້ວ ທ່ານ Kerry ກໍໄດ້ໄປວາງພວງມາໄລຢູ່ທີ່
ອະນຸສາວະລີສຳຫລັບຊາວ Solomon ທີ່ໄດ້ໃຫ້ຄວາມຊ່ວຍ
ເຫຼືອໃນການຕໍ່ສູ້ກັບກອງກຳລັງຂອງຍີ່ປຸ່ນ.
ຢູ່ທີ່ໝູ່ເກາະ Solomon ໄດ້ມີການສູ້ລົບກັນຢ່າງໜັກໜ່ວງ
ລະຫວ່າງຍີ່ປຸ່ນ ແລະ ສະຫະລັດ ລວມທັງການສູ້ລົບທີ່ໄດ້ເຮັດໃຫ້ທ່ານ John F. Ken-
nedy ຊຶ່ງໄດ້ເປັນປະທານາທິບໍດີຕໍ່ມານັ້ນຕົກຄ້າງທີ່ເກາະຫິນປະກາລັງແຫ່ງໜຶ່ງ. ທ່ານ
Kennedy ແລະ ພວກລູກເຮືອ ຂອງເຮືອລາດຕະເວນຊຶ່ງໄດ້ຫລົ້ມຢູ່ທີ່ນັ້ນ ໄດ້ຮັບການ
ຊ່ວຍເຫລືອຈາກຊາວເກາະ Solomon ສອງຄົນ ຊຶ່ງຜູ້ສຸດທ້າຍ ໄດ້ເສຍຊີວິດ ເມື່ອຕົ້ນ
ເດືອນນີ້ຮວມ ອາຍຸໄດ້ 93 ປີ.
ທ່ານ Kerry ກ່າວວ່າ ທັງສອງປະເທດ ຍັງຄົງມີຄວາມຜູກພັນກັນ “ໃນຫຼາຍໆດ້ານ”
ແລະ ມີຄວາມເພິງພໍໃຈກັບ “ສາຍພົວພັນອັນຍິ່ງໃຫຍ່ນີ້.” ທ່ານຍັງໄດ້ສະແດງຄວາມ
ຫວັງອອກມາວ່າ ການເລືອກຕັ້ງ ຊຶ່ງຄາດວ່າຈະມີຂຶ້ນໃນທ້າຍປີນີ້ຈະຊ່ວຍ “ນຳເອົາ
ພາກສ່ວນຕ່າງໆເຂົ້າຮ່ວມກັນເພື່ອອະນາຄົດ” ສຳຫລັບປະເທດຂອງເກາະດອນ
ນ້ອຍໆແຫ່ງນີ້ ທີ່ໄດ້ປະສົບກັບຄວາມບໍ່ສະຫງົບມາຫຼາຍປີແລ້ວນັ້ນ.
ຫົວໜ້ານັກການທູດສະຫະລັດທ່ານນີ້ ໄດ້ໄປເຖິງນະຄອນຫລວງ Honiara ຈາກ
ນະຄອນ Sydney ບ່ອນທີ່ທ່ານ ແລະຫົວໜ້າທຳ ນຽບຫ້າແຈ ທ່ານ Chuck Hagel
ໄດ້ເຂົ້າຮ່ວມກອງປະຊຸມຄວາມໝັ້ນຄົງປະຈຳປີກັບບັນດາເຈົ້າໜ້າທີ່ຂອງ Australia.
ຜູ້ນຳທັງສອງ ຍັງໄດ້ເຂົ້າຮ່ວມໃນການພົບປະ ກັບຄູ່ຕຳແໜ່ງຈາກບັນດາປະເທດໃນ
ເຂດເອເຊຍຕາເວັນອອກສຽງໃຕ້ ທີ່ມຽນມານຳດ້ວຍ.
