ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສຳພາດ ທ່ານນາງ Kate Vilaychack Rizzo ຜູ້ຄວບຄຸມ ບໍລິສັດຜະລິດ ຢາປົວໂຣກຫົວໃຈ


ທ່ານນາງ Kate Vilaychack Rizzo ນັກເຄມີສາດ ແລະຫົວໜ້າ ບໍລິສັດ Zensun ພະລິດຢາປົວໂລກຫົວໃຈ
ທ່ານນາງ Kate Vilaychack Rizzo ນັກເຄມີສາດ ແລະຫົວໜ້າ ບໍລິສັດ Zensun ພະລິດຢາປົວໂລກຫົວໃຈ
ໃນລາຍການ​ຊີວິດ​ຊາວ​ລາວ ​ ​ແລງ​ວັນ​ພະຫັດ​ມື້​ນີ້ ​ເຮົາ​ຈະ​ນຳ
ເອົາ​ການ​ສຳ​ພາດກັບ ທ່ານ​ນາງ Kate Vilaychack Rizzo
ນັກ​ບໍລິຫານ ຄວບ​ຄຸມ​ຄຸນ​ນະພາ​ບ ເພ​ຊັດ​ສະ​ກຳຂອງ​ບໍລິ​ສັດ
Zensun​. ​ກ່ອນ​ໜ້າ​ນັ້ນ Kate ໄດ້​ປະກອບ​ວິຊາອາຊີບນີ້​ ກັບ
​ບໍລິສັດ​ອຶ່ນໆ​ມາແລ້ວເປັນ​ເວລາ 15 ປີ​. Kate ​ເປັນສະ​ຕີ​ລາວ
ອາ​ເມຣິກັນ ທີ່​ສະຫລຽວ​ສະຫລາດ ໜ້າ​ສັນລະ​ເສີນ ມີໜ້າ​ທີ່​
ຮັບຜິດຊອບສູງອັນ​ສຳຄັນ. ​

ນາງໄດ້ວາງ​ບົດບາດ​ການຄົ້ນ​ຄວ້າ​ ທົດ​ລອງຢາ​ປົວ​ພະຍາດ
ໃຫ້ໄດ້​ຄຸນ​ນະພາ​ບ ​ແລະ​ຖືກຕ້ອງ​ຕາມ​ກົດໝາຍຢ່າງ​ເຄັ່ງ​ຄັດ
ກ່ອນ​ທີ່​ຈະ​ນຳ​ອອກ​ຈຳໜ່າຍ​. Kate ​ແລະ​ຄອບຄົວ ​ໄດ້ເຂົ້າ
ມາຕັ້ງ​ຖິ່ນ​ຖານຢູ່​ໃນ ສະຫະລັດ ​ໃນ​ປີ 1980 ເປັນ​ລູກ​ສາວ​
ຂອງອະດີດ ​ນາຍທະຫານ ຂອງພະລາ​ຊະ​ອານາ​ຈັກ​ລາວ.

Kate ມີເອື້ອຍ​ນ້ອງ​ຮ່ວມ​ກັນ​ຫົກ​ຄົນ ​ແລະແຕ່ລະຄົນ ກໍ​ໄດ້ປະສົບ​ຜົນສຳ​ເລັດ​ດ້ານ​ການສຶຶກສາ​
ຂັ້ນ ປະລິນຍາ​ໂທ ຝ່າ​ຍເຄມີ ແລະ​ຝ່າ​ຍການ​ເງິນ ຊຶ່ງ​ກິ່ງສະຫວັນ ຈະ​ນຳ​ເອົາ​ລາຍ​ລະ
ອຽດມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.

ສະບາຍດີ ທ່ານ​ຜູ້​ຟັງ​ທີ່​ເຄົາລົບ ​ໃນລາຍການ​ຊີວິດ​ຊາວ​ລາວ ມື້​ນີ້ ຂ້າພະ​ເຈົ້າ ຈະ​ໃຫ້​
ທ່ານ​ໄດ້ພົບ​ກັບ ທ່ານ​ນາງ Kate Vilaychack Rizzo ເພ​ຊັດ​ສະ​ກອນ ຫລື​ນັກ​ກວດກາ
ການຜະລິດ​ຢາປົວ​ພະຍາດ ​ໂ​ດຍສະ​ເພາະ ​ແມ່ນ​ຢາປົວ​ໂຣກ​ຫົວ​ໃຈ. Kate ເປັນລູກ​
ລາວ ຫລານລາວ ​ເກີດ​ຢູ່ເມືອງ​ປາກ​ເຊ ​ເປັນ​ລູກສາວ​ຜູ້​ທີສາມ ມີເອື້ອຍ​ນ້ອງນຳ​ກັນ​ຫົກ​
ຄົນ ຂອງ​ ທ່ານສີ​ຫູ​ນ ​ແລະ​ຍາ​ນາງ ບຸນ​ຊູ ວິ​ໄລ​ຈັກ. ​ໃນ​ປີ 1980 ທ່ານ ສີ​ຫູ​ນ ​ອະ​ດີດຮ້ອຍ​
ເອກ​ ທະ​ຫານ ກອງທັບ​ແຫ່ງ ພະ​ລາ​ຊະ​ອາ ນາຈັກ​ລາວ ໄດ້​ຖືກ​ສົ່ງໄປ​ສຳ​ມະ​ນາ. ​ເວລາ​
ນັ້ນ Kate ອາຍຸ​ໄດ້ 11 ປີ ​ໄດ້​ເດີນທາງ​ເຂົ້າ​ມາ​ຕັ້ງ​ຖິ່ນ​ຖານ​ໃໝ່ພ້ອມດ້ວ​ຍ​ແມ່ ​ແລະ​ເອື້ອຍ
​ນ້ອງ ​ ຢູ່ ນະຄອນ Chicago ລັດ Illinoise ພາກ​ກາງຂອງ ສະຫະລັດ.

