ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

27 ຄົນ ເສຍຊີວິດ ໃນເຫດ ດິນເຈື່ອນ ຢູ່ຍີ່ປຸ່ນ (ວີດີໂອ)


ພາບທາງອາກາດ ສະແດງໃຫ້ເຫັນ ດິນເຈື່ອນ ທີ່ທັບຖົມບໍລິເວນ ໝູ່ບ້ານເຂດ Asaminami ໃນນະຄອນ Hiroshima ຢູ່ທາງຕາເວັນຕົກຂອງຍີ່ປຸ່ນ, ພາບນີ້ຖ່າຍໂດຍ Kyodo ເມື່ອວັນທີ 20 ສິງຫາ 2014.
ພາບທາງອາກາດ ສະແດງໃຫ້ເຫັນ ດິນເຈື່ອນ ທີ່ທັບຖົມບໍລິເວນ ໝູ່ບ້ານເຂດ Asaminami ໃນນະຄອນ Hiroshima ຢູ່ທາງຕາເວັນຕົກຂອງຍີ່ປຸ່ນ, ພາບນີ້ຖ່າຍໂດຍ Kyodo ເມື່ອວັນທີ 20 ສິງຫາ 2014.

ບັນດາ​ເຈົ້າໜ້າ​ທີ່​ຍີ່ປຸ່ນ ກ່າວ​ວ່າ ຢ່າງ​ນ້ອຍ​ມີ 27 ຄົນ​ເສຍ​ຊີວິດ
​ແລະ 10 ຄົນ​ຫາຍ​ສາບ​ສູນ ຫຼັງຈາກ​ດິນທີ່​ເຈື່ອນ​ລົງ​ມາ ໄດ້​ທັບ
ຖົມ​ບ້ານ​ເຮືອນຫຼາຍສິບຫລັງ ຢູ່ເຂດຊານເມືອງ ຂອງນະຄອນ
Hiroshima.

ລາຍງານຂ່າວໂທລະ​ພາບ ​ໃນວັນ​ພຸດ​ມື້​ນີ້ ​ໄດ້ສະ​ແດງ​ໃຫ້​ເຫັນ
ພວກຊາວບ້ານ ​ແລະພະນັກ​ງານ​ກູ້​ໄພ ກຳລັງຄົ້ນຫາພວກທີ່
​ລອດ​ຊີວິດມາໄດ້ຢູ່ຕາມຊາກ​ຫັກພັງ​ຂອງ​ບ້ານເຮືອນ ໃນເຂດ
ຊານ​ເມືອງ.

ນາຍົກລັດຖະມົນຕີຍີ່ປຸ່ນ ທ່ານ Shinzo Abe ​ໄດ້​ອອກ​ຄຳ​ສັ່ງ​ໃຫ້​ທະຫານຫຼາຍຮ້ອຍ​ຄົນ ​ໄປ​ຊ່ວຍ​ເຫຼືອ​ປະຕິບັດ​ງານກູ້​ໄພ ຢູ່​ບໍລິ​ເວນ​ທີ່ເກີດ​ເຫດ.

ຜູ້​ອາ​ໄສຢູ່ໃນເຂດ​ທ້ອງ​ຖິ່ນ​ ທີ່​ບໍ່​ເປີດ​ເຜີຍ​ຊື່ຄົນ​ນຶ່ງ ກ່າວ​ວ່າ ລາວ​ຕ້ອງ​ໄດ້​ຕັດສິນ​ໃຈ​ຢ່າງ​ໄວວາ ຫລົບ​ໜີ​ອອກ​ຈາກ​ເຮືອນ​ຂອງ​ລາວ ທີ່​ກຳລັງ​ຖືກ​ນ້ຳຖ້ວມຢູ່​ນັ້ນ.

ລາວ​ເວົ້າວ່າ “ຂ້ອຍຕື່ນ​ຂຶ້ນມາ​ໃນ​ຕອນ​ກາງຄືນ ​ແລະທາງຍ່າງໄປ​ຫາ​ຫ້ອງ​ຮັບ​ແຂກ​ຂອງ​ເຮືອນ​ຂ້ອຍ ​ແມ່ນ​ຖືກ​ນ້ຳຖ້ວມ​ແລ້ວ. ຂ້ອຍ​ໄດ້​ຍິນ​ສຽງ​ຂອງ​ນ້ຳທີ່​ໄຫລ​ເຂົ້າມາ ​ແລະ ​ຕໍ່​ຈາກ​ນັ້ນ ນ້ຳຈາກ​ແມ່ນ້ຳກໍ​ໄຫ​ລ​ຢ່າງແຮງເຂົ້າມາ​ໃນ​ເຮືອນ​ຂ້ອຍ ດັ່ງນັ້ນ ຂ້ອຍ​ເລີຍ​ຂຶ້ນ​ລົດ​ແລ້ວ​ຟ້າວ​ອອກ​ໄປ​ຈາກ​ເຮືອນ.”

ບໍລິ​ເວນ​ດັ່ງກ່າວ ​ມີຝົນຕົກໜັກ ປະມານ 24 ມີ​ນລີ​ແມັດພາຍ​ໃນລະຍະ 24 ຊົ່ວ​ໂມງ ຫຼື ປະ
ມານ​ເທົ່າ​ກັບນ້ຳຝົນ ທີ່​ຕົກ​ໃນລະຍະ​ນຶ່ງ​ເດືອນ ຊຶ່ງ​ໄດ້ໃຫ້ເນີນ​ພູ ​ທີ່​ປຽກຊຸ່ມຢູ່​ແລ້ວຈາກ​ພາຍຸ​ຝົນເມື່ອ​ບໍ່​ດົນ​ນີ້ ເຈື່ອນລົງມາ.

ພວກນັກ​ພະຍາກອນ​ອາກາດ ​ເຕືອນວ່າ ຄາດ​ວ່າຈະ​ມີ​ຝົນຕົກລົງມາຕື່ມ​ ແລະ​ກ່າວ​ອີກ​ວ່າ ຍັງມີ​ຄວາມ​ສ່ຽງຢູ່ຕໍ່ໄປ ທີ່ຈະເກີດ​ໄພນ້ຳຖ້ວມ ​ແລະ ດິນ​ເຈື່ອນ.

ດິນ​ເຈື່ອນ​ເປັນໄພຂົ່ມຂູ່ຢ່າງໃຫຍ່ຫລວງ ​ຕໍ່​ຍີ່ປຸ່ນ​ທີ່​ແອ​ອັດໄປດ້ວຍຜູ້ຄົນ ຊຶ່ງ​ເຮືອນ​ຊານ​ທັງຫຼາຍ ​ແມ່ນ​ສ້າງ​ຢູ່​ເທິງ ຫຼື​ ໃກ້ໆ​ກັບ​ເຈີ້ຍພູ​ທີ່ສູງ​ຊັນ.

JAPAN LANDSLIDES VOSOT
please wait

No media source currently available

0:00 0:01:01 0:00

XS
SM
MD
LG