ສະບາຍທ່ານຜູ້ຟັງທີ່ເຄົາລົບ ເນຶ່ອງໃນວາລະໂອກາດບຸນ
ປີໃໝ່ລາວນີ້ ຂ້າພະເຈົ້າ ຂໍແນະນຳໃຫ້ທ່ານໄດ້ຮູ້ຈັກກັບ
ບັນດາ ນັກການທູດ ສະຫະລັດ ທີ່ໄດ້ມາຮຽນພາສາລາວ
ຢູ່ ສະຖາບັນ ພາສາຕ່າງປະເທດ ຂອງກະຊວງການຕ່າງ
ປະເທດ ສະຫະລັດ ຫລື Foreign Service Institute
(FSI) ບັນດານັກການທູດ ເຫລົ່ານີ້ ໄດ້ຮຳ່ຮຽນພາສາລາວ
ມາໄດ້ກວ່າ 30 ອາທິດແລ້ວ ແລະອີກບໍ່ດົນ ກໍຈະໄດ້ເດີນ
ທາງໄປປະຈໍາໜ້າທີ່ ທີ່ສະຖານທູດ ສະຫະລັດ ທີ່ ນະຄອນ
ຫລວງວຽງຈັນ ໃນ ສປປ ລາວ.
ສະຖາບັນສອນພາສາຕ່າງປະເທດ ຫລື Foreign Service
Institute (FSI) ໄດ້ຕັ້ງຂື້ນ ມາໃນປີ 1947 ຫລັງຈາກ ສົງຄາມ
ໂລກຄັ້ງທີ່ສອງພາຍໃຕ້ການປົກຄອງຂອງ ກະຊວງການຕ່າງ
ປະເທດ. ພາສາລາວ ໄດ້ຖືກບັນຈຸເຂົ້າມາສິດສອນໃນປີ 1964ຈົນຕົກມາເຖິງເທົ້າປັດ
ຈຸບັນຊຶ່ງມີບັນດານັກການທູດສະຫະລັດ ສັບປ່ຽນກັນມາຮຽນ. ປັດຈຸບັນນີ້ມີຢູ່ 70 ກວ່າ
ພາສາແລະມີນັກການທູດກວ່າ 1000 ຄົນທີ່ກຳລັງຮຽນພາສາຕ່າງໆເພື່ອຕຽມໄປປະ
ຈຳໜ້າທີ່ຢູ່ ສະຖານທູດຕ່າງໆທົ່ວໂລກ.
ບັນດານັກຮຽນທີ່ມາຮຽນ ມີຮວມທັງ ເອກອັກຄະລັດຖະທູດ (Ambassador) ຮອງ
ເອກອັກຄະລັດຖະທູດ (Deputy Chief of Misson) ທູດທະຫານ (Military
Attache) ພ້ອມດ້ວຍບັນດາເຈົ້າໜ້າທີ່ ພະແນກກົງສຸນ ການເມືອງ ເສດຖະກິດ ວັດທະ
ນາທຳ ສື່ສານ ແລະອຶ່ນໆ. ບັນດານັກການທູດເຫລົ່ານີ້ ໄດ້ ໃຊ້ເວລາຮຽນມື້ນຶ່ງ ຫ້າຊົ່ວ
ໂມງ ຫ້າມື້ຕໍ່ອາທິດ ເພື່ອຮຽນປາກເວົ້າ ອ່ານ ຂຽນ ແລະຮຽນຮູ້ ຂະນົບທຳນຽມ ອາຫານ
ການກິນດິນຟ້າອາກາດ ການເມືອງ ແລະສິ່ງແວດລ້ອມຂອງ ບັນດາປະເທດ ທີ່ເຂົາເຈົ້າ
ຈະໄປປະຈຳຢູ່.
ເຂົາເຈົ້າແມ່ນ ລັດຖະກອນ ກະຊວງການຕ່າງປະເທດ ສະຫະລັດ ທີ່ເຄີຍໄດ້ໄປປະຈຳ
ການຢູ່ຫລາຍປະເທດມາກ່ອນແລ້ວ ແລະມີພື້ນຖານການສຶກສາສູງ ສາມາດປາກເວົ້າ
ໄດ້ຫລາຍພາສາ ມີພອນສະຫວັນ ຮຽນໄດ້ຢ່າງວອງໄວ ໂອ້ລົມ ອ່ານ ແລະເຂົ້າໃຈພາ
ສາລາວ ໄດ້ດີຢ່າງໜ້າສັນລະເສີນ.