ການ​ເຂົ້າ​ມາ​ຕັ້ງ​ຊີວິດ​ໃໝ່ຢູ່​ໃນປະ​ເທດ​ທີສາມ ​ໄດ້ເປັນ​ບາດກ້າວອັນ​ສຳຄັນ ອັນທຳ​ອິດ
ຂອງ​ຊາວອົບ​ພະ​ຍົບທຸກຄົນ​ ແລະເປັນ​ຊ່ວງ​ເວລາທົດສອບ​ ການປັບ​ໂຕ​ໃຫ້​ເຂົ້າ​ກັບ
​ສະພາບ​ແວດ​ລ້ອມ​ໃໝ່ ທີ່ຈະ​ນຳພາ​ຊີວິດ​ໄປ​ສູ່​ອະນາ​ຄົດອັນ​ແຈ່ມ​ໃສ. ​ກ່າວໂດຍ​ສະ​
ເພາະ ​ສຳລັບ​ສະມາຊິກ​ຄອບຄົວ​ ວິ​ໄລ​ຈັກ​ ແລ້ວ ແຕ່ລະ​ຄົນໄດ້​ພາກັນຕັ້ງເປົ້າ​ໜາຍ​ອັນ
ແນ່​ວ​ແນ່​ໄວ້ຄື ຕ້ອງ​ໃຫ້​ປະສົບ​ຜົນສຳ​ເລັດທາງ​ດ້ານການ​ສຶກສາທຸກໆ​ຄົນ. ​

ທ່ານ​ນາງ Kate Vilaychack Rizzo ​ຈົບ​ປະລິນຍາຕີ ຝ່າຍ​ເຄມີ​ສາດ ຫລື Chemistry
​ຈາກ​ມະຫາວິທະຍາ​ໄລ Illinois ທີ່ ເມືອງ Chicago​. ​ປັດ​ຈຸ​ບັນ​ນີ້ ກຳລັງ​ຈະ​ສຳ​ເລັດ
ປະລິນ​ຍາ​ໂທ ​ຝ່າ​ຍ​ເຄມີ​ສາດ. Kate ໄດ້​ປະກາສະ​ນິຍະ​ບັດ Regulatory Affairs
Certification ຈາກ​ມະຫາວິທະຍາ​ໄລ San Diego State University ​ຊຶ່ງ​ໄດ້ຮັບ
​ອະນຸຍາດ ​ແລະ​ຖືກຮັບຮອງ​ວິດ​ທະ​ຍະຖາ​ນະ ​ໂດຍຄະນະ​ກຳມະການກວດກາຢາ Pharmacy ​ໃນທົ່ວ ສະຫະລັດ.

