ທ່ານຜູ້ຟັງທີ່ເຄົາລົບ ລາຍການຊີວິດລາວ ໃນແລງວັນພະຫັດ
ມື້ນີ້ ເຮົາຈະນຳເອົາການສຳພາດ ທ່ານຫີນສົມໃຈ ຜຸຍບັນດິດ
ມາສະເໜີທ່ານ. ທ່ານຫີນສົມໃຈ ແມ່ນນັກວິສະວະກອນ ຫລື
Mechanical Engineer ປັດຈຸບັນນີ້ເຮັດວຽກໃຫ້ແກ່ ບໍລິສັດ
General Electric ຫລືຮູ້ກັນອີກວ່າ GE ຊຶ່ງເປັນບໍລິສັດ ຜະ
ລິດດອກໄຟຟ້າມາຕັ້ງແຕ່ປີ 1892 ແລະໄດ້ຂະຫຍາຍການຜະ
ລິດເຄື່ອງໃຊ້ຕ່າງໆອອກມາສູ່ຕະຫລາດໂລກຢ່າງຫລວງຫລາຍ.
ທ່ານຫິນສົມໃຈ ແມ່ນນັກວິຊະວະກອນ ຄົນນຶ່ງທີ່ມີສ່ວນປະກອບ
ໃນການອອກແບບ ເຄື່ອງຈັກສ່ອງໄຟຟ້າ.ຄວາມເປັນມາຂອງ ທ່ານຫີນສົມໃຈ ເປັນມາຢ່າງ
ໃດນັ້ນ ກິ່ງສະຫວັນ ຈະນຳເລື້ອງນີ້ມາສະເນີທ່ານ ໃນອັນດັບຕໍ່ໄປ.
ສະບາຍດີ ທ່ານຜູ້ຟັງທີເຄົາລົບ ພົບກັນອີກຕາມເຄີຍກັບລາຍການ ຊີວິດຊາວລາວ ມື້ນີ້ຂ້າ
ພະເຈົ້າຂໍແນະນຳໃຫ້ທ່ານໄດ້ຮູ້ຈັກກັບ ທ່ານຫີນສົມໃຈ ຜຸຍບັນດິດ ນັກວິສະວະກອນ ເຊື້ອ
ສາຍລາວ ທີ່ໄດ້ມາເຕີບໃຫຍ່ຢູ່ໃນ ສະຫະລັດ ປັດຈຸບັນນີ້ຕັ້ງຖິ່ນຖານພ້ອມຄອບຄົວຢູ່
ເມືອງ Waukesha ລັດ Wisconsin ທາງເໜືອຕອນກາງ ຂອງ ສະຫະລັດ. ລັດ Wis-
consin ເປັນລັດທີ 23 ແລະເປັນລັດທີ່ມີປະຊາກອນຢູ່ຫລາຍອັນດັບ 20 ຂອງສະຫະລັດ.
ຊາຍແດນຂອງ ລັດ Wisconsin ຕິດກັບແມ່ນໍ້າ ໃຫຍ່ຊື່ວ່າ Montreal River, Lake
Michigan ແລະ Lake Superior. ເມືອງຫລວງຂອງລັດ Wisconsin ແມ່ນນະຄອນ
Madison.
ລັດ Wisconsin ນີ້ເປັນທີ່ຮູ້ກັນດີວ່າ ເປັນບ່ອນ “ຜະລິດນໍ້າ ນົມຂອງ ສະຫະລັດ” ເພາະ
ວ່າ ເປັນລັດທີ່ນຳພາອຸດສາຫະກຳລ້ຽງງົວ ຜະລິດເນີຍ ນໍ້າ ນົມ ເຄື່ອງໃຊ້ທີ່ທຳດ້ວຍເຈັ້ຍ
ເທັກໂນໂລຈີດ້ານຂ່າວສານ ຫລື Information Technology ແລະການທ່ອງທ່ຽວ ທີ່ນຳ
ລາຍໄດ້ເຂົ້າສູ່ເສດຖະກິດຂອງລັດ. ນອກຈາກນັ້ນອີກແລ້ວ ຍັງເປັນລັດທີ່ສວຍງາມ ໂດຍ
ສະເພາະ ລະດູໃບໄມ້ຫລົ່ນ ທີ່ມີການໂຮ່ເນື້ອ ລ່າກວງກັນຢ່າງຄຶກຄື້ນ. ເປັນລັດທີ່ມີຊາວ
ເຢຍລະມັນ ມາຕັ້ງຊີວິດຢູ່ຫລາຍໃນເບື້ອງຕົ້ນ. ກ່ອນຊາວຢູໂຣບພາກັນຍັບຍ້າຍມາທາງ
ທິດຕາເວັນຕົກ ແລະບຸກເບີກພື້ນທີໃໝ່ນັ້ນ ລັດ Wisconsin ເປັນຖິ່ນເກົ່າຊອງຊາວອິນ
ເດຍແດງທີ່ເອີ້ນວ່າ native Americans ຫລືຊາວອາເມຣິກັນພື້ນເມືອງ ເພາະສະນັ້ນ
ເມືອງນີ້ຈຶ່ງມີຊື່ພາສາອິນເດບແດງວ່າ ເມືອງ Waukesha. ທ່ານຫີນສົມໃຈ ຕັ້ງຄອບຄົວ
ແລະປະກອບອາຊີບຢູ່ທີ່ນີ້ ພ້ອມດ້ວປະຊາກອນລາວ-ອາເມຣິກັນ ປະມານ 30 ຄອບຄົວ.