ເມື່ອວັນຈັນ ທີ່ 14 ເມສາທີ່ຜ່ານມານີ້ ເນຶ່ອງໃນໂອກາດ ສະຫລອງບຸນປີໃໝ່ ປີ ມະເມຍ
ພ.ສ 2557 ຂອງສາສະໜາພຸດ ນິກາຍຫິນະຍານ ຢູ່ທີ່ ສະຖານບັນ ສອນພາສາ ຕ່າງ
ປະເທດ ແຫ່ງນີ້ໄດ້ມີການກິນລ້ຽງ ແລະສະແດງວັດທະນະທຳໂດຍ ບັນດານັກຮຽນພາ
ສາ ໃນຂົງເຂດເອເຊຍປາຊິຟິກ ທີ່ນັບຖືສາສະໜາພຸດ ນິກາຍຫິ ນະຍານ ອັນມີ ລາວ
ໄທ ກຳປູເຈຍ ແລະມຽນມາ.
ບັນດານັກຮຽນພາສາລາວ ໄດ້ສະແດງພາສີສູ່ຂວັນ ໂດຍການເປັນ ໝໍພອນ ຂອງ
ນັກການທູດຂັ້ນສູງຄົນນຶ່ງ. ທ່ານ ໄດ້ຮຽນພາສາລາວມາໄດ້ 33 ອາທິດແລ້ວ ແລະນີ້
ຄືຜົນ ງານ ຄວາມສາມາດໃນການປາກພາສາລາວ ເຂົ້າໃຈວັດທະນາທຳລາວ ບັດນີ້
ຂໍເຊີນທ່ານ ຟັງເບິ່ງດຸວ່າ ທ່ານຜູ້ນີ້ ມີຄວາມສາມາດ ປາກພາສາລາວ ໄດ້ໜ້ອຍຫລາຍ
ແລະຫລ່ຽນໄຫລພຽງໃດ?
ນັກການທູດ ສະຫະລັດ ຄົນນຶ່ງ ເປັນໝໍພອນ ໃນພິທີບາສີ ປີໃໝ່
ທ່ານນາງ Duffy ກໍແມ່ນນັກການທູດອີກຄົນນຶ່ງ ທີ່ໄດ້ມາຮຽນພາສາລາວຢ່າງຕັ້ງອົກຕັ້ງໃຈ ທ່ານນາງໄດ້ ໂອ້ລົມກັບ ວີໂອເອ ວ່າ :
ຟັງການສຳພາດ ທ່ານນາງ Duffy Winters ນັກການທູດ ສະຫະລັດ
ທ່ານ Matthew ກໍແມ່ນນັກການທູດ ສະຫະລັດ ອີກຄົນນຶ່ງ ທີ່ຈະໄປປະຈຳໜ້າທີ່ຢູ່ພະ
ແນກປະຊາສຳພັນ ແລະເກັບກຳຂໍ້ມູນ ອັນເປັນພະແນກທີ່ຈະຕ້ອງໄດ້ມີການໃຊ້ພາສາ
ລາວຫລາຍທີ່ສຸດ ໃນການສື່ສານກັບປະຊາຄົມລາວ ທ່ານ Matthew ໄດ້ໃຫ້ການສຳ
ພາດກັບ ວີໂອເອ ວ່າ :
ຟັງການສຳພາດ ທ່ານ Mathew Ference ນັກການທູດ ສະຫະລັດ
ປັດຈຸບັນນີ້ມີ ບັນດາອາຈານສອນພາສາລາວຢູ່ດ້ວຍກັນ ສີ່ຄົນ ທີ່ ສະຖາບັນ ພາສາ
ຕ່າງປະເທດ ຂອງກະຊວງການຕ່າງປະເທດ ສະຫະລັດ ເຊັນວ່າ ອາຈານດວງແກ້ວ
ໄຊຍະສິດເສນາ ອາຈານສຸຣະສີ ຄຳວົງສາ ອາຈານບຸນຜົງ ພົມທະວົງ ແລະ ຂ້າພະເຈົ້າ
ກິ່ງສະຫວັນ ປະຖັມມະວົງ.
ພາສາລາວ ໄດ້ຖືກຈັດຢູ່ໃນກຸ່ມ ພາສາທີ່ຮຽນງ່າຍ ເປັນພາສາທີ່ເວົ້ານົວຫົວມ່ວນໃຊ້ໃນ
ການປາກເວົ້າ ຢູ່ໃນຫລາຍໆລະດັບ ເພາະສະນັ້ນ ຜູ້ທີ່ເກີດໃຫຍ່ຢູ່ໃນເມືອງລາວ ຫລື
ຢູ່ນອກປະເທດ ມີເຊື້ອສາຍເປັນຄົນລາວ ສົມຄວນທີ່ຈະຮັກຫອມ ເຫັນຄວາມສຳຄັນ
ແລະຮັກສາ ພາສາລາວເຮົານີ້ເອົາໄວ້ ແລະວັນນຶ່ງຂ້າງໜ້າ ທ່ານ ຈະເຫັນຄວາມສຳຄັນ
ຂອງ ການປາກເວົ້າໄດ້ຫລາຍພາສາ.