Pharmaceutical ​ແລະ medical device industries ​ຫລື ​ເພ​ຊັດ​ສະ​ກຳ ແລະອຸດສາ
ຫະກຳເຄື່ອງມື​ການ​ແພດ ເພື່ອຄຳ້ປະ​ກັນ​ຄຸນ​ນະພາ​ບ ​ແລະ​ລະບຽບ​ການ ທີ່​ມີ​ກົດໝາຍ
​ຄວບ​ຄຸມ ​ແລະ​ບັງຄັບ​ຢ່າງ​ເຄັ່ງ​ຄັດນີ້​ ແມ່ນວິຊາ​ອາຊີບ ຂອງ Kate ວິ​ໄລ​ຈັກ ໃນ​ທຸກ​ມື້​ນີ້.
ນາງ ​ຫາ​ກໍໄດ້​ເລີ້ມ​ເຮັດ​ວຽກ​ກັບ ບໍລິສັດ Zensun USA. Inc ໃນ ປີ 2014 ນີ້​ເອງ ​ແຕ່
ເຄີຍໄດ້​ມີ​ປະສົບ​ການ​ ​ຈາກບໍລິສັດ​ຄົ້ນຄວ້າ ​ເພ​ຊັດ​ສະກຳ ແລະ​ອຸບປະກອນ​ການ​ແພດ ເພື່ອ
​ຄຳ້ປະ​ກັນ​ຄຸນ​ນະພາ​ບ ​ແລະ​ລະບຽບ​ການ ທັງ​ພາຍໃນ ສະຫະລັດ ​ແລະ​ຈີນ​ມາ​ກ່ອນແລ້ວ
15 ປີ. ປັດຈຸບັນ​ນີ້ Kate ​ເປັນ​ຫົວໜ້າ​ຫ້ອງການ​ບໍລິຫານ ​ເພ​ຊັດສະ​ກຳ ຢູ່​ທົ່ວ​ໂລກ ​ແລະ
​ຕ້ອງ​ໄດ້​ເດີນທາງ​ໄປກວດກາ​ຢູ່ ຫລາຍໆ​ປະ​ເທດ​ເປັນ​ປະຈຳ ​ເພື່ອ​ກວດ ​ແລະທົດ​ສອບ
ຢາ​ປົວ​ໂລກ​ຫົວ​ໃຈ ທີ່ຜະລິດ​ອອກໃໝ່ໆ ກ່ອນ​ຈະນຳ​ອອກ​ຈຳ​ໜ່າຍ. ທ່ານ​ນາງ Kate ​ໄດ້
ເລົ່າ​ຊີວິດເບື້ອງຕົ້ນຂອງ​ການ​ຕັ້ງ​ຊີວິດ​ໃໝ່ ທີ່​ນຳພາ​ນາງ​ມາສູ່​ຜົນສຳ​ເລັດ​ຕໍ່ ວີ​ໂອ​ເອ ​ວ່າ :
ລິງໂດຍກົງ

Kate ​ເປັນສຸພາບ​ສະຕີ ທີ່ສະຫລຽວ​ສະຫລາດ ​ແລະມີ​ຄວາມ​ຮັບ​ຜິດ​ຊອບສູງ ດ່ັງທີ່​ຜູ້
ກ່ຽວໄດ້​ເລົ່າ​ສູ່ ວີ​ໂອ​ເອ ຟັງເຖິງ​ການເດີນທາງໄປປະຕິບັດ​ໜ້າ​ທີ່ຢູ່​ຫລາຍ​ປະ​ເທດ​ວ່າ:
ລິງໂດຍກົງ

​ເຊັນ​ດຽວ​ກັນ​ກັບຢູ່​ໃນຫລາຍໆ​ຄອບຄົວ ບາງ​ຄັ້ງ​ບາງ​ຄາວ​ຜູ້​ເປັນ​ເອື້ອຍໆ ຫລື​ອ້າຍໆ​ ກໍ
​ຈະພາກັນ​ເປັນ​ໂຕ​ຢ່າງ​ທີ່​ດີ​ໃຫ້​ແກ່​ພວກ​ນ້ອງໆ​ໄດ້​ກະທຳ​ຕາມ ໂດຍ​ສະ​ເພາະ​ແມ່ນ​ທາງ
​ດ້ານ​ການ​ສຶກສາ ​ຊຶ່ງ​ພໍ່ ​ແລະ​ແມ່​ບໍ່​ໄດ້​ກຳກັບ ບອກສອນຍາກ. Kate ​ໄດ້​ແບ່ງປັນ​ຄວາມ
​ຮູ້ສຶກດ່ັງກ່າວຕໍ່ ວີ​ໂອ​ເອ ​ອີກ​ວ່າ :
ລິງໂດຍກົງ

ຄອບຄົວ ວິ​ໄລ​ຈັກ ​ເປັນ​ຄອບຄົວ ລາວ-ອາ​ເມຣິກັນ ​ທີ່​ໜ້າ​ພາກພູມ​ໃຈ ​ແລະ​ໜ້າສັນລະ​
ເສີນຢ່າງ​ສຸດ​ໃຈ​ ຕໍ່ຜົນສຳ​ເລັດດັ່ງກ່າວ. ​ຂ້າພະ​ເຈົ້າ ​ເຊື່ອຢ່າງແທ້​ຈິງວ່າ ປັດຈຸບັນ ກໍມີ​
ສະມາຊິກຄອບຄົວ ລາວ-ອາ​ເມຣິກັນ ອີກຢ່າງ​ຫລວງຫລາຍ ທີ່ກຳລັງວາງ​ບົດບາດອັນ
ສຳຄັນ ເປັນ​ປຶກ​ແຜ່ນ​ແໜ້ນໜາ ພາກັນ​ໃຊ້​ສະຕິ​ປັນຍາ ຄວາມ​ສາມາດ​ໃນ​ຫລາຍໆ​ດ້ານ
ສ້າງສາປະຊາ​ຄົມ ອາ​ເມຣິກາ ​ໃຫ້​ເປັນ​ປະ​ເທດ​ທີ່​ເຂັ້ມ​ແຂງ ​ເຊັ່ນ​ດຽວ​ກັນ​ກັບ​ຄອບ​ວິ​ໄລ​ຈັກ​ນີ້​ຢູ່.
XS
SM
MD
LG