ໃນເຂດເມືອງ Waukesha ນີ້ ມີວັດພຸດທະສາສະໜາແຫ່ງນຶ່ງຊື່ວ່າ ວັດພຸດທະຮັກສາ
ທ່ານຫີນສົມໃຈ ເປັນນັກຊິວະກອນ ຫລື Mechanical Engineering ເຮັດວຽກໃຫ້ແກ່
ບໍລິສັດ General Electric ຫລືຮູ້ກັນໃນຊື່ຫຍໍ້ວ່າ GE. ແຕ່ກ່ອນອື່ນ ເຮົາມາຮຽນຮູ້ ແລະ
ທຳຄວາມເຂົ້າໃຈວ່າ ບໍລິສັດ GE ນີ້ເຂົາເຈົ້າ ຜະລິດຄິດສ້າງຫຍັງກັນ ແລະຕັ້ງຂື້ນມາດົນ
ປານໃດແລ້ວ. ບໍລິສັດ General Electric ຮູ້ກັນອີກວ່າ GE ແມ່ນຮວມຢູ່ໃນບໍລິສັດ
ໃຫຍ່ໆ ມີຊື່ສຽງຂອງ ສະຫະລັດ ແລະມີສາຂາຢູ່ທົ່ວໂລກ. ບໍລິສັດ GE ລິເລີ້ມດ້ວຍການ
ພະລິດດອກໄຟຟ້າ ຕັ້ງຂື້ນມາແຕ່ປີ 1892. ໃນລະຍະຮ້ອຍປາຍປີທີ່ຜ່ານມາ ບໍລິສັດ GE
ໄດ້ຂະຫຍາຍຈາກການຜະລິດດອກໄຟຟ້າ ໄປສູ່ການຜະລິດເຄື່ອງອຸບປະກອນເທັກໂນໂລ
ຈີຕ່າງໆຂອງ ສັດຕະວັດທີ່ 21 ແລະໄດ້ຂະຫຍາຍອອກໄປຢູ່ຫລາຍຂະແໜງ ເຊັນວ່າຜະ
ລິດເຄື່ອງໃຊ້ດ້ວຍ ພະລັງໄຟຟ້າພາຍໃນເຮືອນຊານ ໂຮງການບໍລິສັດການຄ້າອຸດສາຫະ
ກຳ ການນຳໃຊ້ພະລັງງານ ຈາກນ້ຳມັນ ແກັສ ນ້ຳ ຊີ້ນສ່ວນຂອງອາວຸດຍຸດໂທປະກອນ
ການແພດ ແລະອື່ນໆ. ເພາະສະນັ້ນ ບໍລິສັດ GE ຈຶ່ງຢູ່ໃນບັນດາບໍລິສັດອຸດສາຫະກຳຍັກ
ໃຫຍ່ ຂອງ ສະຫະລັດ ທີມີສິນຄ້າ ສາຂາຢູ່ ທົ່ວປະເທດ ແລະທົ່ວໂລກ ແລະມີຜົນກຳໄລ
ໃນປີ 2013 ຫລາຍກວ່າ 146 ພັນລ້ານໂດລາ. ປັດຈຸບັນນີ້ ບໍລິສັດ GE ມີພະນັກງານຢູ່
ສາມແສນກວ່າ ຄົນ ແລະໃນນັ້ນມີ ຄົນລາວ-ອາເມຣິກັນ ຄົນນຶ່ງທີ່ເຮັດວຽກເປັນນັກວິຊະ
ວະກອນ ຊຶ່ງເປັນຜູ້ນຶ່ງໄດ້ປະກອບພາກສ່ວນອອກແບບ ຜະລິດປັບປຸງເຄຶ່ອງສ່ອງໄຟຟ້າ
ໃຊ້ປີ່ນປົວທາງການແພດ.
ທ່ານຫີນສົມໃຈ ໄດ້ເຂົ້າມາສະຫະລັດ ໃນປີ 1976 ເວລານັ້ນມີອາຍຸ 16 ປີ ແລ້ວ ສາມາດ
ປາກເວົ້າພາສາລາວໄດ້ຫລ່ຽນໄຫລ. ທ່ານຫີນສົມໃຈ ໄດ້ເຮັດວຽກກັບ ບໍລິສັດ GE ມາໄດ້
26 ປີ ແລະທ່ານໄດ້ ເລົ່າຊີວິດຄວາມເປັນມາ ວີໂອເອ ຟັງວ່າເປັນຫຍັງທ່ານຈຶ່ງໄດ້ກາຍ
ມາເປັນ ນັກວິຊະວະກອນ :
ທ່ານຫີນສົມໃຈ ໄດ້ແຕ່ງງານກັບ ຍານາງວຽງ ຜຸຍບັນດິດ ອາຊີບນາງໝໍ ມີລູກຊາຍນຶ່ງຄົນແລະ ລູກສາວສອງຄົນ. ທ່ານໄດ້ເລົ່າມ້ວນທ້າຍ ກ່ຽວກັບຊີວິດຄອບຄົວວ່າ :
ຄວບຄົວທ່ານຫີນສົມໃຈ ຜຸຍບັນດິດ ເປັນຄອບຄົວນຶ່ງທີ່ໜ້າສັນລະເສີນ ປະສົບຜົນສຳ
ເລັດດ້ານການສຶກສາ ທັງຄູ່ຜົວເມຍ ພ້ອມດ້ວຍບັນດາລູກເຕົ້າ ທີ່ກຳລັງດຳເນີນຕາມຮອຍ
ຂອງພໍ່ແມ່ ໄປສູ່ອານາຄົດອັນແຈ່ມໄສ.
ໃນວັນພະຫັດໜ້າ ຂ້າພະເຈົ້າ ຈະນຳເອົາຊີວິດຊາວລາວ ໃນຫົວຂໍ້ເລື້ອງໃໝ່ມາສະເໜີ
ທ່ານ ໂປດຕິດຕາມຟັງ