ປີໃໝ່ລາວນີ້ ຂ້າພະເຈົ້າ ຂໍແນະນຳໃຫ້ທ່ານໄດ້ຮູ້ຈັກກັບ
ບັນດາ ນັກການທູດ ສະຫະລັດ ທີ່ໄດ້ມາຮຽນພາສາລາວ
ຢູ່ ສະຖາບັນ ພາສາຕ່າງປະເທດ ຂອງກະຊວງການຕ່າງ
ປະເທດ ສະຫະລັດ ຫລື Foreign Service Institute
(FSI) ບັນດານັກການທູດ ເຫລົ່ານີ້ ໄດ້ຮຳ່ຮຽນພາສາລາວ
ມາໄດ້ກວ່າ 30 ອາທິດແລ້ວ ແລະອີກບໍ່ດົນ ກໍຈະໄດ້ເດີນ
ທາງໄປປະຈໍາໜ້າທີ່ ທີ່ສະຖານທູດ ສະຫະລັດ ທີ່ ນະຄອນ
ຫລວງວຽງຈັນ ໃນ ສປປ ລາວ.
ສະຖາບັນສອນພາສາຕ່າງປະເທດ ຫລື Foreign Service
Institute (FSI) ໄດ້ຕັ້ງຂື້ນ ມາໃນປີ 1947 ຫລັງຈາກ ສົງຄາມ
ໂລກຄັ້ງທີ່ສອງພາຍໃຕ້ການປົກຄອງຂອງ ກະຊວງການຕ່າງ
ປະເທດ. ພາສາລາວ ໄດ້ຖືກບັນຈຸເຂົ້າມາສິດສອນໃນປີ 1964ຈົນຕົກມາເຖິງເທົ້າປັດ
ຈຸບັນຊຶ່ງມີບັນດານັກການທູດສະຫະລັດ ສັບປ່ຽນກັນມາຮຽນ. ປັດຈຸບັນນີ້ມີຢູ່ 70 ກວ່າ
ພາສາແລະມີນັກການທູດກວ່າ 1000 ຄົນທີ່ກຳລັງຮຽນພາສາຕ່າງໆເພື່ອຕຽມໄປປະ
ຈຳໜ້າທີ່ຢູ່ ສະຖານທູດຕ່າງໆທົ່ວໂລກ.
ບັນດານັກຮຽນທີ່ມາຮຽນ ມີຮວມທັງ ເອກອັກຄະລັດຖະທູດ (Ambassador) ຮອງ
ເອກອັກຄະລັດຖະທູດ (Deputy Chief of Misson) ທູດທະຫານ (Military
Attache) ພ້ອມດ້ວຍບັນດາເຈົ້າໜ້າທີ່ ພະແນກກົງສຸນ ການເມືອງ ເສດຖະກິດ ວັດທະ
ນາທຳ ສື່ສານ ແລະອຶ່ນໆ. ບັນດານັກການທູດເຫລົ່ານີ້ ໄດ້ ໃຊ້ເວລາຮຽນມື້ນຶ່ງ ຫ້າຊົ່ວ
ໂມງ ຫ້າມື້ຕໍ່ອາທິດ ເພື່ອຮຽນປາກເວົ້າ ອ່ານ ຂຽນ ແລະຮຽນຮູ້ ຂະນົບທຳນຽມ ອາຫານ
ການກິນດິນຟ້າອາກາດ ການເມືອງ ແລະສິ່ງແວດລ້ອມຂອງ ບັນດາປະເທດ ທີ່ເຂົາເຈົ້າ
ຈະໄປປະຈຳຢູ່.
ເຂົາເຈົ້າແມ່ນ ລັດຖະກອນ ກະຊວງການຕ່າງປະເທດ ສະຫະລັດ ທີ່ເຄີຍໄດ້ໄປປະຈຳ
ການຢູ່ຫລາຍປະເທດມາກ່ອນແລ້ວ ແລະມີພື້ນຖານການສຶກສາສູງ ສາມາດປາກເວົ້າ
ໄດ້ຫລາຍພາສາ ມີພອນສະຫວັນ ຮຽນໄດ້ຢ່າງວອງໄວ ໂອ້ລົມ ອ່ານ ແລະເຂົ້າໃຈພາ
ສາລາວ ໄດ້ດີຢ່າງໜ້າສັນລະເສີນ.
ເມື່ອວັນຈັນ ທີ່ 14 ເມສາທີ່ຜ່ານມານີ້ ເນຶ່ອງໃນໂອກາດ ສະຫລອງບຸນປີໃໝ່ ປີ ມະເມຍ
ພ.ສ 2557 ຂອງສາສະໜາພຸດ ນິກາຍຫິນະຍານ ຢູ່ທີ່ ສະຖານບັນ ສອນພາສາ ຕ່າງ
ປະເທດ ແຫ່ງນີ້ໄດ້ມີການກິນລ້ຽງ ແລະສະແດງວັດທະນະທຳໂດຍ ບັນດານັກຮຽນພາ
ສາ ໃນຂົງເຂດເອເຊຍປາຊິຟິກ ທີ່ນັບຖືສາສະໜາພຸດ ນິກາຍຫິ ນະຍານ ອັນມີ ລາວ
ໄທ ກຳປູເຈຍ ແລະມຽນມາ.
ບັນດານັກຮຽນພາສາລາວ ໄດ້ສະແດງພາສີສູ່ຂວັນ ໂດຍການເປັນ ໝໍພອນ ຂອງ
ນັກການທູດຂັ້ນສູງຄົນນຶ່ງ. ທ່ານ ໄດ້ຮຽນພາສາລາວມາໄດ້ 33 ອາທິດແລ້ວ ແລະນີ້
ຄືຜົນ ງານ ຄວາມສາມາດໃນການປາກພາສາລາວ ເຂົ້າໃຈວັດທະນາທຳລາວ ບັດນີ້
ຂໍເຊີນທ່ານ ຟັງເບິ່ງດຸວ່າ ທ່ານຜູ້ນີ້ ມີຄວາມສາມາດ ປາກພາສາລາວ ໄດ້ໜ້ອຍຫລາຍ
ແລະຫລ່ຽນໄຫລພຽງໃດ?
ທ່ານນາງ Duffy ກໍແມ່ນນັກການທູດອີກຄົນນຶ່ງ ທີ່ໄດ້ມາຮຽນພາສາລາວຢ່າງຕັ້ງອົກຕັ້ງໃຈ ທ່ານນາງໄດ້ ໂອ້ລົມກັບ ວີໂອເອ ວ່າ :
ທ່ານ Matthew ກໍແມ່ນນັກການທູດ ສະຫະລັດ ອີກຄົນນຶ່ງ ທີ່ຈະໄປປະຈຳໜ້າທີ່ຢູ່ພະ
ແນກປະຊາສຳພັນ ແລະເກັບກຳຂໍ້ມູນ ອັນເປັນພະແນກທີ່ຈະຕ້ອງໄດ້ມີການໃຊ້ພາສາ
ລາວຫລາຍທີ່ສຸດ ໃນການສື່ສານກັບປະຊາຄົມລາວ ທ່ານ Matthew ໄດ້ໃຫ້ການສຳ
ພາດກັບ ວີໂອເອ ວ່າ :
ປັດຈຸບັນນີ້ມີ ບັນດາອາຈານສອນພາສາລາວຢູ່ດ້ວຍກັນ ສີ່ຄົນ ທີ່ ສະຖາບັນ ພາສາ
ຕ່າງປະເທດ ຂອງກະຊວງການຕ່າງປະເທດ ສະຫະລັດ ເຊັນວ່າ ອາຈານດວງແກ້ວ
ໄຊຍະສິດເສນາ ອາຈານສຸຣະສີ ຄຳວົງສາ ອາຈານບຸນຜົງ ພົມທະວົງ ແລະ ຂ້າພະເຈົ້າ
ກິ່ງສະຫວັນ ປະຖັມມະວົງ.
ພາສາລາວ ໄດ້ຖືກຈັດຢູ່ໃນກຸ່ມ ພາສາທີ່ຮຽນງ່າຍ ເປັນພາສາທີ່ເວົ້ານົວຫົວມ່ວນໃຊ້ໃນ
ການປາກເວົ້າ ຢູ່ໃນຫລາຍໆລະດັບ ເພາະສະນັ້ນ ຜູ້ທີ່ເກີດໃຫຍ່ຢູ່ໃນເມືອງລາວ ຫລື
ຢູ່ນອກປະເທດ ມີເຊື້ອສາຍເປັນຄົນລາວ ສົມຄວນທີ່ຈະຮັກຫອມ ເຫັນຄວາມສຳຄັນ
ແລະຮັກສາ ພາສາລາວເຮົານີ້ເອົາໄວ້ ແລະວັນນຶ່ງຂ້າງໜ້າ ທ່ານ ຈະເຫັນຄວາມສຳຄັນ
ຂອງ ການປາກເວົ້າໄດ້ຫລາຍພາສາ.
